فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بقول فنجانك يا حمل
بدك تدخل لتحل مشكلة بتخص حدا من الأقارب وهيدي المشكلة صارت من وقت قريب بدك تدخل انت وحدا الو شأن ورجل دين بدكن تحلها بس كمان بدك تخسر مبلغ مالي منو على البال ولا الخاطر اساسا انت ما خصك بالمشكلة بس حدا من طرفك دخلك فيها وهيدا المبلغ بدو يعملك شوية مشاكل وكركبة
الوضع المهني
امورك المهنية قريب جدا بدك تحضر اجتماع بخص العمل هيدا الاجتماع بدو بكون لصالحك يا حمل بدك تناقش امور بتتعلق بشؤون العمل وهيدا الأمر بدو يسعدك ويريحك من امور كتيرة ومهمه
الوضع المالي
عندك دفعة مالية كبيرة بتخص حدا من الأقارب بدها تعملك شوية عجز
الوضع العاطفي
بدك تناقش وبدو يصير في زعل بينك وبين الشريك بخصوص امور بتتعلق بشؤون العيلة والاقارب بس انت بتحل هيدا الأمر
بقلب بيتك
بدك تكون مزعوج ومعصب من امور بتخص الأقارب وبدك تناقش هيدي الأمور مع الأهل
شخصيتك اليوم
معصب كتير بخصوص مشكلة صارت مع حدا من الأقارب
الثور
شو خبرني فنجانك يا ثور
حدا من المقربين إلك بدو يفتح موضوع عائلي لقضية كتير مهمه بالنسبة إلك موضوع متعلق بارث يا ثور منها صدفة هيدا الأمر بدو يحاول انو يستفزك ويزعجك بس حدا من الموجودين بدو يكون وبدو يصير في نقاش بس انت ما بتسكت وما بتترك حقك يا ثور
الوضع المهني
امورك المهنية الحمدلله بخير عم تشتغل على مشروع مهم جدا انت وبعض الزملاء وهيدا المشروع بدو يعملك نقلة مهمة انت والزملاء بالعمل
الوضع المالي
عندك التزامات بتخص الاهل والعيلة ما فيك تستغني عنها امورك المالية تمام
الوضع العاطفي
مقابلة مع الشريك بدها تخفف عنك توتر وانفعال بتكون مرتاح
بقلب بيتك
بدك تواجه حدا من المقربين إلك بدك تحكي كلام كتير مهم بخصوص إرث
شخصيتك اليوم
بالبداية بدك تكون مزعوج بس عندك مقابلة مع الشريك بدها تخفف عنك
الجوزاء
شو قال فنجانك يا جوزاء
اليوم فنجانك حلو شايفة عندك إشارة الحظ بدك تاخد قرارات مهمه يا جوزاء اي قرار بتاخدو بكون مكلل بالنجاح والتوفيق
الوضع المهني
شايفة عندك امضاء على اوراق بتخص العمل بدك تمضي على عقد عمل جديد وهيدا العمل بدو يفتح عليك أبواب الرزق على مصرعيها يا جوزاء فنجانك كتير حلو ورايق
الوضع المالي
بدها تبلش امورك المالية تتحسن بس بدها وقت منو بعيد قريب جدا يا جوزاء
الوضع العاطفي
بدك تاخد قرار بخصوص الشريك شايفة عندك ارتباط
بقلب بيتك
امورك مع العيلة والاهل كتير منيحة بدك تفتح موضوع متعلق بالارتباط هيدا الأمر بيسعد الأهل
شخصيتك اليوم
رايق وهادي مقابلة مع الشريك بدك تاخد خطوة بخصوص ارتباط وهيدا الأمر بيسعد
السرطان
شو بخبرك الفنجان يا سرطان
حدا قريب منك بدو يفتح مواضيع قديمة صارت معك بالماضي وبدو يفتح موضوع انت مسكرو من زمان بخصوص حب او ارتباط بدو يحرجك كتير يا سرطان
الوضع المهني
قريب جدا بدك تناقش امور بتتعلق بالعمل والقرارات مع بعض المدراء وحدا من الزملاء بدو ينزعج بخصوص هيدي القرارات وبدو يصير في زعل شايفة بفنجانك بدك تكون جاد وصادق بتعامل مع الزملاء بدك تحل هيدا الخلاف مع الزملاء شايفة بدك تنجح وتثبت نفسك أكثر من السابق يا سرطان بدك تشكل فريق عمل بتنتمي لاإلو مع الزملاء شايفة عندك باب النجاح موجود بفنجانك
الوضع المالي
حدا قريب منك بدو يطلب مساعدة مالية إياك يا سرطان كون متحفظ وحذر وضعك المالي ما بيسمح
الوضع العاطفي
بتحل امور بتتعلق بالشريك بدك ترتب لقاء عاطفي قريب
بقلب بيتك
امورك العائلية الحمد الله بخير ما في شي زاعجك شخصيتك اليوم
رايق وهادي وسهرة مع الأصدقاء والزملاء
الأسد
