شاركت الممثلة السورية سلاف فواخرجي المتابعين عبر صفحتها الخاصة على موقع التواصل الإجتماعي مقطع فيديو لمشهد محذوف من مسلسلها “كليوبترا”
الذي عرض منذ 10 سنوات، مشيرةً إلى أن مخرج العمل قرر عدم إستعمال المشهد بسبب خروج الأسد الذي يظهر معها عن طوره وتحطيمه للديكور، وأنها نجت من الموت حينها.وعلّقت قائلةً:”هاد المشهد بمسلسل كليوباترا ، لم يعرض عالشاشة ضمن المسلسل ، لأنه ما اكتمل واكتفى المخرج وائل رمضان بهي اللقطة بشارة البداية … بسبب انو الأسد اللي كنت أنا وياه والمصور فقط بالقاعة لحالنا ، طلع عن طوره تماما ولما حرك راسه بآخر اللقطة هي كانت البداية لتحطيمه كل الديكور بالكامل واللي رجعنا بنيناه من جديد”.
وأضافت:”راكان حموده المصور لحق حاله وهرب واخد الكاميرا معه …وبقيت انا … الحمدلله ماصرلي شي وليكني هلأ موجودة وعم اكتب”.وتابعت:”بس من أنا وطفلة … بحس انو عندي قوى خارقة معينة بناء على تجارب وأدلة مو بس حكي … ويمكن كمان لأني بحب الحيوانات كتير فبحس اني قادرة افهم عليهم …وياما حكيت معهم بلغتهم … باحلامي”.وأكملت:”تعاملت مع معظم الحيوانات الاليفة بطبيعة الحالوتعاملت مع أسود ونمور وتمساح وأفعى اللي الي معها قصة تذكر كمان …يمكن تهور متل ماقلي مشرف الصوت حمزه الشعار ، انو في خيط رفيع جدا بين الشجاعة والتهور …وهاد … تهور … !!!يمكن معه حق”.وختمت بالقول:”بس وقتها نسيت احكيله عن قوايي الخارقة وانا وصغيرة … وأحد الأدلة هو مثلا هو هاد المشهد”.
الفن