قراءة فنجان الابراج الخميس 3/3/2022 اذار مارس

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الخميس 3/3/2022 اذار مارس

الحمل
شو قال فنجانك يا حمل
بدك تشوف بالصدفة شخص إلك فترة طويلة منك شايفو وهيدي المقابلة بدها ترجعك سنين لورا وبدك تكون مسرور
وهيدا الشخص بدو يعرض عليك عمل جديد
الوضع المهني
بدك تدخل بمشروع شغل جديد مع شخص قريب منك كتير وهيدا الشخص صديق قديم ومعروف انو صادق ووفي وخدوم بدك تدخل معو وهيدا المشروع بدو يعملكن نقلة مهمة شايفة نجاح ومال وأيام حلوة بدها تمر عليك انشاءالله
الوضع المالي
شايفة عندك شوية ضغوطات مالية ونفقات بدك تتضايق ماليا بخصوص شغل جديد وبدو ينتهي هيدا الشي بعد فترة يا حمل
الوضع العاطفي
ايامك حلوة مع الشريك
بقلب بيتك
شايفة عندك ضيف مهم وبدك تكون سعيد ومبسوط بخصوص هيدا الشخص وبقراراتك يا حمل
شخصيتك اليوم
آخر رواق وهادي وأيام حلوة يا حمل

فنجان برج الثور الابراج الخميس 3/3/2022 اذار مارس

الثور
شو قال فنجانك يا ثور
شايفة بفنجانك حلو ورايق
بدك تقابل الشريك او بدك تعزم الشريك لعندك ببيتك وهيدي الخطوة بدها جراءة
الوضع المهني
حدا قريب منك بدو يجبلك فرص عمل بمؤسسة مهمة وهيدي الفرصة ما بتجي كل مرة وبدك تستغلها صح يا ثور
شايفة بفنجانك شغل جديد ونجاح وتفوق بعملك الجديد
الوضع المالي
عندك مصاريف ما الها لازمة يا ثور بتصرف مال منو بمحلو خفف مصروفك ونفقاتك يا ثور
الوضع العاطفي
شايفة بدك تحط الأهل والمقربين إلك تحت امر الواقع وبدك تاخد قرار بخص ارتباطك مع الشريك
بقلب بيتك
بدك تواجه الأهل والمقربين والأصدقاء وأفراد العيلة بخصوص قرار بيتعلق بشؤونك العاطفية
شخصيتك اليوم
مقابلة حلوة مع الشريك بدها تقلب حياتك

فنجان برج الجوزاء الابراج الخميس 3/3/2022 اذار مارس

الجوزاء
شو خبرني فنجانك يا جوزاء
بدك تنقل كلام لشخص وهيدا الكلام للاسف بدو يسبب زعل كبير يا جوزاء
الوضع المهني
حدا من الزملاء بدو يدخلك بمشروع مهم مع اشخاص مهمين بالعمل وهيدا المشروع انت كنت مستلم فيه زمام المبادرة والامور وكل المشروع بيتعلق فيك يا جوزاء
بدك تعمل دراسة دقيقة وبدو ينجح بس بدو دعم ووقت
الوضع المالي
معك مال بس بضل تنق وهيدا الشي بدو يعكس عليك سلبا يا جوزاء قول الحمدالله
الوضع العاطفي
عندك عين محب قريبة منك جدا بضل يراقبك الو فترة
بقلب بيتك
انت بتتهرب من نفقات مالية بتخص الاهل وأفراد العيلة
شخصيتك اليوم
سهرة مع الزملاء وعشاء عمل

فنجان برج السرطان الخميس 3/3/2022 اذار مارس

السرطان
شو بقول فنجانك يا سرطان
بدك تحضر مشكل وهيدا المشكل بدو يكون حدا من عيلتك طرف بالمشكل بدك تحاول انك تحل هيدا الأمر بس للاسف بدو يطور
الوضع المهني
امورك المهنية إلى تحسن كبير بدك تطور حالك وبدك تطور خبراتك يا سرطان عندك دورة او شي بخص العمل ما تتردد يا سرطان المستقبل قدامك
الوضع المالي
امورك المالية إلى تحسن بدك تحسن وضعك المالي عندك شي خاص فيك يا سرطان
الوضع العاطفي
اهتم بالشريك اكتر بعدين يمكن تندم يا سرطان
بقلب بيتك
بدك تواجه حدا من افراد عيلتك بخصوص مشكلة صارت معو وهيدا الشي بيزعجك
شخصيتك اليوم
شايفة انك مزعوج منك حابب تختلط مع حدا

