فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءاة الحظ والفنجان
شو بقول فنجان برج الحمل آخر كانون الاول
عندك يا مولود الحمل خبر كتير حلو بخصوص مولود جاي جديد على العيلة بدك تزور صديق قديم تكون كتير مبسوط وتتذكر ايام حلوة عندك حسد من المقربين والجيران بدك تكون حذر بدك تخبر بمريض داخل العيلة
انشالله خير عندك أوراق بدك تمضيها وتكون مرتاح انو حلم بدو يتحقق
فنجان برج الثور ملبك كتير يا برج الثور ومهموم كتير وبضل معصب من مشكلة صارت معك ما فيك تطلع منها بس انت وأهم حالك منها حرزانة انت عطيتها اكتر ما بتستاهل بدك تسمع بخبر طلاق او انفصال عاطفي حدا من عيلتك كمان حتكون مزعوج بس ما فيك تعمل شي لانو مو بإيدك القرار عندك طاقة فرج بس بدها شوية وقت ناطر خبر يا برج الثور بخصوص شي انت منتظرو من فترة بدو يصير بس بدو شوية وقت انا شايفة بالفنجان حرف( ج) هيدا الحرف انتبه منو لانو مراقبك وناطرك عغلطة شي الحلو بالفنجان انو عندك قلب واضح وقريب منك كتير
شو هلفنجان الحلو يا جوزاء
عندك سفينه احلام كتير حلوة انت بتحلم كتير وبتروح بأحلامك اكترها بيتحقق لانو عندك قناعة وعناد حتى لو لوقت طويل بدك تحقق أحلامك عندك شمس كتير حلوة شارقة بنص البيت بتعصب وبترجع بتروق كأنو ما صار معك شي عندك شخص بيخاف عليك كتير يمكن هيدا شريك حياتك صديق في شي موجود بقلب الفنجان نقطة سودا زعلة بس بتمر على خير
شو بدي خبرك يا برج السرطان عندك شي حلو وشي بزعل حبلش بخبر الحلو عندك تلبس محبس هيدا القرار بتاخدو عن قناعة وما بتندم لانو الشريك بحبك كتير حابين حبو مع اول خطوة انت بتاخدها وتمر بأسبوع ولا اروع ٣ هيدا الرقم حفظو كتير منيح يمكن يكون شهر أو يوم بتتغير حياتك كلها اكيد للأفضل عندك وفاة بالعيلة حتكون صدمة لاإلك حاتمر بفترة كتير صعبة بس مع الوقت بتمر انشالله
شو بقول فنجان الأسد
عندك مفاجأه بخصوص شغل او مشروع حيكون كتير حلو بس في حدا متل ما بقولو بيشتغل بظل بدو يحاول انو يفشل هالشي بس إنشالله بتمر على خير
في شي يا برج الأسد إلك فترة يوم بتقوم مرتاح ويوم بتقوم مهموم انت منك عارف شو عندك يعني يوم شمس ويوم شتي يمكن من التفكير بالمشروع لبدك تقوم فية آخد كل تفكيرك عندك مقابلة مع الحبيب بتكون كتير مرتاح بتحس الفرحة دخلت لقلبك بقلب البيت كل شي تمام
فنجان يا برج العذراء؟
عندك علامة استفهام بدك تنسأل سؤال هيدا السؤال بدو يكركبك وبدو يزعجك بس اكيد لعم يسأل منو بريء ابدا هو بدو يحرجك عندك زعل بالعيلة يعني بقلب البيت هيدي ح تأثر عليك حتى بشغلك لانو ح تكون مزعوج انت ما بتحب الزعل قليك طيب كتير ح تتجنب الحبيب بهالفترة بس نصيحة لا تتأخر لانو مو وقتها ابدا عندك حرف ( م) هيدا الحرف في شي بقلبك حب تعاطف شي حلو او بترتاح لصاحب هيدا الحرف قلب البيت المشكلة بعدها عندك اذا ما احتويتها ح تكبر كل الموضوع سهل بس انت ما تعاند العناد ما بفيد بالعكس بضرك
برج الميزان شو بخبرك فنجانك يا برج الميزان اسم على مسمى عندك صديق قريب منك بكون واقع بمشكلة بدك توقف حدو
تفوت على محكمة او باب حكومة حتكون شاهد على مشكلة او حلها حيكون طرفين مبسوط وراضي في عندك قلب بفكر فيك بس انت ولا هامك لانو ما بيعنيك قلب البيت رواق على الآخر ما في شي يعكر الجو
