قراءة فنجان الابراج الاربعاء 16/2/2022 شباط فبراير

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاربعاء 16/2/2022 شباط فبراير

الحمل
شو بقول فنجانك يا حمل
في عندك حدا من العيلة بدو ياخد قرار بخصوص ارتباط وهيدا القرار بدو يزعجك ويزعج الأهل وبدو يصير في مشكلة وبدك تحاول انك تحل هي المشكلة شايفة انها بتنحل بس بضل في زعل
الوضع المهني
يا حمل انتبه إلى عملك اعطي وقت اكتر شايفة انك مقصر بعملك بهيدي الفترة هيدا الشي بدو يعكس وتأثر عليك سلبيا لازم يكون عندك اهتمام بالمشاريع انت اشتغلت عليها وتعبت فيها ما تخلي جدا يقطف تعبك ومجهودك
الوضع المالي
شايفة عندك ضغوط وضائقة مالية صغيرة منها كبيرة شغل ذكائك يا حمل بالمجال المهني والمالي والعائلي
الوضع العاطفي
انت والشريك في تناغم وفي وفاء الشريك بيتهم فيك وهيدا الشي بخفف عنك ضغوط
بقلب البيت
عندك مواجه ومشكلة بدك تحلها وحلها صعب شوية
شخصيتك اليوم
اطلع من جو التوتر وقابل الشريك العاطفي

فنجان برج الثور الابراج الاربعاء 16/2/2022 شباط فبراير

الثور
شو خبرني فنجانك يا ثور
بتهتم بالأهل وامور العيلة وهيدا الشي بيزعج حدا من افراد العيلة بدك تسمع كلام بخصوص هالشي انت بتتعامل مع الأمر كانو ما كان
الوضع المهني
عندك نجاح كبير شايفة مباركات من افراد عيلتك والزملاء بالعمل والأصدقاء والمدراء الموجودين بحياتك المهنية
بس كل نجاح كبير وراء حسد وحقد في حدا قريب منك بدو يطعن بضهرك انتبه لنفسك انت مفكرو صديق إلك بس للاسف هو عدو مؤذي
الوضع المالي
عندك زيادة بالراتب وعندك مال بس ما عندك راحة البال يا ثور
الوضع العاطفي
شايفة معجبين كتار عندك يا ثور
بقلب البيت
ايامك حلوة يا ثور وفي فرحة بالبيت بتخص نجاحك
شخصيتك اليوم
سهرة حلوة مع الأصدقاء والمعجبين

فنجان برج الجوزاء الابراج الاربعاء 16/2/2022 شباط فبراير

الجوزاء
شو بقول فنجانك يا حوزاء
في حدا من المقربين إلك بحاول انو يورطك بمشكلة مالية او مهنية شي بخصك إلك وهيدا الشي بصير بس في حدا بساعدك لكشف هيدا الأمر بس للاسف بكون صار في ضرر شوية
الوضع المهني
ناوي تعمل شغل خاص فيك بدك تطلب مساعدة ودعم من حدا مفكر انو صديق إلك بس للاسف هو عدو بدك تكتشف هيدا الأمر بمساعدة صديق وفي شايفة بدك تعمل هيدا الأمر بس بدو وقت ومجهود
الوضع المالي
شايفة أمور المالية منها تمام بدك تطلب مساعدة ودعم من بعض الأصدقاء وبدك تلاقي الدعم المطلوب
الوضع العاطفي
امورك تمام يا جوزاء مع الشريك حافظ على العلاقة
بقلب البيت
بدك تناقش امور مع حدا من الأهل بالأخص حدا من الأبوين
سخصيتك اليوم
انت عم تتجنب الناس حابب تكون لحالك وراجع حساباتك

فنجان برج السرطان الاربعاء 16/2/2022 شباط فبراير

سرطان
شو بخبرك الفنجان يا سرطان
بدك تاخد خطوة تفاجىء الأهل والمقربين والأصدقاء وهيدي الخطوة بتخص عملك تغير مكان العمل او العمل بشكل عام في أشخاص بدها تأيدك وفي اشخاص للاسف بدهن يعاكسوك
الوضع المهني
انت منك مرتاح بعملك وهيدا الشي بخليك تعجل باخذ قرار انك ترتب أوضاعك المهنية وتغير بمكان العمل يمكن يكون الراتب اقل بس انت بتلاقي أحلامك ونفسك بهيدا العمل ما تتردد
يا سرطان المهم انك تكون واقعي ومرتاح شايفة بفنجانك نجاح وتفوق بعملك الجديد وهيدا العمل بدو يفتحلك أبواب الرزق بإذن الله
الوضع المالي
انت حريص على مالك كتير بتصرف الا للضرورة القصوى هيدا الأمر بخليك تأمن نفسك
الوضع العاطفي
شايفة جايك هدية من الشريك وعندك مقابلة حلوة
بقلب البيت
شايفة ناس معارضة قرارك بس المهم الأهل معك
شخصيتك اليوم
عندك مقابلة مع الشريك وبدك تناقش قرار بيتعلق بشؤون الشريك العاطفي