فنجان برج الاسد الابراج الخميس 3/3/2022 اذار مارس

الأسد
شو خبرني فنجانك يا أسد
عندك ضيوف وعزيمة ببيتك يا أسد هودي الضيوف جايين من طريق سفر او من سفر خارج البلاد وبخصوك يا أسد
الوضع المهني
حدا من الزملاء بدو يفاجئك بمشروع مهم او شراكة انت وياه وهيدي الخطوة بدك تاخدها لأنو عندك ثقة بالزميل وهيدا الأمر بدو يكون عندك عراقيل بتتردد وبترجع تاخد قرارك يا أسد شايفة عندك شراكة مهمة وبدها تحسنلك وضعك المالي والمهني والاجتماعي وبدك تسمع كلام كتير من أشخاص بس بدك تاخد القرار
الوضع المالي
عندك شوية ضغوطات مالية بسبب المشروع او الشراكة بس بتمر على خير
الوضع العاطفي
بدك تسمع كلام من الشريك وهيدا الكلام بدو يسبب خلاف
بقلب بيتك
شايفة بفنجانك فرحة من الأهل بخصوص المشروع بالأخص الأبوين
شخصيتك اليوم
مزاجك معكر اطلع اسهر وافرح الاصدقاء ناطرين

فنجان برج العذراء الابراج الخميس 3/3/2022 اذار مارس

العذراء
شو بقول فنجانك يا عذراء
بدك تقابل أشخاص وناس كتير يا عذراء يمكن بفرح او شي مناسبة بتخص حدا قريب منك
الوضع المهني
منك مرتاح بعملك يا عذراء في مشاكل كتير بعملك وهيدا الشي بيزعجك وفي اشخاص منافقين كتير حواليك بالعمل
شايفة بدك تقدم على شغل جديد بس بدو وقت كتير حتى يظبط حاول انك تتجنب المشاكل مع الأشخاص او تجنبهن يا عذراء شايفة بفنجانك ما تترك قبل ما تلاقي البديل
الوضع المالي
عندك دفعة مالية بجي فجأة بتخص الاهل او الشريك بدك تعملك شوية كركبة
الوضع العاطفي
امورك مع الشريك تمام بتهتم بأمور بتخص الشريك كتير
بقلب بيتك
بتتجنب كتير النقاش مع الأهل بالأخص بامورك المهنيه
شخصيتك اليوم
مقابلة حلوة مع الشريك

فنجان برج الميزان الابراج الخميس 3/3/2022 اذار مارس

الميزان .
شو بقول فنجانك يا ميزان
بدك تواجه مشكلة قديمة صارت معك بتخصك مع احد الأشخاص المتربصين إلك وبدك تحلها من جذورها وبدك ترتاح
الوضع المهني
بدك تناقش امور بتتعلق بالعمل مع بعض المسؤولين وهيدي الأمور بدها تفتحلك لمجال منصب او ترقية بالعمل انتبه يا ميزان من الأشخاص ذو وجهين بدهن يحاولو يزعجوك
الوضع المالي
عندك زيادة بالراتب بدها تحسن وضعك المالي حتى انت حريص على مالك
الوضع العاطفي
شايفة في شوية مشاكل بالعلاقة العاطفية والاطربات وبدك تحل هيدا الأمر بس بدك تسمع كلام ما بيعجبك
بقلب بيتك
فرحة الأهل بتخصك وبتخص المنصب الجديد
شخصيتك اليوم
سهرة مع الشريك العاطفي بدها تزعجك بس بعدين بدك تكون مرتاح

فنجان برج العقرب الابراج الخميس 3/3/2022 اذار مارس

العقرب
شو بقول فنجانك يا عقرب
عم بتحضر لسفر خارج البلد يا عقرب
بدو يصير في زعل من قبل الأهل بخصوص السفر يا عقرب بس شايفة عندك سفر مأكد
الوضع المهني
بدك تنهي امورك المهنية والمالية يا عقرب هيدي الفرصة ما ضيعها اهتم بعملك وبالمستقبل شايفة عندك سفر اكيد وشايفة عندك نجاح وتفوق بعملك الجديد
الوضع المالي
بدك تنهي امور عالقة بتخص وضعك المالي ديون أو مستحقات مالية
الوضع العاطفي
عندك حب جديد بحياتك بدك تاخد خطوة مهمة بالعلاقة العاطفية
بقلب بيتك
شايفة في زعل من الأهل وحدا من افراد عيلتك بخصوص قرار السفر بس بدك تحل هيدا الأمر بتروي
شخصيتك اليوم
ايامك حلوة يا عقرب شايفة مقابلة مع الشريك والأصدقاء والاقارب

