فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بقول فنجانك يا حمل
بدك تاخد قرار بخصوص العيلة والاهل في حدا من افراد العيلة بدو يواجهك بقرارك وبدك يكون غير متوقعة وبتفاجئك بقرار بدو يطور شايفة زعل باليت يا حمل
الوضع المهني
بدك تاخد قرار مصيري بخصوص سفر وهيدا القرار بتاخدو وقت تعصيب
شايفة عندك سفر وميسر يمكن روبما ضارة نافعة يا حمل
الوضع المالي
شايفة هيدا الزعل بدك تترك الاول والاخر وبدك تمر بضائقة مالية صعبة بس في حدا بدو يدعمك ويوقف حدك
الوضع العاطفي
الشريك معك بكل خطواتك وبيدعمك
بقلب البيت
شايفة بفنجانك البيت مقلوب بخصوص الخطوة والقرار
شخصيتك اليوم
معصب حاول انك تتجنب المشاكل مع الأهل والعيلة
الثور
شو قال الفنجان يا ثور
عايش ايامك الحلوة يا ثور
شايفة عندك ضيوف وعزيمة وفرح بالبيت بخصك إلك
الوضع المهني
قريب جدا يا ثور بدك تباشر بعمل جديد وهيدا الشغل بدو يحسنلك وضعك عندك ذكاء بتعرف كيف بدك ترتب امورك المهنية والمالية بس في حدا بساعدك على نجاحك
الوضع المالي
خفف مصروفك شوية يا ثور شايفة ايام الجاي انت بحاجة إلى المال
الوضع العاطفي
عندك مقابلة مع الشريك وبدك تناقش قرار بيتعلق بشؤون الشريك
بقلب البيت
عندك أمور كتير بدك تناقش فيها الأهل والاقارب
شخصيتك اليوم
مرتاح عندك عزيمة مهمة بدك تقضي وقت حلو
الجوزاء
شو بقول فنجانك يا جوزاء
شايفة فوضى كتير بفنجانك يا جوزاء ليش الخوف والتوتر يا جوزاء الوضع ما بيحمل مفاجاءت خليك رايق بالأخص مع العيلة والابوين
الوضع المهني
عندك مفاحىء بعملك يا جوزاء حدا قريب منك كتير بدو يخبرك خبر كتير مهم وبدو يفاجئك بخصوص شغل جديد او انتقال إلى موقع آخر بأمنلك النجاح شايفة بفنجانك نجاح مهم بحياتك المهنية وبتحصل على ترقية مهمة بمجال عملك
الوضع المالي
مرتاح ماليا بس انت ما بتحب حدا يعرف شو معك وشو عليك
الوضع العاطفي
شايفة زعل من الشريك حاول انك تهتم بالشريك اكتر
بقلب البيت
في حدا من العيلة انت بتحب تحكي معو حتى كيف بتفكر
شخصيتك اليوم
تجنب المشاكل والتعصيب فكر بعملك
السرطان
شو خبرني فنجانك يا سرطان
عندك أوراق بتخص حدا من طرفك بدك تساعد فيها بس انا شايفة انو في وجع راس من خلال هودي الأوراق اذا بتتجنب هيدا الأمر بكون احسن إلك
الوضع المهني
بدك تناقش مشكلة بالعمل بتخصك مع حدا من الزملاء معك وهيدي المشكلة بدها تاخد خطوة جادة شايفة عندك نقلة من مكان عملك او عمل جديد شايفة بدك وقت كبير لتنجح خفف تعصيب وتوتر يا سرطان وحاول انك تفهم الزميل وتحل المشكلة بينك وبينو
الوضع المالي
انت واعد حدا انك تساعدو بخصوص مبلغ مالي وهيدا الشي بدو يأثر عليك اجابيا بعدين
الوضع العاطفي
عندك شي خاص بالشريك عم تحضر مفاجأه
بقلب البيت
بدك تناقش امور مالية وعائلية مع حدا من الأقارب
شخصيتك اليوم
شايفة بفنجانك يومك حلو مع الشريك العاطفي
