قراءة فنجان الابراج الثلاثاء 15/2/2022 شباط فبراير

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الثلاثاء 15/2/2022 شباط فبراير

الحمل
شو بخبرني فنجانك يا حمل
شايفة عندك طريق سفر منو طويل يعني من منطقة لمنطقة وهيدا الطريق بدك تقابل أشخاص كان في شي بينك وبينهن صار معك خلاف كبير شايفة انو بدها ترجع العلاقة والشغل
الوضع المهني
عم بتفتش على شريك معك بدك تفتح مشروع عمل خاص فيك وبحاجة للشريك المهني وبدك تمشي بطريق طويل بدك نلاقي أشخاص كان بينك وبينهن عمل سابقا وصار في سؤ الفهم وبدك تحل هيدي المشكلة شايفة بفنجانك نجاح بس انتبه من الأشخاص لبكونو سابقا بحياتك
الوضع المالي
انت بحاجة إلى مساعدة ومساندة وبدك تلاقي الدعم من الأشخاص لبكونو بحياتك الشخصية
الوضع العاطفي
شايفة ايامك حلوة مع الشريك يا حمل
بقلب البيت
شايفة عندك ضغوط من قبل الأهل والمقربين إلك
شخصيتك اليوم
ايامك حلوة يا حمل بالأخص مع الشريك

فنجان برج الثور الابراج الثلاثاء 15/2/2022 شباط فبراير

الثور
شو قال فنجانك يا ثور
حمل هم حدا من العيلة عندو مشكلة صحية وهيدي المشكلة الصحية بتمر على خير بدك تناقش وضع العيلة مع حدا اكبر منك سنا
الوضع المهني
نجاحك المهني حلو يا ثور شايفة عندك نجاح كل مرة عم تكبر اكتر بس انتبه من الحسد والأشخاص السلبيين الموجودين بحياتك المهنية والشخصية
بدك تقدم على مشروع مهم بخصك وبدك تكون مرتاح وسعيد الوضع المهني متفوق بعملك وهيدي شهادة من قبل الزملاء والمسؤولين عنك
الوضع المالي
مرتاح ماليا يا ثور شايفة بدك تساعد حدا من العيلة بخصوص عملية جراحية وبدها تمر على خير
الوضع العاطفي
عندك مقابلة مع الشريك بتحكي امور بتخصك وبتخص الشريك
بقلب البيت
شايفة بالبيت عندك ضيوف كتير بتخص حدا من افراد عيلتك
شخصيتك اليوم
مقابلة مع الشريك وهيدي المقابلة بدها تكون فرصة حلوة مع الشريك

فنجان برج الجوزاء الابراج الثلاثاء 15/2/2022 شباط فبراير

الجوزاء
شو بقول فنجانك يا جوزاء
بتفكر كتير يا جوزاء بوضعك المالي والمهني وبتفكر بالعيلة وامورها حامل هموم ومشاكل العيلة بس للاسف ما حدا بفكر فيك
الوضع المهني
شايفة عندك مقابلة عمل جديد وهيدي الخطوة بدك تفتح مجال لشجار مع حدا من الزملاء القدماء كانو معك وكانو منصفين إلك من وقت طويل راجع امورك المهنية يا جوزاء وحط النقط على الحروف ما تخلي حدا يقلل منك
الوضع المالي
عندك شي خاص فيك بدك ترهن او تبيع بس شايفة بفنجانك ما بصير هيدا الأمر لانو قي ضرر إلك
الوضع العاطفي
إلك فترة بتتجنب الشريك
شايفة الشريك بدو يواجهك وقريب جدا
بقلب البيت
عندك نقاش مع حدا من الأهل بخصوص شغلك حاول انك تكون اكتر هادي
شخصيتك اليوم
معصب ومزعوج
من العمل والشريك حاول انك تتجنب المشاكل

فنجان برج السرطان الثلاثاء 15/2/2022 شباط فبراير

السرطان
شو خبرني فنجانك يا سرطان
بدك تستقبل ضيوف وعزيمة وسهرة يا سرطان بدك تكون مرتاح وسعيد أشخاص إلك فترة طويلة منك شايفهن وبدك تشوفهن وتتحدث معهم بكل صراحة وهيدا الشي بيريحك يا سرطان
الوضع المهني
عندك عمل جديد مع أشخاص او أصدقاء قدماء إلك فترة طويلة منك شايفهن
وبدك تفتح موضوع متعلق بالعمل وبدك تاخد خطوة جادة بخصوص هيدي العمل شايفة عندك نجاح بس بدو صبر ومجهود وتعب والتزام وهيدا الشي موفر عندك وعند الاصدقاء
بدو يصير هيدا الشغل وبدها تتحسن امور المالية والمهنية
الوضع المالي
عندك شوية مشاكل وضغوطات مالية بس بتمر مع الوقت
الوضع العاطفي
عندك مقابلة مع الشريك وبدو يصير في بعض الخلاق معو بس بترجع الأمور متل ما كانت
بقلب البيت عندك ضيوف وعزيمة وفرح وهيدا الشي بأثر عليك اجابيا
شخصيتك اليوم
سهرة حلوة مع الأصدقاء واجواء احلى

