ابراج : شخصيتك من إسمك تكشف لك حظك المالي والمهني والعاطفي

شخصيتك_من_أسمك
رح أحكي عن خصائص الحروف بالاسماء تبعنا
فيك تتعرف على صفات الشخص يلي عم تحاكيه من الاسم
طبعا دايما اكتر شي بكون ظاهر بالاسماء تبعنا صفات الحرف الأول والأحرف يلي بالنص بتكون موجودة بس مو ظاهرة وآخر حرف منحتاجو مع شخص تاني ..
رح أحكي عن كل حرف وطبقوها على أسمائكن ورح تلاقو صفات الحرف الأول موجودة فيكن وواضحة

شخصية الأسماء التي تبدأ بحرف “أ”: حرف ناري وقمري :
هو الحرف الأول باللغة, بيرمز للبداية والأولية. إذا ماعرفنا صاحبو منحس بأنهو حدا أناني وبحب حالو , بس منكتشف بسرعة طيبة قلبو لهيك هو بيتمتع بالكرم والإخلاص والمحبة. بفكر دايماً بالنجاح والتواصل مع السما والأرض ومع كل الأطراف. بحب الشغل الفردي ويأخذ على حالو أمور كثيرة.

شخصية الأسماء التي تبدأ بحرف “ب”: حرف ترابي وقمري :
إنسان بحب البيت وانو يضل فيه بحب الحياة ومتعلق فيها كتير حتى وإذا عصب بتلاقي الإبتسامة على وجهو ودود, ومحل ثقة بشغلو بحب الأكل الطيب. وكمان هو إنسان بحب العاطفة وبيتستر عل بعض الأمور وما بيحكي كل يلي عندو .

شخصية الأسماء التي تبدأ بحرف “ت”: حرف هوائي وشمسي :
بيثق بحالو حد الغرور, بحب أنو يتصدر كل شي في الشغل وفي البيت, بيطلب كتير ومستبد نوعاً ما, ما بحب أنو يناقشو حدا, ومع هيك أعمالو بتنجح بسبب إصرارو وثقتو بشغلو. وعند المرأة هي المرأة المتسلطة .

شخصية الأسماء التي تبدأ بحرف “ث”: حرف ترابي وشمسي :
ذكي ويتصرف ببراعة وفطنة, إلو جاذبيتو الخاصة حتى لو ماكان عندو حلاوة وجمال خاص, بسيطر وبهيمن على يلي حوليه , وطباعو حادة.

شخصية الأسماء التي تبدأ بحرف “ج”: حرف هوائي وقمري :
عندو آفاق واسعة ومتجددة, بحب يتباهى ويعتز بحالو , بحب الحياة, إلو جمالو وسحرو الخاص, موهوب, بواجه مشاكل وصعوبات بحياتو الخاصة, بنيتو قوية وبيتحمل الصعاب.

شخصية الأسماء التي تبدأ بحرف “ح”: حرف مائي وقمري :
بحب المساعدة قراراتو صارمة وقاسية, بدافع بقوة عن مبادئو والقييم العائلية, والشرف والوطن. ومابيتساهل أبداً في بهي الأمور. بساعد كل حدا بيطلب منو المساعدة حسب شروطو الخاصة.

شخصية الأسماء التي تبدأ بحرف “خ” حرف ترابي شمسي :
كريم طيب من الداخل ، دقيق بعمله يعرف مايريده جيدا ، عنده مبادئ ثابتة ولا يمكنه ان يكون أي شخص ، يحب التميز وأن يكون الأفضل .

شخصية الأسماء التي تبدأ بحرف “د”: حرف مائي وشمسي :
دبلوماسي لبق وبيتصرف بشكل جيد , مابخاف من الفشل ولا بييأس أبداً, بتلاقيه بأكثر من موقع ومكان, بحب الشغل بالعلاقات العامة.

شخصية الأسماء التي تبدأ بحرف “ذ”: حرف ناري وشمسي :
صريح وبحب يحكي الحقيقة حتى على حساب حالو, مخلص ووفي لحبيبو وأصدقائو.

شخصية الأسماء التي تبدأ بحرف “ر”: حرف مائي وشمسي :
بيحلم كتير وبعيش أحلامو, وهو بيعرف بأنو هالأحلام رح تتحقق ولو بعد وقت وعندو صبر لهيك. وبيعرف شو بدو تماماً, بالنهاية بتتحقق أمانيه وبلاقي السعادة.

شخصية الأسماء التي تبدأ بحرف “ز”: حرف هوائي وشمسي :
رغم كل تسلطو بس هو إنسان لطيف, جدي بالتعامل ويمكن أنو يكون محل ثقة فيه وبأعمالهو. أحيانا بكون قاسي وشرس التصرفات مع يلي حوليه ومع هيك بيتميز باشيا خاصة بلاحظوها يلي بكونو حوليه .

