قراءة فنجان الابراج الاربعاء 13/4/2022 نيسان ابريل

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاربعاء 13/4/2022 نيسان ابريل

الحمل
شو قال فنجانك يا حمل
عندك عزيمة بالبيت بدك تناقش مشكلة بتخص حدا من الموجودين بالعزيمة وبدك تحل هيدي المشكلة من بين الموجودين بدو يكون في رجل دين او حدا كتير مهم الأجواء بشكل عام كتير اجابية
الوضع المهني
من فترة منها بعيدة صارت معك مشكلة مع حدا من الزملاء معك بالعمل بخصوص اوراق او عقود بتخص العمل بدك تلاقي حل لهيدي المشكلة يا حمل شايفة بفنجانك باب العمل في مشاكل كتيرة بدك تنتبه
الوضع المالي
بدك تخسر مال شايفة عندك ضغط كبير فكر منيح يا حمل قبل ما تاخد اي قرار
الوضع العاطفي
بدك تقابل الشريك وقريب جدا بدك تكون جاد وصادق بتعاملك مع الشريك بالأخص بهيدي الايام
بقلب بيتك
عزيمة مهمة بقلب بيتك واجواء حلوة
شخصيتك اليوم
رايق بتحل مشكلة معينه صارت مع حدا مقرب منك اجوائك حلوة

فنجان برج الثور الابراج الاربعاء 13/4/2022 نيسان ابريل

الثور
شو خبرني فنجانك يا ثور
عندك مشوار مع بعض الأشخاص بخصوص بيع أرض أو عقار بخص الاهل والعيلة وهيدا المشوار بدك تتوفق فيه
الوضع المهني
بدك تباشر وقريب كتير يا ثور بدك تفتح مشروع بخصك إلك وبخص عيلتك وهيدا المشروع بدو يصير وبدو ينجح شايفة بفنجانك باب الرزق باب كتير كبير انشاءالله بس بدك تواجه مشكلة بتخص مال وهيدا الأمر بدك تحلو في عندك بيع أرض أو عقار بخص الاهل والعيلة ما تزعل على شي شايفة الايام الجاي بدها تكون كتير مهمه وبدها تفرج
الوضع المالي
بدك تحل امورك المالية عندك بيع شي بخص الاهل شايفة عندك فرج وقريب
الوضع العاطفي
الشريك حدك ومعك وداعمك بكل الاوقات
بقلب بيتك
بدك تناقش بيع أرض أو عقار مع الأهل وأفراد العيلة بخصوص عمل بخص عيلتك
شخصيتك اليوم
هادي كتير ورايق ما في شي زاعجك امورك تمام

فنجان برج الجوزاء الابراج الاربعاء 13/4/2022 نيسان ابريل

الجوزاء
شو خبرني فنجانك يا جوزاء
تعبت كتير بحياتك يا جوزاء صار وقت انك تفرح وترتاح من المشاكل واجهت مشاكل كتير بتخص العيلة والاهل والمقربين بدك تفكر صح يا جوزاء خليك اناني بأخذ اي القرار بخصك
الوضع المهني
امورك المهنية الحمدلله بخير عم بتحضر للمشروع مع بعض الزملاء بالعمل وهيدا الأمر بدو يعملك نقلة من مكان لمكان آخر شايفة باب العمل كبير ومفتوح عندك نجاح وتفوق يا جوزاء
الوضع المالي
امورك المالية تمام بدك تنتبه يا جوزاء من بعض الأشخاص شايفة حدا بدو يطلب منك مبلغ مالي ما تورط حالك
الوضع العاطفي
إلك فترة عندك حساسية زايدة من ناحية الشريك خفف شوي
بقلب بيتك
امورك العائلية الحمدلله بخير امورك البيت والاهل تمام
شخصيتك اليوم
مزاجك رايق وهادي بتحل الأمور بتروي وهدوء

