قراءة فنجان الابراج الجمعة 15/4/2022 نيسان ابريل

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الجمعة 15/4/2022 نيسان ابريل

الحمل
شو بخبرك الفنجان يا حمل
عندك مواجهات بدها تكون صعبة قوية وشرسة مع بعض الأشخاص بخصوص مشكلة صارت مع حدا من الاصدقاء وانت بدك تكون موجود وهيدي المشكلة بدها تتطور بس بتنحل بس القلوب ما بتصفى يا حمل
الوضع المهني
بدك تنهي امور بتتعلق بمشروع مهم بالعمل وهيدا المشروع بدو يكون كبير ومن خلال هيدا الأمر بدك تطلع على الضوء يا حمل
امورك المهنية كتير جيدة جدا
الوضع المالي
عندك ضغوط مالية بسبب وعكة صحية حدا من الأهل بدها تمر بسلام
الوضع العاطفي
عندك ارتباط يا حمل شايفة عندك زواج او خطبة شايفة بفنجانك باب الارتباط موجود
بقلب بيتك
بدك تمر بفترة دقيقة وصعبة
شخصيتك اليوم
بدك تكون مزعوج ومعصب بسبب خلاف كبير مع حدا من الاصدقاء

فنجان برج الثور الابراج الجمعة 15/4/2022 نيسان ابريل

الثور
شو بقول فنجانك يا ثور
بدك تعيد حساباتك من اول وجديد يا ثور وبدك تتخلى عن عنادك وعن عادات وعن أشخاص بحياتك يا ثور
الوضع المهني
امورك المهنية الحمدلله بخير انت محبوب من الزملاء والمسؤولين وعندك ذكاء وتفوق ونشاط بتعطي مجهود كبير للعمل يا ثور امورك المهنية تمام شايفة بفنجانك باب العمل والنجاح موجود
الوضع المالي
امورك المالية الحمدلله بخير انت حريص على مالك كتير هيدا الأمر بريحك يا ثور
الوضع العاطفي
عندك علاقات كتير يا ثور وهيدا الأمر بأثر عليك سلبا
بقلب بيتك
وضعك العائلي تمام الحمدلله ما في شي يزعجك شخصيتك اليوم سهرة مع الاصدقاء بدها تكون اجواء حلوة

فنجان برج الجوزاء الابراج الجمعة 15/4/2022 نيسان ابريل

الجوزاء
شو بخبرك الفنجان يا جوزاء
عندك سفر للخارج يا جوزاء شايفة باب السفر والعلم والدراسات موجود بدك تاخد. قرار بيتعلق بشؤونك بدك تلاقي في منهن داعمينك ومهن للاسف معارضين
الوضع المهني
بدك تبلش تنفذ وتباشر بتحضير الأوراق المطلوبة بخصوص السفر انشاءالله يا جوزاء عندك سفر محتم بخص العلم والدراسات العليا الأهل والأصدقاء داعمينك بكل القرارات وفي بعض المقربين ومن افراد عيلتك بدو يكونو معارضين
الوضع المالي
عندك دعم مالي من الأهل والأصدقاء بخصوص السفر ما تخاف يا جوزاء
الوضع العاطفي
انت بعيد كتير عن تفكير الشريك منك مرتاح مع الشريك وهيدا الشي بشجعك تنهي العلاقة
بقلب بيتك
بدك تناقش وضعك وامورك مع الأهل بخصوص السفر عندك دعم من الأهل
شخصيتك اليوم
بدك تقابل أشخاص بدك تنهي اوراق بتخص السفر بشكل عام امورك تمام

فنجان برج السرطان الابراج الجمعة 15/4/2022 نيسان ابريل

السرطان
شو خبرني فنجانك يا سرطان
عندك خلاف كبير مع حدا من الأقارب بخصوص إرث صار في خلاف سابقا ورجع انفتح موضوع الإرث وأرض وامضاءات بدك تاخد حقك وانت رايق وهادي يا سرطان
الوضع المهني
إلك فترة منك مهتم بعملك وهيدا الأمر بدو يزعج بعض المسؤولين عنك شايفة حدا من الزملاء بدو يوقف معك وحدك باي قرار بيتعلق بشؤونك المهنية بدك تحل هيدا الموضوع بوقت قريب جدا
الوضع المالي
عندك دفعات مالية بتخص الأرض والارث شايفة بفنجانك باب المال موجود
الوضع العاطفي
من فترة متجنب الشريك حاول انك تهتم بالشريك وتشرح وضعك للشريك
بقلب بيتك
مواجهات شرسة جدا مع حدا من الأقارب بدك تحلها بتروي وهدوء شخصيتك اليوم
مزعوج ومعصب مزاجك معكر ومتقلب بسبب خلاف مع الأقارب

