قراءة فنجان الابراج السبت 5/2/2022 شباط فبراير

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج السبت 5/2/2022 شباط فبراير

الحمل
شو بقول فنجانك يا حمل
شايفة بدك تفوت بمفواضات مع حدا من الأقارب بخصوص شي بيتعلق بارض او عقار وهيدي بدها تسبب زعل أو يرجع الزعل من الاول واشرس
الوضع المهني
عندك امور عالقة بدوائر حكوميه بدك تلاحقها بس ماخرة شوية بسبب حدا من الأعداء والخصوم هو باخرها وهيدا الشي بيزعجك وبسببلك قلق ومتاعب ما تخاف بدك تتخطى كل هالامور بس كون هادي ورايق بنقاشك مع المسؤولين عن الأوراق الرسمية حتى لو صار استفزاز
الوضع المالي
عندك دفعات مالية كتيرة بسبب الأوراق المطلوبة العالقة وهيدا الشي بدو يأثر عليك
الوضع العاطفي
انت وين والشريك وين حل امورك وبعدين شوف الشريك
بقلب البيت
في مواجهات شرسة مع احد الأقارب وبدك تلاقي دعم من الأهل وأفراد العيلة والمقربين إلك
شخصيتك اليوم
خفف تعصيب وتوتر كل شي الو وقتو

فنجان برج الثور الابراج السبت 5/2/2022 شباط فبراير

الثور
شو بخبر فنجانك يا ثور
شايفة عزيمة عندك بالبيت لأشخاص كتير مهمين والهن نفوذ ومكانة عاليه وبدك تطلب مساعدة او مساندة منهن لشي بخصك إلك وبدك تحصل عليه
الوضع المهني
في امور مرتبطة بالعلم والدراسات والشهادات بدك تحصل عليها قريب جدا بعد ما تحصل عليها بدك تطلب ترقية من المدراء إلك وبدك تحصل عليها بإذن الله
وانت ناوي على مشروع خاص فيك وهيدا الشي بحسنلك وضعك وظروفك المالية
الوضع المالي
بيجيك الدعم وعندك مستلزمات بتخص العيلة والاهل يعني اذا اجاك مال كمان بروح حاول انك تخفف نفقات مالية
الوضع العاطفي
مقابلة مع الشريك بدك تحل مشكلة معينه صارت مع الشريك العاطفي مشكلة مالية
بقلب البيت
شايفة بفنجانك عزيمة وناس كتير حولك ومع الاهل والعيلة والشريك
شخصيتك اليوم
عندك ايام حلوة بتقضيها

فنجان برج الجوزاء الابراج السبت 5/2/2022 شباط فبراير

الجوزاء
شو قال الفنجان يا جوزاء
عندك مولود جديد جاي على العيلة وهيدا المولود بسبب فرحة وجمعة حلوة بالبيت
الوضع المهني
انت مكركب شوية بالعمل بسبب حدا من الزملاء معك في وهيدا الزميل بحاول انو يورطك بمال او شي بخص عملك انتبه لنفسك من هيدا الزميل منو ناوي على خير بيحسدك وبغار منك بس للاسف بكون معك ببين انو مخلص ومحب هو العكس
الوضع المالي
مرتاح ماليا وبدك تخلص من ديون مالية بتخص حدا من افراد العيلة
الوضع العاطفي
شايفة الحب بدو يطرق بابك وقريب منك كتير
بقلب البيت
فرحة حلوة ولمة بتخص مولود جديد
شخصيتك اليوم
عم بتحاول انك تبين قدام العيلة والاهل انك مرتاح ومسرور

فنجان برج السرطان السبت 5/2/2022 شباط فبراير

السرطان
شو قال فنجانك يا سرطان
شايفة عندك مقابلة مع حدا عزيز وغالي عليك وهيدا الصديق بدو يعرض عليك سفر او شغل جدید يس مشروط هيدا الأمر وهيدا الشي بيزعجك
الوضع المهني
عندك فرصة مهمة مرتبطة بالعمل من قبل صديق إلك مسافر خارج البلاد وهيدي الفرصة مشروطه بس بدك تستغلها وتقبلها بعدين بدك ترتاح للشروط بتكون من حظك
ما تتردد خود الخطوة وانتبه لمستقبلك وانت بحاجة إلى أموال وبحاجة إلى خبرة
الوضع العاطفي
شايفة في خلاف كبير بينك وبين الشريك
الوضع المالي
انت بحاجة إلى مساعدة ومساندة من قبل بعض المقربين إلك والأصدقاء بدها تجيك المساعدة من شخص مقرب وعزيز عليك
بقلب البيت
شايفة دموع الأهل بخصوص قرارك بالسفر
شخصيتك اليوم
اطلع اسهر وافرح وعيش

