قراءة فنجان الابراج الجمعة 25/2/2022 شباط فبراير

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الجمعة 25/2/2022 شباط فبراير

الحمل
شو بقول فنجانك يا حمل
شايفة بدك تاخد مبادرة صلح مع حدا صار في شوية مشاكل وسؤ فهم وهيدي المبادرة بدها تفتح مجال لمشروع عمل مهم
الوضع المهني
بدك تاخد خطوة مهمة بتخص عمل او شراكة بدك تفتحها انت كنت ناطر شريك او فرصة واجت لعندك يا حمل شايفة بدها تنجح بمساعدة بعض الأشخاص المقربين الزملاء
الوضع المالي
امورك المالية تمام شايفة عندك شراء سيارة او شي بخصك إلك
الوضع العاطفي
مقابلة مهمة مع الشريك شايفة خطوة جادة
بقلب بيتك
الأهل والمقربين إلك بدهن يرحبو بالمباراة بخصوص صلح بينك وبين الصديق
شخصيتك اليوم
سهرة حلوة واجواء احلى مع الشريك العاطفي

فنجان برج الثور الابراج الجمعة 25/2/2022 شباط فبراير

الثور
شو خبرني فنجانك يا ثور
في شي زاعجك يا ثور مزعوج من حدا قريب منك بخصوص قرار بيتعلق بأمور مالية او مبلغ مالي
الوضع المهني
عندك اجتماع مهم مع اشخاص مهمين بالعمل وهيدا الأمر بدو يعملك شوية توتر وخوف وقلق يا ثور شايفة ما في داعي للخوف وقلق بدك تكون مرتاح وبدك تناقش وضعك المهني بكل المجالات وانت مرتاح كتير شايفة عندك نجاح مهم وبشهادة المحطين فيك
الوضع المالي
عندك دفعات مالية بتخص الشريك والاهل
الوضع العاطفي
ايامك حلوة يا ثور اهتمام خاص من الشريك العاطفي بيسعدك
بقلب بيتك
شمس شارقة وطاقة فرج قريبة منك بتحل مشاكلك
شخصيتك اليوم
شايفة عندك اجتماع مهم انت رايق وهادي

فنجان برج الجوزاء الابراج الجمعة 25/2/2022 شباط فبراير

الجوزاء شو بقول فنجانك يا جوزاء
بدك تواجه مشكلة مع حدا من افراد العيلة والمقربين إلك بخصوص إرث او عقار او أرض وهيدي المواجه بدها تفتح عليك شجار مع الأقارب وبدها يدخل رجل دين ويحل المشكلة بالتراضي
الوضع المهني
وضعك المهني مكركب كتير انت منك سأل الشغل عندك تحصيل حاصل وهيدا الشي بيزعج الزملاء بالعمل بدو يوصلك انزار او شي بخص عملك وبدك تاخد قرار وتنهي امورك المهنية بالمؤسسة او الشركة وهيدا الأمر بدو يتم وبعدين بدك تندم على قرارك
الوضع المالي
بدك تطلب مساعدة مالية من الأهل وبدك تسمع كلام بيزعجك
الوضع العاطفي
اهتم شوية بالشريك لانو معك وحدك
بقلب البيت
بدك تسمع كلام بخصوص مبلغ مالي او مساعدة مالية
شخصيتك اليوم
معصب متقلب مزاجي

فنجان برج السرطان الجمعة 25/2/2022 شباط فبراير

السرطان
شو خبرني فنجانك يا سرطان
شايفة عندك خيبة أمل من افراد عيلتك حاسس بظلم والقهر يا سرطان
الوضع المهني
تجنب اي مشاريع أو شراكة او شغل يا سرطان شايفة بفنجانك فشل اهتم بعملك الحالي ما توسع العمل شايفة عندك فشل وخيبة أمل اذا وقعت ما في مين يدعمك
الوضع المالي
رتب امورك وضعك المالي دقيق شوية
الوضع العاطفي
عندك شوية خلافات مع الشريك وهيدا الخلاف منو حرزان
بقلب بيتك
حدا من افراد العيلة بدو يناقشك بأمور العيلة والاهل وهيدا النقاش بينتهي بزعل صغير
شخصيتك اليوم
خفف تعصيب وتوتر وانفعال