الأسد
شو بخبرك الفنجان يا أسد
حدا بدو يستغلك يا أسد
بخصوص مبلغ مالي هيدا الشخص ورطك بأمور مالية ومبالغ عالية جدا
الوضع المهني
انت متوتر وخائف يا أسد شايف امور عم بتصير بشغلك وهيدا الشي بيزعجك والوضع بشكل عام مخوفك لازم تخاف يا أسد لانو شايفة شي بفنجانك منو منيح بخص المؤسسة لانت فيها عم بصير أمور منها عاجبتك
الوضع المالي
للاسف يا أسد وضعك المالي والمهني منو منيح إلك شايفة بدك تاخد قرار بخصوص عمل
الوضع العاطفي
انت والشريك على خلاف وهيدا الشي بأثر عليك وعلى تفكيرك
بقلب البيت
بتتجنب الكلام باي قرار بيتعلق بشؤونك وهيدا الشي بيزعج الأهل
شخصيتك اليوم
حابب تكون لحالك رتب كل امورك يا أسد
العذراء
شو بقول فنجانك يا عذراء
شايفة بفنجانك مناسبة بتخص حدا من الاصدقاء
انتبه يا عذراء
شايفة عندك ناس جديدة بدها تورطك بامور مالية او شي قضائي كون حريص يا عذراء
الوضع المهني
شغلك تمام يا عذراء
في حدا من الناس الجدد بحياتك بدهن يورطوك بمشكلة يمكن بتتعلق بوضعك المهني انتبه لنفسك يا عذراء
الوضع العاطفي
في عين محب براقبك الو فترة
بقلب البيت
حدا من افراد العيلة بدو يطرح عليك مشكلة او ارتباط او شي بخص الاهل
شخصيتك اليوم
معزوم على مناسبة بتخص حدا من الاصدقاء والأجواء حلوة
الميزان
شو خبرني فنجانك يا ميزان
شايفة طيارة بفنجانك يا ميزان حدا من الاصدقاء بدو يجي من سفر الوضع المهني
شايفة بدك تناقش وضعك وامورك مع حدا من الاصدقاء بخصوص شغل جديد او دراسة وبدك تاخد قرار بالسفر وهيدا القرار الصح يا ميزان
شايفة عندك نجاح وتفوق بدراسة لازم تأخد فرصتك من الحياه
الوضع المالي
في حدا من الاصدقاء بدو يساعدك بمبلغ مالي ويشجعك بقرار السفر
الوضع العاطفي
شايفة حب جديد بس بدو وقت ما تستعجل يا ميزان
بقلب البيت
شايفة طاقة فرج قريبة بتحل مشاكلك المالية والمهنية
شخصيتك اليوم
سهرة حلوة مع الأصدقاء والمقربين إلك
العقرب
شو بقول فنجانك يا عقرب
شايف منام يا عقرب وخايف منو صح المنام منو منيح إلك يا عقرب بدك تزعل على شي يا عقرب
الوضع المهني
بدك تسمع بخبر بخص حدا من الزملاء عندو مشكلة مع حدا من الأشخاص المهمين وبدك تكون حدو وبتحاول انك تساعدو وتوقف حدو انت وحدا من الزملاء شايفة انو بدك تحل المشكلة بس بدها وقت
الوضع المالي
عندك دفعات مالية بتخص العيلة والاهل عم بتحاول انك تاجلها لوقت ثاني بس للاسف ما في مجال بدك تاخد خطوة بدها تكون صعبة
الوضع العاطفي
ليش عم بتتجنب الشريك الشريك بحاجة الك
بقلب البيت
بدك تناقش امور بتتعلق بشؤون العائلة والاسره
شخصيتك اليوم
مزعوج من المنام ووضعك المالي والعاطفي
هيدا بزيد التوتر والقلق
القوس
شو بقول فنجانك يا قوس
شايفة عندك اهتمام بحدا من المقربين إلك عندك ارتباط قريب جدا يا قوس بس شايفة انو ما بتم الأمر
الوضع المهني
