فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
تعلمت من اخطائك يا حمل ما توثق بحدا بالأخص الأشخاص الموجودين بحياتك الجدد بدك تبعد عن أي شخص دخل جديد بحياتك
الوضع المهني
عندك ثقة بنفسك وبقدراتك وهيدا الشي بيعطيك اعتزاز بنفسك وبقدراتك يا حمل شايفة في بعض الأشخاص ما بيعجبهن نجاحك المهني بحاول انهن ياذوك ويعملو مشاكل معك بالأخص بأمور العمل بس انت وبعض الزملاء بالعمل بدك تةقفهن عند حدهن
الوضع المالي
مريت بفترة دقيقة بخصوص وضعك المالي بس هيدي الفترة مرت والحمدالله على خير
الوضع العاطفي
في شوية توتر ومشاكل بالعلاقة العاطفية بس بتمر بدها وقت
بقلب بيتك
في حدا من الأهل من الأبوين بتحب انك تحكي كل مشاكلك وتسمع نصيحتو
الثور
شو بقول فنجانك يا ثور
شايفة عندك مشكلة بقلب البيت هيدي المشكلة بتخص حدا من عيلتك بدك تتدخل يا ثور وبدك تحلها بذكاء وتروي معروف عنك بشخصيتك هادي ورايق
الوضع المهني
في منصب او شغل جديد في شي بحياتك المهنية بدو يتغير للأحسن في بعض الزملاء بالعمل في مباركة بنجاح او منصب انت بتستاهل قدمت مجهود مضاعف وتعب والتزام بالعمل
الوضع المالي
امورك المالية احسن من قبل شايفة الايام القادمة بدها تكون خير عليك
الوضع العاطفي
علاقتك بالشريك بدها تمر او مرت بهزات وتوتر بس بترجع الامور إلى نصابها
بقلب بيتك
بدك تحل مشكلة صارت مع حدا من افراد عيلتك بذكاء وسرعة البديهه
شخصيتك اليوم
مزعوج بسبب الشريك وسبب المشكلة ببيتك بعدين بتروق
الجوزاء
شو بقول فنجان يا جوزاء
شايفة طيارة بفنجانك يا جوزاء
ناوي على سفر
هيدي الخطوة بدها تسببلك زعل كبير مع الشريك العاطفي
الوضع المهني
بلشت تفكر صح يا جوزاء بدك تاخد قرار بخصوص السفر خارج البلاد بصدد العلم والدراسات والعمل وهيدا القرار الصح بدك تتعب بالبداية شوية بس بعدين بدك ترتاح ماليا نفس الوقت وبتوسعلك الآفاق بشكل كبير
الوضع المالي
شايفة في حدا حدك وداعمك
الوضع العاطفي
نهاية علاقة مع الشريك بخصوص قرارك ما تطلع للوراء يا جوزاء المستقبل ناطرك
بقلب بيتك
زعل صغير بخصوص السفر بس بتلاقي الدعم
شخصيتك اليوم
بدك تناقش امور بتتعلق بشؤون العمل والدراسات والشهادات بس بشكل عام رايق وهادي
السرطان
شو بقول فنجانك يا سرطان
ايامك حلوة يا سرطان الحمدلله كل امورك بخير شايفة عندك فرح قريب او مناسبة لحدا من حواليك بدو يصير شي او بدك تلتقي ناس بدك تنزعج وتنسحب
الوضع المهني
قريب كتير بدك تلتقي بحدا من الاصدقاء القدماء وبدو يعرض عليك عمل جماعي او شراكة وهيدا الأمر بدو يتم انشاءالله انت بحاجة إلى عمل بخصك إلك وهيدي الفرصة احت على طبق من ذهب استغل الفرصه يا جوزاء
الوضع المالي
امورك المالية بصير فيها شوية توتر وكركبة
الوضع العاطفي
مقابلة مع الشريك في امور كتير بدك تناقشها
بقلب بيتك
وضعك مرتاح مع الأهل والمقربين إلك شخصيتك اليوم
رايق ومقابلة مع صديق مقرب بتكون مختلفه وبتسعدك
الأسد
شو خبرني فنجانك يا أسد
فنجانك كتير حلو ورايق يا أسد عندك مقابلة مهمة كتير كنت ناطرها بدها تعملك نقلة حلوة ومهمة بحياتك المهنية والشخصية والعاطفية ومع الاهل
الوضع المهني
