فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
بدك تنهي خلاف مع بعض الأقارب بخصوص إرث او شي بخص عيلتك يا حمل وبدك تاخد خطوة بتفاجىء الأهل والمقربين وهيدي الخطوة نهاية خلاف سابقا مع الأقارب هيدي الخطوة بدها تسعد الأهل والمقربين منك
الوضع المهني
بدك تشارك بنشاط خاص بالعمل مع بعض الزملاء وهيدا النشاط بدو يكون لصالحك يا حمل بدك تثبت جدارتك ونشاطك وقدراتك وامكانياتك شايفة باب العمل والنجاح موجود
الوضع المالي
بدك تحسم امور مالية مع حدا من افراد عيلتك
الوضع العاطفي
امورك مع الشريك كتير جيدة في نقاش بخصوص مال بيتعلق بشؤون العائلة
بقلب بيتك
بدك تناقش امور بتتعلق بشؤون العيلة والاقارب وبالاخص الخلاف الموجود سابقا شخصيتك اليوم رايق وهادي ومقابلة مهمة مرتبطة مع الشريك
الثور
شو بقول فنجانك يا ثور
عندك ضيوف يا ثور جايين من طريق بعيد وبين هودي الضيوف في حدا بدو يستفزك ويزعجك بأمور بتتعلق بالشريك وبعملك بدو يزعجك ويزعج الأهل والضيوف يا ثور
الوضع المهني
عندك خلافات بالعمل بخصوص قرار بيتعلق بمشروع مهم انت عم تشتغل بشأن هيدا الأمر حدا بدو يكون مزعوج منك يا ثور بحاول كتير انو يفشل هيدا الأمر
الوضع المالي
امورك المالية لا معك ولا عليك حدا قريب جدا بدو يطلب منك مبلغ مالي انتبه يا ثور وضعك المالي دقيق
الوضع العاطفي
شايفة عندك ارتباط جدي يا ثور من فترة صار في كلام بخصوص هيدا الأمر
بقلب بيتك
ضيوف جايين بخصوك حدا بدو يزعجك
شخصيتك اليوم
بالبداية بتكون رايق وهادي بس بدو يصير كلام ويصير زعل
الجوزاء
شو بخبرك الفنجان يا جوزاء
عندك طريق طويل يا جوزاء بدك تمشي مع أشخاص مهمين كتير بخلال هيدا الأمر بدك تحصل على منصب بالعمل يا جوزاء
الوضع المهني
بدك تطلب مساعدة ودعم من بعض الأشخاص المهمين بدك تمشي بطريق معهن وبدك تناقش تحصل على فرصة عمل مهمة مرتبطة بمهارتك وتفوقك وشهاداتك ودراستك يا جوزاء شايفة باب النجاح موجود وكبير يا جوزاء
الوضع المالي
بدها تتحسن أوضاعك وامورك المالية
الوضع العاطفي
بدك تكون صريح مع الشريك بخصوص وضعك المهني والمالي
بقلب بيتك
وضعك وامورك مع الأهل كتير مريحة بشكل عام بقلب بيتك مرتاح
شخصيتك اليوم
طريق بعيد مع أشخاص بدك تكون مرتاح وسعيد
السرطان
شو خبرني فنجانك يا سرطان
بدك تفتح موضوع او قصة صارت معك بالماضي وبدك تكتشف قصص جديدة وامور كتيرة بتخص هيدي القصة
الوضع المهني
موعود بعمل جديد يا سرطان ناطر فرصة عمل جديدة من حدا من الزملاء بساعدك حتى تحصل على فرص اكتر يا سرطان شايفة باب العمل والتوظيف موجود وكبير انشاءالله بدك تحصل على فرصة عمل مهمة كتير حافظ على عملك وعلى أصدقائك واحبابك
الوضع المالي
عندك شوية مشاكل مالية بس بدك تحلها قريب كتير يا سرطان
الوضع العاطفي
امورك مع الشريك فيها شوية توتر وكركبة شوية
بقلب بيتك
حدا من الأهل بدو يدعمك ويكون حدك ومعك
شخصيتك اليوم
مزاجك معكر ومتقلب ساعة مرتاح وساعة معصب
الأسد
شو قال فنجانك يا أسد
