فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو قال فنجانك يا حمل
الوضع العام
بدك تحضر او تواجه مشكلة مع حدا قريب منك وهيدي المشكلة بدك تحاول انك تحلها بس بعدين بتصير طرف فيها
الوضع المهني
شايفة عندك اجتماع بخص العمل بدك تجتمع بأشخاص بخصوص عملك وهيدي الاجتماع بالأول بدو يكون في توتر وقلق وبعدين بيرجع إلى الاستقرار حاول يا حمل انك تستفيد من الأشخاص ومن مركزهن
الوضع المالي
بدك تناقش امور مالية متعلقة بالعمل وهيدا الأمر في شوية تعب ومجهود
الوضع العاطفي
خفف غيرة على الشريك
بقلب البيت
في مشكلة بدك تواجهك انتبه يا حمل ما تكون طرف فيها
شخصيتك اليوم
اجتماع مع أشخاص وعشاء عمل
الثور
شو خبرني فنجانك يا ثور
الوضع العام
بدك تاخد خطوة بخصوص سفر بصدد العلم والدراسات وهيدي الخطوة بدك تاخدها على قناعة بعد دعم الأهل والمقربين إلك
الوضع المهني
بتفكر بالسفر كتير يا ثور بتفكر تعمل دراسات عليا او تحصل على شهادة عندك سفر محتم بصدد العلم والدراسات والعمل انت من فترة تواصلت مع حدا من الاصدقاء الدراسة ولقيت الدعم اللازم وكانت فكرة السفر للعمل والدراسة
الوضع المالي
بدو يجيك الدعم من أصدقاء والاهل ما تخاف يا ثور
الوضع العاطفي
عندك مقابلة مع الشريك لازم تشرح وضعك
بقلب البيت
بدك تناقش امور مالية وامور السفر مع الأهل وبدك تلاقي الدعم المطلوب
شخصيتك اليوم
المقابلة مع الشريك بدها تخفف عنك التوتر
الجوزاء
شو خبرني فنجانك يا جوزاء
الوضع العام
في عندك شي بخص حدا من العيلة مشكلة معينه او خلاف على شي هيدا الشي بيشغلك وبتحاول انك تفتش على حقيقة هيدا الأمر
الوضع المهني
ليش الاحباط والكئابة إلك فترة معينه مستهتر بعملك وهيدا الشي بيزعج بعض المدراء والزملاء الوضع المهني ما بيحمل حاول انك ترتب امورك واوضاعك المهنية يا جوزاء
غيرك ناطر فرصة عمل
الوضع المالي
عندك نفقات مالية وعندك ضغوط حاول انك ترتب امورك المالية احسن ما توقع بالمحظور
الوضع العاطفي
شايفة بفنجانك خلاف كبير مع الشريك وإنهاء علاقة
بقلب البيت
بدك تواجه مشكلة مع حدا من افراد العيلة بدو يصير في مشاجرة بس بدها تنتهي على خير
سخصيتك اليوم
بتعصب من اتفه الأسباب خليك مرح يا جوزاء
السرطان
شو بقول فنجانك يا سرطان
الوضع العام
شايفة عندك مناسبة أو بدك تحضر مناسبة بتخص حدا قريب وهيدا المناسبة بدو يصير فيها مشكلة بتخص حدا قريب منك بدها تتطور للجدية ويصير فيها عراك حدا بدو يدخل ويحاول انو يحل المشكلة
الوضع المهني
ما تخلي حدا يستفزك ويحرجك يا سرطان وما تخلي حدا يقلل من قدراتك ونجاحك انتبه من الأشخاص لبكونو حياديين بدهن يحاولو انهن ياذوك ويستفزوك بعملك ما تتجنبهن واجه بكل شراسة يا سرطان
الوضع المالي
مرتاح ماليا وهيدا الشي بيزعج بعض الأشخاص لمعك بالعمل
الوضع العاطفي
الشريك بحاول انو يخفف عنك التعب اهتم شوية فيه
بقلب البيت
حدا من الأهل بالأخص الأبوين بيدعموك
شخصيتك اليوم
مقابلة مع حدا من الاصدقاء بتحكي شو معك وشو عليك
الأسد
شو قال فنجانك يا أسد
شايفة عندك مفتايح يا أسد
مفاتيح فيها الفرج بإذن الله
بدك تستلم مفتاح شقة او مؤسسة وهيدا الأمر بدو يفتح عليك فرص عمل جديد ومهمة
مفتاح سيارة جديدة ناوي تجيبها قريب انشاءالله
الوضع المهني
