ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
فنجان برج الحمل الخميس 30/12/2021 ديسمبر كانون الاول
شو بدو يقلك فنجانك يا برج الحمل
اليوم عندك لقاءات مهمة كنت مأجلها لوقت تاني صار وقتها بخصوص شغل صار وقت تحط النقط على الحروف بس بهالوقت لآزم تنتبه من المواجهات منك حاسب حسابها حتكون ولعانة حتكون انت مرتاح على وضعك لانو بتعرف نية الخصوم إن شاء الله موفق الوضع العاطفي بعيد عنك شوية الشريك مشغول بقصة بتخص العيلة كون مرتاح بخصوص الشريك فى الارقام المميزة(5-17-20 بقلب البيت يوم حلو ورايق ما في شي يزعجك
فنجان برج الثور الخميس 30/12/2021 ديسمبر كانون الاول
شو بقول فنجانك يا برج الثور
مكركب يا برج الثور ومهموم عندك دفعات مالية وعندك شي بخص الشريك العاطفي بتفكر بأمور مختلفة وطريقة حلول مختلفه ما إلك الا الصبر لانو قريبا بدها تفرج بإذن الله طاقة الفرج قريبة وقريبة جدا عاطفيا الشريك مزعوج ما طنشو صار وقت تقضي وقت حلو بقلب بيتك بتطلع من مشكلة صغيرة اكيد في فرج
فنجان برج الجوزاء الخميس 30/12/2021 ديسمبر كانون الاول
شو بقول فنجانك يا برج الجوزاء
بدك تمشي مشوار فجاءه مع صديق بتحس معو بحرية بتحكي لبدك ياه وبتتصرف معو عادي هيدا المشوار بدو يكون عندك أرباح ونجاح بأعمال مختلفة متل تجارة حتكون سعيد ومبسوط الوضع العاطفي بدك تاخد قرار وتنهي امور عالقة بينك وبين الشريك وحتكون مرتاح انت والشريك الأحرف( ب ) و( و ) هودي الأحرف بداية جديدة بحياتك بقلب البيت روعة شي خاص فيك احتفال او شي بخيم اجواء حلوة
فنجان برج السرطان الخميس 30/12/2021 ديسمبر كانون الاول
بخبرك الفنجان يا برج السرطان عندك احلام كبيرة يا برج السرطان من فترة بعيدة وانت بتخطط ما بتلاقي نتيجة غير الفكرة وغير الأسلوب بتلاقي كل أحلامك تحققت ما تستعجل كل شي الو وقتو العلاقة العاطفية فيها نفور وفتور من الشريك نصيحة مني طنش الو وقت بيجي وبيعتذر انت منك مخطئ بشي بقلب البيت مزعوج ومتوتر بدها تفرج قريب إن شاء الله
فنجان برج الاسد الخميس 30/12/2021 ديسمبر كانون الاول
شو بقول فنجانك يا برج الأسد
عندك دخول باب محكمة بدك تنهي خلافات مالية سابقا مع بعض المقربين وحتكون انت المسيطر بس بالأول حتكون مزعوج من شخص موجود وتنهي هيدا الخلافات والمشاكل السابقة بتكون مرتاح وضميرك مرتاح الوضع العاطفي ممتاز عندك مقابلة مع الشريك بتحكي على الأغراض او شي بخص العلاقة وبتكون اجابيه بقلب البيت كتير مرتاح بالأخص بعد ما تنهي الخلافات بين المقربين
فنجان برج العذراء الخميس 30/12/2021 ديسمبر كانون الاول
شو بدي خبرك يا عذراء
عندك مشاريع ومشاوير بتتلقى عروض عمل جديد انت مرتاح ماليا ونفسيا عندك سهرة مع الاصدقاء في شخص بين الموجودين بدها تنشأ علاقة جديدة بحياتك وتكون جاده العلاقة منها لتسلية عندك طاقة فرج قريبة إن شاء الله بقلب البيت سهرة حلوة واجواء اجتماعية حلوة
