فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرك الفنجان يا برج الحمل
بدك تسمع بمشكلة مع احد الأشخاص بدك تكون طرف فيها
بخصوص انثى بتخصك بس بتنحل المشكلة على خير
الوضع المهني في شي بالشغل شاغل بالك منك مرتاح في حدا بيزعجك وبيضايق عليك
بدك يكون عندك صبر بعدين بدها تنحل مشكلتك والأشخاص السلبيين المزعجين بدهن يتركو الشغل
الوضع العاطفي انت بحاجة للحديث مع الشريك بتأجل أمور بتخصك الوضع المالي انت مرتاح ماليا عم بتفكر تستغل هيدا الموضوع
بقلب البيت بدك تناقش مشكلة مع حدا من المقربين بخصوص انثى من العيلة وتاخد خطوات مهمة
شخصيتك اليوم
متقلب مزعوج بتلحقك المشاكل وين ما رحت
الثور
شو بدي يخبرني فنجانك يا برج الثور
عندك دخول على دوائر رسمية وبتاقبل احد الأشخاص بخصوص بيع او شراء بتحاول تكسب وقت لاتاخد خطوة مهمة بتخص الأهل وضعك المهني انت بهالايام مستهتر بعملك هيدا الشي بدو يأثر عليك سلبا
الوضع المالي: انتبه على حالك من الدفعات والنفقات حتى لا توقع بعجز
الوضع العاطفي لا تتجنب الشريك بعدين بيقلب عليك
بقلب البيت
بدك تشكي لحدا من الأبوين بخصوص امور عالقة عندك
شخصيتك اليوم
قابل الشريك حتى ترتاح نفسيا ما ضل متوتر
الجوزاء
شو بقول فنجانك يا برج الجوزاء
عيش يومك يا برج الجوزاء اطلع من جو التوتر والقلق انتبه لنفسك وشغلك خلي علاقتك مع الزملاء جيدة
الوضع المهني بشكل عام
علاقتك بالزملاء جيدة وبتكون مع فريق ناجح ومتفوق بعملك
وبتحصل على مكافئة مالية ومعنوية وبتعزز ثقتك بنفسك
الوضع العاطفي الشريك منو بعيد عنك بس ناطر فرصة ليعبر عن اعجابو
بقلب البيت اجوائك حلوة وعندك فرح قريب
شخصيتك اليوم
عزيمة للزملاء وبتكون اجواء اجتماعية حلوة
السرطان
شو بخبرك الفنجان يا برج السرطان
اوراقك جاهزة للسفر يا سرطان بس انت مأجل السفر لغاية بنفسك
خلص امورك المهنيه والمالية وجهز شهاداتك
بس بدك تاخد قرار حيكون وقتك منو لاإلك
عندك سفر وقريب بخصوص شغل جديد وعلم وشهادات ودراسات عليا
الوضع العاطفي
عندك انفصال عن الشريك هيدا الانفصال لبسبب سفرك المفاجئ
بقلب البيت شايفة دمعة فرح وفرج قريب
شخصيتك اليوم
متحار بخصوص قرار بيتعلق بشؤونك الشخصية استشر عقلك وانت الرابح
الأسد
بدك تسمع خبر بيزعجك بخصوص حدا مقرب منك اكيد بدك تكون مزعوج خبر انفصال او طلاق بتحاول انك تشغل حالك بالعمل وتعطي عملك وقت اكتر
الوضع المهني انت متفوق وناجح بس ما عندك طموح لازم تطور حالك حتى تعطي اكثر
الوضع العاطفي
عندك مقابلة مع الشريك قريبة بدك تسمع مشكلة معينه بخصوص الشريك حاول تكون اكتر رواق
بقلب البيت
حيكون في توتر ونقاشات غير مجدية
شخصيتك اليوم
بدك تحاول تطلع من جو التوتر والنقاش وريح راسك
العذراء
شو بدو يقلك فنجانك يا برج العذراء
أحلامك حلوة يا عذراء اذا ناوي تحققها
لازم تدعمها بوجودك وحضورك الذهني والجسدي بدك يكون عندك اهتمام والاتزام وجراءة باخد القرارات انا شايفة بفنجانك بدك تاخد قرار بخصوص عملك وبدك تفاجئ الزملاء والمسؤولين بالعمل الوضع العاطفي
خود الخطوة لبحس فيها الشريك انك مهتم بعلاقتك وتكون علاقة جدية
بقلب البيت الأهل والمقربين إلك ناطرين الفرحة لبدي شوفها بعيونك قريب جدا
شخصيتك اليوم
انت ألبوم رومانسي وهادي
الميزان
شو بقول فنجان يا برج الميزان
لازم تحط النقط على الحروف ما تخاف من شي بوضعك المهني في بعض الفترات للأسف الشديد بدك تاخد قرارات مهمة بخصوص شغل مع حدا من الأشخاص المنافقين هيدا الأمر عم يزعجك اسلوبهن وتعاملهن بدك تاخد خطوة تتلقيها مرتبطة بالعلم والتعلم والدراسة حتكون عندك سفرة لهذه المسائل الوضع العاطفي انت والشريك على توافق انت متفهم الشريك