عندك مكالمة هاتفية بدها تكون طويلة مع حدا من المقربين إلك بخصوص سيارة او عقار وهيدي المكالمة بدها تكون نهاية علاقة يا أسد ما عاد فيك تتحمل هيدا الوضع
الوضع المهني
بدك تطلب مساعدة ودعم من زملاء بالعمل وهيدا الأمر بدو يتم انشاءالله انت نشيط وذكي ومحبوب من الجميع يا أسد
الوضع المالي
عندك دفعات ونفقات بتخص العيلة والاهل بدك ترتب امورك المهنية والمالية
الوضع العاطفي
شايفة عندك هدية بتخص الشريك العاطفي
بقلب بيتك
وضعك وامورك مع الأهل وأفراد العيلة كتير حلوة وجيدة شخصيتك اليوم
بشكل عام امورك تمام ورايق وهادي
العذراء
شو بقول فنجانك يا عذراء
بعدك بتفتش عن الماضي يا عذراء بدك تلتقي بحدا من الاصدقاء بدو يوصلك كلام بخصوص حب قديم وهيدا الكلام كلو كذب وافتراء
الوضع المهني
بدك تضيع فرصة عمل بمؤسسة مهمة يا عذراء بسبب عنادك وغرورك وهيدي الفرصة ما بتجي كل مرة
الوضع المالي
امورك المالية الحمدلله بخير بدك تسترد دين قديم يا عذراء
الوضع العاطفي
بعدك معلق حالك بحب قديم
بقلب بيتك
بدك تناقش مشكلة بتخص حدا من افراد عيلتك بخصوص مبلغ مالي
شخصيتك اليوم
سهرة مع الاصدقاء واجواء حلوة يا عذراء
الميزان
شو بخبرك الفنجان يا ميزان
بدك تحضر مناسبة لحدا من الاصدقاء وهيدا المناسبة بدها تكون صدفة بدك تلتقي بأشخاص إلك فترة طويلة منك شايفهن
الوضع المهني
امورك المهنية الحمدلله بخير انت بالصدارة بعملك وهيدا الشي بخليك تعيد كل حسباتك وترتب امورك يا ميزان شايفة باب النجاح والمال موجود عندك امورك المالية والمهنية كتير مهمه
الوضع المالي
حريص كتير على مالك وضعك المالي الحمدالله كتير منيح
الوضع العاطفي
بدك تناقش مشكلة بتخص الشريك وهيدي المشكلة بدها تحلها بس بدو يصير شوية توتر بالعلاقة
بقلب بيتك
طاقة فرج قريبة يا ميزان بدك تناقش امور بتتعلق بشؤون العيلة مع الأهل شخصيتك اليوم
مرتاح كتير ورايق بتفكر كتير بأمور مختلفة
العقرب
شو بقول فنجانك يا عقرب
شايفة عندك باب السفر موجود يا عقرب
قريب كتير بدك تتلقى اخبار ساره بتخص السفر والعمل من صديق قديم خارج البلاد
الوضع المهني
عندك سفر يا عقرب بدك تنهي امور بتتعلق بشؤون العمل مع صديق مقرب إلك في سفر وفي عمل جديد وفي نجاح مهم
الوضع المالي
بدك تطلب مساعدة ودعم من صديق قديم وبدك تحصل على دعم المطلوب
الوضع العاطفي
حب جديد بحياتك خارج البلد
بقلب بيتك بدك تناقش امور بتتعلق بشؤون السفر انشاءالله مع الأهل وأفراد العيلة شخصيتك اليوم هادي ورايق بتفكر بأمور مختلفة والسفر
القوس
شو بقول فنجانك يا قوس
بدك تشاهد مشكلة معينه بتخص حدا من الاصدقاء القدماء بدك تكون موجود وهيدي المشكلة بدها تتطور وبدك تصير طرف فيها
الوضع المهني
بدك تحصل على منصب او ترقية بالعمل وهيدا الأمر بدو يعملك نقلة مهمة بحياتك المهنية ما ضاع تعبك ومجهودك يا قوس
الوضع المالي
عندك شوية ضغوطات مالية بتخص الاهل بالأخص الأبوين الوضع العاطفي
عندك مقابلة مع الشريك وبدو يخفف عنك القلق والتوتر
بقلب بيتك
عندك مواجهات مع افراد العيلة بخصوص المشكلة لصارت بس بدك تحل المشكلة بتروي وهدوء
