فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو قال فنجانك يا حمل
الوضع العام
بدك تسمع بمشكلة صارت مع حدا من الأقارب بخصوص طلاق او فراق وهيدي المشكلة بتحاول انك تحلها انت وبعض الأشخاص بتنحل بس بدها وقت
الوضع المهني
شايفة وضعك المهني صعب يا حمل في مشاكل مع بعض الزملاء بالعمل وهيدي المشكلة بدها تتطور وتوصل للمسؤولين عنك حاول يا حمل انك تحل هيدي المشكلة قبل ما تكبر وبعدين بدك تندم انت والزملاء
الوضع المالي
عندك دفعات مالية بتخص حدا من الأقارب بخصوص مشكلة معينه صارت معو وبدك تساعد يا حمل
الوضع العاطفي بدك تعطي للشريك حبك واهتمامك الشريك بيستاهل
بقلب البيت
عندك ضيوف وناس كتير بخصوص مشكلة صارت مع حدا من الأقارب بتحاول انك تصلح امور
شخصيتك اليوم
عيش حياتك يا حمل ما تخلي حدا يزعجك
الثور
شو بخبرك الفنجان يا ثور
الوضع العام
إلك فترة يا ثور بتفكر كتير بأمور بتتعلق بشؤون العائلة والاسره بدك تقابل حدا قريب منك ومن عيلتك وتحكي معو الوضع بشكل عام هيدا الشخص بدو يساعدك بأمور بتخص العيلة والاهل
الوضع المهني
انت ناوي على شغل جديد بخصك وبخص العيلة والاهل وهيدا الشغل بحاجة إلى أموال وبحاجة إلى مكان محل او شي بخص عيلتك شايفة بفنجانك بدك تعمل المشروع وبدهن الأهل والمقربين إلك يساعدوك ويدعموك بكل المجالات وهيدا الأمر بدو يتم انشاءالله وبدك تبزل جهد وتعب حتى ينجح شايفة بفنجانك نجاح بإذن الله
الوضع المالي
عندك ضغوط مالية بسبب مشروع عمل ناوي عليه انشاءالله وبدو يجيك الدعم من الأهل والمقربين والأصدقاء
الوضع العاطفي
علاقتك مع الشريك فيها شوية مشاكل حاول انك تحلها
بقلب البيت
شايفة بفنجانك نقاش مع الأهل والمقربين وبدك تطرح مشروع عمل بخصك وبخص الأهل بتلاقي الدعم المطلوب يا ثور
شخصيتك اليوم
كل تفكيرك وتركيزك على عملك
الجوزاء
شو خبرني فنجانك يا جوزاء
الوضع العام
بدك تدخل على بيت او محل بدك تسمع حدا من الاصدقاء عم يحكي كلام هيدا الحكي بدو يستفزك ويزعجك
الوضع المهني
شايفة عندك مقابلة عمل كتير مهمه بالنسبة إلك وهيدي المقابلة ما بتكون متل ما بدك ما تنزعج يا جوزاء شايفة عندك فرصة كبير بعمل جديد وهيدا الشغل بدو يجيك على طبق من ذهب استغل الفرص يا جوزاء
الوضع المالي
شايفة وضعك المالي بدو يتحسن بس بدو وقت شوية وصبر
الوضع العاطفي
عندك مقابلة مع الشريك وبدو يصير نقاش بخص العمل خليك رايق مع الشريك
بقلب البيت
الأهل والمقربين والأصدقاء حدك ومعك
سخصيتك اليوم
ما تزعج حالك يا جوزاء كل شي بوقتو حلو
السرطان
شو خبرني فنجانك يا سرطان
الوضع العام
في مكالمة هاتفية من احد الاصدقاء وهيدي المكالمة بدها تريحك وتسعدك يا سرطان
الوضع المهني
بدك تاخد قرار بخصوص عمل بخص شهاداتك ودراستك بدك تقدم على شغل جديد بخص علمك وهيدا الأمر بدو يعملك نقلة مهمة بحياتك المهنية وهيدي الخطوة بدك تاخدها عن قناعة شايفة عندك نجاح بس بدك وقت لتثبت نفسك ونحاحك اصبر يا سرطان
الوضع المالي
ما معك ولا عليك الحمدلله شايفة بفنجانك امورك المالية بدها تتحسن بس كمان بدها وقت
الوضع العاطفي
في حب جديد بدو يولد قريب جدا
بقلب البيت
شمسك شارقة يا سرطان ايامك الجاي حلوة
شخصيتك اليوم
رايق وهادي سهرة مع الأهل والمقربين
الأسد
شو خبرني فنجانك يا أسد
الوضع العام
