فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرك الفنجان يا حمل
شايفة انو ايامك حلوة يا حمل حاملة معها مفاجاءت كتيرة مادية وعاطفية ومهمه
بدك تقابل أشخاص إلك فترة منك شايفوهن وبدك تفضي اوقات حلوة بدك تزور بيت حدا من الاصدقاء وبدها تكون جلسة فيها اعادة زكريات
الوضع المهني
حدا من الاصدقاء بدو يجبلك شغل او شراكة وهيدا الشغل بدو يحسنلك وضعك المالي والمهني وبدك تسكب خبرة
بس انتبه من عيون الحسد عليك يا حمل اقرأ سورة كل اعوز برب الفلق
عليك حسد يا حمل من فترة طويلة ما بتتوفق ولا بشغلة وبضل عندك وجع الراس
الوضع المهني بشكل عام
انت فايت على شغل جديد مع حدا من الاصدقاء وهيدا الشغل بدو يحسنلك وضع شايفة انو انتكل على الله
الوضع العاطفي
انت والشريك عم بتخططو لأيام حلوة وارتباط
الوضع الصحي
انتبه من وجع الراس
الوضع المالي
مرتاح ماليا انت بتحسب كل شي ما بتصرف الا للضرورة وهيدا الشي بوفرلك المال
بقلب البيت
بدك تناقش امور مالية مع حدا من افراد العيلة حاول انك تساعد الأهل
شخصيتك اليوم
مرح وسهرة حلوة مع الأصدقاء وإعادة زكريات حلوة
الثور
شو بخرني فنجانك يا ثور
انت سريع الغضب يا ثور حاول انك تكون هادي بالأخص لما الموضوع بيتعلق بعيلتك
انا شايفة سؤ فهم بينك وبين حدا من افراد العيلة بدو يصير في زعل وهيدا الشي بدو يزعج الأهل
الوضع المهني
لا تكون سريع الغضب بالعمل لانو بدك تخسر زبائن مهمين وهيدا الشي بأثر سلبيا عليك وعلى شغلك حاول انك تكون رايق وهادي بالأخص بالعمل
ويمكن تدخل بمشاكل مع الزملاء والأصدقاء
الوضع المالي
حدا من المقربين بدو يطلب منك مبلغ مالي كبير وهيدا المبلغ بدو يدخلك بعجز
الوضع الصحي
انتبه للجيوب الانفية هي بتعمل تعصيب
الوضع العاطفي
حتى الشريك منو سالم منك ومن تعصيبك
حاول انك تصالح الشريك
بقلب بيتك شايفة زعل من الأبوين بخصوص حدا من العيلة حاول تصلح امورك بقلب البيت
شخصيتك اليوم
عصبي ومتسرع
حاول تكون رايق
الجوزاء
شو بخبرني الفنجان يا جوزاء
عم بتناقش موضوع سفر انت والعيلة وهيدا الموضوع انت حاسمو من فترة حكيت فيه ورجع انطرح الموضوع من جديد
الوضع المهني
بدك تاخد قرار ترك الشغل وهيدا القرار بدو يزعج المسؤولين عنك والزملاء بالعمل نصيحة ما تترك شغلك قبل ما تكون مرتب امورك
الوضع المالي
كون حريص على مالك لانو بعد فترة بدك تكون بحاجة إلى أموال ويمكن تتطلب المساعدة من حدا من المقربين او الاصدقاء
الوضع الصحي انتبه
من وجع المعدة
الوضع العاطفي
بدك تشرح وضعك للشريك وتاخد قرار بيتعلق بشؤونك العاطفية
بقلب البيت
في نقاش وفي زعل بقلب البيت بعد ما تطرح موضوع السفر حاول انك تشرح امورك للأهل
شخصيتك اليوم
بتفكر كتير يا جوزاء خلي امورك على الله
السرطان
شو بدو يقول فنجانك يا سرطان
عندك دخلة على مصرف يا سرطان وهيدي الدخلة بخصوص صديق إلك بدك تمضي على قرض بس انتبه لنفسك من هيدا القرض شايفة بدك تورط حالك
الوضع المهني
عندك شي جديد حيولد بحياتك مشروع عمل انت من فترة عم تشتغل بشأن عمل جديد او انتقال إلى موقع آخر بأمنلك النجاح هيدي الخطوة حلوة إلك وبدك وبدك ترتاح من أشخاص كان همهن ازعاجك واستفزازك يمكن هيك احسن إلك بدك تحسن وضعك المالي قلنا بوضع المهني عندك نقلة من مكان لمكان آخر وهيدا الشي بيريحك
الوضع المالي
بدك تضايق شوية يا سرطان
عندك دفعات مالية لحدا من المقربين وهيدا الشي بدو يأثر عليك
الوضع الصحي
انتبه من وجع اسفل الظهر أو القدمين
الوضع العاطفي
انت مهتم بالشريك وهيدا الشي بقدرو الشريك
