قراءة فنجان الابراج الاثنين 3/1/2022 يناير كانون الثاني

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الاثنين 3/1/2022 يناير كانون الثاني

برج الحمل شو بخبرك الفنجان يا برج الحمل
حامل هموم الدنيا كلها يا برج الحمل مشاكل مهنيه بدها تواجهك بدك تدافع عن حقوق إلك بحاولو انهم ينكرو تعبك ومجهودك بدها وقت طويل لتحلها الوضع العاطفي انت بحاجة انك تكون وحدك بهالفترة احسن إلك وللاشريك بقلب البيت في ملامة من الحواليك بخصوص العمل اهتم بنفسك شوية

فنجان برج الثور الاثنين 3/1/2022 يناير كانون الثاني

الثور
شو بقول فنجانك يا برج الثور
عندك ثقة بنفسك ما في شك بدك تقدم على مشروع مهم إلك وقت عم تدرس المشروع وصار جاهز بشوف بفنجانك انو صار وقت تفرض رائيك على الزملاء بالعمل الوضع العاطفي ممتاز الشريك بساعدك وبكون متفهم بقلب البيت عندك هدية بتكون مختلفه واجواء رايقة

فنجان برج الجوزاء الاثنين 3/1/2022 يناير كانون الثاني

الجوزاء شو بخبرك الفنجان يا برج الجوزاء
لا تفكر كتير انك تطلع من بيت العيلة بدك تتعب وضعك المهني على المحك لازم تثبت وجودك بكل المراحل تعبك ومجهودك ما يروح على الفاضي الوضع العاطفي فتش عن حب جديد انت بحاجة لاهتمام اكبر الشريك الحالي عم يستغلك الارقام المميزة( 12-23-30 ) بقلب البيت شايفة في توتر وقلق بخصوص قرار راجع حسباتك احسن

فنجان برج السرطان الاثنين 3/1/2022 يناير كانون الثاني

شو بقلك فنجانك يا برج السرطان
مرتاح ومتفوق عندك نجاح وآمال وارتياح نفسي بخصوص الوضع المهني كتمانك هو سبب نجاحك المهني بوفرلك الحظوظ الوضع العاطفي عندك شي خاص الشريك ناطر منك خطوة ما تتأخر الأحرف انتبه منهن( ت ) ( ب ) بقلب البيت رايق وهادي مرتاح كتير

فنجان برج الاسد الاثنين 3/1/2022 يناير كانون الثاني

شو بخبرك فنجانك يا برج الأسد
عندك مواجهات شرسة جدا فعليك الانتباه ممكن ياتيك الدعم وتحتاج المساندة وتحتاج إلى أشخاص ذو خبرة في مجال عملك انت محبوب من الجميع فتأكد سيأتيك الدعم والفرج من الزملاء والأصدقاء وتكون انت الرابح الوضع العاطفي عندك خلاف مع الشريك وحاول تروق وتفكر بخصوص العلاقة يا ابيض يا أسود الارقام المميزة( 7-11-17 ) بقلب البيت شايفة نقاش مع احد الاخوة بخصوص مال او شي بخص العيلة بتمر انشاء الله

فنجان برج العذراء الاثنين 3/1/2022 يناير كانون الثاني

شو بقولك فنجانك يا برج العذراء
لازم تعطي اهتمام خاص لعملك وإلا حتواجه مشاكل مالية كبيرة انتبه من الأشخاص الكاذبين والمخادعين من حواليك الوضع العاطفي في توتر وقلق بالعلاقة بقلب البيت اعطي اهتمام للأهل والأخوة اكتر هنا بحاجة إلك وكل ساعة وفرجها معها