فنجان برج الاسد الابراج الثلاثاء 15/2/2022 شباط فبراير

الأسد
شو بقول فنجانك يا أسد
شايفة بتمشي بمشوار فجأة بيجيك مكالمة هاتفية من حدا قريب منك وبتمشي بطريق انت وحدا بس عندك مشكلة مع أشخاص بخصوص الأرض او محل او شي بخصك إلك
الوضع المهني
بتفكر كتير تعمل شغل خاص فيك اكيد مع شغلك وهيدي الخطوة بس بدها جراءة منك وبدك دعم من الاصدقاء والاهل والمقربين إلك عندك التفوق والنجاح والمجهود والنشاط بس انت خايف من الفشل يا أسد شايفة بفنجانك نجاح اذا اخدت هيدي الخطوة انتكل على الله يا أسد
الوضع المالي
قي عندك مكالمة هاتفية من حدا من افراد العيلة بدو يزعجك بأمور مالية وبخليك تاخد خطوة جادة ببيع سيارة او شي بخصك إلك
الوضع العاطفي
شايفة انو الشريك داعمك وبخاف عليك وعلى مصلحتك اهتم بالشريك اكتر يا أسد
بقلب البيت
حدا من افراد عيلتك بدو يفاتحك بموضوع ارتباط بدو يزعجك هيدا الأمر
شخصيتك اليوم
حاول انك تطلع من جو الكائبة والتوتر

فنجان برج العذراء الابراج الثلاثاء 15/2/2022 شباط فبراير

العذراء
شو خبرني فنجانك يا عذراء
بدك تخبر بوفاة يا عذراء بدك تزعل من هيدا الخبر بس بعيد عن عيلتك حدا من الاصدقاء او أقارب الاصدقاء
بدك تزعل
الوضع المهني
شايفة أمور شغلك تمام الحمدلله يا عذراء وعندك علاقات وتواصل مع بعض الأشخاص المهمين وبدك تكون مرتاح مع الأشخاص وبدها تكون امورك المهنية والمالية تمام الحمدلله شايفة بفنجانك بدك تنجح وتصل إلى مستوى حلو وعم تكون العيون عليك وعلى نجاحك انتبه من الحسد يا عذراء
الوضع المالي
مرتاح ماليا حدا بدو يطلب منك مساعدة ودعم وبدك تساعدو
الوضع العاطفي
شايفة هدية ثمينه بدها تجيك فجأة يا عذراء
بقلب البيت
بدك تخبر بمولود جديد على عيلتك وهيدا الخبر بيسعدك وبيسعد الأهل
شخصيتك اليوم
شايفة عندك شوية زعل بخصوص خبر وفاة حدا من معارفك

فنجان برج الميزان الابراج الثلاثاء 15/2/2022 شباط فبراير

الميزان
شو بقول فنجانك يا ميزان
عندك مواجهات شرسة مع بعض المقربين إلك بخصوص أرض او أموال متجمدة هيدا الأمر بدو يزعج وبدو يصير في زعل
الوضع المهني
بدك تتناقش مع حدا من الزملاء معك بالعمل بخصوص مشروع شغل انت وياه وبدك تاخد الخطوة وبدها تكون مهمة كتير وفيها نجاح كبير وفيها أموال بس بدك تنتبه من بعض الأشخاص الحاقدين حواليك
الوضع المالي
عندك مال متجمد وهيدا الشي بيزعجك وبدك تفتح مواجهات شرسة بس بدك تحصل عليه بإذن الله
الوضع العاطفي
الشريك بيهتم بأمورك وفيك حاول انك تعطي اهتمام اكتر
بقلب البيت
شايفة بفنجانك الكل داعمك باي نشاط او خطوة بخصوص الإرث
شخصيتك اليوم
مقابلة مع حدا من الزملاء وبتناقش امور بتتعلق بموضوع العمل

فنجان برج العقرب الابراج الثلاثاء 15/2/2022 شباط فبراير

العقرب
شو بقول فنجانك يا عقرب
شايفة بفنجانك ظلم كبير يا عقرب في حدا من المقربين إلك ظلمك بشي او بكلام او بمشكلة
الوضع المهني
انت بتتعب كتير يا عقرب بتحاول انك تحل مشاكلك المهنية عندك مشكلة بالعمل مع حدا من الزبائن وهيدا بدو يأثر عليك وعلى شغلك وسيرتك المهنية شايفة بفنجانك ظلم يا حوت قول يا رزاق يا الله
الوضع المالي
عندك ضغوط مالية بسبب حدا من الأهل بالأخص الأبوين بعدين كل امورك بدها تتحسن انشاءالله
الوضع العاطفي
بتشوف الخوف والقلق والزعل بوجه الشريك العاطفي
شخصيتك اليوم
بدك تناقش وضعك وامورك مع بعض الأقارب وشايفة في حل
شخصيتك اليوم
خليك رايق وهادي يا عقرب