فنجان برج السرطان الابراج الاربعاء 13/4/2022 نيسان ابريل

السرطان
شو قال فنجانك يا سرطان
بدك تلتقي ببعض الأشخاص يا سرطان هودي الأشخاص عندهن مصلحة معك شي بخصك بدك تناقش امور بتتعلق بموضوع العيلة والعمل خليك حذر يا سرطان
الوضع المهني
حدا من الزملاء الجدد بالعمل بدو يستفزك ويزعجك بأمور بتتعلق بمشروع بخصك وبخص بعض الزملاء الافياء هيدا الشخص بدك توقفو عند حدو ما بدك تخلي يطاول عليك وعلى شغلك انت واثق بنفسك وبقدراتك شايفة بفنجانك باب الحسد والغيرة موجود
الوضع المالي
انت مرتاح ماليا من فترة منها بعيدة نهيت ديون مالية كانت متراكمة عليك
الوضع العاطفي
هيدي الفترة صار في تطور بالعلاقة مع الشريك وهيدا الأمر منيح يا سرطان
بقلب بيتك
بدك تناقش امور مالية وامور بتتعلق بشؤون العيلة زاعجتك شوي
شخصيتك اليوم
رايق وهادي بس بتمر بفترة بتكون فيها مزاجي ومتقلب

فنجان برج الاسد الابراج الاربعاء 13/4/2022 نيسان ابريل

الأسد
شو بخبرك الفنجان يا أسد
عم بتحاول تجمع العيلة وتحل مشاكل بتخص حدا من طرفك بدك تكون مزعوج من تصرفات بعض المقربين إلك بخصوص مشكلة معينه صارت مع حدا مقرب منك
الوضع المهني
امورك المهنية بدك تطلب نقل من مكان لمكان آخر بالعمل وهيدا الأمر بدو يعملك شوية زعل مع بعض الزملاء وهيدي الخطوة اخدتها بعد تفكير عميق بدك ترتاح من أشخاص مستفزين شايفة بفنجانك باب مهم هيدا القرار بتاخدو عن قناعة وهيدا الصح يا أسد آخر فترة كانت صعبة عليك كتير في العمل بالأخص بوجود أشخاص ما بترتاح الهن
الوضع المالي
انت حريص كتير على مالك يا أسد ما بتحب تصرف الا للضرورة القصوى كمان هيدا الشي بيزعج الشريك والعيلة
الوضع العاطفي
بتاخد قرار بيتعلق بشؤون الشريك بترجع بتندم
بقلب بيتك
عندك مواجه ونقاش بينك وبين حدا من الأهل بخصوص قرار بيتعلق بالعمل
شخصيتك اليوم
امورك تمام ومزاجك رايق يا أسد

فنجان برج العذراء الابراج الاربعاء 13/4/2022 نيسان ابريل

العذراء
شو بقول فنجانك يا عذراء
بدك تمشي بطريق مع حدا من الاصدقاء بخص مال او شي خاص فيك وبدك تتوفق بهيدا الأمر
الوضع المهني
بتحاول انك تحل مشكلة بتخص العمل في حدا من الاصدقاء بدو يورطك بأمور بتتعلق بالعمل يا عذراء بدك تكون مستعد لأي خطوة بمجال عملك انت كاشف هيدا الشخص من زمان بتعرف عنو امور كتيرة بس مأجل هيدا الشي يمكن حتى تكشفو اكتر
الوضع المالي
شايفة عندك مال بدك تستلم مبلغ مالي كبير وهيدا المال بدو يفرجك
الوضع العاطفي
عندك قلب جديد يا عذراء قريب جدا بدك تقابل هيدا القلب يعني حب جديد بس منيح هيدا القلب وصادق
بقلب بيتك
عندك زعل بقلب بيتك بخص حدا من افراد عيلتك بمر على خير
شخصيتك اليوم
معصب ومزعوج من امور صارت معك

