الشمس عم تدخل ببرج العقرب المائي شهر كامل وكل عام ومواليد العقرب بألف خير والشمس هون رح تعلن بداية حظوظ كبيرة وانفراجات وتحسن عند العقرب وباقي الابراج المائية السرطان والحوت وخاصة انو كتير كانو تعبانين آخر فترة..
طبعا شمس العقرب بتخلينا نفكر اكتر بحكمة ونهدي الأمور ونحل المشاكل ونحسم علاقاتنا اما ننهي او نكمل ، وبتزيد العمق بالعاطفة والعلاقات وبتمنع العلاقات السطحية ،
بتقوي المحاسبة والتشكيك والغيرة هالفترة وبتخلينا مانسامح كتير على اي غلط ، بالاضافة انها بتزيد نسبة الجراحات والعمليات بهي الفترة ، وبكون في تعاملات مالية وقصص مشتركة عم تتصفى ، وبزيد التفكير بالموت والامور الجنسية والقصص يلي بتعبر عن الماورائيات والروحانيات ، وبتقوي الحدس والمراقبة ، وبتفتح ابواب التغيير وممكن السحر والانتقام ..وطبعا بالنسبة لتأثيرها على كل برج وشو لازم يعمل :
برج الحمل توقعات طالع الابراج شهر نوفمبر تشرين الثاني 2021 منيب الشيخ
الحمل .. بتعطيه فرص مالية وبتخليه يحسم كتير امور بحياتو وكمان ينهي ويعمل تصفية لعلاقات وأشخاص وممكن يكون في شي مالي من شراكات او ميراث وقضايا قانونية واوراق ناطرها..
برج الثور توقعات طالع الابراج شهر نوفمبر تشرين الثاني 2021 منيب الشيخ
الثور .. بتمنح مولود الثور شراكات مهنية وعاطفية كارتباط لكن الفكرة انها بتكون من ناحية ايجابية ومن ناحية سلبية بتقوي الشريك عليه وبتخلي الند دايما اقوى منو مشان هيك لازم تنتبه من المواجهات لان رح تخسر فيها وتهدي باي علاقة وممكن عقود شغل عند البعض ..
برج الجوزاء توقعات طالع الابراج شهر نوفمبر تشرين الثاني 2021 منيب الشيخ
الجوزاء .. بتساعدك لتلاقي شغل جديد ولتنظم حياتك اكتر لكن المسؤوليات والالتزامات بتزيد بشكل كبير ولازم تنهي كل شي بوقتو بالاضافة انها بتعرضك لبعض الامور الصحية العابرة ويمكن تبلش نظام صحي
برج السرطان توقعات طالع الابراج شهر نوفمبر تشرين الثاني 2021 منيب الشيخ
السرطان .. بتزيد نسبة الحظوظ عندك وخاصة العاطفية والمالية وكتير اشخاص بترجعلك بفترة شمس العقرب وبكون في قصص بتخص الاطفال والابناء والانجاب عند البعض وفي هدايا ومكاسب وحب ورومنسية ناطرتك
برج الاسد توقعات طالع الابراج شهر نوفمبر تشرين الثاني 2021 منيب الشيخ
الأسد .. غالبا في احداث عائلية او قصص بتخص الأهل رح تشغل بالك مشان هيك جهز حالك وكمان غالبا رح تغير مكان او سكن او شغل وفي شي عقاري بيشغلك وهدي مع الأهل والمقربين بالشغل وانتبه صحيا
برج العذراء توقعات طالع الابراج شهر نوفمبر تشرين الثاني 2021 منيب الشيخ
العذراء .. بتنشط بشكل كبير بالواقع وعبر السوشل ميديا وبتكون افكارك مقنعة وعندك حضور حلو وهالشي بساعدك وفي شي اعلامي او عبر السوشل ميديا ويمكن شغل وفي قصص بتخص الاخوة وامور سيارة او موبايل وانتبه من الحوادث ..
برج الميزان توقعات طالع الابراج شهر نوفمبر تشرين الثاني 2021 منيب الشيخ
الميزان .. رح تفتح عليك الابواب المالية وتخليك تعيد حساباتك وتفكر بشغل او مكان تلاقي منو مردود افضل وبتضل المصاري بين ايديك بتدفع بتقبض وفي مبالغ حلوة وثروة ممكنة وكمان بتتكاسل هالفترة وبتحب تدلل حالك بمطعم او فندق او اكل طيب وانتبه من السمنة
برج العقرب توقعات طالع الابراج شهر نوفمبر تشرين الثاني 2021 منيب الشيخ
العقرب .. بتعطيك البدايات والانفراج الحقيقة والوضوح بعد كل شس صعب وكل المشاكل يلي مرقت وبتكشف الناس وبتخلين يعترفو فيك وبترجع تسيطر بطاقتك وفي تغييرات بحياتك بتكون وبداية شغل جديد او قصة بتريحك او نهاية لبداية افضل وطاقتك افضل وحبك بيتحسن
برج القوس توقعات طالع الابراج شهر نوفمبر تشرين الثاني 2021 منيب الشيخ
القوس .. بتكون مناسبة لبداية شغل ضمن مؤسسة ويمكن تكون هالمؤسسة اعلامية او بالسوشل ميديا لكن المشكلة انو بتخلي كتير ناس تتآمر وتحكي عليك وبكون في شوية امور صحية لازم تنتبه منها ومن دخول مشفى وكمان ماتثق كتير ولاتكون طيب القلب وخاصة انو بتزيد رغبتك تساعد وانك تكون انساني
برج الجدي توقعات طالع الابراج شهر نوفمبر تشرين الثاني 2021 منيب الشيخ
الجدي .. بتمنحك اجواء اجتماعية يعني بتسهر وبتشوف ناس ورفقات واصدقاء وبتنعزم كتير وبكون في مناسبات وفي صديق بيدعمك بامور مهمة وشغل وحتى عاطفيا ممكن ارتباط او علاقة صداقة بتتحول لحب بهي الفترة
برج الدلو توقعات طالع الابراج شهر نوفمبر تشرين الثاني 2021 منيب الشيخ
الدلو .. بتفتح الك باب الشهرة والمناصب وانت وشطارتك يعني ممكن يكون شغل مهم او ترقية وكل العيون عليك وعم يحكو عنك ممكن بالمنيح وممكن بالعاطل وانت لازم تثبت حالك للكل وتستفيد من امكانية الشهرة وفي شي بخص الأب وهدي وخليك دبلماسي ولاتزيد القصص
برج الحوت توقعات طالع الابراج شهر نوفمبر تشرين الثاني 2021 منيب الشيخ
الحوت .. بتفتحل آفاق جديدة من سفر لدراسة لنجاحات يعني حان الوقت لتغير شي بحياتك وترتاح من التعب والضيق وتفتح ابواب بتساعدك مهنيا وماليا وحتى بعلاقات جديدة عاطفيا او صحيا برياضة واهتمام افضل وشغل خارجي كمان