فنجان برج الاسد الابراج السبت 5/2/2022 شباط فبراير

الأسد
شو خبرني فنجانك يا أسد
بتجادل وبتعمل مشاكل مع افراد العيلة بخصوص مال او شغل او شي خاص فيك
الوضع المهني
مزعوج ومعصب وشايف امور بعملك من خلال بعض الأشخاص وهيدا الشي بيزعجك الوضع بشكل عام بيزعجك عم بتشوف امور غير قانونية بعملك ما في قلك طنش شوف شو الصح بدك تقابل احد المسؤولين عن العمل وبدك تشرح وضعك وضع العمل وبدك تلاقي تجاوب من جهه المسؤولين
الوضع العاطفي
شايف مشاجرة ومشكلة مع الشريك وهيدا بيزعجك وبيزعج الشريك حاول انك تهتم بالشريك اكتر
الوضع المالي
عندك نفقات مالية مستحقة عليك ما تتهرب منها
بقلب البيت
عندك مشاجرة مع احد المقربين وأفراد العيلة بخصوص مال او شي بخص العيلة والاهل
شخصيتك اليوم
بتحاول تتجنب المشاكل بالأخص مع العيلة

فنجان برج العذراء الابراج السبت 5/2/2022 شباط فبراير

العذراء شو بقول فنجانك يا برج العذراء
بدك تقابل شخص كان حب قديم بدك تقابل بالصدفة وبدو هيدا الشخص يعاتبك ويحملك مسؤولية الفراق بس بدك تكون انت سعيد بالصدفة بدك تراجع ايام حلوة مريت فيها انت والحبيب القديم شايفة بفنجانك انو يمكن ترجع علاقاتك وامورك انت وياه
الوضع المهني
عندك مقابلة عمل مهمة بالنسبة إلك وهيدي المقابلة بدها تفتح عليك باب زرق منو كبير بس مع الوقت راح تفتح مجال لابواب كتيرة ومهمه وفرص مهمه بتستفيد منها بدك تشتغل على حالك وتطور حالك وتهتم بعلمك اكتر
الوضع المالي
عندك أموال متجمدة هيدا الشي بدو يأثر عليك وعلى مصروفك ونفقاتك لازم تلاقي حل
الوضع العاطفي
حب قديم بدو يتجدد وهيدا الحب بكون فيه ارتباط جدي زواج
بقلب البيت
بدك تناقش امورك المالية مع حدا من افراد عيلتك وهيدا الشخص ما بيهتم لوضع بيزعجك
شخصيتك اليوم
عندك مقابلة مع الاصدقاء وهيدي المقابلة بدها تكون مرتاح وسعيد

فنجان برج الميزان الابراج السبت 5/2/2022 شباط فبراير

الميزان
شو قال فنجانك يا ميزان
بتأثر يا ميزان من كل شي انت شو بتسمع بتتأثر وهيدي الصفة منها حلوة بتعملك اكتئاب من الحواليك خفف شوية يا ميزان
الوضع المهني
بدك تناقش امور عالقة بتخص العمل والثقة بدو يكون حدا من الزملاء معك بالعمل عندو مشاكل معك وهيدا الأمر بدو يزعج المسؤولين وبعض الزملاء
حاول انك تتجنب المشاكل مع أي شخص في العمل
الوضع المالي
عندك حوالة مالية من الخارج إلك فترة ناطرها بدها تعوضلك خسارتك
الوضع العاطفي
بدك تهتم بالشريك هيدا الأمر بيسعدك
بقلب البيت
بدك تشكي لحدا من الأهل بخصوص مشاكلك شو بصير معك في
شخصيتك اليوم
تحتاج إلى الهدوء والتروي

فنجان برج العقرب الابراج السبت 5/2/2022 شباط فبراير

العقرب
شو خبرني فنجانك يا عقرب
عندك سفر يا عقرب وقريب جدا
بدك تناقش مشكلة بتخص حدا من افراد عيلتك وبدك تقابل رجل دين وهيدا الرجل الدين بدو يحل المشكلة بوجودك وبدو بكون فيه دفع مبلغ من المال بدك تتولى انت المهمة
الوضع المهني
عندك سفر يا عقرب بتخص عملك بدك تروح انت وحدا من المدراء والزملاء بدك تناقش امور وبدك تثبت جدارتك ونشاطك وقدراتك وامكانياتك بالسفرة وهيدا الشي بدو يعطيك نجاح كبير بعملك وشايفة عندك ترقية مهمة وزيادة بالراتب
الوضع المالي
خفف مصروفك ونفقاتك يا عقرب بعدين بيجي وقت انت بحاجة لكل قرش
الوضع العاطفي
انت والشريك على خلاف كبير
يمكن اذا بتنهي العلاقة بكون احسن إلك
بقلب البيت
بدو حدا من افراد العيلة يطلب منك المساعدة والدعم لازم تدعمو
شخصيتك اليوم
مزعوج بخصوص الشريك حاول انك تتواصل مع الاصدقاء