فنجان برج الميزان الابراج الاربعاء 13/4/2022 نيسان ابريل

الميزان
شو خبرني فنجانك يا ميزان
شايفة مولود جديد بالعيلة وشايفة وجه طفل كتير حلو يا ميزان وهيدا الوجه بكون خير عليك انت بتتفائل بهيدا الطفل
الوضع المهني
عندك اجتماع مع المسؤولين والزملاء بالعمل بدك تاخد قرار بخصوص عمل جديد بخص المؤسسة وهيدا القرار بدو يكون بادرة خير بدك تثبت جدارتك ونشاطك وقدراتك وامكانياتك يا ميزان منك لحالك في بعض الزملاء معك على نفس الخط شايفة عندك باب النجاح موجود
الوضع المالي
بلشت تتحسن وترتاح ماليا يا ميزان وضعك المالي الحمدالله كتير منيح
الوضع العاطفي
خفف مشاكل مع الشريك
بقلب بيتك
كتير مرتاح البيت عندك ما في شي زاعجك شخصيتك اليوم رايق وهادي بس عندك مشاكل مع الشريك هيدا الشي بيزعجك

فنجان برج العقرب الابراج الاربعاء 13/4/2022 نيسان ابريل

العقرب
شو بخبرني فنجانك يا عقرب
بدك تزور مريض بخصك يا عقرب انت وحدا من الاصدقاء هيدا المريض كتير عزيز وغالي عليك بس شايفة فرشتو بيضة بتمر على خير وضعو ما بخوف
الوضع المهني
بدك تاخد خطوة بمجال عمل خاص فيك وهيدي العمل بدو يفتح عليك أبواب كانت مسكرة شايفة بفنجانك بابين يا عقرب باب العمل وباب الرزق بدك تصبر وبدك تتعب حتى تحصل على نتيجة بس عندك نجاح مهم وعندك مال
الوضع المالي
بدك تساعد حدا من الاصدقاء القدماء وضعو صعب شوية بدك تحل مشكلة بتخص هيدا الصديق
الوضع العاطفي
امورك مع الشريك كتير منيحة متفاهم مع الشريك وضعك العاطفي تمام
بقلب بيتك
عندك زيارة مريض بخصك بس الامور بخير شخصيتك اليوم
بدك تكون مرتاح بالأخص مع الأصدقاء

فنجان برج القوس الابراج الاربعاء 13/4/2022 نيسان ابريل

القوس
شو بقول فنجانك يا قوس
شايفة بفنجانك باب السفر موجود وباب العلم والدراسات موجود وكبير يا قوس عندك سفر محتم
الوضع المهني حدا بدو يعرض عليك عمل بتنتمي لاإلو وهيدا الأمر بدك تاخد قرار بخصوص العلم والعمل شايفة عندك سفر وهيدا الأمر بيسعد الأهل والمقربين باب السفر موجود وبدك تحسن التصرف وبدك تحسن امورك المالية والمهنية بدك تحصل على دراسات عليا فنجانك حلو كتير
الوضع المالي
بدك تطلب مساعدة ودعم من الاصدقاء والاهل
الوضع العاطفي
شايفة مقابلة مع الشريك خليك صريح مع الشريك لانو داعمك بكل المجالات
بقلب بيتك
بدك تناقش وضعك وامورك مع الأهل بخصوص السفر شخصيتك اليوم سهرة حلوة واجواء حلوة مع الشريك

