فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بقول فنجانك يا حمل
اليوم رايق كتير يا حمل شايفة عندك سهرة مع الاصدقاء وهيدي السهرة بدك تلتقي بناس واصدقاء قدماء هيدي السهرة بدها تكون مختلفة اجواء ايجابية بدها تكون فرصة عمل مهمة مع احد الاصدقاء
الوضع المهني
إلك فترة بتفتش على شغل بمؤسسة او عمل انت بتنمي الو وهيدا الأمر ما بتم بدك تكون بسهرة مع الأصدقاء وحدا من الاصدقاء بدو يفتح معك موضوع متعلق بالعمل او شراكة شايفة بفنجانك باب الشراكة مع هيدا الشخص مفتوح عندك شايفة عندك نجاح ما بدها تفكير يا حمل هيدي فرصتك
الوضع المالي
بدك تكون اكتر حرصا على مالك يا حمل الايام الجاي بدك تكون بحاجة إلى أموال كتيرة
الوضع العاطفي
حل مشاكلك مع الشريك وخفف حساسية اتجاه الشريك
بقلب بيتك
اجواء ايجابية وسهرة حلوة مع الأصدقاء
شخصيتك اليوم
اليوم انت كتير هادي ورايق بالأخص بوجود الاصدقاء
الثور
شو قال فنجانك يا ثور
شايفة عندك مفاتيح مهمة يا ثور مفتاح شقة بدك تستلمها قريب جدا هيدا الأمر بيسعد الشريك العاطفي والاهل
الوضع المهني
امورك المهنية كتير منيحة شايفة بفنجانك باب تفوق بمشروع مهم بخص عملك وهيدا المشروع اخد منك طاقة وتعب وصار وقت انك تفرح وترتاح يا ثور
الوضع المالي
شايفة عندك مفتاح سيارة جديدة بدك تجيبها قريب انشاءالله وهيدا الأمر إلك فترة عم بتجادل وتحاول انك تستشير الاصدقاء
الوضع العاطفي
لقاء مع الشريك بدك تاخد خطوة اجابية بتخص الشريك
بقلب بيتك
امورك العائلية تمام عندك نقاش بخص الارتباط يا ثور
شخصيتك اليوم
لقاء عاطفي قريب منك بدك تاخد خطوة بخصوص ارتباط وهيدا الأمر بخليك رايق وهادي
الجوزاء
شو خبرني فنجانك يا جوزاء
شايفة عندك زجه سعد يا جوزاء وهيدا بيعني انو الايام الصعبة مرت جاي انشاءالله ايام كتير حلوة
الوضع المهني
بدك تمضي او مضيت على اوراق مهمة بتخص العمل يا جوزاء شايفة باب العمل كتير حلوة ومهم بدها تجيك فرصة مهمة كتير مع حدا مهم يا جوزاء بدك تستغل هيدي الفرصة ما ضيعها
الوضع المالي
عندك شوية ضغوطات مالية ما بيخلى الأمر بس انت بتحلها قريب يا جوزاء
الوضع العاطفي
بتحاول كتير انك تراضي الشريك شايفة صار عندك ملل من هيدي العلاقة
بقلب بيتك
حلو بقلب البيت ما في مشاكل كل امورك بخير
شخصيتك اليوم
بداية اليوم بتكون رايق وهادي بس بعدين بدو يقلب مزاجك يا جوزاء
السرطان
شو بخبرك الفنجان يا سرطان
حط مصلحتك واهدافك ومستقبلك وعملك رقم واحد يا سرطان طيبة قلبك ورطتك بأمور مختلفة ومشاكل كتير من ناحية العيلة والاهل او العمل
الوضع المهني
حدا من الزملاء بدو يورطك بأمور بتتعلق بالعمل ومالية يا سرطان إياك الدخول في مهترات ومواضيع بتخص العمل او امور مالية وضعك المهني والمالي كتير حساس عم بتمر بأوقات وفترة دقيقة وصعبة انتبه لنفسك وشغلك خلي علاقتك مع الزملاء بالعمل بحدود
الوضع المالي
امورك المالية مكركبة شوية فيها شوية مشاكل
الوضع العاطفي
حب جديد بحياتك يا سرطان وهيدا الأمر بيسعد وبخفف عنك
بقلب بيتك
بدك تواجه افراد عيلتك بخصوص مشكلة صارت مع بعض المقربين إلك هيدي المواجه بدها تزعجك
سخصيتك اليوم
مقابلة مع حب جديد بحياتك العاطفية
الأسد