فنجان برج الاسد الابراج الجمعة 25/2/2022 شباط فبراير

الأسد
شو خبرني فنجانك يا أسد
عندك اسم الله يا أسد اسم الله بيعني نجاح كبير ومال كتير
الله مبارك بعملك ومالك
الوضع المهني
انت ناوي على شغل جديد او انتقال إلى موقع آخر او شي خاص فيك وبدك تثبت حالك ونجاحك بلشت تفكر صح يا أسد شايفة بفنجانك طريق الأموال عم يكون عندك فرص مهمه جدا بتظهر خلالها قدراتك ببعض الأحيان هالشي بيعرضك لإعادة ترتيب مسؤولياتك المهنية قول يا الله
الوضع المالي
امورك تمام الحمدلله حدا بدو يطلب منك مساعدة انت ما بتتاخر وهيدا الأمر بزيد برصيدك ومحبة الناس والمحيطين فيك
الوضع العاطفي
صار وقت تاخد خطوة جادة بتخص الشريك
بقلب بيتك
فرحة الأهل بخصوص نجاحك المهني واسم الله
شخصيتك اليوم
رايق وهادي شايفة بفنجانك مرتاح كتير

فنجان برج العذراء الابراج الجمعة 25/2/2022 شباط فبراير

العذراء
شو قال فنجانك يا عذراء
بدك تفقد مبلغ مالي كبير وبدو يصير مشكلة مع حدا قريب منك بخصوص المبلغ بس للاسف ما بيرجع
الوضع المهني
مقدم على عمل جديد او بدك تمضي على عقد عمل بمؤسسة او شركة او معمل شي بخص العمل بدك تستلم عمل بس بقولك خفف كلام يا عذراء
الوضع المالي
بدك تفقد مبلغ مالي وهيدي المبلغ بدو يعملك شوية عجز بدك تطلب مساعدة من احد الاصدقاء وبدك تلاقي الدعم
الوضع العاطفي
شايفة حب جديد بحياتك بدك تعطي فرصة يا عذراء
بقلب البيت
عندك نقاش بخصوص مال او شي بخصك وبدك تنزعج وتزعج
شخصيتك اليوم
مزاجك معكر ومزعوج من كل شي

فنجان برج الميزان الابراج الجمعة 25/2/2022 شباط فبراير

الميزان
شو قال فنجانك يا ميزان
بدك تحضر مشكل كبير وهيدا المشكل بدو يطور يمكن يصير تدخل من حدا كبير ويحل هيدا الأمر ما تتدخل يا ميزان احسن ما تصير طرف فيه
الوضع المهني
شايفة امورك المهنية إلى ازدهار والتقدم والتطور بدك تطور عملك وبدك تنجح بأمور مختلفة الها علاقة بمجال شهاداتك شايفة عندك عيون حسد من المقربين إلك انتبه من الحسد يا ميزان ناجح بعملك بشهادة كل الحواليك الحمدلله
الوضع المالي
امورك المالية بلشت تتحسن وبلشت ترتاح ماليا
الوضع العاطفي
خفف غيرة يا ميزان احسن ما تخسر الشريك
بقلب البيت
شايفة محبس او كلام عن ارتباط حدا من افراد العيلة
شخصيتك اليوم
سهرة مع الأهل والمقربين بتكون مرتاح وسعيد

فنجان برج العقرب الابراج الجمعة 25/2/2022 شباط فبراير

العقرب
شو بخبرك الفنجان يا عقرب
انسى الماضي يا عقرب اطلع على مستقبلك بدو حدا يواجهك بالحقيقة انت منك مصدقها شي بخص الشريك او صديق قديم شي بخص الماضي
الوضع المهني
ما بنصحك تدخل باي نشاط او مشروع شغل جديد او شي بخص العمل انتبه في شي بفنجانك منو مريح ومنو منيح انتبه يا عقرب عندك فشل مأكد وهيدا الأمر بدو يرجعك إلى الوراء فترة بدها تمر عليك
الوضع المالي
انت طالب مساعدة ودعم من افراد العيلة
الوضع العاطفي
إلك فترة متجنب الشريك حاول انك تهتم اكتر
بقلب بيتك
بدك تسمع كلام بخصوص قصة صارت وهيدا الكلام بيسعدك
شخصيتك اليوم
متجنب الشريك والاهل كلهم وراجع حسباتك