عندك مفتاح مؤسسة كبيرة هيدي المؤسسة أو شركة بدك توقع عقد عمل او توقع شراكة مع حدا من الزملاء معك وانت بتثق فيهن شايفة بفنجانك نجاح كبير ومال كتير وفرص مهمه بتستفيد منها بكل المجالات انتبه من الحسد فنجانك حلو كتير يا أسد
الوضع المالي
امورك المالية تمام الحمد لله وهيدا الشي بخليك تاخد قرار بشراء سيارة
الوضع العاطفي
ايامك مع الشريك كتير حلوة بدك تاخد خطوة جادة بخصوص الشريك
بقلب البيت
فرحة الأهل بنجاحك كتير مهمه إلك
شخصيتك اليوم
مرح وسهرة حلوة واجواء احلى
العذراء
شو خبرني فنجانك يا عذراء
الوضع العام
شايفة عندك زعل وتعصيب وقلق من شي بخص عيلتك يا عذراء الوضع عندك بالعيلة كتير مكركب بتحاول انك تجمع نفسك وعيلتك يا عذراء
الوضع المهني
وضعك مكركب كتير الوضع المهني والمالي والعائلي والعاطفي كلو بدو حل
بلش بوضعك المهني
ناطرة فرصة عمل وهيدي الفرصة موعود فيها بس للاسف كلها وعود واهيه وكاذبة يا عذراء بدك تاخد قرار بخصوص عمل جديد وهيدا العمل بدو جراءة بس بدك تاخد خطوة ما تخلي التعب يتملك منك واليأس يا عذراء
الوضع المالي
بدك تطلب مساعدة مالية من حدا من الأقارب بس بعدين بدك تندم يا عذراء
الوضع العاطفي
خلاف كبير مع الشريك وبتكتشف كذب بالعلاقة العاطفية
بقلب البيت
بدك تاخد خطوة بخصوص العيلة نقل من مكان لمكان وهيدي الخطوة بدها تعملك شوية مشاكل
شخصيتك اليوم
مكركب وافكارك مكركبة وتعصيب منك طايق حدا
الميزان
شو بقول فنجانك يا ميزان
الوضع العام
عندك سهرة مع الاصدقاء قدماء وهيدي السهرة بدك ترجع علاقاتك مع بعض الأصدقاء القدماء وترجع زكريات مريت فيها
الوضع المهني
حدا من الاصدقاء القدماء بدو يطرح عليك مشروع عمل جديد وشراكة بالعمل وهيدا الأمر بدو يتم انشاءالله بس بدو يعملك شوية مشاكل وزعل من افراد العيلة والاهل شايفة في عندك شراكة شغل مع حدا من الاصدقاء وهيدا العمل بدو يفتح عليك نجاح مهم يا ميزان ما تتردد خود الخطوة الصحيحة بحياتك المهنية
الوضع المالي
عندك نفقات ودفعات بتخص عملك الجديد وهيدي النفقات بدها تفتح عليك أبواب الرزق ما تخاف يا ميزان
الوضع العاطفي
شايفة الشريك معك بكل خطوة وداعمك
بقلب البيت
عندك نقاش مع حدا من عيلتك بخصوص شغل وبخصوص نفقات مالية
شخصيتك اليوم
اطلع اسهر وافرح وعيش حياتك
العقرب
شو بقول فنجانك يا عقرب
الوضع العام
اتقي شر من أحسنت إليهم
عندك زعل ووجع من حدا قريب منك انت وقفت معهن بكل المجالات وعملت مشاكل مع بعض الأشخاص وساعدتهن بكل الاوقات بس للاسف هنا اول مشكلة تخلو عنك وهيدا الشي زعجك وزعلك
الوضع المهني
بدك تاخد قرار مصيري تغير مكان العمل او العمل بشكل عام وهيدي الخطوة بدها تتعبك وتكلفك كتير يا عقرب بعدين بدك تندم حاول انك تاخد وقت وتفكر بعقلك وعيلتك
الوضع المالي
بدك تناقش وضعك وامورك المالية مع حدا قريب منك واسمع لنصيحة يا عقرب
الوضع العاطفي
تجنب الشريك هيدي الفترة رتب امورك يا عقرب
بقلب البيت
بدك تحاول انك تتجنب المشاكل مع الأهل حول وضعك المهني
شخصيتك اليوم
منك مرتاح ومتقلب مزاجك
القوس
شو بقول فنجانك يا قوس
الوضع العام
شايفة بدك تمشي بطريق مع حدا من الأشخاص المهمين وبدك تكون مرتاح لهيدا المشوار
الوضع المهني
بدها تجيك فرصة عمل
جديدة واستثنائية وهيدي الفرصة ما بتجي كل مرة استفيد منها يا قوس شايفة عندك عمل جديد وحياة جديدة هيدا الأمر بدو يأثر عليك اجابيا
أشخاص مهمين كتير بدهم يدعموك بالمجال المهني والمالي