شخصية الأسماء التي تبدأ بحرف “س”: حرف هوائي وشمسي :
طموح وبنفس الوقت غامض, بيخفي مشاعرو وعواطفهو وما بعبّر عنها قدام حدا وحتى قدام حالو ..

شخصية الأسماء التي تبدأ بحرف “ش” : حرف ترابي قمري
حساس كتير وبنفس الوقت غامض وصعب حدا يفهمو وبكون متل لغز صغير وصعب

شخصية الأسماء التي تبدأ بحرف ” ص”: حرف ترابي وشمسي :
متردد بحب الوحدة ومتعلق بمحيطو, بيتصرف بكبرياء, مندفع احيانا بس بعد ما يندفع بيهدى وبفتش عن الحقائق الضايعة. بحس بالملل بسرعة وهو متل الصياد الماهر وبيستنى على فريستو حتى يحقق يلي بدو

شخصية الأسماء التي تبدأ بحرف “ض”: حرف ترابي وشمسي :
حدا صلب بيعتمد عليه , مخلص ووفي, بيحمي بكل ما عندو وبطريقة فعالة كل يلي يعرفن . مضيء ومشرق على يلي حوليه.

شخصية الأسماء التي تبدأ بحرف “ط”: حرف ناري وشمسي :
مزاجي وغريب الأطوار, حزين حتى وإذا إبتسم, حالم مدهش,بس هو إنسان مو معقد و سهل التعامل معو .

شخصية الأسماء التي تبدأ بحرف “ظ”: حرف هوائي وشمسي :
مستقيم, يتصرف بققناعتو, بدافع عن حقوقو وحقوق غيرو بدون مقابل ..

شخصية الأسماء التي تبدأ بحرف “ع”: حرف مائي وقمري :
طموح وبحب العيلة, أفكارو عملية بشوش ولطيف, بس إذا عصب بصير شرس ويمكن يأذي مصالحو . هو متل العين السهرانة وعين المي يلي بتعطي .

شخصية الأسماء التي تبدأ بحرف “غ” : حرف مائي وقمري :
فضولي, بحب الأمور العلمية ويحب الشغل لحالو, مابييأس بفكر بالعقل أكتر من العاطفة.

شخصية الأسماء التي تبدأ بحرف “ف”: حرف ناري وقمري :
تصرفاته وطباعو مو متوقعة, بيلفت وبيجذب نظر الغير إلو , لبق وشاطر بشغلو والشغل يلي بينعطى إلو ..

شخصية الأسماء التي تبدأ بحرف “ق”: حرف هوائي وقمري :
حظو حلو , وتفكيرو إيجابي ومتفائل, لهيك بيحصل على نتائج منيحة على شغلو, وبامكانوانو يحكم بالصدق والنزاهة.

شخصية الأسماء التي تبدأ بحرف “ك”: حرف هوائي وقمري :
فعال بس طبعو قاسي , بدافع عن حقو بشدة وعزم, بيعتمد على الدبلوماسية بتصرفاتو, شاطر كتير بشغلو , وبينجح بالشغل الإجتماعي.

شخصية الأسماء التي تبدأ بحرف “ل”: حرف مائي وشمسي :
منفتح بحب التنقل والسفر الدائم, مستمع بارع وبينتبه للتفاصيل حولبه, بينقل الكلمة الصحيحة ومايحب النميمة وهو متل الدرع الحصين ..

شخصية الأسماء التي تبدأ بحرف “م”: حرف ناري وقمري :
عندو قلب كبير وواسع ورحابة صدر, بحب الأعمال الخيرية والإنسانية, بحب بالذات الشغل مع الشريحة الضعيفة متل الأطفال والمسنين, وبينسجم مع الكل ..

شخصية الأسماء التي تبدأ بحرف “ن”: حرف ترابي وشمسي :
عندو روح القيادة والتكبر, إلو سحرو الخاص, طموح, وعندو الغاية تبرر الوسيلة, بيطمح للنجاح الدائم, عنيد, وما بيتراجع قدام الصعاب يلي بتواجهو ..

شخصية الأسماء التي تبدأ بحرف “ه” “الهاء”: حرف ناري وقمري :
انسان واقعي وثابت الخطوات, جاهز يساعد بكل المجالات, إجتماعي وبيلفت النظر بحضورو

شخصية الأسماء التي تبدأ بحرف “و”: حرف ترابي وقمري :
بيرتبط بغيرو وبيعطف علين, ومع هيك متردد و كتير الشكوك, ما بسامح ومابيتحمل ارتكاب الخطأ. بيتحلى بالثقة طاهر وقاسي بنفس الوقت.

شخصية الأسماء التي تبدأ بحرف “ي”: حرف ترابي وقمري :
حدا منطقي بيدرك وبيتفهم وبيحتوي يلي حوليه , بقودو العقل مو العاطفة وما بيستغل طاقاتو بشكل كافي