فنجان الابراجفنجان الابراج

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاثنين 2/5/2022 ايار مايو

الحمل
شو بقول فنجانك يا حمل
ليش الخوف يا حمل شايفة وضعك وامورك المهنية والمالية والعاطفية تمام
بدك تلتقي بحدا صدفة يا حمل بشخص هيدا الشخص صارت معك مشكلة بالماضي شايفة اعتذار عندك يا حمل بس متأمن لهيدا الشخص
الوضع المهني
امورك المهنية الحمدلله بخير انت بالصدراة يا حمل بس عندك خوف وقلق من شي بخصك
الوضع المالي
بدك تساعد حدا من الاصدقاء القدماء بمبلغ مالي بس انت مرتاح لهيدي الخطوة
الوضع العاطفي
بدك تقابل الشريك بدك تسمع كلام من الشريك بدو يزعجك
بقلب بيتك
وضعك وامورك العائلية كتير منيحة انت حنون بخصوص الأهل بالأخص مع الأبوين شخصيتك اليوم رايق وهادي بس بدك تعصب بسبب الشريك

فنجان برج الثور الابراج الاثنين 2/5/2022 ايار مايو

الثور
شو قال فنجانك يا ثور
عندك سفرة يا ثور بس للاسف ما بتتوفق فيها بعيدي السفرة بسبب حسد وغيرة او انت منك دارس خطوتك
الوضع المهني
بدك تناقش وضعك وامورك المهنية مع صديق مقرب كتير إلك وهيدا الصديق بدو يساعدك تحصل على عمل جديد عندك فرصة يا ثور
الوضع المالي
عندك صعوبات كتيرة بتخص المال يا ثور بدك تنفق مال بخصوص السفر
الوضع العاطفي
الشريك معك وحدك وداعمك بأمور كتيرة
بقلب بيتك عندك مواجهات ونقاش بينك وبين الأهل بخصوص قرار السفر يا حمل ما تتصرع بأخذ اي قرار بيتعلق بشؤونك
شخصيتك اليوم مزعوج ومعصب كتير بسبب العيلة والاهل

فنجان برج الجوزاء الابراج الاثنين 2/5/2022 ايار مايو

الجوزاء
شو خبرني فنجانك يا جوزاء
عندك مقابلة بتخصك يا جوزاء بدك تقابل شخص مهم وهيدا الشخص بدو يعرض عليك عمل او مشروع شغل او شراكة بمبلغ مالي بدك تاخد خطوة بخصوص هيدا الشخص شايفة عندك نجاح مهم يا جوزاء وهيدا الشخص ثقة ما تخاف منو .
الوضع المهني
عندك فرصة مهمه يا جوزاء بدك تباشر بعمل جديد وهيدا العمل بدو يعملك نقلة مهمة كتير
الوضع المالي
بدك تناقش امور بتتعلق بشؤون العمل مع شخص مهم وهيدا الشخص بدو يساعدك بأمور مختلفة
الوضع العاطفي
من فترة طويلة العلاقة فيها شوية مشاكل وتوتر حاول انك ترتب امورك واوضاعك العاطفية
بقلب بيتك
عندك طاقة فرج قريبة بتحل مشاكلك
شخصيتك اليوم رايق لقاء مع شخص بيهتم بأمورك المهنية

فنجان برج السرطان الابراج الاثنين 2/5/2022 ايار مايو

السرطان
شو بخبرك الفنجان يا سرطان
شايفة امورك ووضعك العائلي في كركبة كتير بدو يدخل على بيتك ناس وهودي الأشخاص للاسف منهن مناح حدا من هودي الأشخاص بحاول ياخد منك كلام بخص حدا من افراد عيلتك انتبه يا سرطان من هودي الأشخاص
الوضع المهني
شايفة عندك نهاية لعمل بدم تنهي امور بتتعلق بمشروع شغل او عمل وهيدا الأمر بدو يعملك شوية مشاكل وكركبة مالية يا سرطان
الوضع المالي
بدك تخفف مصروفك بالأخص بالفترة القادمة وضعك المالي صعب
الوضع العاطفي
عندك نقاش حاد مع الشريك بخصوص عمل او مشروع شغل بس بمر على خير
بقلب البيت
عندك دخول أشخاص على بيتك وهودي الأشخاص بدهن يزعجوك كتير
شخصيتك اليوم
بنفكر كتير بأمور مختلفة بالعمل والعيلة والشربك