انت مزعوج يا أسد بسبب حدا من المقربين إلك صار في جدال بخصوص مال او سيارة او شي خاص فيك وهيدا الشي زعجك بتنحل بإذن الله يا أسد
الوضع المهني
بتحاول انك تحل مشاكلك المهنية عندك مشكلة بتخص العمل او بالعمل هيدي المشكلة ما بتخصك إلك وحدك بتخص بعض الزملاء بدك تحلها يا أسد الوضع المهني عندك ما بيحمل مفاجاءت ومشاكل
الوضع المالي
في حدا من المقربين إلك ورطك بمبلغ مالي كبير وهيدا المبلغ صار مستحق الدفع لازم ترتب امورك المالية يا أسد
الوضع العاطفي
الشريك متفهم وضعك المالي والمهني وبحاول انو يساعدك
بقلب البيت
في حدا من افراد العيلة بدو يخزلك يا أسد انتبه لنفسك
شخصيتك اليوم
منك رايق ومنك مرتاح يا أسد طول بالك شوي
العذراء
شو قال فنجانك يا عذراء
الوضع العام
ايامك حلوة يا عذراء شايفة عندك مناسبة وسهرة واهتمام من حبيب قديم
الوضع المهني
شايفة بفنجانك امضاء على عقود واوراق بتخص عمل جديد وهيدا العمل بدو يصير بإذن الله بس في حدا من الاصدقاء بدو يحاول انو يفشل هيدا الأمر في آخر لحظة بشوف انو امورك بترجع تمام ما بيطلع من امرو شي بإذن الله
الوضع المالي
انتبه لمصروفك يا عذراء الايام الجاي بدها تكون صعبة ودقيقة شوية
الوضع العاطفي
حب قديم بدو يرجع من جديد
بقلب البيت
ايامك حلوة شايفة بفنجانك امورك تمام الحمدلله
شخصيتك اليوم
انت بأحسن حلاتك وايامك يا عذراء
الميزان
شو خبرني فنجانك يا ميزان
الوضع العام
عم تحكي بأمور سفر مع العيلة يا ميزان عندك طموح جارف وهيدا الشي بخوف الأهل والمقربين عليك
الوضع المهني
ناوي على سفر يا ميزان شايفة بدك تناقش وتجادل مع الأصدقاء والاهل بموضوع سفر بصدد عمل إلك فترة مقدم على دولة وهيدا الأمر بدو يتم انشاءالله
الوضع المالي
انت بحاجة إلى مساعدة ومساندة بدك تطلب مساعدة من الأهل
الوضع العاطفي
شايفة في خلاف كبير مع الشريك وفي نهاية للعلاقة ما تزعل يا ميزان
بقلب البيت
بدك تطلب مساعدة ودعم من الأهل بتلاقي الدعم بعد نقاش طويل
شخصيتك اليوم
كون هادي بنقاشك ورايق يا ميزان
العقرب
شو قال فنجانك يا عقرب
الوضع العام
انت شايف منام يا عقرب وخايف منو بس المنام كتير منيح وبدل على خير
الوضع المهني
عندك اجتماع مهم جدا مع بعض الأشخاص بخصوص عمل بتنتمي لا إلو وهيدا الأمر بدو يصير وبدك تكون مرتاح لهيدي النقطة وبدك تمضي على اوراق شايفة بفنجانك في شغل مهم وهيدا الشي بدو يأثر عليك اجابيا
الوضع المالي
مصروفك ونفقاتك كبيرة يا عقرب بدك تخفف شوية
الوضع العاطفي
مقابلة حلوة مع الشريك واهتمام اكتر من الاول
بقلب البيت
شايفة فرحة عندك من الأهل والمقربين والأصدقاء بخصوص شغل جديد
شخصيتك اليوم
مقابلة مع الشريك واجواء عاطفية حلوة
القوس
شو بقول فنجانك يا قوس
الوضع العام
شايفة أفكارك متل موج البحر بتاخدك وبتجيبك بتفكر كتير بأمور بتتعلق بشؤون ومشاكل العائلة وهيدي الأمور بدها تاخد طاقة كبيرة منك وبتخليك منك مرتاح
الوضع المهني
يا قوس
بدك تاخد خطوة تفاجىء الجميع بخصوص شغل مع شخص بعيد عنك وهيدا الشغل بدو يفتحلك أبواب الخير والرزق يا قوس شايفة بفنجانك بدك تنجح وتصل إلى مكانة عالية ما تتردد يا قوس
الوضع المالي
مرتاح ماليا وبتساعد وبتساند الكل من افراد عيلتك او الأهل والمقربين وهيدا الشي بقدرو الحواليك
الوضع العاطفي
