قراءة فنجان الابراج السبت 9/4/2022 نيسان ابريل

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج السبت 9/4/2022 نيسان ابريل

الحمل
شو خبرني فنجانك يا حمل
كتار العزايم والمناسبات عندك يا حمل
معزوم على عشاء مع الأهل وأفراد العيلة وبدو ينفتح موضوع متعلق بالارتباط انت من فترة سكرت هيدا الموضوع بدك تنزعج بس كمان بدو يكون ردك قاسي يا حمل بشكل عام العشاء والسهرة بدها تكون ممتازة
الوضع المهني
انتبه يا حمل بعد فترة بدو يصير تغير او جردة بالعمل وبدو يصير في قرارات مهمه انتبه لوضعك يا حمل خليك محافظ على عملك ما تدخل بأي قرار بخص غيرك
الوضع المالي
عندك التزمات مالية بتخص العيلة والاهل ما فيك تستغني عنها
الوضع العاطفي
شايفة ما في بقلبك حدا او مكان لحدا يا حمل الوضع العاطفي صفر
بقلب بيتك
عندك سهرة وعشاء بدك تكون مرتاح وسعيد
شخصيتك اليوم
سهرة مع الأهل وأفراد العيلة بدها تكون ممتازة

فنجان برج الثور الابراج السبت 9/4/2022 نيسان ابريل

الثور
شو قال فنجانك يا ثور
مكتئب ومزعوج الك فترة معصب ومزوعج انت منك عارف من شو بس شايفة بفنجانك بدك تكون مرتاح وسعيد وبدك تغير مسار حياتك الشخصية يا ثور وهيدي التغيرات كمان بدها تشمل الاصدقاء والعمل
الوضع المهني
حدا من الزملاء المحطين فيك بدهن يستغلو وضعك وبدهن يحاولو انو يثبتو حالهن ووجودهن بالعمل يعني حدا بدو ياخد مكانك بالعمل يا ثور انتبه كتير هيدي الفترة بدها تكون صعبة عليك شوية حاول انك ترتب أوضاعك المهنية للأحسن
الوضع المالي
شايفة امورك المالية منها تمام بدك تبلش ترتب أوضاعك المالية بأقرب وقت
الوضع العاطفي
مقابلة مع الشريك بعد فترة كانت العلاقة على وشك الانتهاء
بقلب بيتك
عم تتجنب المشاكل مع الأهل وأفراد العيلة
شخصيتك اليوم
معكر مزاجك منك رايق لأي أحد

فنجان برج الجوزاء الابراج السبت 9/4/2022 نيسان ابريل

الجوزاء
شو بقول فنجانك يا جوزاء
شايفة عندك خسارة مبلغ مالي كبير وهيدا الأمر بدو يعملك مشاكل وزعل مع كل المحطين فيك بالأخص الشريك بس كمان شايفة بفنجانك بدك ترجع تقوم اقوى من السابق وبدك تكون حريص اكتر يا جوزاء
الوضع المهني
عندك اجتماع مهم جدا مع حدا من المسؤولين عنك وبدك تشرح وتناقش امور بتتعلق بشؤون العمل وهيدا النقاش بدو يعملك نقلة مهمة بالعمل
الوضع المالي
خسارة مالية كبير بتهزك يا جوزاء شايفة بترجع طاقتك وقوتك بس بدها وقت
الوضع العاطفي
مزعوج ومعصب من الشريك شايفة في نهاية علاقة يا جوزاء
بقلب بيتك
عندك مواجهات حادة مع الأهل وأفراد العيلة بخصوص مال
شخصيتك اليوم
معصب من كل شي بتفكر كيف
بدك ترتب أوضاعك وامورك المهنية والمالية

فنجان برج السرطان الابراج السبت 9/4/2022 نيسان ابريل

السرطان
شو قال فنجانك يا سرطان
بدك تشاهد مشكلة معينه مت بتخصك ولا بتخص حدا قريب منك بس بدك تكون موجود وهيدي المشكلة بدها تتطور إلى عراك ما تدخل يا سرطان
الوضع المهني
بدك تجتمع مع شخص جديد وهيدا الشخص بدو يعرض عليك عمل بمؤسسة مهمة بدك تاخد قرار بخصوص عمل جديد بس فكر بالمستقبل وفكر بعقلك يا سرطان فرصة حلوة ما بقول انك تضيعها بس فكر بكل شي
الوضع المالي
عندك نفقات مالية مستحقة بدك ترتب امورك المهنية حتى تقدر تخلص من ديون مالية
الوضع العاطفي
علاقتك بالشريك كتير ممتازة
بقلب بيتك وضعك وامورك العائلية تمام الحمدلله
شخصيتك اليوم
مرتاح كتير ما في شي زاعجك

