قراءة فنجان الابراج الثلاثاء 8/3/2022 اذار مارس

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الثلاثاء 8/3/2022 اذار مارس

الحمل
شو خبرني يا حمل
بدها تجيك رسالة او شي شايفة مكتوب او
بدك تستلم ورقة وهيدي الورقة بدك تكون مسرور منها
الوضع المهني
عندك امور عالقة بتخص العمل بدك تنهيها بس بدها وقت ومجهود شايفة عندك منصب جديد بدك تستلم هيدا المنصب بدك تنتبه من أشخاص ذو وجهين حاول انك تتجنبهن يا حمل
الوضع المالي
تمام صار فيك تقول انك مرتاح ماليا يا حمل
الوضع العاطفي
انتبه للشريك واعطي اهتمام اكتر لانو مزعوج
بقلب بيتك
امورك العائلية تمام الحمدالله عم تمشي امورك متل ما بدك
شخصيتك اليوم
مرتاح وسعيد حابب تسهر ما تحرم حالك

فنجان برج الثور الابراج الثلاثاء 8/3/2022 اذار مارس

الثور
شو قال فنجانك يا ثور
شايفة عندك فرشة مريض او بدك تزور عيادة بخصوص وعكة صحية بدك تعاني منها يا ثور
الوضع المهني
بدك تبلش بمشروع شغل مع حدا من الزملاء وهيدا المشروع اخد منك طاقة وتعب نفسي وجسدي بس بدو ينجح هيدا الشي والمسؤولين عنك بدهن يكرموك يا ثور وبدك تحصل على مكافئة للشيء انت تعبت فيه
الوضع المالي
عندك دفعات صغيرة بدك تخلص منها قريب انشاءالله
الوضع العاطفي
مقابلة مع الشريك بدك تقدم هدية او توصلك هدية قيمة
بقلب بيتك
شايفة ناس بدك تدخل على بيتك بس بدك انت تكون مرتاح وسعيد شخصيتك اليوم
بدك تقضي وقت حلو مع الشريك

فنجان برج الجوزاء الابراج الثلاثاء 8/3/2022 اذار مارس

الجوزاء
شو خبرني فنجانك يا جوزاء
عم تحكي بالاستقرار والارتباط يا جوزاء هيدا الشي كتير منيح بيسعدك وبيسعد الأهل والمقربين إلك
الوضع المهني
انتبه يا جوزاء حدا بدو يستفزك ويزعجك من بالعمل وبدو يعاكس قراراتك بدك تكون حذر يا جوزاء
الوضع المالي
امورك المالية الحمدلله بخير بس حدا من الأهل بدو يطلب منك مبلغ مالي هيدا الشي بدو يعملك شوية كركبة
الوضع العاطفي
عندك مقابلة مع الشريك بدك تاخد خطوة جادة بخصوص ارتباط
بقلب بيتك
شايفة بفنجانك فرح خطبة او محبس بخصك إلك
شخصيتك اليوم
آخر رواق يا جوزاء امورك تمام

فنجان برج السرطان الثلاثاء 8/3/2022 اذار مارس

السرطان
شو خبرني فنجانك يا سرطان
بدك تجتمع مع أصدقاء جداد وهودي الاصدقاء عندهن وفاء واخلاص إلك انت مرتاح بهيدي الصداقة
الوضع المهني
شايفة وضعك المهني صعب شوية بتحاول انك تصلح الأمور بس للاسف وضعك صعب
شايفة حدا من الأصدقاء بدو يساعدك بشغل جديد وهيدا الشغل بدك تكون مرتاح اريح من الاول بتثبت نجاحك المهني
الوضع المالي
خفف مصروفك ونفقاتك وسهراتك شوية وضعك المالي ما بيحمل
الوضع العاطفي
اهتم بالشريك اكتر العلاقة فيها شوية توتر
بقلب بيتك
بدك تناقش وضعك المهني والمالي مع الأهل وأفراد العيلة
شخصيتك اليوم
مزعوج من امور كتيرة يا سرطان

فنجان برج الاسد الابراج الثلاثاء 8/3/2022 اذار مارس

الأسد
شو خبرني فنجانك يا أسد
ايام الجاي حلوة يا أسد
بدك تقابل أشخاص وناس ورجل دين بخصوص عقار او أرض في مشكلة صغيرة بدك تحلها يا أسد بدك دخل فيها ناس اكبر منك سنا
الوضع المهني
شايفة بفنجانك زيادة بالراتب او مكافئة مالية او منصب جديد بدك تحسن وضعك المهني والمالي انتبه يا أسد من الأشخاص المتطفلين الموجودين بحياتك المهنية بدهن يعملولك شوية مشاكل تجنبهن وخليك بحالك يا أسد هيدي غيرة
الوضع المالي
بدك تناقش امور بتتعلق بشؤون مالية مع حدا من افراد عيلتك
بدك تاخد قرار بخصوص هيدا الأمر
الوضع العاطفي
علاقتك بالشريك كتير منيحة مع انو الشريك زاعجك شوي
بقلب بيتك
عندك ناس ونقاشات مع حدا من افراد عيلتك بخصوص أرض أو عقار بدو يدخل رجل دين
شخصيتك اليوم
بتحاول انك تتجنب المشاكل مع الأهل وأفراد العيلة

