قراءة فنجان الابراج السبت 25/12/2021 ديسمبر كانون الاول

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءاة الحظ والفنجان

فنجان برج الحمل السبت 25/12/2021 ديسمبر كانون الاول

فنجانك يا برج الحمل حامل هموم
انت من فترة صغيرة حلمت حلم مزعوج منو بس بحب خبرك انو هالحلم كتير حلو بدك تفوت على رجل دين تحكي معو مشكلة ما بتخصك بتخص حدا من أهلك يعني بقلب بيتك بتطلع من عندو بتكون مرتاح حدا من الجيران انتبه منو بدك تقدم على خطوة بخصوص علاقتك مع الحبيب بس ما بنصحك ( ف)صاحب هيدا الحرف كتير بحبك وبضل حامل همك انت بتمشي مشوار قريب منو بعيد بكون خير عليك بخصوص مال بقلب البيت توتر شوي بخصوص الخطوة لبدك تاخدها بخصوص الشريك بس بتمر على خير

فنجان برج الثور السبت 25/12/2021 ديسمبر كانون الاول

شو بقول فنجانك يا برج الثور بتشوف مشكلة ما خصك فيها ولا تدخل فيها خليك بعيد (٧) يمكن تاريخ او شهر هيدا الرقم يوم مميز عندك ما بتنسى حيكون في إلك خبر سفر او أوراق بدك توقع عليها وتكون مبسوط انثى متل الافعى ملمسها ناعم بس قرصتها صعبة بدها تجبلك اخبار ما صارت بس حتى توقعك بمشاكل بتمنى ما تصدقها بقلب البيت متل غيمه بس بتمر على خير ما تشغلك بالك

فنجان برج الجوزاء السبت 25/12/2021 ديسمبر كانون الاول

فنجان الجوزاء
عندك مكاملة تلفون انت ناطرها بس منها حتكون متل ما بدك عندك طاقة فرج بعيدة شوية صديق بيعرض عليك شغل او شي ما ترفض بدك تسمع خبر مولود هيدا الخبر بدو يقلب موازين العيلة كلها (و)هيدا الحرف بدو يجيب السعد والفرح (ي) صديق او زميل انتبه ناوي على مشكلة انت بالغني عنها يعني بوقت غلط بقلب البيت حلو الحمدلله المشاكل والتوتر برا البيت هيدا شي كتير منيح

فنجان برج السرطان السبت 25/12/2021 ديسمبر كانون الاول

شو بخبرك الفنجان يا برج السرطان

عندك فرح قريب حدا من اهل بيتك هيدا الفرح بدو يمر فيه زعل مو كبير بس بضل معلم بالقلب
بدك تمشي بمشوار بيجي فجأة هيدا المشوار بكون مصيري بتتغير حياتك (٢٥) هيدا هو رقم الحظ ناطر فرصة بدها تجي هيدي الفرصة حلوة ايامك لجاي احلى بيوصل من الخارج حوالة مالية كبيرة بتحل مشاكلك وبترتاح بس خلف هالفرصة والفرحة في حاسدين كتار قول يا رب وانشالله بتفرج عندك مقابلة مع الحبيب بدك تنتبه ما يستغل حبك إلو ويأثر على هيدي الفرصة ما بتجي الا مرة
وضع البيت بشكل عام مريح ما في شي بخوف انا شايفة انو حتى الازعاج لصار بالفرح ضل بأول السطر والحمدلله

فنجان برج الاسد السبت 25/12/2021 ديسمبر كانون الاول

شو بدي خبرك يا برج الأسد اسم على مسمى
بدك تنتبه على صحتك انا شايفة هيدي الفترة منك مهتم الا بشغلك عندك توقيع على اوراق بخصوص شغلك حتكون كتير مبسوط بس في حدا من قلب بيتك منو راضي عن شي وهيدا بدو يزعجك كتير عندك طاقة فرج حلوة (٥)او(١٤) حيكون امورك بمسار الصحيح بين هالرقمين ما ترد على حدا خود هيدي الخطوة بخصوص شغلك اما على صعيد العاطفي انا شايفة منك مهتم مع انو في كتار حواليك لازم تاخذ خطوة متل ما بقولو ما في وقت بقلب البيت معكر شوية طنش لتوصل لبدك ياه

فنجان برج العذراء السبت 25/12/2021 ديسمبر كانون الاول

فنجانك حلو ومر يا عذراء انت بتفكر كتير بس ما بتعمل شي يمكن الظروف ما بتسمح عندك وضع مالي صعب (ع)و(ج) هودي الحرفين من الأشخاص لازم ما توثق فيهن لانو وضعك الصعب هنا سببو عندك طاقة فرج بس بعيدة شوية
بتفكر بشي بينك وبين حالك ما بنصحك انك تقوم بأي خطوة بهالوقت الظروف منها معك وضعك العاطفي موتر بدك تصبر حتى ترجع علاقاتك بس مو بالعناد
بقلب البيت يوم شتي ويوم صيف والفرج قريب انشاالله