شايفة عندك شهرة وعندك نجاح مهم وتفوق بعملك بدك تسمع كلام جديد عليك ومدح فيك من قبل بعض الزملاء والمسؤولين والأصدقاء
الوضع المالي
امورك المالية تمام عندك شراء شي إلك بخصك وبدك تدعم حدا قريب منك وضعو وظروفو صعبة
الوضع العاطفي
شايفة أغراض وعفش عم يدخل بيتك يا أسد بدك او اخدت القرار الصح بالشريك
بقلب بيتك
شمس شارقة بقلب بيتك كتير حلوه ومهمة
شخصيتك اليوم
مرح وبتحب الحياة عندك سهرة واجواء احلى
العذراء
شو بخبرك الفنجان يا عذراء
بدك تدخل بعتاب وكلام شي صار وشي ما صار وكل هيدا الشي بدك تخسر أصدقائك واحبابك والمقربين إلك المفروض انك تتجنب هيدي المشكلة
الوضع المهني
في عندك شغل عم بتحضر للمشروع او شي بخص العمل بدك تستلم عمل بس بقولك خفف كلام يا عذراء وضعك صعب شوية تجنب اي كلام او مشكلة لان في ناس ممكن تتآمر عليك وعلى شغلك
الوضع المالي
خفف مصروفك ونفقاتك وسهراتك شوية الايام الجاي بدها تكون دقيقة
الوضع العاطفي
صار لازم تأخد خطوة بخصوص علاقتك مع الشريك
بقلب بيتك
مكركب كتير يا عذراء حاول انك تشرح وجه نظرك
شخصيتك اليوم
كون لحالك وتجنب الكل وراجع كل حسباتك
الميزان
شو بقول فنجانك يا ميزان
عم بتحضر لسهرة مع بعض المقربين إلك والأصدقاء القدماء إلك فترة طويلة منك شايفهن وهيدي الخطوة كتير مهمه وانت بحاجة الها يا ميزان
الوضع المهني
بدك تسمع لنصيحة بعض الأصدقاء بخصوص عمل او مشروع مع بعض الزملاء وهيدي النصحية بدها تجي بمحلها يعني تجي بوقتها يا ميزان عندك ع عرض او فرصة عمل بمؤسسة بس انت منك مقتنع بالعمل والشروط
بدك تاخد بنصيحة بعض الزملاء وتمشي عليها ما بتندم شايفة بفنجانك شغل مع بعض الزملاء بالعمل وهيدا الأمر بدو يتم انشاءالله
الوضع المالي
وضعك دقيق شوية يا ميزان انتبه لمصروفك بالوقت الحالي
الوضع العاطفي
اهتم اكتر بالشريك بيستاهل انك تهتم اكتر
بقلب بيتك
شايفة عندك جمعة حلوة مع الأصدقاء والمقربين
شخصيتك اليوم
انت بتحب المرح والسهر واللهو
العقرب
شو بقول فنجانك يا عقرب
عندك طلاق او فراق أو فك ارتباط لحدا بخصك انثى يا عقرب وهيدي المشكلة بدها تعمل مشاكل مع بعض المقربين
الوضع المهني
مستهتر بعملك وبتحس بأحباط وكائبة بسبب بعض المشاكل والمتاعب لصارت معك ومع حدا من افراد عيلتك انتبه يا عقرب على شغلك بدك تحاول ترجع علاقاتك وامجادك بالعمل والقرارات مع الزملاء والمسؤولين ما تخلط الأمور
الوضع المالي
ورط حالك بمبلغ مالي كبير لتتحنب مشكلة معينه بتخص حدا من افراد عيلتك بدك تكون قد المسؤولية
الوضع العاطفي
عندك مواجه ونقاش حاد مع الشريك بخصوص امور بتتعلق بشؤون العيلة
بقلب بيتك
شايفة ناس كتير ورجل دين بدو يحل مشكلة
شخصيتك اليوم
مزعوج من مزاجك معكر ومتقلب
القوس
شو قال فنجانك يا قوس
عندك مقابلة مهمة كتير مع شخص مهم في مشروع او عمل او شراكة وهيدي المقابلة بدك تكون جاد وصادق بتعاملك مع هيدا الشخص بس بدو يصير زعل كبير من بعض الزملاء الافياء إلك بس فترة صغيرة وبترجع الأمور متل ما كانت
الوضع المهني
بدك تترك شغلك القديم يا قوس وبدك تخسر بعض الأصدقاء وهيدا الخطوة بدك تاخدها عن قناعة شايفة عندك شغل جديد ومهتم بهيدا العمل بدك تكون مرتاح وسعيد وبدك تعطي مجهود كبير وتثبت نفسك وقدراتك وامكانياتك
الوضع المالي
