قراءة فنجان الابراج الاثنين 7/3/2022 اذار مارس

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاثنين 7/3/2022 اذار مارس

الحمل
شو بخبرني فنجانك يا حمل
بدك تمشي بطريق طويل مع حدا قريب منك بخصوص مال بخصك إلك بدك تحصل عليه قريب جدا يا حمل وهيدا المال بدو يفرجك حتى مهنيا
الوضع المهني
قريب كتير بدك تاخد قرار بخصوص عمل بخصك وهيدا الأمر من فترة كنت مأجل هيدا الأمر ناطر مال او فرصة او شي خاص فيك اجا الوقت يا حمل بدك تاخد قرار بالبداية بدك تتعب وتعطي مجهود وطاقة بس تعبك ومجهودك ما بروح
الوضع المالي
في مبلغ مالي من فترة طويلة ساعدت احد الاصدقاء فيه بدك تحصل على هيدا المال وبدك تفرج عليك
الوضع العاطفي
سعيد كتير مع الشريك ما في شي بيزعجك وضعك تمام
بقلب بيتك
كتير مرتاح ووضع الأهل والمقربين إلك بكونو معك وحدك
شخصيتك اليوم
مرتاح كتير شايفة عندك سهرة مع الشريك

فنجان برج الثور الابراج الاثنين 7/3/2022 اذار مارس

الثور
شو قال فنجانك يا ثور
عندك لقاء مع شخص بيهتم بأمورك يا ثور وهيدا الشخص بدو يعرض عليك عمل جديد
الوضع المهني
شايفة قريب كتير بدك تدخل بعمل جديد وهيدا العمل بدو يعملك نقلة بحياتك المهنية خليك متابع يا ثور شايفة في شخص بيهتم بأمورك بدو يدعمك ويكون حدك عندو ثقة فيك كبيرة جدا وهيدا الشي بعزز عندك ثقة بنفسك وبقدراتك يا ثور
الوضع المالي
ايامك الجاي حتكون احسن إلك من الايام السابقة شايفة عندك مال بدها تتحسن أوضاعك يا ثور
الوضع العاطفي
في شوية توتر وفتور بالعلاقة بالشريك يا ثور حل هيدا الشي بتروي وتكون اكتر رايق
بقلب بيتك
شايفة امورك بالعيلة والاهل كلها تمام ما عندك مشاكل الحمدلله
شخصيتك اليوم
بدك تحسم موضوع زاعجك وهيدا الشي بتفكر كتير

فنجان برج الجوزاء الابراج الاثنين 7/3/2022 اذار مارس

الجوزاء
شو بقول فنجانك يا جوزاء
شايفة ناس كتير بفنجانك يا جوزاء عندك مناسبة لحدا من افراد عيلتك بدك تكون مرتاح بخصوص هيدا الأمر
الوضع المهني
حدا من الأشخاص بدو يزعجك بأمور بتخص العمل او مشروع إلك علاقة فيه وهيدا الشخص بدو بحاول يعملك مشكلة بالعمل انتبه يا جوزاء وكون متحفظ إياك الدخول في مهترات او مشاكل حاول انك تتجنب هيدا الشخص
الوضع المالي
امورك المالية الحمدلله منيحة لا معك ولا عليك وهيدا الأمر بريحك وبيسعد الأهل
الوضع العاطفي
مقابلة مع الشريك بدك تكون مرتاح مع الشريك لانو بيفهم عليك وبيدعمك
بقلب بيتك
بدك تناقش امور بتتعلق بشؤون العيلة مع الأهل في عندك فرح او ارتباط لحدا من عيلتك
شخصيتك اليوم
ايامك الجاي حتكون حلوة يا جوزاء

فنجان برج السرطان الاثنين 7/3/2022 اذار مارس

السرطان
شو بقول فنجانك يا سرطان
بدك تقابل أشخاص مهمين كتير ذو نفوذ ومكانة وهيدا المقابلة بدها تكون فرصة عمل جديد يا سرطان
الوضع المهني
بدها يجيك عرض او بمعنى فرصة عمل جديدة واستثنائية من أشخاص نافذين بأدو دور مهم بحياتك المهنية وبتحصل على عمل بمؤسسة او شركة وهيدا الفرصة بتجي مرة بالعمر ما ضيعها يا سرطان هيدا الشي بدو يأثر عليك اجابيا وعلى وضعك المالي والمهني والعائلي
الوضع المالي
شايفة عندك مال امورك بدها تتحسن وتتطور شايفة عندك مكانة مهمة بحياتك يا سرطان
الوضع العاطفي
عشاء مع الشريك بدك تكون جاد وصادق بعلاقتك مع الشريك
بقلب بيتك
شمسك شارقة وايامك الجاي كتير مهمه وحلوة يا سرطان
شخصيتك اليوم
مقابلة مع الشريك بدك تسعدك وتقربك من الشريك اكتر