فنجان برج العذراء الابراج الثلاثاء 8/3/2022 اذار مارس

العذراء
شو بقول فنجانك يا عذراء
حدا من الاصدقاء بدو يعرض عليك ارتباط او علاقة عاطفية فكر بالمستقبل يا عذراء ما تبكي على الاطلال
الوضع المهني
عندك عمل جديد بدك تجيك فرصة عمل جديدة واستثنائية وهيدي الفرصة كتير مهمه بالنسبة إلك ومقبولة بالنسبة لوضعك يا عذراء ما ضيعها بدك تكون مرتاح لهيدي الخطوة بس بدها تعملك شوية زعل من قبل بعض المقربين
الوضع المالي
هيدا الشهر صرفت كتير يا عذراء حاول انك تخفف مصروفك وضعك المالي ما بيحمل
الوضع العاطفي
عندك حب جديد بحياتك وهيدا الأمر بيسعدك وبيعطيك ثقة بنفسك
بقلب بيتك
نقاش مع حدا من افراد عيلتك بخصوص عمل جديد بس بدو يصير هيدا الشي
شخصيتك اليوم
اطلع من جو الكائبة وعيش حياتك يا عذراء

فنجان برج الميزان الابراج الثلاثاء 8/3/2022 اذار مارس

الميزان
شو قال فنجانك يا ميزان
بدك تسمع حدا جاي من سفر خارج البلاد بدك تكون مستعد لأي خطوة بمجال عملك او دراستك
الوضع المهني
إلك فترة وضعك المهني منو واضح ناطر فرصة تجيك بدك تاخد قرار بخصوص عمل جديد وهيدا الشغل بحاجة إلى سفر بصدد العلم والدراسات والعمل بدها تجيك هيدي الفرصة من احد الأقارب شايفة عندك سفر وعندك شغل وعندك نجاح
الوضع المالي
امورك المالية منها منيحة وهيدا الشي بيزعجك وبأثر عليك سلبا
بدو يجيك الدعم من احد الأقارب
الوضع العاطفي
معجبين كتار حواليك بس انت منك مهتم
بقلب بيتك
بدك تستقبل ضيوف وعزيمة وفرح بالبيت
شخصيتك اليوم
هادي ورايق عندك ضيوف وعزيمة بتكون مسرور

فنجان برج العقرب الابراج الثلاثاء 8/3/2022 اذار مارس

العقرب
شو بقول فنجانك يا عقرب
في توتر وقلق وخوف بفنجانك يا عقرب بدك تحضر مشكل كبير وهيدا المشكل ما بخصك بس بدك تكون موجود بالصدفة بتحاول انك تحل هيدا الموضوع بس ما بيطلع من امرك شي
الوضع المهني
عندك مقابلة مع احد الأشخاص بخصوص عمل او مشروع مهم بخص المؤسسة وهيدي المقابلة بدها تعطيك فرصة لتثبت فيها نفسك وقدراتك وامكانياتك ولكن هناك مشكلة معينه بتخص حدا من الاصدقاء بدها تعملك شوية كركبة بس بتتجاهلها
الوضع المالي
عندك شوية ضغوطات مالية بتخص الاهل او شراء شي بخصك بدك تحاول انك توفر مال حتى تتخطيها
الوضع العاطفي
إلك فترة منك مقابل الشريك وهيدا الشي بيزعجك
بقلب بيتك
بدك تواجه افراد عيلتك بخصوص مشكلة صارت مع حدا مقرب منك
شخصيتك اليوم
بتحاول تكون رايق وهادي ما بتحب تبين شي لحدا

