تانيا قسيس تطرح كليب اغنيتها “كم مرة”

بعد النجاح الكبير الذي حقّقه حفلها في اكسبو 2020 دبي، طرحت الفنانة تانيا قسيس اغنيتها الجديدة التي حملت عنوان “كم مرة”.

الاغنية من كلمات وألحان مايك ماسي، فيديو من حفل مباشر من إخراج باسم كريستو وهو عمل مسرحي تعبيريّ حيث كان تصميم الرقص من توقيع هادي عواضة مع أداء متمايز لألكسندر شدياق.

وتقول كلمات الاغنية

ما بدي عد سنين
ضيعتن همّ ولوم
ولا إسأل حالي كيف
عايشة بدنيي بلا لون
وفكّر لحالي كيف عم بنطر
وحيدة بهالكون

ما بدي احلم فيك
وتسافر انت وهون
ولا بدي الحلم يصير
يغفى ويضيع النوم
والعيد يصير بعيد وينساني
وحيدة بهالكون

كم مرّة لازم حبّك
وكم مرّة لازم إنساك
وكم مرّة لازم ردّك
وإفتح عحالي هالباب

كم مرّة لازم إكتبلك
عم تتعب مني الكلمات
كم مرّة لازم اصرخلك
غنيلك ذات الموال

دخلك خبرني خبرني كيف
خافت الحكاية من هبوب الرّيح
والماضي بيخجل من أحلامو بيخجل
كيف

دخلك ذكرني ذكرني كيف
تخبّت الحكاية خلف الخريف
والحب بيدبل متل وراقو بيدبل
كيف

ورجعنا بعد سنين
نتلاقى ومش عارفين
منحكي منشكي لمين
قرب وبعد وحنين
دخلك خبرني كيف خلصت لحكايي ورجعنا من جديد
كيف الحب بيبعد لا بيرضى ولا بيزعل وبيرجع بعيد

كم مرّة لازم حبّك
وكم مرّة لازم إنساك
وكم مرّة لازم ردّك
وإفتح عحالي هالباب

كم مرّة لازم إكتبلك
عم تتعب مني الكلمات
كم مرّة لازم اصرخلك
غنيلك ذات الموال

كم مرّة لازم

المصدر