امورك المالية الحمدلله بخير عندك مسؤوليات مرتبطة بالابوين واهتمامات خاصة
الوضع العاطفي
مقابلة مع الشريك بدو يكون فيها شوية توتر وسؤ الفهم
بقلب بيتك
طاقة فرج قريبة كتير
شخصيتك اليوم
مقابلة عمل جديد بدك تكون مرتاح وسعيد
الجدي
شو بقول فنجانك يا جدي
شايفة عندك ضيوف او انت بدك تنعزم على مناسبة لحدا من الاصدقاء بدك تكون منسجم مع بعض المقربين إلك بس ما بضل الوضع هيك شايفة بفنجانك بيجي حدا من المقربين إلك بدو يستفزك ويحرجك وبدو يحاول يألف كلام بخصوص احد الاصدقاء القدماء بس انت ما بتسكت عن حقك وبدو يصير مواجهات شرسة جدا مع هيدا الشخص
الوضع المهني
حدا بيعرض عليك سفر إلى الخارج بخصوص شغل انت بتنتمي لاإلو وهيدا الأمر بدو يعملك شوية مشاكل مع بعض أفراد العائلة بدك تفتح موضوع متعلق بالعمل والسفر بس ما بصير هيدا الأمر
الوضع المالي
انتبه من النفقات بدها تعملك شوية كركبة بخصوص المال بيجيك مال للاسف انت بتحب الصرف
الوضع العاطفي
في شوية زعل من الشريك بخصوص امور بتتعلق بشؤون العيلة والمال
بقلب بيتك
شايفة عندك مناسبة حلوة مع الأصدقاء والمقربين إلك
شخصيتك اليوم
كل امورك بخير بس بدو يجي حدا يعكر مزاجك
الدلو
شو بقول فنجانك يا دلو
بتحس بوحدة وبتحس بأحباط وظلم من قبل الأهل والمقربين بتاخد قرار مصيري بخص العمل وهيدي الشي بدو يأثر عليك ويزعجك
الوضع المهني
بدك تناقش امور بتتعلق بشؤون العمل والدراسات والشهادات والعيلة وبدك تاخد قرار مصيري وتغير اسلوبك وحياتك وهيدا التغير بدو يعملك مشاكل مع الأهل وأفراد العيلة بس انت بدك تدافع عن نفسك واحلامك وبدك تحط النقط على الحروف بخصوص هيدا الشي
الوضع المالي
عندك شوية ضغوطات مالية بتخصك وبتخص الشريك بتمر على خير
الوضع العاطفي
انت بترتاح لما بكون الشريك حدك ومعك
بقلب بيتك
عندك مواجهات شرسة وهيدا الشي بيزعجك وبأثر عليك وعلى مزاجك
شو بخبرك الفنجان يا حوت
ايامك حلوة وفنجانك كتير حلو يا حوت عندك ارتباط اكيد شايفة محبس وشايفة فرح ببيتك وتحقق أحلامك
الوضع المهني
عندك تحقق أحلامك واهدافك ومستقبلك يا حوت بدك تاخد قرارات مهمه وبتقوم مبادرات وبواكبها الحظ حتكون مبتعد عن التوتر وإثارة المشاكل وسوء الفهم شايفة بفنجانك نجاح وتفوق كبير وشهرة بتخص العمل والثقة بنفسك وبقدراتك يا حوت
الوضع المالي
عندك أموال كتيرة يا حوت بدو يحالفك الحظ
الوضع العاطفي
شايفة ارتباط جدي زواج عندك يا حوت
بقلب بيتك
فرح وناس مهمين والأصدقاء والزملاء بالعمل فرح قريب جدا
شخصيتك اليوم
ايامك حلوة يا حوت مزاجك رايق
ترتيب الأبراج حسب قوة الذاكرة: من الأقوى إلى الأضعف وأسرار ذاكرة كل برج وتلعب الأبراج…
توقعات برج الحوت اليوم تتوقع النجوم أن يكون لديك يوم مليء بالحساسية والإلهام. قد تجد…
توقعات برج الدلو اليوم تتوقع النجوم أن يكون لديك يوم مليء بالإبداع والتجديد. قد تشعر…
توقعات برج الجدي اليوم تتوقع النجوم أن يكون لديك يوم مليء بالإنجازات والتقدم.قد تجد نفسك…
توقعات برج القوس اليوم يمكنك توقع يوم مليء بالمغامرات والفرص الجديدة.النجوم تشير إلى أن حماسك…
توقعات برج العقرب اليوم على الصعيد المهني والمالي والعاطفي والصحي من موقع عرب كلوب برج…