شو بخبرك الفنجان يا أسد
دخلت حالك بمشكلة مع افراد عيلتك ما بتعرف كيف بدك تحلها وتطلع منها يا أسد خليك رايق يا أسد وخليك هادي بنقاشك الانفعال ما بفيدك
الوضع المهني
بدك تتفاحىء بقرارات بالعمل يا أسد وهيدي القرارات بدها تنعكس عندك على صعيد المهني وبتحملك خيبات امل ولا يهمك يا أسد انت بإذن الله منتصر بالرغم من الضغط الكبير عليك شايفة بفنجانك باب العمل بعدو مفتوح الحمدالله
الوضع المالي
بدك تناقش وضعك وامورك المالية مع بعض المقربين إلك بدك تمر بفترة دقيقة يا أسد
الوضع العاطفي
في توتر وانفعال بالعلاقة العاطفية شايفة امورك مع الشريك منها جيدة
بقلب بيتك
عندك مواجهات شرسة مع حدا من افراد عيلتك بخص شي بالعيلة وهيدي المواجه بدها تزعجك وتعصبك
شخصيتك اليوم
بدك تحاول تكون اكتر دبلوماسية يا أسد
العذراء
شو بقول فنجانك يا عذراء
بدك تواجه مشكلة قديمة صارت معك من فترة طويلة في حدا بدو يرجع يفتح هيدي المشكلة بدو يصير زعل كبير يا عذراء
الوضع المهني
إلك فترة مستهتر بعملك وبتحس بأحباط وكائبة يا عذراء هيدا الوضع بدو يعملك مشاكل وزعل مع الزملاء والمسؤولين الوضع المهني عندك دقيق بالأخص بآخر فترة ما بتشارك باي نشاط او قرارات
الوضع المالي
بدك تطلب مبلغ مالي او مساعدة مالية من الخارج من حدا من المقربين بدك تحصل عليها بس ماخرة شوي
الوضع العاطفي
لقاء عاطفي بدو يكون صدفة يا عذراء بس بدك تكون مرتاح وسعيد
بقلب البيت
شايفة امورك مع العيلة والاهل كتير جيدة بس للاسف في حدا بدو ينبش بالماضي
شخصيتك اليوم
مزاجك معكر ومتقلب كون لحالك حتى ترتب امورك
الميزان
شو بقول فنجانك يا ميزان
عندك اسم الله كتير حلو بدك تطلب شي او حاجة بخصك بينك وبين نفسك وهيدي الحاجة بدها تتحقق انشاءالله
الوضع المهني
عندك مقابلة عمل كتير مهمه بالنسبة إلك وهيدي المقابلة بدها تعطيك فرصة لتثبت فيها نفسك وقدراتك وامكانياتك ولكن بدك تنتبه من بعض الأشخاص لبكونو حاقدين عليك وعلى نجاحك يمكن يحاولو يستغلوك ويورطوك بأمور بتتعلق بشؤون العمل انتبه يا ميزان
الوضع المالي
امورك المالية الحمدلله بخير عندك شراء شي بخصك
الوضع العاطفي
بدك تنتبه لشريك وحاول انك تهتم بالشريك اكتر بقلب البيت
امورك تمام الحمدلله نقطة ضعفك الأهل بالأخص الأبوين
شخصيتك اليوم
هادي ورايق ومقابلة مع الشريك
العقرب
شو قال فنجانك يا عقرب
شايفة عندك سفر بصدد العلم والدراسات بدك تاخد قرار مصيري بخص العلم والدراسات والشهادات وهيدي القرار الصح يا عقرب
الوضع المهني
بدك تاخد قرار وتشارك بعض الأشخاص المهمين بالعيلة بخصوص العلم والدراسات والشهادات وهيدي القرار بتاخدو عن قناعة يا عقرب في حدا من الخارج بدو يساعدك بأمور بتخص السفر شايفة بفنجانك باب السفر موجود وكبير ومفتوح يا عقرب
الوضع المالي
انت بحاجة إلى أموال الوضع المالي عندك صعب شوي بس بوجود الأهل والمحبين بتنحل بإذن الله
الوضع العاطفي
امور العاطفية مأجلها شوية بس شايفة حب جديد بحياتك
بقلب بيتك
بدك تناقش وضعك وامورك مع الأهل بخصوص السفر انشاءالله ميسرة امورك يا عقرب شخصيتك اليوم
رايق وهادي كتير بتفكر بأمور بتتعلق بشؤون العائلة والعمل والسفر
القوس
شو بقول فنجانك يا قوس