فنجان برج الاسد الابراج الاثنين 2/5/2022 ايار مايو

الأسد
شو بقول فنجانك يا أسد
شايفة بعد عندك شوية مشاكل يا أسد بقلب بيتك بدك تواجه مشكلة بتتعلق بموضوع العيلة والمال وهيدي المشكلة حلها بإيدك انت يا أسد
الوضع المهني
شايفة عندك زيادة بالراتب وهيدا الأمر بحسنلك وضعك المالي والمهني في حدا معك بالعمل بدو يستفزك ويزعجك بأمور بتتعلق بشؤون العمل وبالراتب طنش هيدا الشخص يا أسد
الوضع العاطفي
مشاكل وزعل مع الشريك بتخص العيلة
بقلب بيتك
عندك مواجهات شرسة وصعبة مع الشريك بقلب بيتك يا أسد
شخصيتك اليوم
بتحاول انك تتجنب المشاكل بالأخص مع الشريك

فنجان برج العذراء الابراج الاثنين 2/5/2022 ايار مايو

العذراء
شو قال فنجانك يا عذراء
بدك تمشي بطريق مع أصدقاء جداد دخلو على حياتك من فترة
وهودي الأشخاص في منهن بدهن يعملولك وجع راس انتبه لنفسك يا عذراء
الوضع المهني
قريب كتير يا عذراء بدك تستلم عمل جديد وهيدا العمل بدو يكون بادرة خير وفرصة إلك لازم تستغلها يا عذراء وضعك صار صعب
الوضع المالي
عندك نفقات ودفعات مالية بتخصك وبتخص الأصدقاء بدك تخسر مال يا عذراء
الوضع العاطفي
عندك لقاء مع الشريك بدك تكون صريح معو بخصوص عمل او شي بخصك
بقلب بيتك
امورك تمام يا عذراء ما عندك مشاكل مع العيلة
شخصيتك اليوم سهرة وعشاء مع الأصدقاء بدك تنتبه لنفسك يا عذراء

فنجان برج الميزان الابراج الاثنين 2/5/2022 ايار مايو

الميزان
شو بخبرك الفنجان يا ميزان
بدك تحضر مناسبة او عشاء عند حدا من الاصدقاء وبدك تلتقي بصديق وهيدا الصديق بدو يكون عندو مشاكل كتيرة بدك تحاول انك تحل هيدي المشاكل وبدك تساعدو بأمور مختلفة
الوضع المهني
امورك المهنية الحمدلله بخير شايفة عندك نجاح بس بدك تنتبه كتير يا ميزان من الأشخاص ذو وجهين هودي الأشخاص بدهن يحاولو يخربو عليك امور كتيرة بتتعلق بشؤون العمل
الوضع المالي
امورك المالية الحمدلله بدك تساعد صديق قديم وبدك تكون حدو وداعمو
الوضع العاطفي
عندك مقابلة مع الشريك شايفة بدك تناقش قرار بيتعلق بشؤونك المهنية والمالية مع الشريك
بقلب بيتك
بدك تواجه حدا من المقربين بخصوص شغل او شي بخص عيلتك
شخصيتك اليوم سهرة ولقاء مع حدا من الاصدقاء بدك تكون مرتاح وسعيد

فنجان برج العقرب الابراج الاثنين 2/5/2022 ايار مايو

العقرب
شو بقول فنجانك يا عقرب
عندك مناسبة او عزيمة مهمة بقلب البيت بتخص العمل وهيدي العزيمة بدك تناقش امور بتتعلق بشؤون العمل والقرارات يا عقرب عزمتك بدها تكون ناجحة وبدها تكون فرصة إلك ولصالحك يا عقرب
الوضع المهني
بدك تستلم عمل جديد او منصب جديد ومهم يا عقرب وشايفة في زملاء بدهن يكونو مزعوجين بهيدا القرار انت بتستاهل يا عقرب تعبت كتير حتى وصلت لهيدا الأمر
الوضع المالي
امورك المالية كتير منيحة يا عقرب عندك نفقات ودفعات مالية بتخص الاهل بالأخص الأبوين
الوضع العاطفي
شايفة بفنجانك ارتباط وقريب هيدا الارتباط يا عقرب
بقلب بيتك
عزيمة مهمة بقلب البيت بتخص العمل
شخصيتك اليوم رايق وهادي عزيمة مهمة مرتبطة بالعمل