فنجان برج الاسد الابراج الاثنين 7/3/2022 اذار مارس

الأسد
انا شايفة بفنجانك يا أسد كتير كتير حلو مشاريع واحلام بدك تحققها قريبا
بس عندك مشكلة صغيرة بتخص حدا من افراد عيلتك بخصوص أرض أو امضاء على ورق وهيدا الشي تعبك يا أسد بس بشكل عام امورك تمام
الوضع المهني
عندك حلم بدك تحققو يا أسد بدك تاخد قرار بخصوص عمل جديد او فتح مشروع عمل بخصك إلك وهيدا الشي بدو يتم بس في شي زاعجك وبتحول انك ترتب أوضاعك المهنية وتغير اسلوبك
الوضع المالي
بدو يجيك الدعم من خلال أشخاص مهمين بدك تستغل هالشي شايفة بفنجانك في أموال بس بدها وقت
الوضع العاطفي
امورك العاطفية كتير منيحة انت والشريك على تفاهم الشريك بيفهم عليك وبيدعمك هيدا الشي بيسعدك
بقلب بيتك
بدك تناقش امور بتخص العيلة والاهل وهيدي الأمور بدك تحلها
شخصيتك اليوم
مقابلة حلوة مع الشريك والأصدقاء المقربين والزملاء بدها تكون اجواءها حلوة

فنجان برج العذراء الابراج الاثنين 7/3/2022 اذار مارس

العذراء
شو بقول فنجانك يا عذراء
خفف انانية يا عذراء بدك تواجه مشكلة بتخص حدا من افراد عيلتك بخصوص بنت او ديون بدك تواجها وبدك تطلب مساعدة مالية من الخارج يا عذراء وبدك تحصل عليها
الوضع المهني
حدا قريب منك بدو يحاول يساعدك بأمور بتخص العمل وبدو يكون عندو فرصة عمل جديدة وهيدا الشي بدو يزعج بعض الأشخاص المقربين إلك بس انا شايفة في عمل جديد وبدك تثبت حالك وجدارتك
الوضع المالي
امورك المالية الحمدلله تمام بس بضل تتزمر حتى تحصل على مساعدات من قبل الأهل والمقربين
الوضع العاطفي
بدك تقابل الشريك وبدك تناقش امور بتخص الارتباط والعلاقة
بقلب بيتك
عندك نقاش مع حدا من افراد العيلة بخص العمل بدو يزعجك بالكلام
شخصيتك اليوم
كون هادي بنقاشك ورايق مع الأصدقاء بالأخص الشريك

فنجان برج الميزان الابراج الاثنين 7/3/2022 اذار مارس

الميزان
شو قال فنجانك يا ميزان
بتمر بفترة اعادة النظر في بعض الإجراءات والقناعات بتخص العمل والشريك والوضع المهني
عندك مقابلة عمل جديد للاسف ما بصير هيدا الأمر هيدي المقابلة بدها تزعجك وانت بدك تنهي هيدي المقابلة
امورك المهنية منها منيحة شايفة عندك فرصة عمل بمؤسسة جديدة هيدي الفرصة بدك تاخدها عن قناعة يا ميزان بس مني شايفة فيها استمرار ونجاح
الوضع المالي
بدك تناقش امور مالية مع الأهل بالأخص حدا من الأبوين بدو يدعمك فترة حتى تنتكل على نفسك
الوضع العاطفي
خالي القلب يا ميزان شايفة عيون إعجاب او محبة انت منك مهتم
بقلب بيتك
بدك تناقش امور مالية مع الأهل وبدك تطلب مساعدة ودعم من الأبوين
شخصيتك اليوم
مزعوج حابب تكون لحالك حتى ترتب امورك المهنية والمالية والعاطفية

فنجان برج العقرب الابراج الاثنين 7/3/2022 اذار مارس

العقرب
شو بقول فنجانك يا عقرب
عندك حالة وفاة يا عقرب بدك تسمع حدا من الاصدقاء او الزملاء وهيدا الخبر بدك تزعل بدك تقوم بالواجب يا عقرب
الوضع المهني
بدك تحضر اجتماع مع الزملاء والمسؤولين وهيدا الاجتماع بخص مشروع او زبائن بس حدا من ألموجودين بدو يستفزك ويحرجك بس انت ما بتسكت بدك تواجه وبشراسة
الوضع المالي
عندك شوية ضغوطات مالية بتخص شراء عقار او سيارة او شقة بس بدها تمر انشاءالله
الوضع العاطفي
شايفة بفنجانك ارتباط جدي يا عقرب وقريب جدا بدك تصارح الشريك
بقلب بيتك
فرحة في تلبس محبس لحدا من افراد عيلتك او إلك يا عقرب
شخصيتك اليوم
مقابلة مع الشريك بدك تكون هادي ورايق