فنجان برج القوس الابراج السبت 5/2/2022 شباط فبراير

القوس
شو بخبرك الفنجان يا قوس
عندك ثقة بنفسك وبقدراتك يا قوس عندك قدرة بإقناع الآخرين باي نشاط او مفاوضات او تحديات
الوضع المهني
عندك اجتماع مهم مع بعض الأشخاص المهمين وبدك تاخد خطوة جادة بخصوص مشروع انت كنت طارحو من فترة بدو يلاقي إعجاب من الزملاء والمدراء والزبائن
وهيدا الشي بعزز عندك ثقة بنفسك وبقدراتك
الوضع العاطفي
انتبه للشريك قبل ما يفقد الأمل منك
الوضع المالي
منك مرتاح ماليا وهيدا الشي بيزعجك لانو في حدا من المقربين طلب المساعدة منك
بقلب البيت
حاول انك تشرح للآخرين أوضاعك المالية والمهنية
شخصيتك اليوم
موتر وتعبان لازم ترتاح

فنجان برج الجدي الابراج السبت 5/2/2022 شباط فبراير

الجدي
شو قال فنجانك يا جدي
عندك مشاجرة مع حدا قريب منك بدك تاخد قرار بس بعدين بدك تندم حاول انك تفهم الآخرين وتحل سؤ الفهم
الوضع المهني
عندك ثقة بنفسك يا جدي وهيدا الشي بدو يأثر عليك اجابيا
في حدا من المقربين صديق او زميل بدو يعرض عليك عمل او شراكة
نصيحة مني لانو شايفة بفنجانك نجاح كبير ومال بيجيك بس بدك تتعب جسديا بس بيستاهل التعب
الوضع المالي
بدك تناقش وضعك المالي مع الشريك وبدك تاخد بنصيحتو
بقلب البيت
عندك مشاجرة مع احد افراد عيلتك بخصوص العائلة والمال بتنتهي على خير
شخصيتك اليوم
خفف تعصيب وتوتر ما في شي بيستاهل

فنجان برج الدلو الابراج السبت 5/2/2022 شباط فبراير

الدلو
شو قال فنجانك يا دلو
شايفة عندك افكار كتيرة يا دلو وفي مكالمة هاتفية بتخص أغراض او شي بخص الاهل والعيلة
الوضع المهني
بدك تاخد قرار وتشارك بعض المقربين إلك هيدا القرار بدو يكون مصيري تغير عمل او مؤسسة او شركة هيدا العمل بدو يعملك مشاكل مالية ومشكلة مع حدا من افراد العيلة وبدو يصير في خلاف كبير انا شايفة لازم تتجنب اي قرار يمكن يعملك مشاكل
الوضع المالي
عم ترتاح ماليا يا دلو بس بعد بدك وقت عليك ديون مستحقة بس بعدين بترتاح
الوضع العاطفي
بدك تناقش وضعك مع الشريك ويمكن يسببلك خلاف
بقلب البيت
تجنب المشاكل يا دلو شايفة انو في عندك انت المشكلة
شخصيتك اليوم
تعبان من امور صارت معك

فنجان برج الحوت الابراج السبت 5/2/2022 شباط فبراير

الحوت
شو بقول فنجانك يا حوت
شايفة مفاتيح يا حوت ناوي على سيارة او شقة
الوضع المهني
عندك شي جديد عمل جديد بخصك إلك وبدك تكون مستعد لأي خطوة بتخص عملك انت متفوق بعملك وهيدا الشي بيسعدك لانو بعملك إلك وضعك ومركزك
شايفة نجاح عندك
الوضع المالي
انت ماليا مرتاح كتير وعم بتحضر للمشروع خاص فيك وهيدا الشي بحسنلك وضعك المالي اكتر
الوضع العاطفي
بدك تاخد خطوة جادة بتخص الشريك
بقلب البيت شايفة بفنجانك شمس شارقة وآمال وارتياح نفسي
شخصيتك اليوم
عم بتحضر لسهرة مع الاصدقاء اسهر وافرح

المصدر:عرب كلوب