مقابلة مع الشريك بدك تاخد خطوة جادة ارتباط
بقلب البيت
شايفة بفنجانك
بدك تنقاش امورك مع الأهل بخصوص خطوة جادة بتخص الشريك
شخصيتك اليوم
مقابلة حلوة مع الشريك والأصدقاء وشايفة عندك فرحة يا قوس
الجدي
شو بقول فنجانك يا جدي
الوضع العام
شايفة عندك خوف يا جدي خايف من شي بخصك إلك او بخص حدا من افراد عيلتك خايف عليه
الوضع المهني
انت ناوي على شغل او دراسة باختصاص معين هيدا الأمر للاسف ما بصير
شايفة بفنجانك يا جدي حسد وغيرة من أشخاص مقربين إلك حاول يا جدي تحل امورك بالكتمان والسرية التامة
شايفة بفنجانك في شغل جديد بس في تعب ومجهود
الوضع المالي
في عندك حوالة مالية من الخارج
بتفرجك شوية يا جدي بس انتكل على حالك
الوضع العاطفي
الشريك متفهم وضعك وبحاول انو يخفف عنك
بقلب البيت
عندك محبس لحدا من افراد عيلتك بس ماخر شوية
شخصيتك اليوم
مزاجك معكر معصب ومزعوج بس ما بتظهر لحدا
الدلو
شو بقول فنجانك يا دلو
الوضع العام
مكركب كتير يا دلو أفكارك بمكان انت بمكان ثاني إلك فترة منك مرتاح بخصوص العائلة بتفكر كتير بعيلتك وهيدا الشي بيزعجك وبوترك
الوضع المهني
عندك مقابلة مع أشخاص بخصوص تعديل شهادة او ترخيص او شي بخص دراستك وهيدا المقابلة بدها تفتح عليك أبواب الخير عليك وعلى نجاحك وضعك المهني والمالي بدها تصير المقابلة بدها تكون فرصة ذهبية بالنسبة إلك ما ضيعها الحظ معك يا دلو
الوضع المالي
بدو يتحسن انشاءالله وقريب جدا بدك ترتاح ماليا من ديون كانت متراكمة عليك
الوضع العاطفي
ليش مطنش الشريك يا دلو الشريك العاطفي معك وداعمك حاول انك تهتم بالشريك اكتر
بقلب البيت
شمس شارقة يا دلو وأيام الجاي حتكون احسن إلك
شخصيتك اليوم
سهرة وعشاء حلو مع الأصدقاء والمقربين
الحوت
شو قال فنجانك يا حوت
الوضع العام
شايفة عندك مشكلة مع حدا من افراد العيلة بخصوص إرث بيع أرض أو شقة وهيدي المشكلة بتنحل من قبل رجل دين او شيخ كبير بالعمر
الوضع المهني
عندك مشروع مهم عم تشتغل عليه انت وحدا من الزملاء والأصدقاء وهيدا المشروع بإذن الله ناجح بس بدو شوية دراسة ومجهود وتعب والتزام وبدو تصميم انا شايفة بفنجانك نجاح وتفوق بعملك الجديد بتظهر خلالها طموحاتك وخاصة في مجال المهني انت والشركاء والأصدقاء عندك ثقة بنفسك بالأشخاص موجودين معك
الوضع المالي
عندك نفقات ودفعات مالية كتيرة بتخص مشروعك بس مع الوقت الوضع المالي عندك تحسن كبير
الوضع العاطفي
بدك تظهر مشاعرك للشريك قبل ما يفقد الأمل منك يا حوت بدك تاخد خطوة بخصوص الشريك خطوة جادة
بقلب البيت
شايفة عندك نقاش حاد مع حدا من افراد عيلتك بخصوص إرث وهيدا النقاش بينحل بإذن الله
شخصيتك اليوم
مرتاح كتير وعم بتحضر لشي بخص الشريك
تفسير حلم الأظافر في المنام التفسير العام لرؤية الأظافر في المنام الأظافر في المنام ترمز…
تفسير حلم انكسار القوس في المنام التفسير العام لرؤية انكسار القوس في المنام رؤية انكسار…
كيف اجعل شخص يحبني بالنظرات كيف تجعلين شخصاً يحبك بالنظرات؟ النظرات يمكن أن تكون أداة…
كيف تجعل شخص يفكر فيك وانت بعيد عنه كيف تجعل شخصاً يفكر فيك وأنت بعيد…
كيف اجعل شخص يراسلني كيف تجعلين شخصاً يراسلِك؟ 1. أظهري اهتماماً بطريقة غير مباشرة بادري…
كيف تجعلين شخصاً يحبك بالكلام في الهاتف 1. اختيار الوقت المناسب للمكالمة تأكدي من أن…