فنجان برج الميزان الخميس 30/12/2021 ديسمبر كانون الاول
شو بقول فنجانك يا برج الميزان
عندك أشخاص بين الأصدقاء او المقربين إلك بدهن يرجعو الماضي انت سكرت عليه ما تفتح مجال إلهن الوضع العاطفي ممتاز عندك هدية من الشريك العاطفي الارقام ( 2-7-11 )
هودي الأحرف مميزة بقلب البيت في ازعاج وتوتر وخوف من الماضي بس الحل عندك
فنجان برج العقرب الخميس 30/12/2021 ديسمبر كانون الاول
شو بخبرك الفنجان يا برج العقرب
الغرور والعناد ما بينفعك شي خاص بالوضع المهني بدك تكون متفهم ومتواضع حتى تنهي كل شي بيتعلق بشؤونك المالية والاعمال التجارة بدك تسمع للآخرين فكرتهن واسلوبهن تعود إليك بارباح مالية كتيرة ومهمه الوضع العاطفي عندك علاقة بتولد مشاعر استثنائية وبتكون متفائل بقلب البيت رايق وفي شوية مشاكل ما تكون اناني استمع للآخرين
فنجان برج القوس الخميس 30/12/2021 ديسمبر كانون الاول
شو بقول فنجانك يا برج القوس
انتبه من الأشخاص ذو وجهين ما تصدق كل شي بتسمعو في أشخاص بدهن يورطوك بمشكلة انت وحدا من الاصدقاء القديمه انت عندك ثقة فيه ما تصدق اي أكاذيب عنو حيكون متواجد معك وحدك بس بدك تكشفهن وتكشف كذبهن الأحرف( ح) و ( ت ) هودي الأحرف انتبه منهن عندك طاقة فرج بعيدة بقلب البيت استفزاز وازعاج من قبل الاهل بتمر بفترة صعبة
فنجان برج الجدي الخميس 30/12/2021 ديسمبر كانون الاول
شو بخبرك الفنجان يا برج الدلو شايفة بفنجانك سفر بصدد عمل جديد او انتقال إلى موقع آخر بأمنلك النجاح وكون مستعد لأي خبر بخصوص مال انت منتظر هالفرصة من زمان عندك عيون حسد وغيرة بس منها مأثرة عليك الوضع العاطفي عندك مبادرات كتيرة ومهمه مع الشريك بتمر بفترة خيبات الأمل مع الشريك العاطفي بس بتكون متفهم بقلب البيت عندك مد سفرة بتكون مرتاح وسهرة حلوة مع الأصدقاء والأهل
فنجان برج الدلو الخميس 30/12/2021 ديسمبر كانون الاول
شو بقول فنجانك يا برج الجدي
الجدي مرتاح نفسيا وعاطفيا ومهنيا وماديا الحمدلله الأمور تمام صار وقت تاخد فرصتك من النجاح بعد تعب ومجهود بعملك صار وقت قطف ثمار جهودك السابقة الوضع العاطفي عندك ثقة بنفسك وبالشريك حتاخد قرار بخصوص العلاقة العاطفية قريب جدا حتفرح يا برج الجدي بقلب البيت شمس شارقة وفرح قريب منك
فنجان برج الحوت الخميس 30/12/2021 ديسمبر كانون الاول
شو بقول فنجانك يا برج الحوت بدك تخبر
بمولود جديد بالعيلة وتكون مسرور خبر منتظر من أشخاص مهمين بالنسبة لاإلك فرصة عمل او سفر بدك تقدم على خطوة جادة بخصوص شغل او مشروع بيدعموك المحبين والأهل عندك بيع عقار او أرض من إرث كان متنازع عليها انت حتكون المبادرة منك وتخلص حقوق الأخوة والاخوات كان الأمر عم يزعجك بس بعد هالخطوة ارتحت وضميرك مرتاح الوضع العاطفي بحاجة لاهتمام اكبر وراحة لانو مريت بفترة صعبة عليك وعلى الشريك بقلب البيت عندك جمعه مباركة على صعيد المالي والعاطفي والمهني