فنجان برج القوس الابراج الثلاثاء 15/2/2022 شباط فبراير

القوس
شو خبرني فنجانك يا قوس
عندك مناسبة فرح بقلب البيت يا قوس بدك تقابل أشخاص شايفة فرح قريب
الوضع المهني
بلشت تشتغل صح يا قوس وبلشت تعرف تتصرف بهدوء وبواقعية بدك تاخد خطوة بمجال عملك حابب تتطور وتتغير وتظهر على الضوء يا قوس اجا الفرج واجا الوقت تقطف تعبك ومجهودك يا قوس
الوضع المالي
انت بأحسن حلاتك المالية يا قوس
الوضع العاطفي
شايفة عندك مقابلة مع الشريك بتحكي الأمور متل ما هي
بقلب البيت
شايفة الدعم من الأهل والمقربين والأصدقاء والزملاء إلك وشايفة فرح
شخصيتك اليوم
ايامك حلوة يا قوس وفرح بالبيت

فنجان برج الجدي الابراج الثلاثاء 15/2/2022 شباط فبراير

الجدي
شو بخبرك الفنجان يا جدي
شايفة عندك توقيع على اوراق او وقعت عليها ما بتخصك وبتخص حدا من افراد العيلة شايفة دمعة حزن عندك يا جدي بدك تزعل على شي بخص حدا من افراد العيلة
الوضع المهني
شايفة كل ما نويت على شغل جديد او شي بخص العمل بيطلع عندك مشكلة عليك بقضاء امورك بالكتمان والسرية التامة يا جدي عندك حسد كتيرة وعيون حسد وغيرة
بدك تاخد قرار بخص عمل بتنتمي الو بس بدو وقت وبدو صبر وبدو دراسة وبدو اهتمام خاص وبدو دعم ومساندة شايفة بفنجانك نجاح بس مأجل شوية بخصوص العائلة بعدين بدو يصير انشاءالله
الوضع المالي
عندك ضغوط ونفقات وديون يا جدي قول يا رزاق يا معين يا الله بإذن الله بتمر
الوضع العاطفي
في خلاف مع الشريك بخصك إلك هيدا الشي بيزعجك
بقلب البيت
في عندك ضيوف ببيتك بس منك مرتاح منهن ولا مرحب فيهن
شخصيتك اليوم
متوتر ومعصب وفي قلق

فنجان برج الدلو الابراج الثلاثاء 15/2/2022 شباط فبراير

الدلو
شو بقول فنجانك يا دلو
عندك سر يا دلو ما حدا بيعرف فية الا شخص مقرب منك وهيدا الشي ما بضل سر بدو يطلع للعلن
الوضع المهني
شايفة عندك فرصة كبير ومهمة بتخص شهادة او دراسة بدك تستلم شغل جدید بخص دراستك وعلمك بدك تحس بالاستقرار الوضع المهني المالي انتبه لنفسك من شخص بدو يستفزك ويحرجك ويحاول يستغلك ويستغل سرك بس انت كاشف هيدا الشي
الوضع المالي
امورك إلى الأحسن يا دلو وقريب جدا بدك تشتري عقار او شي بخصك او سيارة
الوضع العاطفي
بتلاقي اهتمام والدعم من الشريك العاطفي بكل الاوقات
بقلب البيت
شمسك شارقة عندك طاقة إيجابية جيدة بتأثر عليك اجابيا
شخصيتك اليوم
شايفة عندك سهرة مع الاصدقاء واجواء حلوة

فنجان برج الحوت الابراج الثلاثاء 15/2/2022 شباط فبراير

الحوت
شو بخبرك الفنجان يا حوت
عندك أوراق بتخص العيلة والاهل اوراق بيع أرض أو عقار وبدو يصير هيدا الشي وبدها امورك المالية تتحسن
الوضع المهني
شايفة بفنجانك سفر واحلام بدك تحققها يا حوت بالسفر للخارج يا حوت بدك تنجح وتكون مرتاح ومتفوق وبدك تعمل مشروع وامور بتخصك وبتخص الشريك والاهل شايفة نجاح كبير ومال كتير بس بدو وقت وبدو جهد وتعب
الوضع المالي
خفف مصروفك ونفقاتك وسهراتك وكون حريص على مالك
الوضع العاطفي
خليك رايق ورمانسي مع الشريك
بقلب البيت
بدك تناقش امور بتتعلق بالسفر للخارج وبدك تلاقي الدعم من المقربين إلك والاهل
شخصيتك اليوم
سهراتك مع الشريك والأصدقاء المقربين إلك بتسعدك

المصدر:عرب كلوب