فنجان برج الاسد الابراج الاربعاء 16/2/2022 شباط فبراير

الأسد
شو خيرني فنجانك يا أسد
عندك مواجه مع شخص مقرب منك كتير بخص بيع سيارة او شي بخص عيلتك وهيدي المواجة بدها تتطور للجدية اكتر وبدو ينفتح امور بتتعلق بشؤون الإرث وأرض وامضاءات يمكن ربما ضارة نافعة بدك تاخد خطوة وتحط النقط على الحروف بخصوص هيدا الأمر وتحسم امورك مع العيلة شايفة بفنجانك زعل كبير يا أسد
الوضع المهني
في عندك اجتماع مهم مع اشخاص مهمين بالعمل والقرارات وهيدا الاجتماع بدو يعملك نقلة مهمة بحياتك المهنية شايفة عندك ترقية او زيادة راتب هيدا بيرجع انك مجتهد وخدوم وصبور ومكافح هيدا الأمر بياخدو بعين الاعتبار المدراء والمسؤولين عنك
الوضع المالي
عندك ضغوط مالية بدك تناقش امور مالية مع حدا قريب إلك وبدو يجيك مبلغ مساعدة من احد الاصدقاء القدماء
الوضع العاطفي
رتب امورك مع الشريك شايفة انك مقصر شوية اعطي اهتمام خاص
بقلب البيت
عندك مواجهات شرسة مع حدا قريب منك ومن افراد عيلتك بدك تواجه وتحط النقط على الحروف
شخصيتك اليوم
معصب ومزعوج ومتوتر من كل الحواليك

فنجان برج العذراء الابراج الاربعاء 16/2/2022 شباط فبراير

العذراء
شو بقول فنجانك يا عذراء
شايفة عندك مقابلة مع حبيب جديد دخل على حياتك وهيدا الشخص كتير مهم بحياتك وبغيرلك طريقة تفكيرك ويقلـب أوضاعـك إلى الأفضـل
الوضع المهني
شايفة امورك المهنية تمام الحمدلله وبدك توسع نشاطك ومجهودك وبدك تعطي اهتمام لعملك اكتر وتتفوق لتثبت نفسك أكثر
بدك تنجح وتعطي مجهود مضاعف وهيدا الأمر بدو يزيد براتبك وبسيرتك المهنية
الوضع المالي
للاسف يا عذراء كتير بتنق يا عذراء هيدا الشي بيزعج الحواليك قول الحمدلله
الوضع العاطغي
عندك حب جديد بحياتك هيدا الحب بدو يغير فيك كتير
بقلب البيت حدا من الاهل في زعل بينك وبينو حاول انك تصلح امورك مع الاهل
شخصيتك اليوم
عندك مقابلة مع حب جديد اخد كل اهتمامك

فنجان برج الميزان الابراج الاربعاء 16/2/2022 شباط فبراير

الميزان
شو قال فنجانك يا ميزان
شو يا ميزان نويت على السفر
شايفة بفنجانك سفر يا ميزان سفر مأكد هيدي الخطوة اخدتها قبل مرة نويت وتراجعت وندمت ورجعت الفكرة من جديد
الوضع المهني
شايفة عم تصفي امورك المهنية والمالية يا ميزان نويت على السفر هيدي الخطوة مهمة جدا إلك شايفة بفنجانك سفر واحلام بدك تحققها وبدك تحصل على فرص اكتر عمل مهمة ما تتردد يا ميزان احسن ما تندم
الوضع المالي
مرتاح ماليا وبدك تاخد خطوة بتتعلق بشؤون الشريك خطوة جادة
بقلب البيت
شايفة دعم من الأهل والمقربين إلك بخصوص السفر
شخصيتك اليوم
عندك مقابلة مع الشريك وبدك تاخد قرار مصيري بخص الشريك

فنجان برج العقرب الابراج الاربعاء 16/2/2022 شباط فبراير

العقرب
شو قال فنجانك يا عقرب
ليش الخوف يا عقرب خايف من ماضي تعبك اطلع لمستقبلك
ما تخاف من الماضي
الوضع المهني
بدك تناقش امور بتتعلق بشؤون العمل مع حدا من الزملاء والأشخاص ذو نفوذ وبدو يكون في اجواء ايجابية واستغل حضورك وحاول تكون اكتر دبلوماسية وواقعي مع بعض الأشخاص المهمين ما تتوتر وانتبه لوضعك المهني
الوضع المالي
شايفة بفنجانك بدك تساعد حدا من الزملاء معك بالعمل بمبلغ مالي وهيدا الأمر بدو يعملك شوية مشاكل مالية بس بتمر على خير
الوضع العاطفي
شايفة بفنجانك حب جديد بحياتك اعطي اهتمام خاص
بقلب البيت
بدك تحكي مع حدا من افراد العيلة بخصوص شغل والاجتماع وتسمع نصيحة مهمة
شخصيتك اليوم
عندك سهرة حلوة كتير ومهمة بتخص حدا من طرفك