فنجان برج الاسد الابراج السبت 9/4/2022 نيسان ابريل

الأسد
شو خبرني فنجانك يا أسد
بدك تعرض شي بخصك للبيع يا أسد سيارة او شقة شي خاص فيك وهيدا الشي بدو يعملك شوية مشاكل مع الأهل والعيلة
الوضع المهني
عندك شوية ضغوطات بالعمل يا أسد شايفة بفنجانك في بعض الأشخاص بحاولو انهم ياذوك بامورك المهنيه نصيحة مني اتجاهلهن بكون احسن إلك
الوضع المالي
امورك المالية منك مرتاح في ديون مالية مستحقة بدك تاخد قرار ببيع شي خاص فيك
الوضع العاطفي
بدك تحضر للقاء مع الشريك وبدك تشرح وضعك بكل صراحة
بقلب بيتك
عندك مواجهات شرسة بخصك إلك مع الأهل وأفراد العيلة بخصوص بيع
شخصيتك اليوم
مقابلة مع الشريك بدك تكون مرتاح كتير ورايق

فنجان برج العذراء الابراج السبت 9/4/2022 نيسان ابريل

العذراء
شو قال فنجانك يا عذراء
عندك مقابلة مع حب قديم يا عذراء بس هيدي المقابلة ما
بتكون متل ما بدك بدك تنصدم بأمور مختلفة بتتعلق بهيدي المقابلة وبدك تندم عليها
الوضع المهني
عندك مكالمة هاتفية بتخص العمل بدك تاخد قرار بخصوص عمل جديد وبدك تمضي على عقد عمل وهيدا العمل بدو يفتح عليك فرص مهمه يا عذراء ما بضل واقف محلك بدك تتطور وتعطي مجهود كبير يا عذراء وضعك المهني كتير منيح
الوضع المالي
امورك المالية الحمدلله بخير انت حريص كتير على مالك ما بتحب تصرف الا للضرورة
الوضع العاطفي
مقابلة مع حب قديم بس ما بيرجع
بقلب بيتك
بدك تناقش امور بتتعلق بشؤون العيلة مع حدا من افراد عيلتك بخصوص مال او شي خاص
شخصيتك اليوم
سهرة مع حب قديم بس بتكون مزعوج

فنجان برج الميزان الابراج السبت 9/4/2022 نيسان ابريل

الميزان
شو بقول فنجانك يا ميزان
بدك تكون بعشاء مع حدا من الزملاء وهيدا العشاء بدك تقابل أشخاص مهمين بالنسبة لاإلك وبدك تستغل هالشي وبدك تعرض مشروع عمل بخصك إلك
الوضع المهني
عندك مقابلة مع أشخاص مهمين كتير ذو نفوذ ومكانة عاليه جدا وبدك تعرض عليهن مشروع عمل وبدك تلاقي دعم من الزملاء ومن هودي الأشخاص الوضع المهني كتير ممتازة يا ميزان جاي ايام كتير مهمه
الوضع المالي
امورك المالية تمام ما معك ولا عليك بدك تطلب مساعدة ودعم من الزملاء وبدك تلاقي الدعم المطلوب
الوضع العاطفي
عم بتحضر لسهرة مع الشريك حتى تصارحو بمشاعرك
بقلب البيت
عندك طاقة فرج كتير حلوة يا ميزان
شخصيتك اليوم
سهرة مع الاصدقاء والزملاء مع أشخاص مهمين بدك تكون مرتاح

فنجان برج العقرب الابراج السبت 9/4/2022 نيسان ابريل

العقرب
شو خبرني فنجانك يا عقرب
عندك طيارة حلوة حدا جاي من سفر خارج البلاد بدك تكون مستعد يا عقرب للقاء بهيدا الشخص وبدك تطرح عليه موضوع متعلق بالعمل والسفر خارج البلاد وشايفة بدو يساعدك بأمور كتيرة يا عقرب
الوضع المهني
اول مرة بتفكر صح يا عقرب ضيعت وقت كتير بدها تجيك فرصة عمل جديدة واستثنائية من الخارج بدها تكون فرصة مهمة بحياتك المهنية والمالية وبدك تحسن وضعك وامورك المهنية والمالية وحتى وضع الأهل والمقربين إلك
الوضع المالي
عندك نفقات ودفعات بتحص اوراق بتخص السفر بس ما بينخاف عليك
الوضع العاطفي
حب جديد بحياتك خارج البلاد شايفة عندك قلب جديد بس خارج البلد
بقلب بيتك
فرحة الأهل وأفراد العيلة بخصوص عمل وسفر
شخصيتك اليوم
مرتاح كتير ورايق مقابلة مع شخص مهم