بقلب البيت
تجنب اي مشاجرة او نقاش مع الأهل
او حدا من افراد العيلة لانو بدو يصير في زعل
شخصيتك اليوم
حاول انك تتجنب المشاكل ونقاش وفكر في عملك
الأسد
شو بقول فنجانك يا أسد
بتفكر كتير يا أسد ومهموم كتير
بتحمل هم العيلة والاهل وكل والحواليك هيدا الأمر بأثر عليك وعلى شغلك حاول انك تفكر بنفسك
الوضع المهني
في محل عملك اشخاص بحاول انو يجادلوك بعملك انتبه منهن لا تناقش ولا يهمك يا أسد انت بإذن الله منتصر بالعكس هو بالمينضر
الوضع العاطفي
بدو الشريك يجادلك بأشياء جديدة بتخص حدا من افراد عيلتك وهيدا الشي بيزعجك
الوضع المالي
تجنب يا أسد اي حدا يطلب منك المساعدة او تكفل باي مصرف حدا
الوضع الصحي انتبه من الأكل حاول انو يكون صحي
بقلب البيت شايفة محبس بخص حدا من افراد عيلتك
شخصيتك اليوم
اسهر وافرح وعيش حياتك
العذراء شو بخبرني فنجانك يا عذراء
انت سريع التخلي يا عذراء
ليش بدك تخسر أصدقائك واحبابك والمقربين إلك
اي مشكلة بتواجهك او اي حدا بقلك شي عن أي شخص مقرب إلك بتتخلى عنو لازم تفكر بعقلك وتفكر بالأشخاص المخلصين إلك وتحاول انك تفهم الآخرين بكون الأمر افضل إلك والهن
الوضع المهني
بدك تناقش وضعك المهني مع حدا من المسؤولين عنك بخصوص قدراتك المهنية ومجهودك وبدك تلاقي تجاوب من المسؤولين وتكون خطوتك اجابية وهيدا الشي بدو يزعج حدا من الزملاء وبدو يصير في كلام بيزعجك وبيزعج حدا من المسؤولين ما تهتم عالج الأمور بتروي
الوضع المالي
أوضاعك المالية بأحسن حال يا عذراء ليش بدك تنق قول الحمدلله على كل حال
الوضع العاطفي
بدك تسمع حدا معجب او بحبك ما تتفاجىء لانو انت منتبه الو من فترة
الوضع الصحي انتبه من هبوط السكر بالدم
بقلب البيت
أغراض بدك طالعها من بيتك وهيدي الأغراض بدك تعمل مشكلة عليها
شخصيتك اليوم
انا قلتلك انت سريع التخلي وهيدا الشي بيبعد كل الحواليك
الميزان
شو خبرني فنجانك يا مزان
افكار كتيرة عندك يا ميزان
بتفكر كتير وبتحلم كتير بس للاسف ما عندك حظ يا ميزان بضل افكار وبضل احلام
الوضع المهني
حاول انك تطور نفسك أكثر وتستفيد من زملائك الموجودين معك انت مجتهد وطموح بس للاسف ما بتهتم بعملك هيدا الشي بدو يأثر على خبرتك وترقيتك
الوضع العاطفي
عندك حب جديد بحياتك او بدو يولد حب
وبدك تاخد قرار
مصيري
الوضع المالي
بدك تطلب مساعدة من العيلة بخصوص شراء سيارة او موبيل وبدك تسمع كلام ما بيعجبك
الوضع الصحي
انتبه من الشقيقة واستشير طبيبك
بقلب البيت
بدك تسمع كلام من حدا من الأهل بخصوص مساعدة مالية انت طلبها وهيدا الكلام بدو يزعجك
شخصيتك اليوم
عندك سهرة او عم بتحضر للسهرة
العقرب
شو بقول فنجانك يا عقرب
عندك نشاط من اكتر من محل بتشغل عقلك وحابب تكون بالصدارة بعملك وهيدا الشي بيسعدك وبعيد امجادك
الوضع المهني
مجتهد وطموح والحظ معك يا عقرب ما تخاف انا شايفة انك تاخد خطوة بخصوص شغل إلك خاص فيك وهيدي فرصتك حاول تستغلها صح وبلش صح ما تسمع كلام من اي شخص بخصك او بخص عملك شايفة بفنجانك النجاح ما تتردد
الوضع المالي
مرتاح وبتحب المساعدة وبيجيك الدعم من اصدقاء وقت الشدة
الوضع الصحي
انتبة من الأكل فيه توابل وبهارات
بقلب البيت
شايفة فرحة من الأهل بخصوص قرارك بالعمل وهيدا الشي بيريحك وبيسعدك
الوضع العاطفي
عندك مقابلة مع الشريك بتحكي وبتاخد بنصائح الشريك
شخصيتك اليوم
عندك سهرة مع الشريك وهيدي السهرة بدها تكون اكتر دبلوماسية
القوس
شو خبرني فنجانك يا قوس
