فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بقول فنجانك يا حمل
جاي عليك ايام كتير حلوة يا حمل عندك بشارة مهمة وبدها تدمع عينك من هيدا الخبر بخص العمل او مال شي بخصك إلك وناطر إلك زمان هيدا الأمر
الوضع المهني
امورك المهنية الحمدلله بخير شايفة بفنجانك حدا من المقربين إلك بدو يستفزك ويزعجك بخصوص امر بخص العمل بدك تتروى وتحاول ما تفتح مشاكل مع حدا ولا تفتح مجال لحدا يستفزك ويزعجك
الوضع المالي
امورك المالية
خفف مصروفك ونفقاتك وسهراتك يا حمل
الوضع العاطفي
إلك فترة عم بتحضر لمقابلة مع الشريك بدك تاخد خطوة بخصوص ارتباط
بقلب البيت
شايفة فرحة من قبل الأهل بخصوص قرارك بخص الارتباط
شخصيتك اليوم
مقابلة مع الشريك ورايق وهادي
الثور
شو بخبرك الفنجان يا برج الثور
خفف غرور وانانية يا ثور غرورك حيورطك بمشاكل كتير كبيرة وهيدي المشكلة ما بتقدر تحلها بغرورك مو وقت غرورك وتتعامل بأنانية وغرور احسن ما تخسر فرصة عمل مهمة انت ناطرها من فترة طويلة بدك تاخد الأمور بتروي وهدوء وتكون متواضع بالأخص مع الأكبر منك سنا ومع الزملاء بالعمل
الوضعالمالي
امورك المالية تمام يمكن بزيد غرورك انو في بعض المقربين إلك بحاجة لمساعدة مالية الوضع العاطفي انت تمام مع الحبيب بس ما بنصحك توافق على كل شي بقولو
بقلب البيت عندك نقاش حاد مع بعض المقربين إلك بخص حدا من الاهل
شخصيتك اليوم
بتفكر بكل الامور حاول انك ترتب أوضاعك وتراجع حسباتك
الجوزاء
شو بخبرك الفنجان يا جوزاء بدها تواجهك مشكلة معينه بتخص العيلة وبدك تدخل بالمشكلة وتحاول انك تحلها ما تحل مشاكلك بالعصبية حلها بالرواق الحكمة بالتصرف والهدوء خاصة إذا بكون طرف فيها حدا من الأخوة
الوضع المهني
خفف عصبيه يا جوزاء شايفة صارت عصبيتك جزء منك بس عم تاذي الحواليك بالأخص الزملاء بالعمل صار وقت تاخد اجازة تراجع كل حسباتك وترتب امورك
الوضع العاطفي ممتاز بدك تخطي خطوة نحو الخطبة او زواج قريب جدا حيكون الشريك مرتاح
بقلب البيت
الأهل وأفراد العيلة بيتجنبوك وبتجنبو عصبيتك وغضبك الزايد
شخصيتك اليوم
اكتر يوم بتكون منك مرتاح ومعصب يا جوزاء
السرطان
شو بخبرك الفنجان يا سرطان
بدك تفاتح الأهل بخطوة جادة بخصوص سفر قريب يا سرطان وانت من فترة طويلة بتفكر
وبتسعى للسفر خارج البلاد في حدا خارج البلاد صديق او من الزملاء كانو معك بالعمل بدو يساعدك بخصوص شغل وهيدا الأمر بيسعد وناطر فرصة تاخد هيدي الخطوة لتثبت جهودك بالنجاح
انت بتلاقي أحلامك بالسفر للخارج لتكمل دراسة وتستلم عمل بتنتمي لاإلو ما تتردد الوضع المالي
امورك المالية الحمدلله إلك فترة بدخر كل اموالك اجا وقتهن
الوضع العاطفي
بدك تكون صريح مع الشريك
بقلب البيت
بدك تناقش موضوع بخصوص السفر مع الأهل وتاخد مباركة والدعم انشاءالله النجاح ناطرك
شخصيتك اليوم
عندك شي خاص مع الشريك الحياة إلك عيشها
الأسد
شو بقول فنجانك يا اسد ناطرك امور بتتعلق بشؤون العيلة زاعجتك شوي بدك تحلها بس بلا انفعال وتعصيب بدك تاخد قرار الصحيح بخصوص حدا من افراد عيلتك بدو يفتح معك نقاش ليستفزك الوضع المهني عندك طموح يا أسد وعندك نشاط بس ما في مقابل تعبك بروح لغيرك وهيدا الأمر بيزعجك وبتفكر بمشروع او عمل خاص فيك بس بدك شريك او راس مال الوضع المالي امورك المالية معقدة شوية عندك ديون او نفقات ما فيك تستغني عن مساعدة الأهل الوضع العاطفي بدك تناقش امور بتخص الشريك