بقلب البيت
سفرة انشاءالله الأهل بيدعموك بهل الخطوة الموفقة
شخصيتك اليوم
اي شي بيزعجك واي شي بيرضيك
العقرب
شو بخبرك الفنجان يا برج العقرب
مصداقيتك بالحياة وبالاخص العمل والثقة بالنفس هي الأسباب لنجاحك بعملك وكمان الزملاء بالعمل بتاخد قرارات ارتجالية بتخص مشروع او شي خاص بعملك وبدك تدخل نقاش مع احد المسؤولين لازم تغير الأسلوب حتى تكون منتصر بالرغم من الثقة بالنفس هالشي بخليك تأمن بقدراتك ووجهة نظرك
الوضع العاطفي
الشريك بيهتم بأمورك ومامن بقدراتك
بقلب البيت رايق وبتاخد قرار بخصوص شي مالي
شخصيتك اليوم
انت واثق بنفسك وبقدراتك نفسيتك تمام
القوس
شو بخبرك الفنجان يا برج القوس
واثق الخطوه يمشي ملكا
عندك ثقة بنفسك ما في شك انك عندك قدرات وعندك نجاح كبير وعندك اجتماعات بتخص العمل وبس ما تكون مغرور ومتكبر هيدا حينعكس سلبا عليك وعلى شغلك ودراستك حاول انك تتواضع وتقرب من الآخرين وتغير من طريقة كلامك واسلوبك
الوضع العاطفي في عين محبة بضل تراقبك وهي قريبة منك
بقلب البيت
غير طريقة كلامك وتعاملك حتى لا تزعج الأهل والأصدقاء المقربين إلك
شخصيتك اليوم
حابب تكون لحالك ما حدا يزعجك
الجدي
شو بدو يخبرك فنجانك يا برج الجدي
راجع حسباتك ورتب امورك واوراقك واسلوبك وطريقتك بكلام
ببلش من حسباتك لا تكون مستهتر بأمور عيلتك واستغل دعم المقربين إلك عندك فرص كتيرة ومهمه حاول تستغلها ما ضيعها من إيدك انت موهوب ومتفوق بعملك بس بدك دعم
الوضع المالي
بدي قلك الحقيقة كاملة
عندك ضيقة مالية حيكون صعب تخطيها بقلك خفف مصروفك ونفقاتك انت مبزر ما بتحسب حساب لبكرا بتعيش كل يوم بيومو
الوضع العاطفي الشريك بيهتم بأمورك ورومانسي يمكن انت ما إلك خلق عليه خفف تعصيب
بقلب البيت عندك مشاجرة مع حدا من المقربين إلك انت معك الحق بس اسمع للطرف الآخر
شخصيتك اليوم
اوقات معصب واوقات رايق وهادي بتحاول تتجنب المشاكل
الدلو
شو بقول فنجان يا برج الدلو
عندك امتحان بخصوص شغل جديد او دراسة بدك تمضي على عقد ممكن انو يلزمك بالمستقبل وعزز علاقتك مع الزملاء والمسؤولين الوضع المهني عندك جيد حاول انك ترتب أوضاعك الدراسية مع امورك المهنية
الوضع المالي
عندك حوالة من الخارج بدها تفرجك وتحل مشاكلك المالية
خفف عزومات وسهر ولهو وضعك المالي ما بيسمح لانو في نهاية المطاف انت الخسران والمديون
الوضع العاطفي
عندك حب جديد انت منك جدي بعلاقاتك بتحب اللهو هيدا الشي بأثر سلبيا عليك
بقلب البيت عندك مشاجرة مع الأهل والمقربين إلك بخصوص دفعة مالية انت ماخر فيها
شخصيتك اليوم
انت بتعيش ايامك الجاي بمرح ولعب ما عندك مسؤوليه
الحوت
شو بقول فنجان يا برج الحوت
بدك تدخل على مشاكل مع حدا بخصوص شقة او أرض او عقار بيتنازع عليه من قبل بعض المقربين وبدك تدخل على باب حكومة او محكمة بدك تقابل شيخ او رجل دين تسمع لحكمو في بعض الأشخاص منهن يكونو مرتحين انت معك الحق
ومعك الأوراق المطلوبة والأهل وحتى لو عاكسك بعضهن أو استفزوك بالكلام ما تهتم فيهم
الوضع المهني :
بدك تكون حذر من بعض الأشخاص ما تمضي على اي ورقة حتى لا يصير في خدعة من احد الورثة
الوضع العاطفي
انت مهمل الشريك بهالايام حاول انك تعوض الشريك
بقلب البيت
عندك دعم من الأهل ما تخاف من شي
شخصيتك اليوم
حاول تراجع حسباتك ورتب حياتك العاطفية استقر مع الشريك
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…