فنجان برج الميزان السبت 25/12/2021 ديسمبر كانون الاول

شو بقول فنجانك يا برج الميزان
ايام حلوة بدها تمر عليك أصدقاء وأقارب كلهن بدهن يشاركوك فرحتك بمجهود انت قمت فيه والحمدلله اجا وقت تجنى ثمار تعبك عندك قلب بفكر فيك بس انت منك حاسس بشي حيجي الوقت وقريب كتير عندك (٣) هيدا الرقم يوم مميز عندك في إلو ذكرى او شي مهتم بأمر صديق مقرب منك كتير عندو مشكلة عاطفية بس بحلها اكيد بمساعدتك بقلب البيت رايق ابيض ما في شي يعكر ابدا الحمدلله

فنجان برج العقرب السبت 25/12/2021 ديسمبر كانون الاول

شو بدي خبرك يا برج العقرب
فنجانك كلو مكركب
عم تتنازع على أرض من إرث ناس بدها تبيع وناس بدها تتفرج وناس ما الها مصلحة بالبيع يمكن لانو وضعهن احلى من وضعك ما ترد على الناس لعم تتفرج لانهن بدهن يورطوك بمشكلة انت بالغنى عنها ما تنجر وراء عروض منها حتتحقق عندك الحبيب بطلعك من جو التوتر بتقضي وقت حلو
بقلب البيت مكركب وازعاج بس في طاقة فرج قريبة انشالله

فنجان برج القوس السبت 25/12/2021 ديسمبر كانون الاول

شو بقول فنجانك يا برج القوس
فنجانك كتيير حلو عندك طريق طويل برا البلد بتكون مبسوط الطريق بخصوص شغل جديد وبتمضي على عقد عمل(٢٩) ماتنسى هيدا التاريخ بدك تتعرض لخدعة من حدا حاسد وحاقد ما تمضي على اي ورقة حتى لو مزحة

بتفكر بالحبيب وكيف بدك تراضي بس هو بفكر فيك؟ قلب البيت حلو ورايق إلى حد ما يعني بدو يتعكر شوية بس بمر بإذن الله

فنجان برج الجدي السبت 25/12/2021 ديسمبر كانون الاول

شو بخبرك الفنجان يا برج الجدي في شي زعجاك كأنك عم بتمر فترة صعبة كتير موضوع متعلق بالشريك في حدا داخل على الخط يعمل مشاكل انت والشريك كون مستعد
عندك مفاجأه بخصوص العائلة حدا من العيلة عندك بدو يحكي على ارتباط يدخل الفرحة طاقة الفرج موجودة (٣١) هيدا الرقم يوم حيكون في إلك خبر منتظر من أشخاص مهمين وانشالله بصير بقلب البيت غيمة صيف بدها تمر انشالله تتحسن أوضاعك

فنجان برج الدلو السبت 25/12/2021 ديسمبر كانون الاول

ليش الزعل يا برج الدلو شايفة بفنجانك زعل كبير كتير وحكي عن فك ارتباط او طلاق مشكلة حلها بإيدك ما تكبر المشكلة إياك أن تتصرع بأخذ القرار لانو بعدين حتندم بدك تدخل مكان بينفرض عليك أمر خاص بأحد الأصدقاء المقربين إلك ما تتردد بالمساعدة ( ع) و( س) هودي الأحرف من الأشخاص لبكونو حدك في أصعب ظروفك
بقلب البيت في زعل وتوتر واستفزاز من الأهل لازم تتصرف بواقعية رضى الله من رضى الوالدين

فنجان برج الحوت السبت 25/12/2021 ديسمبر كانون الاول

شو بقول فنجانك يا برج الحوت
رواق وفرص ارتباط
عندك سفرة ببيتك على شرف أشخاص مهمين كتير إلك معهن مصلحة وانشالله بتتحقق بتتلقى هدية من صديق او حبيب بتكون مبسوط ومرتاح هيدي الهدية بتفتح موضوع متعلق بالشريك او ارتباط جديد بحياتك عندك اسم الله اي شي بتحلم فيه او بدك يتحقق قول يا الله (١٥) و( ٢٣) هودي الايام الجيدة عندك بتقدم على مشروع او عقار انشالله موفق طاقة فرج قريبة بتحل مشكلة معينه بتتعلق بصديق قديم وبتكون مرتاح وضميرك مرتاح بقلب البيت كتير مرتاح عندك حرف ( ل) هيدا الحرف بحاول يوصل لقلبك السعادة والفرح

المصدر:عرب كلوب