شايفة ما بيعجب الشريك
بقلب البيت منو كتير منيح بتمر بساعة تعصيب
شخصيتك اليوم
معصب ومزعوج بس قلب النهار بدك تكون مرتاح
العذراء
شو بقول فنجانك يا عذراء
عندك طريق يا عذراء طريقك حلو بتشوف أشخاص وبترجع بذكريات كانت بعيدة عندك بس بدك تسمع خبر بدو يزعجك شايفة حدا من معارفك عندو انفصال او طلاق بدك تدخل بس بصير الطلاق
الوضع المهني عندك اجتماع مهم مع المسؤولين عنك لتقيم عملك انتبه من الأشخاص الحاسدين ناطرينك على غلطة إياك الدخول باي نشاط او مشروع مادي حتكون نهايه طموحك خليك بالوقت الحالي مع الزملاء المخلصين إلك ما تدخل باي نشاط مع أشخاص منهن موثوق فيهن الوضع المالي عندك ضغوط مالية بسبب شراء شقة او سيارة بس بدها تمر امورك الوضع العاطفي علاقتك بالشريك لازم تحددها يا عذراء يا ابيض يا أسود
بقلب البيت
طاقة فرج قريبة بتحل مشاكلك انشاءالله
شخصيتك اليوم يوم شتي ويوم صيف
الميزان
شو بقول فنجانك ميزان خفف شوي طيبة قلبك اكتر الحواليك بدهن يستغلو طيبة قلبك لمصالحهن وبدهن يستغلوك بالمال والأهل عم يستغلو طيبة قلبك
الوضع المهني بدك تواجهه امور بتصير من وراء ضهرك بالعمل وهيدي الأمور بدها تورطك بأمور مالية يا ميزان بس بعون الله بدك تكشف حقيقة بعض الأشخاص المخادعين والمنافقين بدك تتلقى مكالمة هاتفية وبدك تتلقى عروض عمل مهمة بحياتك المهنية شغل عقلك يا ميزان
الوضع المالي طيبة قلبك بدك تخسر مال منو كبير بس تجربة بتعلمك
الوضع العاطفي
علاقتك مع الحبيب بتمر بفترة دقيقة جدا
بقلب البيت الجو دافي بوجود الأهل خلي علاقتك بالأهل جيدة
شخصيتك اليوم
بدك تنعزم على مناسبة او عشاء بده تكون الأجواء حلوة
القرب
شو بدي خبرك يا عقرب شايفة بفنجانك نجاح كبير وآمال وارتياح نفسي واستقرار مهني وعاطفي وماليا
لوضع المهني بدك تتقدم بأفكار قيمه بمشروعك او المؤسسة انت فيها على صعيد المهني وبتحملك مفاجاءت مالية كبيرة ما كنت تتوقعها بذكاء وسرعة البديهه والتفوق بدك تتخطى الزملاء بالعمل وهيدا الشي بدو يلفت نظر المسؤولين والمدراء انت نيتك صافية يا عقرب
الوضع المالي بدك تهتم بالأهل بالأخص الأبوين تحديدا انت حدا حريص على أعمالك واموالك الوضع العاطفي حياتك العاطفية نحو الأفضل بتولد مشاعر جديدة بتكون صادق بمشاعرك
بقلب البيت رواق وآمال وارتياح نفسي
بالأخص بوجود الأهل
شخصيتك اليوم
مرتاح كتير ورايق الحمدلله ما في شي زاعجك
القوس
شو بقول فنجانك يا قوس عندك
ثقة بالنفسك وهيدا الشي حلو بس ما بتكفي بدها جراءة وقوة حتى تواجه بعض المشاكل والمتاعب والخوف والقلق من الأشخاص المتربصين الك لأي غلطة
الوضع المهني في حدا بدو يستغل انشغالك بمشروع او جردة بتخص العمل بدو يحاول انو يإذيك بعملك انت كاشفو ناطر لتشوف شو بدو من الاخر ويوقع ويكون معك دليل بس بدو يصير متل ما بدك
الوضع المالي
عندك مناسبة او شي بخص حدا من افراد عيلتك بدك تدفع مبلغ مالي بدو يعملك شوية كركبة الوضع العاطفي بدك تراضى الشريك صار في شوية زعل بقلب البيت
