فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
عندك دخول إلى دوائر رسمية بخصوص رخصة عمل او شي خاص فيك شايفة باب حكومة كبير وهيدا الباب بدك تدخلو وعندك ثقة بالنفسك يا حمل بدك تواجه شوية صعوبات بس بدك تحلها يا حمل
الوضع المهني
بدك تباشر بعمل جديد وهيدا العمل بخصك إلك شايفة عندك مشروع محل باب رزق مفتوح يا حمل امورك من البدايه بدها تكون منيحة وفيها نجاح وفيها مال كبير
الوضع المالي
عندك دفعات مالية بتخص اوراق العمل بس كمان انت وضعك المالي مرتاح
الوضع العاطفي
آخر اهتماماتك الشريك العاطفي شايفة العلاقة فيها شوية فتور وتوتر
بقلب بيتك
الكل حدك يا حمل الأهل والمقربين والأصدقاء بدهن يدعموك
شخصيتك اليوم
آخر رواق وهادي
الثور
شو بخبرني فنجانك يا ثور
عندك أغراض بدك تجيبها قريب انشاءالله وهيدي الأغراض في منها بدك تدخل بمشكلة بتخص هيدي الأغراض بس بدك تجيبها يا ثور
الوضع المهني
حدا من الزملاء بيعملك مشكلة بتخص العمل وهيدي المشكلة بدها تتطور وتغير امور بالعمل والقرارات وضعك المهني مكركب كتير يا ثور بدك تواجه هيدا الزميل بوجود بعض المسؤولين عنك وبدك تبين امور كتير مهمه يا ثور ما بدك تكون صامت
الوضع المالي
عندك التزامات مالية بتخص الاهل بالأخص الأبوين وضعك المالي بخير الحمدلله
الوضع العاطفي
مقابلة مع الشريك بعد مقاطعة منك انت وهيدي المقابلة بدها تكون لصالحك
بقلب بيتك
امورك مع العيلة والاهل بخير
شخصيتك اليوم
مغصب ومزعوج بس بعد المقابلة مع الشريك بدها تتحسن مزاجك
الجوزاء
شو بقول فنجانك يا جوزاء
ما تكون اناني ومغرور بدك تواجه مشكلة قديمة صارت معك بدك تكون متواضع لحلها يا جوزاء
الوضع المهني
بدك تناقش وتاخد قرار بخصوص عمل بخص المؤسسة مع حدا من الزملاء والمسؤولين وهيدا القرار بدو يلفت نظر المسؤولين عنك وبدك تثبت فيه مجهود كبير يا جوزاء
الوضع المالي
بدك تحصل مال من حدا من المقربين إلك وهيدا المال بدو يفرجك
الوضع العاطفي
عندك اهتمام كبير بالشريك بتهتم بأمور وتفاصيل كتير متعلقة بالشريك
بقلب بيتك
عندك نقاش مع الأهل بخصوص مشكلة صارت معك
شخصيتك اليوم
رايق وهادي خفف غرور
السرطان
شو بقول فنجانك يا سرطان
حدا من افراد عيلتك بدو يوقع بمشكلة مالية او شي بخصك شقة او عقار او عمل بدك تكون مزعوج ومعصب بسبب هيدا الأمر بتحاول انك تحل هيدا الأمر مع حدا قريب منك انت حامل هم هيدا الشخص وبتحاول انك تساعد او بدك تطلب من افراد عيلتك المساعدة والدعم بس للاسف ما بيطلع من امرك شي وهيدا الشي بيزعجك كتير
الوضع المهني
حدا قريب منك بدو يعرض عليك عمل بخصك إلك وهيدا الشي بدو ينجح يا سرطان شايفة بفنجانك نجاح كبير ومال كتير ما ضيع هيدي الفرصة يا سرطان
الوضع المالي
بتوصل دفعات مالية بس منها كبيرة من افراد عيلتك بس جايك مال قريب كتير بدك تحصل على مبلغ مالي
الوضع العاطفي
انت والشريك انت بوادي والسريك بوادي ما في تناغم بالعلاقة
بقلب بيتك
حامل هم شخص من افراد عيلتك بدو يواجه مشكلة
شخصيتك اليوم
تعبان كتير ومزعوج من امور كتيرة
الأسد
شو بقول فنجانك يا أسد