عندك عزيمة بقلب بيتك با قوس في ضيوف وعزيمة وفي اشخاص وناس كتير حولك وهودي الأشخاص داعمينك بكل المجالات
الوضع المهني
بدك تطلب مساعدة ودعم من أشخاص مهمين نافذين بأدو دور مهم بحياتك المهنية وبتحصل على ترقية او منصب او وظيفة مهمة امورك المهنية الحمدلله بخير شايفة عندك باب العمل والرزق مفتوح على مصرعيها
الوضع المالي
عندك مال يا قوس بس بدك تصبر الصبر يا قوس وبدك تتعب بهيدا المال
الوضع العاطفي
امورك تمام مع الشريك بدك تشرح وضعك للشريك
بقلب البيت
عزيمة مهمة وناس كتير حولك يا قوس
شخصيتك اليوم
سهرة مع الاصدقاء واجواء حلوة وعزيمة
الجدي
شو بقول فنجانك يا جدي
حدا من افراد عيلتك او من المقربين إلك بدو يمر عليه قطوع حادث سير او شي بس الحمدلله بمر على خير بس بدك تنفق شي لوجه الله تعالى
ومن خوفك يا جدي بدك تسجد شكر لله
الوضع المهني
ناطرة فرصة عمل يا جدي وهيدا الشي من فترة تواصلت مع حدا من الأشخاص المهمين بخصوص عمل جديد او انتقال إلى موقع آخر بأمنلك النجاح والتفوق بدك تثبت قدراتك ونجاحك يا جدي
الوضع المالي
وضعك المالي صعب ودقيق جاي مال بس ماخر شوي
الوضع العاطفي
امورك مع الشريك على خلاف وهيدا الوضع صار زاعجك كتير
بقلب بيتك
حدا من افراد العيلة بدو ياخد قرار بيتعلق بارتباط
شخصيتك اليوم
مزعوج بسبب تصرفات الشريك
الدلو
شو بقول فنجانك يا دلو
عندك مقابلة مع الشريك وهيدي المقابلة بدها تكون لصالحك يا دلو شايفة بفنجانك وضعك مع الشريك موتر وبضل معصب ومزعوج هيدت الشي بيعكس عليك سلبا يا دلو
الوضع المهني
بتاخد قرار بخصوص عمل جديد وبتتراجع على اخر لحظة بدك تباشر بمشروع خارج نطاق عملك ودراستك يا دلو وهيدا المشروع مهم جدا بدو يفتح عليك فرص مهمه وابواب رزق شايفة بفنجانك باب العمل كتير مهم باب كبير ورزق ومال كتير ما تتردد هيدي فرصتك يا دلو
الوضع المالي
بدك تناقش امور بتتعلق بشؤون المال مع حدا من افراد عيلتك بدو يصير هيدا النقاش بس شايفة عندك زعل بس بمر على خير
الوضع العاطفي
امورك مع الشريك الحمدلله بخير الشريك معك وحدك وداعمك بكل الاتجاهات
بقلب بيتك
بدك تناقش مشكلة صارت مع حدا من الأقارب بخصوص عمل او مال ما تتدخل يا دلو
شخصيتك اليوم
انت انطوائي بتحب تكون لوحدك حتى ترتب امورك
الحوت
شو بقول فنجانك يا حوت
بدك تمشي بطريق مع الأهل وهيدا الطريق بدك تقابل أشخاص وناس كنت مخدوع فيهن كتير يا حوت بدك تواجه وتناقش وتكتشف امور بتتعلق بالأشخاص بس هيدا الأمر بيريحك كتير يا حوت
الوضع المهني
بدك تكون باجتماع بخص العمل وهيدا الاجتماع بدك تكون مرتاح وانت بالصدارة بعملك بس في حدا من الأشخاص الموجودين بهيدا الاجتماع بدهن يعاكسوك ويعارضوك ويستفزوك يا حوت بس انت بدك تاخد حقك وبدك تكشفهن أمام الزملاء والمسؤولين بدك توصل لأهدافك في النهاية يا حوت
الوضع المالي
عندك التزامات بتخص الاهل والعيلة وعندك نفقات مالية بتحب تساعد الآخرين يا حوت
الوضع العاطفي
امورك العاطفية تمام الحمد الله انت متفائل ومرتاح مع الشريك
بقلب بيتك
بدك تمشي بطريق مع الأهل بدك تكون مرتاح بالأخص بوجود الأبوين شخصيتك اليوم
بتفعل شوية بس بضل عندك تفائل
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…