عندك قصة صارت مع حدا مقرب منك والك فترة عم بتحاول تجمع وتلقط طرف الخيط بدك تباشر بعمل بخص المؤسسة أو شركة وبدك تبين إبداعك بس في صديق بدو يقدم مساعدة إلك
الوضع العاطفي
ما تستخف بالشريك ما تخلي يتخلى عنك
الوضع الصحي
عليك بالرياضة المشي
بقلب البيت
حاول تستغل حب اهلك واهتمامهن إلك وافتح موضوع الشريك
سخصيتك اليوم
ليش متقلب مزاجك معكر
الجدي
شو بخبرك الفنجان يا جدي
اتقي شر من أحسنت اليه
يا جدي شو صاير معك في حدا استغلك واستغل طيبة قلبك وحاول يعملك مشاكل مع حدا عزيز على قلبك وهيدا الشخص ساعدتو وحاربت ناس كتير من اجلو وكنت الو المعين والسند اتخلى عنك ولا يهمك هو الخسران
الوضع المهني
خلص اوراقك يا جدي ناوي على سفر بصدد العمل وهيدا الشغل انت تعبت ودرست واجتهدت كرمال تلاقي نفسك بمجال عملك وعلمك اجا الوقت يا جدي جهز امورك شايفة بفنجانك سفر واحلام بدك تحققها
الوضع العاطفي
في حب خارج البلاد يا جدي وهيدا الحب بدو يطور ويتوج بالزواج
الوضع المالي في حدا بدو يساعدك ويدعمك وبشجعك بالسفر للخارج ويدعمك ماليا
الوضع الصحي
انتبه من وجع اسفل البطن والمعدة
بقلب البيت
شايفة بفنجانك فرحة تخص مولود جديد بينضم إلى العيلة
شخصيتك اليوم
مزعوج بسبب شخص استغل طيبة قلبك وطعنك بضهرك خفف عن حالك
الدلو
شو بقول فنجانك يا دلو
شايفة عندك فرح قريب جدا يا دلو وعندك انفراج بعملك ما بتحب تحكي قليل الكلام بتسمع اكتر ما بتتكلم وهيدي ميزة حلوة عندك يا دلو ما حدا بيعرف شو بتفكر او شو ناوي تعمل
الوضع المهني
حاول تخفف عن حالك شوية انت بتتعب وبتعطي بس للاسف ما حدا مقدر تعبك ومجهودك حاول تستغل شعبيتك بشكل مباشر من خلال الاصدقاء والزملاء واحكي الأمور متل ما هي ما ضيع تعبك يا دلو
الوضع العاطفي
الشريك حدك وداعمك بحاول يخفف عنك
الوضع الصحي انتبه من وجع الركبة والقدمين
بقلب البيت
عندك مكالمة هاتفية من قبل حدا قريب منك وهيدي المكالمة بدها تعطيك آمل
شخصيتك اليوم
اطلع اسهر وافرح يا دلو كل ساعة وفرجها معها
الحوت
شو خبرني فنجانك يا حوت
عندك زعل يا حوت بدك تسمع حدا توفى وبدك تزعل
الوضع المهني
حوت بتشتغل على سفر بصدد العلم والدراسات والتعلم بس بدك تباشر ببيع شي بخصك إلك حتى تتحسن امورك المالية
الوضع المهني
صار وقت تاخد فرصتك يا حوت وتاخد الخطوات الصحيحة بحياتك المهنية وبصورة ايجابية بدك تكون جاد وصادق بتعامل مع الناس ومع محيطك وهيدا الشي بقدرو الزملاء والمسؤولين والمقربين إلك
شايفة بفنجانك سفر واحلام بدك تحققها قريبا
الوضع العاطفي
انت والشريك على تفاهم عالي وبدك تاخد خطوة جادة وهيدي الخطوة بتسعد الشريك
الوضع المالي
بدك تتضايق شوية ماليا وبدك تبيع شي بخصك
الوضع الصحي
انتبه لنفسك من ضعف النظر
بقلب البيت
بدك تناقش امور مالية وامور السفر مع الأهل والمقربين وبتلاقي الدعم
شخصيتك اليوم
أفكارك متل موج البحر بتاخدك وبتجيبك
الأبراج والحياة الزوجية: كيف تؤثر الأبراج على العلاقات الزوجية وتوافق الزواج العلاقة بين الأبراج والحياة…
هل الأبراج حقيقة تعد مسألة ما إذا كانت الأبراج حقيقة أو مجرد اعتقادات موضوعًا جدليًا،…
حظك من اسمك: كيف يؤثر اسمك على حياتك وشخصيتك تُعتبر الأسماء من الأمور التي تؤثر…
حساب البرج الطالع من ساعة الولادة حساب البرج الطالع (البرج الصاعد) باستخدام ساعة الولادة البرج…
حساب البرج الباطني: مفهومه وطريقة حسابه البرج الباطني، والمعروف أيضًا بـ"البرج الصاعد" أو "البرج الروحي"،…
الأبراج حسب الاشهر بالانجليزي إليك ترتيب الأبراج حسب الأشهر بالإنجليزية مع تواريخ كل برج: Capricorn…