فنجان برج القوس الابراج الاثنين 2/5/2022 ايار مايو

القوس
شو بقول فنجانك يا قوس
عندك دخول على دوائر رسمية وحكومية يا قوس بخصوص امور بتتعلق بالارث والعيلة يا قوس
الوضع المهني
إلك فترة منك مهتم بعملك وبامورك المهنية وهيدا الشي بدو يعملك شوية مشاكل مع بعض الزملاء والمسؤولين انتبه لعملك يا قوس الوضع المهني عندك ما بيحمل مفاجاءت
الوضع العاطفي
حب جديد بدو يطرق بابك بس ماخر شوي
بقلب بيتك
بدك تناقش امور بتتعلق بشؤون العيلة والارث مع الأهل
شخصيتك اليوم
حابب تكون لحالك بدك ترتب امورك واوضاعك

فنجان برج الجدي الابراج الاثنين 2/5/2022 ايار مايو

الجدي
شو قال فنجانك يا جدي
شايفة عندك امضاءات بتخصك يا جدي بدك تمضي على اوراق مهمة وشايفة عندك مقابلة مع أشخاص مهمين كتير يا جدي فنجانك حلو بس بدك تواجه مشكلة مع الشريك بتخص العيلة شايفة هيدي المشكلة بدها تنحل بتراضي
الوضع المهني
انت بتخاف كتير من الفشل يا جدي بدك تباشر بمشروع مهم بخصك وهيدا المشروع بدو يحسنلك وضعك المالي والعائلي
الوضع العاطفي
عندك مواجهات حادة وشايفة في خلاف مع الشريك وبدك تحل هيدي المشكلة والخلاف بتروي وهدوء
بقلب بيتك
امورك مع العيلة تمام الحمد لله بس مع الشريك قيها كركبة
شخصيتك اليوم
رايق وهادي بتفكر كتير بأمور بتتعلق بشؤون العائلة

فنجان برج الدلو الابراج الاثنين 2/5/2022 ايار مايو

الدلو شو بقول فنجانك يا دلو
عندك سفر يا دلو شايفة عندك طيارة واوراق بدك تمضيها وهيدي الأوراق بتخصك وبتخص السفر وبتخص الدراسات العليا
الوضع المهني
من فترة نهيت امور بتتعلق بشؤون العمل مع حدا من الزملاء والمسؤولين وهيدا القرار بتاخدو عن قناعة يا دلو ما بتندم عليه بلشت تفكر صح
الوضع المالي
عندك دعم من الأهل والمقربين إلك ما بينخاف عليك
الوضع العاطفي
شايفة عندك محبس بخصك يا دلو وقريب كتير هيدا الأمر بتم
بقلب بيتك
نقاش مع الأهل بخصوص السفر انشاءالله وشايفة عندك دعم
شخصيتك اليوم
رايف بين الأهل والمقربين والأصدقاء

فنجان برج الحوت الابراج الاثنين 2/5/2022 ايار مايو

الحوت
شو بقول فنجانك يا حوت
انتبه لنفسك من وعكة صحية مفاجئة يا حوت
شايفة عندك بقلب بيتك في أصدقاء والمقربين إلك
الوضع المهني
بدك تستلم هدية من الزملاء معك بالعمل بخصوص نجاح كبير يا حوت وهيدا النجاح بخصك إلك
الوضع المالي
امورك المالية الحمدلله بخير عندك التزامات بتخص الاهل والعيلة
الوضع العاطفي
نقاش مع الشريك بخصوص عمل جديد او ارتباط بخصك
بقلب بيتك
امورك تمام الحمدلله انتبه من وعكة صحية
شخصيتك اليوم
شايفة عندك ناس بقلب البيت سهرة مع الاصدقاء

المصدر:عرب كلوب

By Admin