شو بقول فنجانك يا أسد
في شي زاعجك وموترك وخايف من شي يا أسد واجهتك مشكلة معينه صارت معك بالعمل مع احد الزملاء وهيدي المشكلة زاعجتك شوي
الوضع المهني
بدك تواجه حدا من الزملاء معك بالعمل بخصوص اوراق مفقودة بتخص العمل وهيدي الأوراق كتير مهمه بدك تناقش وبدو يصير في زعل كبير بدك تنتبه يا أسد من حدا بدو يورطك بأمور بتتعلق بالعمل شايفة هيدي المشكلة بدك تحلها انت وهيدا الزميل بس بدها توصل لأحد المسؤولين عنك بس بتمر على خير ما تخاف يا أسد
الوضع المالي
عندك نفقات مالية منها كبيرة بتخص العيلة وضعك المالي بشكل عام تمام
الوضع العاطفي
فى شوية توتر وفتور بالعلاقة مع الشريك حاول انك تفهم الشريك اكتر
بقلب بيتك
بدك تناقش امور بتتعلق بشؤون العيلة وامور بتتعلق بموضوع المال
شخصيتك اليوم
مزعوج ومعصب في شوية توتر وخوف
العذراء
شو بقول فنجانك يا عذراء
عندك مكالمة هاتفية من صديق إلك فترة طويلة عم تتجنب هيدا الصديق صار في مشكلة بتخصك واكتشفت انو وراء هيدي المشكلة هيدا الشخص
الوضع المهني
بدك تاخد خطوة بعد تفكير عميق وبدك تكون على قناعة وهيدي الخطوة بدها تتعبك وتكلفك كتير يا عذراء بس انا شايفة وراها نجاح كبير ومال كتير يا عذراء ما تتردد شايفة باب الخوف مسكر بفنحانك وباب النجاح و الرزق والمال مفتوح
الوضع المالي
عندك مال يا عذراء بس انت خريص ما حدا من المقربين إلك بيعرف بهيدا الأمر
الوضع العاطفي
شايفة قلبك متل الفراشة كل شوي على زهرة بدك تستقر قريب جدا يا عذراء على حب جديد
بقلب بيتك
بدك تناقش امور بتتعلق بشؤون العيلة مع حدا اكبر منك سنا
شخصيتك اليوم
معزوم على سهرة خارج البيت فيها اجواء حلوة
الميزان
شو خيرني فنجانك يا ميزان
بدك تستقبل ضيوف جايين من طريق بعيد وهودي الضيوف بدهن يجو فجأ وعزيزين عليك كتير في عزيمة ببيتك وبدها تكون اجواء اجتماعية حلوة ما في بيزعجك
الوضع المهني
من فترة فتحت موضوع بخص محل او شي خاص بالأهل والعيلة بدك تعمل مشروعك إلك فترة طويلة عم بتحضر لهيدا المشروع صار وقت انك تاخد خطوة جادة بخصوص هيدا الأمر بالأخص مع الأبوين بس شايفة انو في حدا من افراد عيلتك بدو يعارض هيدا الأمر وبدو يصير في مشكلة وزعل شايفة بفنجانك باب هيدا المشروع مفتوح بس منو على الأخير بدم تأجل هيدي الخطوة
الوضع المالي
بدك تواجه حدا من افراد عيلتك بخصوص مبلغ مالي بخص الاهل بالأخص الأبوين هيدا النقاش بدك تسكرو مع انك منك مقتنع باي مبرر من افراد عيلتك
الوضع العاطفي
انت مأجل اي قرار بيتعلق بشؤونك العاطفية بتفكر كتير بأمور بتتعلق بالعمل
بقلب البيت عندك عزيمة بقلب بيتك للأشخاص عزيزين عليك
شخصيتك اليوم
مرح وسهرة حلوة مع ضيوف وعزيمة
العقرب
شو بقول فنجانك يا عقرب
عم تتجنب الاصدقاء والزملاء إلك فترة مكتئب ومزعوج من امور كتيرة صارت معك بالعمل ومع الاصدقاء وهيدا الشي بيزعج بعض الأصدقاء
الوضع المهني
حدا من الزملاء بدو يستفزك ويحرجك ويقلل من قدراتك ونجاحك وهيدا الأمر بيزعجك وبخليك تعيد حساباتك من جديد بدك تاخد أجازه من عملك حتى تكون مرتاح وترتب امورك من اول وجديد منو غلط يا عقرب
الوضع المالي
حدا من المقربين إلك من فترة طويلة طلب منك مساعدة مالية كبيرة بدك تسترد هيدا المبلغ بس بدو يصير زعل
الوضع العاطفي
امورك مع الشريك كتير منيحة الشريك معك وحدك وداعمك
بقلب بيتك
بتحاول تتجنب المشاكل بالأخص بوجود الأهل يعني الأبوين
شخصيتك اليوم
مزاجك معكر ومتقلب حاول انك ترتب أوضاعك يا عقرب
القوس
شو بقول فنجانك يا قوس
صار لازم تتعلم من اخطائك يا قوس طيبة قلبك عم بتورطك بأمور مختلفة راجع حسباتك وضعك المهني والمالي ما بيحمل مفاجاءت