فنجان برج القوس الابراج الجمعة 25/2/2022 شباط فبراير

القوس
شو قال فنجانك يا قوس
ايامك حلوة شايفة عندك مناسبة لحدا من الاصدقاء مبسوط فيها يا قوس وبدك تاخد قرار بخص مشروع عمل مع احد الاصدقاء
الوضع المهني
عم تدرس لمشروع عمل جديد ناطر الشريك بالعمل وهيدا الأمر بدو يتم انشاءالله في حدا من الاصدقاء بدك تشارك في مشروع عمل جديد وبدو ينجح وياخد صدا
الوضع المالي
عندك شوية ضغوطات مالية بتتعلق بشؤون العمل بس بدها تمر بإذن الله
الوضع العاطفي
سهرة حلوة مع الشريك بدو يفاجئك بهدية او قرار بيتعلق فيك
بقلب بيتك
شايفة الدعم والمساعدة والمساندة
شخصيتك اليوم
سهرة حلوة مع الشريك واجواء رومانسيه

فنجان برج الجدي الابراج الجمعة 25/2/2022 شباط فبراير

الجدي
شو بقول فنجانك يا جدي
شايفة عندك مواجهات شرسة مع بعض المقربين إلك بخصوص أرض أو رهن وهيدا الشي بدو يصير زعل كبير
الوضع المهني
بدها تجيك فرصة عمل جديدة واستثنائية وهيدي الفرصة حلوة ما ضيعها في حدا من الحواليك عيون الحسد وغيرة منك ومن نجاحك بدو يعملك شوية مشاكل وبحاول انو يغير رائيك انتبه يا جدي
الوضع المالي
عندك حوالة مالية من الخارج او موعود بمبلغ مالي بدو بجي بس بدو وقت شوية
الوضع العاطفي
يا جدي انت مخلص كتير للشريك
بقلب بيتك
بدك تواجه مشكلة بتخص أرض أو إرث
شخصيتك اليوم
حابب تكون لحالك ما في شي يزعجك

فنجان برج الدلو الابراج الجمعة 25/2/2022 شباط فبراير

الدلو
شو قال فنجانك يا دلو
مريت بفترة متعبة كتير وحملت مشاكل العيلة والاهل كلها بس بالمقابل ما بتاخد الا خيبة الأمل يا دلو
الوضع المهني
إلك فترة طويلة عم تحضر لمشروع عمل بخصك وبخص عيلتك وهيدا المشروع اخد منك كل طاقتك وقوتك شايفة اذا بيتأجل المشروع او اصرف نظر عنو بكون احسن إلك اذا باشرت بالمشروع بدك تندم كتير يا دلو
انتبه لشغلك وعملك وظيفتك
الوضع المالي
لا معك ولا عليك هيدا الأمر بريحك كتير وبتام مرتاح
الوضع العاطفي
الشريك بدو اهتمام اكتر حاول انك تحضر شي بخص الشريك
بقلب بيتك
بدك تواجه مشكلة مع افراد العيلة بخصوص قرار بيتعلق بالعمل او بمشروع وهيدي المشكلة بدو يصير زعل
شخصيتك اليوم
سهرة مريحة لاإلك مع الشريك العاطفي

فنجان برج الحوت الابراج الجمعة 25/2/2022 شباط فبراير

الحوت
شو خبرني فنجانك يا حوت
فنجانك حلو يا حوت ورايق بدك تجتمع مع شخص اكبر منك سنا او رجل دين وهيدا الاجتماع بدك تسمع لنصيحة مهمة بتخص تصرفاتك ونغقاتك
الوضع المهني
بلشت بالجد يا حوت شايفة الحظ معك بالعمل والقرارات بدك تاخد قرارات مهمه بتخص عملك ونجاحك واثق بنفسك وبقدراتك يا حوت وهيدي الثقة بتعزز بالقدراتك وبتعطي اكتر شايفة ترقية ومنصب جديد وزيادة بالراتب فنجانك كتير حلو
الوضع المالي
شايفة مفتاح سيارة جديدة بدك تجيبها قريب انشاءالله وناوي على شراء عقار او شقة ناطر تاخد فرصة مع الشريك العاطفي
الوضع العاطفي
بدك تناقش امور بتتعلق بالارتباط مع الشريك وبدك تحط النقط على الحروف
بقلب بيتك
شايفة عزيمة او مناسبة بتخص حدا قريب او بتخصك
شخصيتك اليوم
سهرة حلوة مع الأصدقاء والمقربين إلك اجواء روعة

المصدر:عرب كلوب