الوضع المالي
جاييك دعم مالي كبير من أشخاص مهمين كتير بدك تستفيد منهن بالعمل والمال بدك تتعب بس بدك تلاقي نتيجة
الوضع العاطفي
انت بأحسن حلاتك مع الشريك
بقلب البيت
شايفة عندك مناسبة لحدا من الأهل بدك تكون موجود
شخصيتك اليوم
عندك مناسبة لحدا من الأهل بدك تكون مرتاح وسعيد
الجدي
شو قال فنجانك يا جدي
الوضع العام
شايفة بفنجانك خطبة او ارتباط محبس لحدا من افراد عيلتك وهيدي الارتباط الكل موافق عليه
الوضع المهني
شايفة عندك مقابلة عمل مع شخص مهم جدا وهيدا الشخص بدو يعرض عليك عمل او منصب وبدو يساعدك بأمور مختلفة شايفة عندك شغل جديد وبتمضي على عقود واوراق بتخص العمل انتبه يا جدي من الحسد عيون حسد وغيرة كتار اتجاهك وانتبه من شخص مقرب منك بدو يحاول ياذيك بعملك بوجهك شي وراء ضهرك شي بيطعن بضهرك بس بدك تكتشف هيدا الشي بس بعد وقت
الوضع المالي
شايفة امورك المالية تمام الحمد لله وفي حدا بدو يساعدك ويدعمك
الوضع العاطفي
عندك مكالمة هاتفية مع الشريك بدك تشرح وضعك
بقلب البيت
شايفة عندك عزيمة مهمة مرتبطة بالعمل
شخصيتك اليوم
مرتاح كتير وعم تحضر لعزيمة لشخص مهم
الدلو
شو بقول فنجانك يا دلو
الوضع العام
عليك قضاء حوائجكم بالكتمان انت كتوم وهيدا الشي بسببلك نجاح كبير ومال كتير ما بتعطي سرك لحدا
الوضع المهني
عندك امور عالقة بتخص العمل او شهاداتك يا دلو بدك تباشر بتحضير اوراق بخصوص شغل جديد واوراق بتخص دراستك العلمية وشهاداتك بدك تناقش امور بتتعلق بشؤون العلم والدراسات وهيدا الأمر بدو يتم انشاءالله بس بدو صبر وتروي
الوضع المالي
عندك شوية ضغوطات وديون مالية بدك ترتب امورك وتنهي هيدي الديون
الوضع العاطفي
بدك تاخد خطوة بخصوص ارتباط مع الشريك
بقلب البيت
شايفة عندك فرح قريب وفرح بنجاحك يا دلو
شخصيتك اليوم
شايفة مقابلة مع الحبيب بدك تاخد خطوة
الحوت
شو بقول فنجانك يا حوت
الوضع العام
بدك تزور فرشة مريض قريب منك كتير وهيدي المريض ما بخوف فرشتو بيضاء بإذن الله
الوضع المهني
عندك مشروع مهم عم تشتغل عليه إلك فترة طويلة وهيدا المشروع بدو بنجح ويعملك نقلة مهمة بحياتك المهنية وبدك تطلع على الضو والشهرة والتميز شايفة عندك نجاح بس عندك خصوم واعداء كتار اتجاهك وتجاه نجاحك انت عم تتجاهلهن وتتجنبهن بس بدك تواجهن وتكون مواجه شرسة وبدك تحط النقط على الحروف
الوضع المالي
تمام الحمدلله بدك تساعد أشخاص من المقربين إلك
الوضع العاطفي
حب جديد بدو يطرق بابك وبدك تاخد خطوة جادة بخصوص الشريك
بقلب البيت
عندك طاقة فرج قريبة بتحل مشاكلك
شخصيتك اليوم
سهرة حلوة مع الشريك الجديد بتظهر خلالها مشاعرك
الأبراج والحياة الزوجية: كيف تؤثر الأبراج على العلاقات الزوجية وتوافق الزواج العلاقة بين الأبراج والحياة…
هل الأبراج حقيقة تعد مسألة ما إذا كانت الأبراج حقيقة أو مجرد اعتقادات موضوعًا جدليًا،…
حظك من اسمك: كيف يؤثر اسمك على حياتك وشخصيتك تُعتبر الأسماء من الأمور التي تؤثر…
حساب البرج الطالع من ساعة الولادة حساب البرج الطالع (البرج الصاعد) باستخدام ساعة الولادة البرج…
حساب البرج الباطني: مفهومه وطريقة حسابه البرج الباطني، والمعروف أيضًا بـ"البرج الصاعد" أو "البرج الروحي"،…
الأبراج حسب الاشهر بالانجليزي إليك ترتيب الأبراج حسب الأشهر بالإنجليزية مع تواريخ كل برج: Capricorn…