الابراج واخبار مفرحة منيب الشيخ

الشمس بكرا عم تنتقل اليوم لبرج الجدي الترابي لشهر كامل وعم تنضم لكل من الزهرة وعطارد وهالشي بخلينا نفكر بمسؤولية أكبر ونخطط لاي هدف بحياتنا ونكون جديين بتعاملنا مع الأمور وصبورين بتحملنا للمشاكل وهالشي بيعطينا رغبة اكبر بالنجاح واستعداد لمواجهة الحياة صح بخطوات مدروسة وكمان بساعدنا لنحط اهدافنا قدامنا يمكن يعطينا فرص مهنية جيدة ويمنح البعض روح القيادة والشهرة واخيرا كل عام وكل مواليد الجدي بألف خير .. أما بالنسبة لتأثير هالشي على كل برج :

#الحمل .. بتحصل على ترقية واستقلالية بشغلك وبتعطيك فرص مهنية مهمة وكمان عندم علاقات على مستوى عالي وشهرة وقصة يتخص الأب ناطرتك ..

#الثور .. بتفتح قدامك ابواب المغلقة وبتعطيك فرص لعلاقات جديدة وسفر وعقود خارجية وممكن نجاح دراسي وخلاص من قصة او شخص تاعبك ..

#الجوزاء .. بتحسم الأمور عندك وبتمنحك حلول مالية ولاوراق وبتحسن من وضعك الصحي والمهني وبتخفف الضغط عليك وفي اموال من شراكات بتجيك او من ميراث ..

#السرطان .. بتزيد التوتر والحساسية عندك وبتمنحك شراكات مهنية وفرص ارتباط ولازم تكون هادي بتعاملك الفترة الجاية لان المستفزين كتار..

#الأسد .. بتزيد المسؤوليات عندك وبتمنحك فرص عمل جديدة وكمان لازم تنتبه لصحتك ووضعك الفترة القادمة وتكون منظم..

#العذراء .. بتقوي الحظوظ عندك وبتمنحك كل الدعم المالي والعاطفي وكمان بتحس انو تحسن الوضع العائلي وفي مكاسب وقصص بتخص الاطفال او الانجاب ..

#الميزان .. بتغير بحياتك وبالمكان وبتخليك تفكر ببيت جديد وتغيير بسكنك او حتى بتنشغل بامور بتخص الأهل والعقارات ..

#العقرب .. بتكون منيحة الفترة القادمة للعلاقات والتواصل ولتنجح دراسيا وتتحرك وتسافر وتشتغل عبر السوشل ميديا والاعلام وتهتم بقصة بتخص اخ لة سيارة او موبايل ..

#القوس .. بتعطيك خيارات جديد مهنية ومالية وبتدعم عندك الوضع المالي وبتمنحك فرص ومشاريع جديدة وانتبه من الوزن الزايد ..

#الجدي .. بترفع من طاقتك وبتدعمك بكل الأصعدة مهنيا وعاطفيا وبتعطيك فرص لبدايات جديدة..

#الدلو .. بتخليك تحب تبعد عن الناس المؤذية وبتمنحك فرصة لعمل ضمن مؤسسة كبيرة لكن بكون في بعض التاجيل والمؤامرات يلي لازم تنتبه منها وصحيا كمان..

#الحوت .. بتزيد من شعبيتك وبتعطيك علاقات حلوة وبيكتر الاشخاص والاصدقاء من حولك وفي مناسبة او ارتباط اوقصص اجتماعية وامنيات عم تتحقق الك ..