فنجان برج الميزان الاثنين 3/1/2022 يناير كانون الثاني

شو بقول فنجانك يا برج الميزان
عندك ايام ناطرتك حلوة كتير بتحملك آمال كبرى ربما تبدأ حياة جديدة مع شغل جديد وبتكون متفائل خير انشاءالله عندك الوضع المهني تمام حتستفيد من خبراتك حيكون عندك مركز جديد بعملك بحملك إلى الأفضل الوضع العاطفي بتولد عندك مشاعر جديدة يمكن لقاء صدفة بيتحول إلى حب الوضع بقلب البيت بدك تناقش امور مالية خاصة فيك مع الأهل

فنجان برج العقرب الاثنين 3/1/2022 يناير كانون الثاني

شو بقول فنجانك يا برج القرب
بدك تنصدم بأشخاص مقربين إلك بعملك بدك تكتشف حقيقة انت كنت غافل عنها حدا من طرفك بينقل كلام عنك كذب بس بتتخطى الأمر فيه صعوبة وبدو وقت بس بترجع اقوى من الاول الوضع العاطفي ممتاز الشريك بيهتم فيك وبخصوصياتك بقلب البيت في حدا من الأبوين بيحمل همك وبكون متوتر وخائف لازم تخفف توتر

فنجان برج القوس الاثنين 3/1/2022 يناير كانون الثاني

شو بقول فنجانك يا برج القوس
عندك سفر قريب جدا يا برج القوس تحقق المراد والمكاسب والشهرة والتميز بعملك انت مجتهد وعملك رقم واحد هيدي السفرة بدك تفتح مجال المهني بشكل كبير الوضع العاطفي الشريك العاطفي في عندو مخاوف لازم يكون عندو ثقة فيك وانت تعزز هالثقة بقلب البيت تجنب يا برج القوس الجدال بأمور تافهة ما بتحمل الا الوجع

فنجان برج الجدي الاثنين 3/1/2022 يناير كانون الثاني

شو بدو يقلك فنجانك يا برج الجدي
عندك مبادرات كتيرة ومهمه وبيدعموك الاهل كلهم يعني هيدي السنه تحملك فرص كبيرة مهنية بس بدك تصبر على كل حال حتى تلاقي نفسك بمجال عملك متفوق بدك تعطي مجهود مضاعف في عملك الوضع العاطفي عندك مقابلة مع الشريك بتحكي كل مخاوفك وبتحل مشكلة بخصوص الشريك وضع البيت عندك طاقة فرج قريبة ان شاءالله الوضع تمام الارقام الاكتر حظا( 16-23-27 )

فنجان برج الدلو الاثنين 3/1/2022 يناير كانون الثاني

شو بقول فنجانك يا برج الدلو شايفة بفنجانك اوراق بدك تمضي عليها ميراث او ودائع بالاكتر ميراث بدو يصير نقاش حاد بخصوص أرض او عقار او سيارة بدك تاخد خطوة مهمه بخصوص العائلة وتفض مشكلة معينه بين المقربين إلك أخوة او أخواتك بدك تتنازل عن جزء من حصتك بس بشوف بفنجانك انها كانت خدعة من الأخوة والاخوات حتى تتنازل الوضع المهني انت غير مهتم بعملك مهمل بشوف لازم تنتبه لنفسك ولعملك اكتر الوضع العاطفي انت مشغول بقصة بتخص الاهل ما عندك اي اهتمام بالشريك بقلب البيت كون متحفظ بقرارك

فنجان برج الحوت الاثنين 3/1/2022 يناير كانون الثاني

شو بقول فنجانك يا برج الحوت
عندك شهرة وعلاقات وصداقات جديدة وشغل كتير مهم تبادل الاراء والأفكار والاسلوب ممكن تلاقي نفسك بمجال عملك متفوق بدك تعطي الحلول للكل عندك شراء سيارة هيدي الخطوة كنت بدك تقوم فيها من فترة بس أجلتها صار وقتها الوضع المهني ممتاز عندك الوضع العاطفي بدك تاخد خطوة جادة بخصوص العلاقة بتلاقي ترحيب بقلب البيت في فرح قريب جدا وتلبيس محبس ان شاءالله

المصدر:عرب كلوب