شخصيتك اليوم
حدا بدو يزعجك ويستفزك بشكل عام انت مزعوج ومعصب
الجدي
شو بخبرك الفنجان يا جدي
بدك تكون موجود ببيت او محل بدك تلتقي بحدا انت وياه على خلاف من فترة وهيدي الشخص بدو يستفزك ويزعجك وبدك تسمع كلام او يعاتب بس انت بدك تحسم هيدا الموضوع وبدك تفتح اوراقك وبدك تكون صريح وبدك تواجه وبدك تكون حاد وشرس يا جدي
الوضع المهني
عندك مقابلة مع احد الأشخاص بخصوص عمل جديد وهيدا العمل بدو يفتح عليك فرصة بمؤسسة مهمة بدك تستغل هيدي الفرصة يا جدي شايفة باب العمل موجود
بس بدو وقت شوية
الوضع المالي
بدك تنتبه وتخفف مصروفك ونفقاتك يا جدي احسن ما توقع بعجز
الوضع العاطفي
بدك تواجه الشريك بخصوص امور وقرار بيتعلق بالعلاقة العاطفية
بقلب البيت
عندك طاقة إيجابية جيدة جدا يا جدي امرك العائلة كتير مرتاح
شخصيتك اليوم
حابب تكون لحالك حتى ترتب كل امورك
الدلو
شو بقول فنجانك يا دلو
شايفة بفنجانك خلاف مع الشريك بخص العمل وبدو يصير مشاجرة وبدو يصير في زعل كبير بدك تصلح امورك يا دلو وترجع العلاقة بالشريك
الوضع المهني
من فترة طويلة عم بتحضر وتدرس مشروع عمل بخصك إلك مع حدا من الاصدقاء وهيدا المشروع صار جاهز يا دلو شايفة باب النجاح موجود
انتبه يا دلو من الحسد والغيرة في حدا قريب من صديق إلك بدو يحاول انو يقلل من قدراتك ونجاحك بس انت بدك تدافع عن نفسك واحلامك وبدك تحط النقط على الحروف
الوضع المالي
عندك شوية ضغوطات وديون بتخص هيدا العمل بس بتنهي بإذن الله الوضع العاطفي
شجار مع الشريك شايفة انت ظلمت الشريك العاطفي كتير يا دلو
بقلب بيتك
امورك مع العيلة والاهل كتير منيحة بدك تناقش وضعك وامورك مع حدا اكبر منك سنا شخصيتك اليوم سهرة مع الاصدقاء وبدك تفتح موضوع متعلق بالعمل
الحوت
شو بقول فنجانك يا حوت
عندك زيارة مريض وهيدي الزيارة بدها تفتح عليك فرص مهمه من قبل بعض الأشخاص المهمين بتقابلهن عند هيدا الصديق
الوضع المهني
بدك تناقش وتفتح موضوع متعلق بالعمل مع بعض الأشخاص المهمين وبدك تستغل هيدي الفرصة يا حوت وضعك المهني إلى الأحسن
الوضع المالي
بدم تساعد صديق قديم بمبلغ مالي كبير وبدك تكون مرتاح لهيدي الخطوة
الوضع العاطفي
مقابلة مع الشريك بدك تكون جاد وصادق بتعاملك مع الشريك العاطفي
بقلب البيت
امورك ووضعك العائلي كتير منيح بالأخص مع الأبوين شخصيتك اليوم رايق وهادي وزيارة لمريض بدك تكون مرتاح
تفسير الاحلام الاضلاع الضلوع في المنام التفسير العام لرؤية الأضلاع في المنام الأضلاع في المنام…
تفسير حلم الأظافر في المنام التفسير العام لرؤية الأظافر في المنام الأظافر في المنام ترمز…
تفسير حلم انكسار القوس في المنام التفسير العام لرؤية انكسار القوس في المنام رؤية انكسار…
كيف اجعل شخص يحبني بالنظرات كيف تجعلين شخصاً يحبك بالنظرات؟ النظرات يمكن أن تكون أداة…
كيف تجعل شخص يفكر فيك وانت بعيد عنه كيف تجعل شخصاً يفكر فيك وأنت بعيد…
كيف اجعل شخص يراسلني كيف تجعلين شخصاً يراسلِك؟ 1. أظهري اهتماماً بطريقة غير مباشرة بادري…