فنجان برج الاسد الابراج الجمعة 15/4/2022 نيسان ابريل

الأسد
شو بقول فنجانك يا أسد
بدك تحصل على توقيع او امضاءات بتخص العيلة والاهل وبدك تعمل إجراءات تثير حفيظه بعد المقربين هالشي بيعرضك لإعادة ترتيب مسؤولياتك يا أسد في حدا من افراد عيلتك بدو يعارض هيدا الأمر
الوضع المهني
شايفة بفنجانك في تغيرات وانقلابات بالعمل وفي قرارات مهمه يا أسد خليك حذر وبعيد عن المشاكل والمواجهات
الوضع المالي
عندك دفعات ونفقات بتخص العيلة والاهل
الوضع العاطفي
بدها تمر العلاقة بشوية توتر وانفعال مع الشريك
بقلب بيتك
بدك تتجنب المشاكل بالأخص مع الأبوين شخصيتك اليوم
موتر ومعصب وعندك قلق بخصوص القرارات بالعمل

فنجان برج العذراء الابراج الجمعة 15/4/2022 نيسان ابريل

العذراء
شو بقول فنجانك يا عذراء
بدك تدخل على بيت وبدك تلتقي بشخص من المقربين وهيدا الشخص بدو يحكي كلام بخصوص مال او شي بخصك وبك تكون مزعوج بدو يصير في زعل
الوضع المهني
بدها تجيك فرصة عمل جديدة وهيدي الفرصة بدها تكون مهمة بحياتك المهنية بالأول بدك تكون معارض وبدك تحاول تأجل هيدا العمل بس بدك تستشير حدا من الاصدقاء وحدا قريب منك كتير بدك تاخد قرار بخصوص هيدا الأمر شايفة باب العمل موجود بس ماخر شوي
الوضع المالي
بدك تصرف مال كتير هيدي الفترة عندك أغراض بدك تجيبها بتخصك الوضع العاطفي
انت متعدد العلاقات يا عذراء هيدا الوضع ما بيعجب الأهل
بقلب بيتك
بدك تناقش امور مالية مع الأهل بخصوص أغراض بدك تجيبها
شخصيتك اليوم
امورك تمام وضعك ومزاجك آخر رواق

فنجان برج الميزان الابراج الجمعة 15/4/2022 نيسان ابريل

الميزان
شو بقول فنجانك يا ميزان
بدك تقابل أشخاص إلك فترة طويلة منك شايفهن وفي حدا من هودي الأشخاص بدو يعرض عليك مشروع شراكة بعمل خاص
الوضع المهني
شايفة عندك باب شراكة مع حدا من الأشخاص المهمين عندك ثقة فيهن وهيدا العمل بدو يكون بادرة خير عليك وعلى عيلتك الوضع المالي
امورك المالية جيدة حدا من الاصدقاء بدو يطلب مساعدة مالية ما تتردد يا ميزان
الوضع العاطفي
مقابلة مع الشريك بدها تكون مهمة كتير في اشياء مهمة بدك تخبر الشريك فيها بقلب بيتك
امورك مع العيلة والاهل كتير منيحة بالأخص مع الأبوين شخصيتك اليوم رايق وهادي عندك مقابلة مع الشريك

فنجان برج العقرب الابراج الجمعة 15/4/2022 نيسان ابريل

العقرب
شو قال فنجانك يا عقرب
بدك تنعزم على عشاء مع الأصدقاء القدماء وبدك ترجع علاقاتك مع بعض الأصدقاء لصار في بعض الخلافات المشاكل وهو كان سؤ فهم بدها ترجع ذكريات ماضية وبهالعزيمة بدها تلتقي بحب ماضي شايفة بدك ترجع علاقاتك وتحن للماضي يا عقرب
الوضع المهني
عندك اجتماع مهم بدو يكون فجأة يا عقرب وبدو يصير في نقاش بخصوص مال او أوراق بتخص مشروع او شي خاص بالعمل وحدا من الموجودين بدو يعمل مشكلة بتخص هيدي الأوراق انتبه يا عقرب ما تدخل باي قرار او شي بخص العمل والاوراق
الوضع المالي
امورك المالية تمام في أغراض بدك تجيبها قريب انشاءالله وهيدي الأغراض بتخص العيلة
الوضع العاطفي
شايفة عندك هدية قيمة بدها تجيك من حب قديم الماضي بدو يرجع يا عقرب
بقلب بيتك
أغراض بدها تدخل على قلب بيتك وبدك تكون سعيد بهيدي الأغراض
شخصيتك اليوم
سهرة وعشاء ومقابلة مع الشريك واجواء حلوة