يوم شمس شارقة وحلوة وعندك ايام حلوة
شخصيتك اليوم
بتفكر كتير بتحب هيدي الفترة انك تكون لحالك
الجدي
شو بقول يا جدي
لازم ترتاح من المشاكل والاكتئاب والتعصب عم بتمر بفترة صعبة عندك مشوار بدك تمشي انت والشريك وهيدا الأمر بدك تكون بالبداية مبسوط بس بقلب النهار بدك تواجه حدا بدو يستفزك الوضع المهني حتنحل بعد المشاكل عندك مو كلها بس عندك مواجه مع زميل قريبا جدا وهيدا الزميل بدو يعملك شوية مشاكل وبدو يواجهك بالكذب والافتراء بتتحرك الحياة معك وشوي شوي بيمشي الحال اصبر الصبر مفتاح الفرج بدك تاخد قرار مصيري تغير مكان العمل او العمل كلو بدك طول بالك حتى تلاقي فرصة عمل جديدة لاإلك تتصرع ادرس الموضوع بكل الاتجاهات حتى تاخد فرصتك لبتستحقها
الوضع المالي
امورك المالية بلشت تتحسن يا جدي
الوضع العاطفي لا تلوم الشريك اذا رجع حاول تكون متفهم اكتر ما تاخد اي قرار بعدين بدك تندم
بقلب البيت
في بعض الخيبات الأمل من بعض أفراد العائلة والمقربين بس كلو بمر انشالله
شخصيتك اليوم
امورك بدك تحلها بتروي وهدوء وبنفسك
الدلو
شو بقول فنجانك يا دلو
عندك طموح جارف عندك مشاريع جديدة ومهمة وفي حدا بدو يزعجك يقلب البيت بحاول انو يقلب عليك الاهل الوضع المهني بدك تاخد فرصة بخصوص شغل بشهاداتك وبدك تكون سعيد حدا من الاصدقاء بدو يعرض عليك عمل او شراكة ما تفكر كتير يا دلو شوف وين مصلحتك واهدافك ومستقبلك الوضع المالي عندك نفقات ودفعات مالية منها كبيرة بتخص العيلة الوضع العاطفي
امورك مع الشريك كتير منيحة بس بدها تمر بفترة صعبة ودقيقة
بقلب البيت رايق وهادي بتحاول تدخل السعادة والفرح للبيت
شخصيتك اليوم
وضعك تمام ما في شي زاعجك عيش حياتك يا دلو
الحوت
شو بخبرك الفنجان يا حوت
عندك شي جديد حيولد بحياتك عندك مولود جديد بالعيلة بدك تقابل أشخاص من طرف العيلة
الوضع المهني حدا من الأشخاص بدو يفتح معك مشروع عمل جديد او انتقال إلى عمل منيح لاإلك بخليك مستفيد من أوضاع مالية كتيرة عندك ترقية بشغلك بتكون سعيد ومبسوط ما ضاع تعبك في شخص او زميل بالعمل بدو يدخلك بمشروع مهم إلك وهيدا الأمر بيسعدك وبيعطيك آفاق جديدة وبعزز قدراتك وبيعطيك ثقة بنفسك
الوضع المالي عندك أغراض بدك تجيبهن لبيتك وتكون مسرور أغراض كبيرة عفش جديد الوضع العاطفي بدك تاخد قرار بخصوص الشريك وقرار جدي في محبس بخصك بقلب البيت شايفة فرح قريب عرس او خطبة الك انشاء الله
شخصيتك اليوم
مقابلة مع الشريك بدها تعملك نقلة حلوة ومهمة بحياتك واسلوبك
الأبراج والحياة الزوجية: كيف تؤثر الأبراج على العلاقات الزوجية وتوافق الزواج العلاقة بين الأبراج والحياة…
هل الأبراج حقيقة تعد مسألة ما إذا كانت الأبراج حقيقة أو مجرد اعتقادات موضوعًا جدليًا،…
حظك من اسمك: كيف يؤثر اسمك على حياتك وشخصيتك تُعتبر الأسماء من الأمور التي تؤثر…
حساب البرج الطالع من ساعة الولادة حساب البرج الطالع (البرج الصاعد) باستخدام ساعة الولادة البرج…
حساب البرج الباطني: مفهومه وطريقة حسابه البرج الباطني، والمعروف أيضًا بـ"البرج الصاعد" أو "البرج الروحي"،…
الأبراج حسب الاشهر بالانجليزي إليك ترتيب الأبراج حسب الأشهر بالإنجليزية مع تواريخ كل برج: Capricorn…