شو بقول فنجانك يا برج العقرب
شايفة بفنجانك عندك نقلة من بيت على بيت جديد ونقلة من حياة لحياة تانية اكيد احلى في أغراض بدك تجيبها وتكون فرحان بدك تتلقى بصديق إلك زمان منك شايفو هيدا الصديق بدو يحكي ويشكي بدك تسمعو وتساعدو رقم ٥ هيدا الرقم يوم او شهر بس هيدا الرقم بدك يكون في مشكلة حاول تتجنب هيدا الرقم يعني اذا حدا استفزك طنش ما ترد عندك مقابلة مع الحبيب بدك تأجل قرار بخصوص محبس او ارتباط بس حيكون لصالحك فنجانك حلو رايق ما عندك مشاريع ولا مشاكل عندك طاقة فرج قريبة انشالله مشوار فجأة بيخلق بتركب سيارة مستعجل حدا واقع بمشكلة وانشالله بتنحل
قلب البيت موتر شوي من مشكلة بين الأخوة وانت انشالله بتحلها بس انت منك مرتاح
شو بقول فنجانك يا برج القوس
عندك تلفون كنت ناطرو من فترة هيدا التلفون بيحملك اخبار كتير حلوة عن مشروع هيدا حلم حياتك المهنية وانشالله بصير بس بعد عناء وتعب وصبر بتسمع حدا من الأهل او والأقارب عندو مشكلة مالية كبير قرض او دين بتحب انك تساعدو بس هو ما بيستاهل ما تجرب تفوت بمشكلة انت بالغني عنها عيون حسد وغيرة كتير بالأخص اذا بيعرفو بالمشروع انت ناطرو عليك بالكتمان والصمت حتى بين الأهل خلي سر افكار كتير بتجي وبتروح متل موج البحر بتفكر بكل لحواليك بس ما حدا بفكر فيك شايفة بفنجانك ( خ) هيدا الحرب من ضمن اسم هيدا ذو وجهين يوم معك ويوم عليك ناوي تشتري سيارة او شي بخصك أجل شوي قلب البيت كأنو ما حدا خصو بحدا كل واحد عندو مشاكل بس كلها ما بتعمل قلق الحمدلله بشكل عام الأمور تمام
شو بقول فنجانك يا برج الجدي
متوتر ومعصب ومشاكل فوق راسك منك عارف كيف بدك ترتاح لا من الأقارب ولا من الأهل ولا الجيران عندك طريق فجأة بتروح على مقابلة عمل او شي بس ما بيمشي الحال وهيدي مشكلة جديدة بتزيد تعصيبك موعود بمبلغ مالي من حدا بس بصير مشكلة بتوقع على اوراق مهمه بعد فترة منها بعيدة وانشاءالله بتفرج مولود جديد بيدخل بالعيلة (و) هيدا الحرف من اسم هيدا كتير منيح سيف بضهرك بحاول يحل مشاكلك اعطي فرصة للحبيب لانو بيستاهل حتى لو معصب ومنك مرتاح قلب البيت رايق بس تكون انت بعيد انا شايفة انو غيمه وبتمر بإذن الله
شو بقول فنجانك يا الدلو
فنجانك كتير حلو ابيض متل قلبك ايام حلوة بدها تمر عليك موعود بمبلغ مالي كبير ناوي على مشروع انشالله ميسرة بتحاول تساعد بس مو كل الأشخاص بتستاهل عندك انثى كيف ما رحت بتحفر وراك ناوية انها طورتك بمشكلة بس انت حريص حدا بيطلب منك خدمة ما تتردد عندك صليب نصر انشالله منتصر على كل أعدائك محبسك منو مأخر بقلب البيت شايفة فرح او خطبه بتكون مبسوط
شو بقول فنجان الحوت
عندك طاقة فرج قريبة بتحل مشاكلك شايفة هدية بتكون مبسوط فيها
عندك اسم الله
بدك طلع عفش ودخل عفش جديد مع حياة جديدة بتسمع بخبر كتير حلو بخص حدا قريب منك
بتسمع خبر وفاة بس بعيد عنك من أصدقاء جداد
عندك خبر طيارة جاي حدا بخصك بقلب البيت كتير حلو بيجي ضيوف لعندك بتمد سفرة بصير حديث بخصك وبتاخد قرارات بخص ورث او ارض بس قرار اجا محلو
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…