فنجان برج الجدي الابراج الاربعاء 13/4/2022 نيسان ابريل

الجدي
شو بقول فنجانك يا جدي
عندك اسم الله يا جدي انت بينك وبين نفسك طالب شي خاص فيك او بعيلتك من الله نادر شي لله وهيدا الأمر بدو يتم انشاءالله خليك متذكر يا جدي عندك احلام بدك تحققها وعندك تغير كامل بحياتك يا جدي ايام حلوة بدها تمر عليك وعلى عيلتك شايفة عندك باب كتير كبير باب رزق وباب فرج قريب بدك تمر بضيقة او مريت بفترة صعبة كتير ودقيقة شوية صار في شوية مشاكل وتأجيل امور بتتعلق بموضوع العيلة شايفة الايام الحلوة جاي انشاءالله
الوضع المهني
بدك تاخد قرار بخصوص مشروع ضمن عملك وهيدا المشروع بدو يأثر عليك اجابيا حدا من الزملاء معك بالعمل بدو يثبت جدارة بدك تشكل فريق عمل امورك المهنية الحمدلله بخير
الوضع المالي
بدك تستلم حوالة مالية من الخارج بدها تفرجك بس ماخرة شوية بس هيدي الحوالة بدها تعملك شوية مشاكل مع حدا من المقربين إلك ما تهتم فيهم يا جدي المهم ضميرك مرتاح
الوضع العاطفي
عندك هدنة مع الشريك مرت العلاقة بشوية مشاكل وسؤ فهم غلط الشريك بحاول انو يصلح هيدي العلاقة ويحل المشكلة
بقلب بيتك
امورك بقلب البيت عندك مواجهات مع حدا من افراد عيلتك بخصوص مال او شي بخص عيلتك شخصيتك اليوم
عندك شخصية قوية ما في شي بهزك يا جدي رايق وهادي

فنجان برج الدلو الابراج الاربعاء 13/4/2022 نيسان ابريل

الدلو
شو بقول فنجانك يا دلو
بدك تتعرض لوعكة صحية مفاجئة يا دلو شايفة بفنجانك ناس واصدقاء عندك بالبيت وبدك تناقش قرار بيتعلق بشؤونك المهنية مع حدا من الاصدقاء امورك تمام بدك تنتبه لوضعك الصحي يا دلو
الوضع المهني
عندك مشروع مهم عم تشتغل عليه انت وحدا من الاصدقاء وهيدا المشروع كتير مهم شايفة باب النجاح موجود عندك وهيدا الأمر بدو يتم انشاءالله وهيدا الصديق بدو يكون وفي وصادق بدك تنجح وتثبت نفسك وجدارتك
الوضع المالي
في عندك مال يا دلو وضعك المالي الحمدالله بخير بدك تنتبه على اموالك
الوضع العاطفي
في شوية زعل وتوتر وفتور بالعلاقة العاطفية
بقلب بيتك
سهرة مع الاصدقاء وناس كتير حولك
شخصيتك اليوم
وعكة صحية بدها تفاجئك شايفة عندك سهرة مع الاصدقاء

فنجان برج الحوت الابراج الاربعاء 13/4/2022 نيسان ابريل

الحوت
شو خبرني فنجانك يا حوت
بدك تحط النقط على الحروف بخصوص مشكلة مالية وحدا من افراد عيلتك بدو يغلط فيك ويقلل من احترامك يا حوت بدو يصير زعل بس بمر على خير حدا قريب منك بيدخل وبحل هيدا المشكلة
الوضع المهني
عندك منصب جديد يا حوت أمورك المهنية الحمدلله بخير انت نشيط وذكي وبتشارك بقرارات مهمة بحياتك المهنية وهيدا الأمر بيسعد المسؤولين والزملاء بالعمل وضعك المهني كتير منيح ما بينخاف عليك الوضع المالي
عندك شراء سيارة او شي بخصك إلك يا حوت امورك المالية الحمدلله بخير
الوضع العاطفي
مقابلة مع الشريك بدك تاخد قرار بخصوص الشريك شايفة باب الزواج موجود يا حوت
بقلب بيتك
طاقة فرج قريبة انشاءلله عندك مواجه مع حدا من افراد عيلتك بدو يصير زعل بس بمر على خير
شخصيتك اليوم
مزعوج بسبب تصرفات بعض أفراد العيلة مقابلة مع الشريك بدها تخفف عنك توتر وانفعال

المصدر:عرب كلوب