فنجان برج القوس الابراج الجمعة 15/4/2022 نيسان ابريل

القوس
شو خبرك الفنجان يا قوس
بدك تحط النقط على الحروف بخصوص مصاريف بتخص العيلة والاهل بدك تناقش وضعك وامورك المالية مع حدا من افراد عيلتك وبدو يصير في نقاش حاد بدو يدخل حدا من الأبوين بهيدا النقاش وبدو بحل هيدا الأمر على خير
الوضع المهني
عندك مقابلة عمل كتير مهمه يا قوس وهيدي المقابلة بدك تعملها بس للاسف ما بصير هيدا الأمر في حدا من الزملاء لكانو معك بالعمل سابقا بدو يعرض عليك عمل جديد وهيدا العمل بدو يمشي الحال بس بدو وقت ما تستعجل يا قوس
الوضع المالي
وضعك المالي صعب ودقيق كتير بدك تطلب دعم من الأهل بس حدا من افراد عيلتك بدو يستفزك ويزعجك بأمور بتتعلق بالعمل والمال
الوضع العاطفي
امورك مع الشريك فيها شوية مشاكل وزعل شايفة في نهاية لعلاقتك
بقلب بيتك
نقاش وخلاف مع حدا من افراد عيلتك بخصوص مال او شي بخصك وحدا من الأبوين بدو يحل هيدا النقاش
شخصيتك اليوم
منك مرتاح ومعصب ما إلك نفس على حدا

فنجان برج الجدي الابراج الجمعة 15/4/2022 نيسان ابريل

الجدي
شو بقول فنجانك يا جدي
قريب جدا يا جدي بدك تنعزم على عشاء انت وحدا من المقربين إلك بدك تكون مرتاح وسعيد بهيدا العشاء بدك تسمع كلام على حدا قريب منك وهيدا الشي بدو يزعجك ويزعج الموجودين معك حدا بدو يدخل على هيدا البيت وبدك تسمع كلام بس شايفة انو صاحب البيت او العزيمة بدو يحل هيدا الشي لصالحك يا جدي
الوضع المهني
إلك فترة منك مهتم لأي خطوة بمجال عملك او بتشارك باي نشاط ولقاءات بخصوص العمل بدك تاخد قرار وتشارك بعض الزملاء بهيدا القرار شايفة في مظلومية يا جدي حدا من المسؤولين بدو ياخد قرار بيتعلق بزميل بالعمل بدك تكون معو وحدو وداعمو
الوضع المالي
بدك تخفف مصروفك ونفقاتك يا جدي شايفة عندك مال وقريب كتير بس جاييك مبلغ مالي منو كبير بس بيفرجك
الوضع العاطفي
شايفة بفنجانك في توتر وانفعال مع الشريك إلك فترة منك متفاهم مع الشريك
بقلب بيتك
امورك العائلية الحمدلله بخير بتتحنب اي نقاش او حوار
شخصيتك اليوم
رايق وهادي بس بقلب النهار بصير شوية توتر وانفعال

فنجان برج الدلو الابراج الجمعة 15/4/2022 نيسان ابريل

الدلو
شو بقول فنجانك يا دلو
حدا من افراد عيلتك او الشريك بدو ياخد قرار بيتعلق بشؤونك العاطفية شايفة بفنجانك خلاف كبير مع الشريك وشايفة عندك نهاية لعلاقة عاطفية
الوضع المهني
بدك تاخد قرار ومبادرة بتخص عمل جديد مع حدا من الاصدقاء وهيدي المبادرة بدها تكون فرصة عمل وبدها تكون خير عليك
الوضع المالي
انت بتتهرب من افراد عيلتك بخصوص مبلغ مالي بخص الاهل والعيلة وضعك وامورك المالية الحمدلله بخير
الوضع العاطفي
خلاف كبير مع الشريك بدك تنهي علاقتك بالشريك بس بدك تكون مزعوج كتير هيدي الخطوة منك مرتاح الها ولا حابب انو يصير زعل
بقلب بيتك
في خلاف ونقاش بينك وبين حدا من افراد عيلتك بخصوص مبلغ مالي
شخصيتك اليوم
مزعوج ومعصب بسبب الشريك يا دلو

فنجان برج الحوت الابراج الجمعة 15/4/2022 نيسان ابريل

الحوت
شو بقول فنجانك يا حوت
حدا من الاصدقاء بدو يحكي كلام بخصوص ارتباط مع حدا قريب منك وهيدي الخطوة بدو ياخدها وبدك تساعد وتساند هيدا الصديق
الوضع المهني
شايفة في مناسبة او عزيمة بقلب المؤسسة وهيدي العزيمة بدك تلتقي بحدا من المسؤولين عنك بدو يصير في نقاش بخصوص قرارات مهمه بالعمل وهيدا الأمر بأثر اجابيا عليك
الوضع المالي
امورك المالية الحمدلله عندك زيادة بالراتب وهيدا الأمر بحسنلك وضعك المالي والمهني الوضع العاطفي
مقابلة مع الشريك بدها تخفف عنك توتر وقلق
بقلب بيتك
امورك تمام مع الأهل والعيلة ما في شي زاعجك شخصيتك اليوم رايق وهادي وعزيمة مهمة بحياتك المهنية يا حوت

المصدر:عرب كلوب