قمر الميزان العادل يلي بيمنحنا روح حلوة واحساس فني عالي وقدرة على تقدير الجمال والبدء بعلاقات افضل من صداقة لحب لزمالة ..ويلي عم يعمل انسجام فلكي مع شمس وعطارد وزحل الدلولنشهد فترة حلوة ورائعة للابراج الهوائية الجوزاء والميزان والدلو ..
اما كيف فيها تستفيد الابراج من هالشي .. بحسب خبير علم الفلك منيب الشيخ
برج الحمل .. اذا عندك عزيمة او لقاءات حاول ماتنفعل وساير شوي حتى تضل علاقاتك تمام وتكسب شراكة جديدة ..
برج الثور .. حاول تستفيد بقصة شغل جديد او خلص التزاماتك وبلش رياضة واهتمام بحالك وجسمك وعمول ريجيم ..
برج الجوزاء .. استرجع علاقاتك واستفيد من شخص بعيد بشغل معو او حوالة او هدية ..
برج السرطان .. تقرب من عيلتك وحل مشاكل البيت وحاول تعمل شي جديد ببيتك يريح نفسيتك بالديكور والنظافة والترتيب
برج الأسد .. افضل شي بتعملو انك تلاقي صيغة تفاهم مع الكل واستغل السوشل ميديا ببوستات غير شكل
برج العذراء .. لازم تدرس افضل طريقة لكسب المال وغالبا ايدك عم تحكك وبدك تقبض حتى لو عم تدفع
برج الميزان .. استغل حضورك وطاقتك وبلش بخطوات وامور جديدة والحظ معك بكل شي اطمن
برج العقرب .. نصيحتي ساعد شخص ورح يكون لهالشي تأثير حلو عليك لبعدين وماتعطي ثقتك لحدا
برج القوس .. استغل انو الكل معك واطلب شو بدك لان طلباتك اوامر وامنياتك قابلة للتحقق وشعبيتك كبيرة
برج الجدي .. عندك قصة مهمة ومصيرية يا اما بتكسبك يا اما بتخسرك فحسبها منيح ولاتخاطر واستغل شهرة متوقعة .
برج الدلو .. حاول تلغي القيود من حياتك وبلش بامور جديدة واولها بشكلك وطريقة تفكيرك وكتير مهم تبدأ تتعلم شي جديد
برج الحوت .. صار لازمك راحة وبكفي الكل عم يستغلك مشان هيك ارجع للناس يلي بتعطيك مابتاخد منك وحل مشاكلك