الوضع المهني
حدا من الزملاء بدو يستغلك ويستغل طيبة قلبك بحاول يطلب منك مساعدة بتخص العمل وهيدي الأمور بدو يعملك مشاكل مع المسؤولين شايفة باب العمل مكركب كتير يا قوس حاول انك تصلح امورك المهنية والمالية مع المسؤولين عنك ما تتعاطف مع حدا يا قوس مستقبلك المهني اهم اذا وقعت ما حدا بساعدك خليك اناني مرة وانتبه لنفسك وشغلك يا قوس
الوضع المالي
انتبه ما تدخل باي مهترات ومواضيع بتخص المال يا قوس وضعك دقيق شوية
الوضع العاطفي
شايفة بفنجانك توتر وقلق بالعلاقة العاطفية حاول انك ترتب لقاء عاطفي قريب
بقلب البيت
امورك العائلية تمام بدك تناقش مشكلة بتخص حدا من افراد عيلتك وبدك تحلها
سخصيتك اليوم
حاول انك ترتب امورك واوضاعك وكون هادي ورايق
الجدي
شو خبرني فنجانك يا جدي
اتقي شر من أحسنت إليهم يا جدي هيدا القول بينطبق على حدا من المقربين إلك انت كتير ساعدت هيدا الشخص بأمور مختلفة مالية كتيرة ووقفت حدو باصعب ظروفو حتى خسرت أشخاص كتير بسبب هيدا الشخص بس للاسف هيدا الشخص بدو يعملك مشاكل مع بعض المقربين إلك وبدو يكذب وبدو ينقل كلام منو صاير انت من فترة يا جدي واجهت مشكلة مع هيدا الشخص بخصوص مال او شي خاص وهيدا الشخص ما عندو الا الحسد والغيرة بدك تنهي هيدي العلاقة او نهيت العلاقة وهيدا الأمر زاعج هيدا الشخص
الوضع المهني
شايفة بفنجانك باب الرزق انشاءالله مفتوح بدك تباشر وقريب جدا بدك تاخد خطوة تفاجىء الجميع بخصوص عمل بخصك وهيدا الأمر بدو ينجح بس بدو متابعة شايفة باب النجاح موجود وكبير
الوضع المالي
بدك تنتبه لمصروفك يا جدي عندك مال جاي بس بدو وقت وهيدا المال بيجي اوقات بتكون صعبة ودقيقة عليك
الوضع العاطفي
بقول في تناغم مع الشريك شايفة بفنجانك غرض جاي للبيت من الشريك العاطفي
بقلب بيتك
بلشت تتحسن وترتاح نفسيا يا جدي مريت بفترة كنت محبط ومزعوج
شخصيتك اليوم
عزيمة عندك او بدك تروح ع عزيمة بدك تكون اكتر من مرتاح وسعيد
الدلو
شو بخبرك الفنجان يا دلو
شايفة عندك خلافات كتيرة يا دلو وضعك مع الشريك بدو يقلب عليك وحدا من افراد عيلتك بدو يقلب الطاولة يا دلو طفح الكيل إلك فترة طويلة يا دلو منك حامل مسؤولية رامي حمولتك على غيرك وهيدا الشي بيزعج الكل بدو يصير في زعل كبير
الوضع المهني
امورك المهنية الحمدلله كتير منيحة بدك تاخد قرار وتشارك بعض الأصدقاء بمشروع مهم وهيدا الأمر بيسعد ويعملك نقلة مهمة كتير مهنيا وماليا
الوضع المالي
عندك نفقات ودفعات مالية بتخص الاهل بس انت بتحاول انك تحل امورك المالية مع الأهل
الوضع العاطفي
شايفة علاقتك مع الشريك صارت على نهاية يا دلو الشريك العاطفي عم يحمل فوق طاقتو
بقلب بيتك
امورك بقلب بيتك تمام بتتجنب اي نقاش ما بدك شي يزعجك
شخصيتك اليوم
رايق وهادي ومرتاح بتفكر بنفسك وبحالك
الحوت
شو خبرني فنجانك يا حوت
حلو ورايق فنجانك
شايفة عندك سهرة مع الاصدقاء واجواء حلوة حدا من الموجودين بدو يطرح عليك مشروع شراكة
الوضع المهني
حدا من الاصدقاء بدو يطرح عليك مشروع عمل جديد وشراكة وهيدا الأمر بدو بخليك تعيد تفكيرك ويقلـب أوضاعـك إلى الأفضـل وبدك تلاقي الدعم من الأهل والمقربين شايفة بفنجانك باب مفتوح مهم هيدا الباب ما تتردد يا حوت
الوضع المالي
انت مرتاح ماليا وحريص على مالك ما بتصرف الا للضرورة القصوى
الوضع العاطفي
مقابلة مع الشريك بدك تفتح مجال نقاش بخصوص ارتباط مع الشريك وقريب
بقلب بيتك
مولود جديد بالعيلة شايفة وضعك العائلي كتير منيح
شخصيتك اليوم
مقابلة مع الأصدقاء واجواء حلوة
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…