فنجان برج القوس الابراج السبت 9/4/2022 نيسان ابريل

القوس
شو خبرني فنجانك يا قوس
صار وقت انك تنتكل على حالك يا قوس بدك تواجه صعوبات كتيرة ومهمه وبدها تكون مواجهات حادة مع بعض المقربين إلك بخصوص عمل او شي بخصك انت منتكل على الأهل وأفراد العيلة بأمور بتتعلق بشؤونك بالأخص المالية شايفة صار وقت انك تاخد خطوة بخصوص العمل
الوضع المهني
حدا من الاصدقاء القدماء بدو يعرض عليك عمل جديد بمؤسسة جديدة وهيدا العمل بدو يكون بادرة خير عليك ما تتردد ولا تتأخر في الرد يا قوس وضعك وامورك المالية صعبة ودقيقة شوية بعد المشكلة لصارت معك بالعيلة انتكل على حالك وعندك قدرات ومجهود
الوضع المالي
بدك تواجه صعوبات كتيرة ومهمه مع الأهل وأفراد العيلة بخصوص مال وهيدا الشي بدو يزعجك بس بعدين بدك ترتاح يا قوس
الوضع العاطفي
اثبت على علاقة يا قوس انت متعدد العلاقات وهيدا الشي بيزعج الأهل
بقلب بيتك
مواجهات شرسة جدا مع الأهل بخصوص تصرفاتك يا قوس
شخصيتك اليوم
مزاجك معكر ومتقلب عندك مواجهات صعبة بدك تحلها بتروي

فنجان برج الجدي الابراج السبت 9/4/2022 نيسان ابريل

الجدي
شو بقول فنجانك يا جدي
عندك احلام بدك تحققها قريب جدا الحظ معك اليوم يا جدي بس بدك تنتبه من الحسد عليك عيون حسد وغيرة كتير
الوضع المهني
عندك وتوتر ومخاوف من المجهول يا جدي بدك تبلش تنفذ أحلامك واهدافك وبدك تحط عملك رقم واحد شايفة عندك نجاح مهم وعندك مشروع عمل بخصك بتنتمي لاإلو بدك تنجح وتثبت نفسك وقدراتك وامكانياتك صار هالشي تحت تحدي بينك وبين نفسك
الوضع المالي
بدك تنتبه لمصروفك اكتر يا جدي جاي ايام صعبة ودقيقة
الوضع العاطفي
بدك تناقش امور بتتعلق بشؤون العيلة مع الشريك وبدو يصير زعل بس بمر على خير
بقلب بيتك
عندك عيون حسد وغيرة من المقربين إلك قول قل أعوذ برب الفلق
شخصيتك اليوم
بلشت تتحسن وترتاح يا جدي مريت بفترة دقيقة وصعبة بس مرت الحمدلله

فنجان برج الدلو الابراج السبت 9/4/2022 نيسان ابريل

الدلو
شو قال فنجانك يا دلو
عندك مكالمة هاتفية من خارج البلاد بصدد العلم والدراسات وهيدي المكالمة بدها تفتح أبواب كتير مهمه
الوضع المهني
عندك دخول على دوائر رسمية بدك توقع على اوراق بتخص السفر انشاءالله وهيدي الخطوة بدها جراءة وكمان بدها تعب ومجهود وبدها صبر
الوضع المالي
شايفة بفنجانك عندك مال وقريب كتير بدك تحصل على مبلغ مالي كبير وهيدا الشي بدو يفرجك
الوضع العاطفي
خليك صريح مع الشريك يا دلو
بقلب بيتك
بدك تناقش امور بتتعلق بشؤون العلم والدراسات مع الأهل والمقربين
شخصيتك اليوم
مرح ورايق الحمدلله

فنجان برج الحوت الابراج السبت 9/4/2022 نيسان ابريل

الحوت
شو خبرني فنجانك يا حوت
أفكارك متل موج البحر يا حوت بتفكر كتير بأمور بتتعلق بشؤون العائلة ومشاكل العيلة والاهل ما بتخلص فكر بالمستقبل وعزز علاقتك مع بعض الأشخاص المهمين
الوضع المهني
بدك تقابل أشخاص مهمين كتير بدك تحصل على منصب مهم بعملك يا حوت وشايفة كمان عندك عمل خاص فيك امورك المهنية الحمدلله بخير
الوضع المالي
حدا من الاصدقاء بدو يطلب منك مساعدة مالية ما تتردد يا حوت بدك تساعد هيدا الصديق
الوضع العاطفي
شايفة عندك ارتباط قريب جدا بدك تاخد قرار بخصوص الشريك
بقلب بيتك
امورك مع العيلة والاهل كتير منيحة وبالاخص الأبوين
شخصيتك اليوم
رايق وهادي وبدك تقابل الشريك وبدك تاخد قرار مصيري

المصدر:عرب كلوب