عندك عزيمة بقلب بيتك بتخص حدا من افراد عيلتك وبدك تسمع كلام من شخص موجود بالعزيمة وهيدا الشخص كبير بالسن او رجل دين وهيدا الكلام بدو يفتح موضوع متعلق بالعمل وبدك تناقش امور بتخص حدا من افراد عيلتك بخصوص مشكلة او عمل وبدو يصير في زعل وكركبة شوية
الوضع المهني
بدك تنتبه يا أسد على وضعك المهني حدا من الزملاء بدو يحاول انو يورطك بأمور بتتعلق بالعمل والمال ما توثق بحدا يا أسد
الوضع المالي
عندك ضيقة مالية يا أسد بتخص العيلة شايفة بفنجانك باب الرزق انشاءالله موجود وكبير بدك تحل مشاكلك المالية بنفسك يا أسد
الوضع العاطفي
عندك نقاش حاد مع الشريك في شوية مشاكل وتوتر بالعلاقة بس بتنحل بإذن الله
بقلب بيتك
عزيمة مهمة بقلب البيت بتخص حدا من افراد عيلتك
شخصيتك اليوم رايق كتير بس بتفكر كتير بأمور بتتعلق بشؤون العائلة والعمل
العذراء
شو بقول فنجانك يا عذراء
عندك لقاءات مع أصدقاء يا عذراء إلك فترة معصب ومزوعج وبدك تاخد قرارات بتخص الاصدقاء الجدد وبدك تقطع علاقتك بأشخاص كتيرة وهودي الأشخاص للاسف كانو مستغلين طيبة قلبك
الوضع المهني
قريب جدا بدك تمضي على عقد عمل جديد انت هيدا العمل ناطرو إلك فترة طويلة بتابع هيدا الأمر بدو يتم وبدك تمضي على عقد عمل وبدك تثبت فيه مجهود كبير
الوضع العاطفي
خفف شوية غيرة يا عذراء وضعك مع الشريك صار صعب
بقلب بيتك
عندك نقاش مع حدا من افراد عيلتك بخصوص مبلغ مالي بخص العيلة
شخصيتك اليوم
سهرة مع الاصدقاء قدماء
الميزان
شو بقول فنجانك يا ميزان
بدك تفقد غرض او مبلغ مالي كبير وهيدا الأمر بدو يعملك مشاكل وزعل مع المقربين إلك وأفراد العيلة بس هيدا الأمر بدو يأثر عليك سلبا وبدو يزعجك كتير يا ميزان
الوضع المهني
انتبه لنفسك وشغلك خلي علاقتك مع الزملاء والمسؤولين بحدود يا ميزان ما تخلي حدا يقلل منك او ينسب تعبك ومجهودك الو بدك تواجه هيدي المشكلة يا ميزان حدا من الزملاء بدو ياخد تعبك ومشروعك بس انت بدك تكون حذر بتعاطيك مع الزملاء
الوضع المالي
امورك المالية الحمدلله بخير انت حريص على مالك ومرتاح ماليا
الوضع العاطفي
خفف من المعجبين شوية يا ميزان
بقلب بيتك
في نقاش حاد مع الأهل وأفراد العيلة بخصوص غرض او مبلغ مالي
شخصيتك اليوم
معصب ومزعوج كتير يا ميزان
العقرب
شو بقول فنجانك يا عقرب
بدك تاخد خطوة بمجال سفر او عمل جديد وبدك تفاجىء الجميع بهيدا القرار بعد الخلافات المشاكل والتعب بدك تاخد. هيدا القرار وبدك تنفذ هيدا الأمر
الوضع المهني
امورك المهنية كتير صعبة إلك فترة بتحاول انك تحل هيدي الأمور بس للاسف ما في حدا حدك ومعك
الوضع المالي
اجا الوقت يا عقرب انك ترتب وتستفيد من مالك بدك تاخد قرار بخصوص عمل او سفر بدك تغير حياتك
الوضع العاطفي
امورك مع الشريك فيها شوية كركبة بدك ترتب لقاء عاطفي
بقلب بيتك
بدك تناقش وضعك وامورك مع الأهل بالأخص الأبوين بدك تلاقي الدعم المطلوب شخصيتك اليوم
حابب تكون لحالك بدك ترتب امورك بتروي
القوس
شو بقول فنجانك يا قوس
شايفة طيارة عندك يا قوس حدا جاي من سفر خارج البلاد بدك تحضر لسهرة مع بعض الأصدقاء
الوضع المهني
بدك تطلب مساعدة ودعم من حدا قريب منك جاي من سفر خارج البلاد شايفة عندك سفر يا قوس وقريب كتير هيدا الأمر بدو يتم انشاءالله شايفة باب النجاح موجود وكبير انشاءالله الوضع المالي