فنجان برج القوس الابراج الخميس 3/3/2022 اذار مارس

القوس
شو خبرني فنجانك يا قوس
بدك تتلقى خبر حلو من الأهل بخصوص مولود جديد بالعيلة وهيدا الخبر بدو يسعدك ويسعد الأهل وشايفة عزيمة على عشاء بتخصك
الوضع المهني
إلك فترة بتتجنب بعض الزملاء بالعمل وهودي الأشخاص بحاولو ياذوك بعملك وصار اكتر من موقف بخصوص هيدا الأمر وانت بتحاول انك تتفاهم معهن بس للاسف مفكرين انو ضعف منك يا قوس
واجه يا قوس ما تخاف من شي ما تخاف لأن الله معك والحق معك في بعض الزملاء الافياء بدهن يوقفو حدك ومعك وبدك تاخد حقك وانت رايق وهادي
الوضع المالي
وضعك المالي الحمدالله تمام عندك دفعات مالية بتخص العيلة وهيدي الدفعات ما بتأثر عليك وعلى وضعك بالعكس شايفة بتكون سعيد ومبسوط
الوضع العاطفي
عندك مقابلة مع الشريك وبدك تناقش امور بتخص عفش بيت او شي بخص الارتباط
بقلب بيتك
شمسك شارقة يا قوس الوضع العائلي تمام
شخصيتك اليوم
مقابلة مع الشريك بدك تكون اكتر دبلوماسية ورايق

فنجان برج الجدي الابراج الخميس 3/3/2022 اذار مارس

الجدي
شو خبرني فنجانك يا جدي
عم بتمر بأوقات صعبة ودقيقة بتخص العيلة يا جدي بتحاول انك تحل مشاكلك بنفسك بذكاء وسرعة بس اوقات بتحس حالك لوحدك مع انو الكل حواليك
الوضع المهني
بدك تناقش امور بتتعلق بشؤون العمل مع الشريك وأفراد العيلة والمقربين بتسمع أراء الجميع بدك تاخد قرار بخص العمل وبدك تتراجع حدا قريب منك بدو يأثر عليك بس بعدين بدك تندم
كتير
الوضع المالي
في مال بس في مصروف اكتر بدو يجيك مبلغ مالي منو كبير بس للاسف عندك ضغوط مالية كبيرة بدك تحاول انك ترتب أوضاعك وامورك المالية يا جدي
الوضع العاطفي
شايفة نقاشات مع الشريك العاطفي بدك تكون مزعوج بسبب تصرفات الشريك
بقلب بيتك
حدا من افراد عيلتك بدو يحكي بخصوص محبس او ارتباط وهيدا الأمر بدو يعمل مشكلة
شخصيتك اليوم
مزعوج من شي بس للاسف ما بتبين هيدا الأمر لحدا

فنجان برج الدلو الابراج الخميس 3/3/2022 اذار مارس

الدلو
شو بقول فنجانك يا دلو فنجانك حلو يا دلو ورايق الحمدلله ما في شي يزعجك
بدك تحضر مناسبة لحدا من افراد عيلتك شايفة محبس وبدك تلتقي بصديق او شخص مهم وبدو يغير حياتك يا دلو
الوضع المهني
بدك تجتمع مع شخص مهم ذو نفوذ ومكانة وبدك تطلب من هيدا الشخص وظيفة او شي بخصك إلك وبدو يساعدك بهيدا الموضوع يا دلو
شايفة عندك وظيفة مهمة مرتبطة بمهارتك وتفوقك وشهاداتك ودراستك بدك تنجح وتثبت نفسك وهيدا الشي بيسعد الأهل والشريك
الوضع المالي
صار في قول وضعك المالي احسن يا دلو ما عندك اي دفعات او نفقات مالية الحمدلله امورك تمام
الوضع العاطفي
بدك تقابل الشريك وبدك تكون صريح بكل المجالات
بقلب بيتك
امورك تمام مع الأهل والمقربين إلك وعندك فرح بقلب البيت
شخصيتك اليوم
هادي ومرتاح اكتر من اي وقت الحمدلله

فنجان برج الحوت الابراج الخميس 3/3/2022 اذار مارس

الحوت
شو بقول فنجانك يا حوت
شايفة انك مهموم وعندك توتر وخوف وقلق بخصوص حدا من الأهل عندو وعكة صحية بس بتمر على خير بس هيدا الشي بأثر سلبيا عليك وبيزعجك
الوضع المهني
إلك فترة مستهتر بعملك وبتحس بأحباط بخصوص العائلة والظروف لمريت فيها يا حوت
شايفة بدك ترجع علاقاتك وامجادك بالعمل والقرارات الارتجالية وبدك تعطي مجهود كبير ونتائج مهمة مرتبطة بمهارتك وتفوقك بالعمل وهيدا الشي بدو يزعج أشخاص
انت محبوب من الزملاء والمسؤولين وهيدا الشي بيشفعلك يا حوت
الوضع المالي
عندك دفعات مالية بتخص حدا من الأهل هيدي النفقات بدها تعملك شوية كركبة بس انت بترتب امورك المالية
الوضع العاطفي
الشريك حدك ومعك حاول انك تهتم بالشريك اكتر
بقلب بيتك
متوتر ومعصب بخصوص العائلة بالأخص الأبوين بتهتم فيهن
شخصيتك اليوم
حابب تكون لحالك
بدك تاخد وقت حتى ترتب أوضاعك

المصدر:عرب كلوب