فنجان برج القوس الابراج الثلاثاء 8/3/2022 اذار مارس

القوس
شو بقول فنجانك يا قوس
شايفة سفر بدك تفاجىء الجميع بقرار سفر بصدد عمل بمؤسسة مهمة مرتبطة بمهارتك وتفوقك وشهاداتك ودراستك وهيدي الخطوة بدها تعملك شوية زعل مع بعض الزملاء بالعمل
الوضع المهني
شايفة بلشت ترتب امورك المهنية واوراقك وشهاداتك يا قوس نويت على السفر وهيدا الأمر بدو يتم انشاءالله بدك تطلع على مستقبلك المهني عندك سفر وعندك نجاح كبير
الوضع المالي
شايفة عندك ضائقة مالية بخصوص اوراق مهمة بس بتمر على خير انشاءالله
الوضع العاطفي
بدك تشرح وضعك وامورك للشريك شايفة دعم من الشريك
بقلب بيتك
شايفة زعل من قبل الأهل وأفراد العيلة والمقربين بخصوص قرارك
شخصيتك اليوم
ايامك حلوة عندك سهرة مع الاصدقاء والشريك بدك تكون مرتاح

فنجان برج الجدي الابراج الثلاثاء 8/3/2022 اذار مارس

الجدي
شو قال فنجانك يا جدي
فنجانك كتير حلو بس في عندك زعل انت فيك تكبر الموضوع وانت فيك تصغر هيدا الشي بدك تحضر مشكل صغير بس بدك تكون انت طرف فيه انتبه لنفسك من الغيرة والحسد عندك حدا قريب منك بغار منك كتير انت منك مرتاح الو وبتعرفو وبتعرف شو بفكر لانو مكشوف إلك يا جدي طنش وتجنب اي مشكلة مع هيدا الشخص
الوضع المهني
بدك تقدم على شغل جديد او بدك تعمل شغل إلك بخصك وبدك تلاقي الدعم المطلوب من الأهل والمقربين والأصدقاء وهيدي الخطوة بدك تاخدها قريب جدا يا جدي بدك تتحسن اوضاعك المالية بسبب النجاح وجود الاصدقاء القدماء والمقربين إلك بدك تنجح وتثبت نفسك أكثر
الوضع المالي
شايفة بفنجانك حوالة مالية او موعود بمبلغ مالي بدك تحصل عليه قريب جدا بدك تحل مشكلة مالية طارئة
الوضع العاطفي
اهتم بالشريك الشريك معك وحدك وداعمك
بقلب بيتك
حدا من افراد العيلة بدو يصير حكي بخصوص ارتباط او محبس بس ما بتم
بقلب بيتك
آخر رواق وهادي ما في شي يزعجك

فنجان برج الدلو الابراج الثلاثاء 8/3/2022 اذار مارس

الدلو
شو بقول فنجانك يا دلو
عندك طموح جارف بتفكر كتير بأمور بتتعلق بشؤون العمل والدراسات والتعلم وبتحلم كتير يا دلو
الوضع المهني
وضعك المهني ما بيحمل مفاجاءت حدا من الاصدقاء بدو يطرح عليك مشروع عمل انتبه من الوعود الكاذبه يا دلو انتبه لنفسك وشغلك خلي علاقتك مع المسؤولين عنك جيدة ما تتسرع باخد اي قرار بيتعلق بالعمل قبل ما تلاقي البديل
الوضع المالي
امورك المالية تمام انت ما بتحب الصرف حريص على اموالك كتير
وهيدا الشي منيح يا دلو
الوضع العاطفي
في شوية توتر بالعلاقة مع الشريك حاول انك تهتم اكتر
بقلب بيتك
امورك تمام الحمدلله ما في شي زاعجك
شخصيتك اليوم
حابب تكون لحالك راجع حسباتك بكون احسن إلك

فنجان برج الحوت الابراج الثلاثاء 8/3/2022 اذار مارس

الحوت
شو بقول فنجانك يا حوت
ايامك حلوة يا حوت عندك مناسبة لحدا من افراد عيلتك وهيدي المناسبة بدها تكون فرصة لعمل جديد انت ناطرو بدك تلتقي بصديق قديم وبدو يطلب منك شراكة شغل
الوضع المهني
شايفة بفنجانك شراكة شغل جديد مع حدا من الاصدقاء القدماء بدك تاخد خطوة بخصوص عملك وهيدي الخطوة ما بتندم عليها خطوة نحو الأفضل والنجاح بدك تنجح وتثبت حالك يا حوت
الوضع المالي
امورك المالية الحمدلله بخير بدك تساعد حدا من افراد عيلتك بخصوص ارتباط بتكون سعيد بهيدي المساعدة
الوضع العاطفي
ايامك حلوة مع الشريك عندك مقابلة مع الشريك بدك تاخد قرار بخصوص العلاقة
بقلب بيتك
عندك طاقة فرج قريبة وشايفة مناسبة بتخص حدا من افراد العيلة
شخصيتك اليوم
مرتاح وسهرة حلوة مع الأصدقاء والمقربين واجواء احلى

المصدر:عرب كلوب