فنجان برج القوس الابراج الاربعاء 16/2/2022 شباط فبراير

القوس
شو خبرني فنجانك يا قوس
عندك ثقة بنفسك وبقدراتك يا قوس بس ما تثق بالأشخاص موجودين معك
بدك تقابل أصدقاء جداد وبدك تناقش مشكلة بتخص العمل والثقة بالنفس والأشخاص السلبيين موجودين في حياتك المهنية
الوضع المهني
بدك تواجه مشكلة مع حدا من الأشخاص السلبيين موجودين بعملك وهيدا الأمر بدو يعملك شوية مشاكل بدك دافع عن نفسك وحقك على صعيد المهني في بعض الفترات للأسف الشديد بدك تنهزم بس بدعم من بعض الزملاء الافياء إلك بترجع إلى رشدك
الوضع المالي
عندك دفع مبلغ كبير جدا لحدا من حواليك بدك تناقش امور مالية مع شخص مهم وبدك تحل مشاكلك المالية
الوضع العاطفي
إلك فترة منك مهتم بالشريك حاول انك تعطي اهتمام لشريك اكتر
بقلب البيت
بدك تسمع كلام من حدا من افراد العيلة بدو يزعجك نصحية تجنب المشاكل يا قوس
شخصيتك اليوم
منك مرتاح بتفكر كتير يا قوس

فنجان برج الجدي الابراج الاربعاء 16/2/2022 شباط فبراير

الجدي
شو بخبرك الفنجان يا جدي
في شي صار معك بالماضي قصة بتخص حدا قريب بدها تنفتح وبقوة وبدو يصير في زعل كبير بين
الوضع المهني
بدك تاخد خطوة بخصوص عملك او دراستك العلمية وشهاداتك بدك تناقش امور بتتعلق بشؤون العمل والدراسات والتعلم والدراسة بدك تلاقي الدعم من الأهل والمقربين والأصدقاء شايفة عندك عمل جديد هيدا الأمر بدو يساعدك بأمور مالية ونفسية
الوضع المالي
شايفة بفنجانك امورك المالية بدها تتحسن بس بدها وقت وبدها دعم
الوضع العاطفي
ايامك حلوة يا جدي مع الشريك
بقلب البيت
شمسك شارقة يا جدي شايفة حدا من افراد عيلتك بدو ياخد خطوة بخصوص سفر بدك تدعم هيدا الأمر
شخصيتك اليوم
شايفة عندك مناسبة لحدا من الأهل بدك تحضرها

فنجان برج الدلو الابراج الاربعاء 16/2/2022 شباط فبراير

الدلو
شو خيرني فنجانك يا دلو
عندك مكالمة هاتفية طويلة من افراد عيلتك وبدو يناقش معك امور مالية بتتعلق بشؤون الأهل انت منك مرتاح لهيدا النقاش حاسس انو في حدا بدو يستغلك
الوضع المهني
شايفة ترقية مهمة بمجال عملك بتجي هيدي الترقية مفاجأه إلك منك حاسب حسابها وفيها زيادة بالراتب وفيها آمال كبرى يا دلو هيدي فرصة إلك لتثبت نفسك وجدارتك ونشاطك وقدراتك وامكانياتك ولكن في حدا من افراد العيلة بدو يستغل هيدا الشي بحاول انو يأثر عليك تجنب يا دلو لانو عندك اهتمامات أخرى
الوضع المالي
شايفة بفنجانك الشريك العاطفي واقع بمشكلة مالية وبدو يطلب منك المساعدة والدعم ما تتردد يا دلو لانو الشريك كان معك وحدك وداعمك
بقلب البيت
عندك مكالمة هاتفية بدها تزعجك حاول انك تتجنب اي مشكلة
شخصيتك اليوم
مزعوج بسبب الشريك العاطفي حاول انك تساعدو

فنجان برج الحوت الابراج الاربعاء 16/2/2022 شباط فبراير

الحوت
شو قال فنجانك يا حوت
عندك احلام كبيرة جدا يا حوت وعندك علاقات وتواصل مع حدا من الزملاء واشخاص مهمين كتير بدهن يساعدوك
حاول انك تستغل هيدي الفرصة
الوضع المهني
بدك تطلب مساعدة من احد الاصدقاء القدماء والزملاء واشخاص مهمين بخصوص شغل جديد شايفة بدك تمضي على عقد عمل جديد وهيدا العقد بدو يكون الو تأثير كبير على صعيد المهني شايفة عندك نجاح بس هيدا الأمر بدو يتم انشاءالله وبدو يكون في اتفاق مع بعض الأشخاص المهمين هيدا بعزز عندك ثقة بنفسك وبقدراتك
الوضع المالي
ماليا مرتاح وهيدا الشي بدو يأثر عليك اجابيا باي نشاط او خطوة بمجال عملك
الوضع العاطفي
شايفة عندك قلب جديد يا حوت حب جديد بحياتك
بقلب البيت
غيمة صيف مريت فيها يا حوت
شخصيتك اليوم
اجواء اجتماعية حلوة مع الأصدقاء والمقربين إلك عيش حياتك يا حوت

المصدر:عرب كلوب