فنجان برج القوس الابراج الاثنين 7/3/2022 اذار مارس

القوس
شو بقول فنجانك يا قوس
من فترة فتحت موضوع السفر وتراجعت عن هيدي الخطوة
شايفة عندك سفر يا قوس سفر مأكد بدك تاخد قرار وتفاجىء الأهل والمقربين إلك والزملاء والشريك
الوضع المهني
شايفة عندك سفر وبلشت تظبط امورك المالية والمهنية وتجمع اوراقك وشهاداتك يا قوس هيدا القرار الصح يا قوس وحتى تأخرت عليه شايفة نجاح وآمال وارتياح نفسي يلي طالما انت بحثت عنو بدك تسافر يا قوس وبدك تنجح وتصل إلى المكانة لبدك ياها
الوضع المالي
عندك شوية عجز بخصوص المال بس بدك تلاقي الدعم المطلوب من افراد عيلتك
الوضع العاطفي
شايفة نهاية علاقتك مع الشريك العلاقة كان فيها خلافات كتيرة
بقلب بيتك
شايفة طاقة فرج وقريبة جدا بدها تحل مشاكلك
شخصيتك اليوم
مرتاح وضميرك مرتاح بخصوص الشريك عيش حياتك

فنجان برج الجدي الابراج الاثنين 7/3/2022 اذار مارس

الجدي
شو بخبرني فنجانك يا جدي
مريت بفترة صعبة كتير وفيها ضغوطات كتير بلشت تتحسن الامور يا جدي انتبه لنفسك من الأشخاص المتطفلين والحاقدين والحاسدين يا جدي بدك تحط النقط على الحروف بخصوص حدا من المقربين إلك بدو يستفزك ويزعجك ويحاول انو يقلل منك ومن احترامك بدك تنتبه يا جدي بدك تواجه
الوضع المهني
شايفة بتحكي بسفر وبتتراجع بدك تقدم على شغل جديد او شراكة مع حدا من الأشخاص الموثقين بحياتك هيدا العمل بدو يعملك نقلة مهمة بحياتك المهنية والمالية يا جدي شايفة وضعك وامورك تمام الحمدلله بدك تاخد خطوة بمجال عملك متفوق ومجتهد شايفة نجاح كبير وقريب كتير بدك تستلم اوراق وبدك تمضي على عقد عمل جديد
الوضع المالي
عندك شوية مشاكل مالية بدك تحلها يا جدي انت عنيد وذكي وهيدا الأمر صفة جيدة بتعرف كيف بتحل مشاكلك
الوضع العاطفي
عندك نقاش مع الشريك بخصوص أموال او شي بخص عيلتك النقاش بينتهي متل ما بدك
بقلب بيتك
شايفة عيون حسد كتيرة وغيرة من أشخاص قول قل أعوذ برب الفلق يا رب يا معين
شخصيتك اليوم
عندك سهرة مع افراد العيلة والأصدقاء القدماء بدك تراجع بالذكريات السعيدة

فنجان برج الدلو الابراج الاثنين 7/3/2022 اذار مارس

الدلو
شو بقول فنجانك يا دلو
عندك مكالمة هاتفية طويلة من الأهل والمقربين بدك تخبر بشي بيزعجك عن خلاف بين زوجين او طلاق وبدك تنزعج كتير
الوضع المهني
عندك مقابلة عمل جديد مع احد الزملاء وهيدي المقابلة بدها تعطيك فرصة لتثبت فيها نفسك وقدراتك وامكانياتك بدك تستلم عمل بخص شهاداتك ودراستك يا دلو شايفة بالبداية فيها تعب ومجهود ودراسة بس بعدين فيها نجاح كبير ومال كتير
الوضع المالي
قريب جدا بدك ارتاح من ديون مستحقة ومتراكمة بتخص حدا من افراد العيلة والاهل
الوضع العاطفي
شايفة إلك فترة منك مهتم بالشريك وهيدا الشي بيزعج الشريك اهتم اكتر الشريك بيستاهل اهتمامك
بقلب بيتك
مكالمة هاتفية بدها تزعجك وبدك تناقش امور بتخص الاهل وإلارث
شخصيتك اليوم
راجع حسباتك ورتب حياتك يا دلو انت بحاجة تكون لحالك

فنجان برج الحوت الابراج الاثنين 7/3/2022 اذار مارس

الحوت
شو بقول فنجانك يا حوت
أفكارك واحلامك كبيرة يا حوت منها بدو يتحقق ومنها بضل حلم
الوضع المهني
شايفة عندك تغير مكان العمل او العمل بشكل عام بدك تاخد قرار بخصوص عمل جديد وهيدا العمل بدو يفتح عليك أبواب الرزق على مصرعيها يا حوت حلم بدو بتحقق شايفة بفنجانك نجاح كبير وقريب جدا وهيدا العمل بخصك إلك
الوضع المالي
وضعك المالي تمام الحمدلله حدا قريب منك بدو يطلب مساعدة مالية راجع حسباتك قبل ما تعطي حتى لا توقع بمشاكل او عجز
الوضع العاطفي
شايفة في هدية قيمة من الشريك وفي اهتمام خاص فيك
بقلب بيتك
بدك تناقش موضوع متعلق بالارتباط وبدك تاخد خطوة جادة وبدك تلاقي الدعم من الأهل والمقربين إلك
شخصيتك اليوم
رايق وهادي وبتعيش حياتك بشكل مريح

المصدر:عرب كلوب