بدك تناقش امور بتتعلق بموضوع دراستك العلمية وشهاداتك بدك تناقشها مع حدا من الأشخاص المهمين وعندهن نفوذ عالية جدا وبدك تحصل على عمل جديد شايفة نجاح وآمال وارتياح بدها تتغير حياتك يا قوس
الوضع المالي
صار وقت انك ترتاح ماليا يا قوس
الوضع العاطفي
شايفة عندك ارتباط جديد وقريب منك بس للاسف ما بصير هيدا الأمر
بقلب البيت
بدك تواجه مشكلة مع الأهل حول ارتباط او خلاف
شخصيتك اليوم
مرح وسهرة حلوة مع الأصدقاء عيش حياتك يا قوس
الجدي
شو قال فنجانك يا جدي
عندك مقابلة مع رجل دين يا جدي وهيدا المقابلة بدها تفتح عندك باب جديد او تغير اسلوبك يا جدي بس المقابلة حلوة يا جدي
الوضع المهني
عندك سفر يا جدي بدك تاخد قرار بخصك إلك سفر محتم يا جدي وهيدا الأمر بدو يزعج حدا من المحيطين فيك انتبه من الحسد عليك عيون حسد كتيرة
شايفة حدا بدو يشجعك ويساعدك على سفر بصدد عمل انت بتنتمي الو وتعبت كتير يا جدي حتى تحصل على شهادة علمية
الوضع المالي
خفف مصروفك ونفقاتك وسهراتك يا جدي
الوضع العاطفي
عندك خلاف مع الشريك بخصوص مبلغ مالي او شي بخص نفقات
بقلب البيت
بدك تواجه مشكلة مع حدا من افراد العيلة بخصوص ارتباط او شي خاص تجنب المشاكل
شخصيتك اليوم
سهر ومرح رواق يا جدي
الدلو
شو بقول فنجانك يا دلو
عندك مكالمة هاتفية طويلة من حدا من افراد عيلتك بتخص إرث هيدي المكالمة بدها تزعجك يا دلو
الوضع المهني
شايفة في تغير كامل بحياتك المهنية يا دلو بدك تكون جاد بخصوص قرار بيتعلق بشؤونك المهنية شايفة عندك نقلة من شغلك وهيدي فرصتك يا دلو شوف وين بلاقي مصلحتك واهدافك ومستقبلك
شايفة عندك نجاح بس عندك صعوبة بالحصول على الشي لبدك ياه
اصبر يا دلو
الوضع المالي
قريب جدا بدك ترتاح ماليا يا دلو عندك شوية ضغوطات مالية بس بدها تمر بإذن الله
الوضع العاطفي
انت حامل هم الشريك العاطفي يا دلو بالأخص بهالفترة
بقلب البيت
بدك تناقش مشكلة بتخص اخ او حدا من افراد العيلة بتخص إرث شخصيتك اليوم
في حدا من الاصدقاء الأوفياء بكون حدك وداعمك وبغير مزاجك
الحوت
شو خبرني فنجانك يا حوت
بدك تواجه مشكلة مع حدا من الأشخاص المجادلين وذو وجهين تجنبهن يا حوت احسن إلك
الوضع المهني
شايفة بفنجانك نجاح بخصوص شغل مع حدا من الزملاء وعندك اجتماع مهم مع اشخاص جدد وهودي الأشخاص بدهن يعملو نقلة مهمة بحياتك المهنية انت وحدا من الزملاء المقربين إلك والافياء لبكونو حدك وداعمينك بكل المجالات شايفة نجاح مهم كتير وبدك تخطي خطوات جديدة واستثنائية بحياتك المهنية
الوضع المالي
صار وقت انك تقطف تعبك ومجهودك يا حوت وترتاح ماليا بعد الخلافات المشاكل
الوضع العاطفي
صار وقت انك تفرح وتاخد قرار بخصوص الشريك
بقلب البيت
فرحة بتخصك شايفة عندك شمس شارقة
شخصيتك اليوم
احلى اوقات حلوة بتقضيها يا حوت
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…