امورك المالية الحمدلله بخير انت كتير حريص على اموالك ما بتصرف الا للضرورة القصوى
الوضع العاطفي
عندك مقابلة قريبة مع الشريك بدك تكون صريح كتير مع الشريك
بقلب بيتك
سهرة حلوة واجواء حلوة مع الأصدقاء والمقربين إلك وحدا جاي من سفر
شخصيتك اليوم سهرة مع الاصدقاء قدماء واجواء احلى
الجدي
شو بقول فنجانك يا جدي
شايفة عندك اسم الله وكبير
انت بتنتكل على الله بكل شي بتسلم امورك إلى الله عندك هم كبير يا جدي بتحاول انك ترتب أوضاعك وامورك بس للاسف الحسد والغيرة عليك وعلى شغلك وعلى عيلتك عندك عزيمة بقلب بيتك بتخص حدا من افراد عيلتك وهيدي العزيمة بدو يكون فيها أشخاص مهمين كتير في حدا من الموجودين بالعزيمة بدو يطرح مشروع عمل جديد وبدها تكون فرصة مهمة يا جدي لحدا من افراد عيلتك
الوضع المهني
بدك تاخد خطوة بخصوص عملك وهيدي الخطوة بدها تعملك شوية مشاكل مع بعض أفراد العائلة وضعك المهني صعب بدها تجيك فرصة عمل جديدة واستثنائية بشركة او مؤسسة شايفة بدك تضيع هيدي الفرصة وبدك تندم كتير
الوضع المالي
بدك ترتب امورك المالية يا جدي بدك تستلم مال وقريب كتير وبدو يجيك مال لا على البال ولا على الخاطر وبدو يفرجك كتير قول يا رزاق يا الله
الوضع العاطفي
مشاكل كتير مع الشريك يا جدي
بقلب بيتك
عزيمة مهمة بقلب البيت بتخص حدا من افراد العيلة
شخصيتك اليوم
سهرة مع الأهل والمقربين بدك تناقش امور كتيرة ومختلفة
الدلو
شو قال فنجانك يا دلو
عايش حياتك الشخصية يا دلو سهرة مع الاصدقاء واجواء حلوة وبدك تقابل الشريك صدفة يا دلو بدك تكون ببيت وبدك تقابل الشريك وبدك تكون مرتاح وبدك تناقش امور بتتعلق بشؤون العيلة والعمل مع الشريك
الوضع المهني
بدك تقدم على مشروع مهم جدا وهيدا الأمر بدو يتم انشاءالله بس بدو يعملك شوية مخاوف وكركبة شوية شايفة عندك نجاح مهم يا دلو ما تخلي الخوف والقلق يسيطر عليك
الوضع المالي
مرتاح كتير بس ما حدا بيعرف شو معك وشو عليك
الوضع العاطفي
مقابلة مع الشريك بدها تكون صدفة بدك تناقش امور بتتعلق بشؤون العيلة والعمل بقلب بيتك
سهرة مع الأهل والمقربين والأصدقاء وبدك تناقش قرار بيتعلق بشؤون العمل
شخصيتك اليوم
رايق وهادي سهرة حلوة ومقابلة مع الشريك
الحوت
شو بقول فنجانك يا حوت
عندك احلام كتيرة وامنيات بدك تحققها قريبا يا حوت شايفة فنجانك حلو كتير ورايق الحمدلله عندك ارتباط يا حوت بدك تاخد خطوة تفاجىء الأهل والمقربين والأصدقاء بخصوص ارتباط مع الشريك
الوضع المهني
امورك المهنية الحمدلله بخير عندك اجتماع مهم مع مسؤولين ومع أشخاص مهمين كتير يا حوت وبدك تناقش امور بتخص العمل شايفة بفنجانك منصب جديد
الوضع المالي
زيادة بالراتب يا حوت ومنصب جديد بدو يحسنلك وضعك المالي والعائلي والمهني
الوضع العاطفي
بدك تاخد قرار مصيري بخص الشريك شايفة بفنجانك ارتباط جدي يا حوت الف مبروك
بقلب بيتك
بدك تناقش وضعك وامورك العاطفية مع الأهل شايفة فرح بقلب بيتك شخصيتك اليوم
سهرة مع الاصدقاء واجواء حلوة مع الشريك عيش حياتك يا حوت
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…