قراءة فنجان الابراج الاثنين 30/5/2022 ايار مايو

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاثنين 30/5/2022 ايار مايو

الحمل
شو بقول فنجانك يا حمل
عندك مقابلة مع شخص في بينك وبين هيدا الشخص شغل او مال وهيدي المقابلة بدها تكون بداية لأيام كتير حلو ونجاح وتفوق يا حمل
الوضع المهني
من فترة طويلة عم تدرس مشروع عمل بخصك وهيدا الأمر بدو يتم انشاءالله بس للاسف ما في مال كافي يا حمل حدا من الأشخاص بتثق فيهن بدو يساعدك بأمور بتخص هيدا المشروع شايفة بدو ينجح بإذن الله بس بدك تصبر شوية يا حمل
الوضع المالي
امورك المالية للاسف فيها كركبة وقلق بدك تتخطى هيدي الأمور يا حمل بإذن الله قول يا رزاق يا الله
الوضع العاطفي
شايفة اهتمامك بالشريك صار مبالغ فيه
بقلب بيتك
الوضع العائلي
امورك كتير منيحة مع الأهل والمقربين بدك تقابل شخص وبدك تكون مرتاح
شخصيتك اليوم
رايق وهادي ومقابلة مهمة مع شخص بيهتم بأمورك

فنجان برج الثور الابراج الاثنين 30/5/2022 ايار مايو

الثور
شو قال فنجانك يا ثور
شايفة عندك بداية حياة يا ثور مريت بفترة صعبة كتير وتعبت كتير يا ثور وبدك تعيد حساباتك من جديد بالأخص مع المحطين فيك بدك تاخد قرار بخصوص بعض الأشخاص وبدك تأسس لحياة جديد مع أشخاص جداد وقفو حدك ومعك باصعب ظروفك يا ثور
الوضع المهني
امورك المهنية الحمدلله بخير عندك التزامات بتخص العمل وهيدي الأمور بدك تبدع فيها يا ثور وضعك المهني إلى تحسن باذن الله
الوضع المالي
بدك تخفف مصروفك ونفقاتك يا ثور بالأخص بالايام الجاي حتكون صعبة ودقيقة
الوضع العاطفي
مقابلة مع الشريك بدك تكون مزعوج من تصرفات الشريك
بقلب بيتك
الوضع العائلي
نقاش مع حدا من المقربين إلك بتخص امور مختلفة زاعجتك كتير
شخصيتك اليوم
خفف توتر وانفعال يا ثور

فنجان برج الجوزاء الابراج الاثنين 30/5/2022 ايار مايو

الجوزاء
شو بخبرك الفنجان يا جوزاء
بدك تدخل على بيت يا جوزاء وبدك تقابل أشخاص وفي مشكلة بدك تحلها بتخص حدا من افراد عيلتك بدك تدخل انت ورجل دين واشخاص مهمين كتير وهيدي المشكلة صارت من فترة وتطورت إلى الجدية صار وقت انك تنهي هيدي المشكلة بس للاسف في حدا من الموجودين معك بدو يحاول انو هيدي المشكلة ما تنحل وبدو يصير في نقاش وبدو يكون حاد بس بعد وقت طويلة ومناقشة بدك تحل هيدي المشكلة والخلاف
الوضع المهني
بدك تنتبه يا جوزاء صار في قرارات او بدو يصير في قرارات مهمه بالعمل انت ما بتخبر فيها بدك تناقش امور بتتعلق بهيدي القرارات مع حدا من المسؤولين وفي بعد القرارات بدها
تزعجك كتير وشايفة بدك تعيد حساباتك يا جوزاء
الوضع المالي
في عندك التزامات كتيرة يا جوزاء وضعك المالي للاسف ما بيريح
الوضع العاطفي
بدك تنهي خلاف بينك وبين الشريك العاطفي
بقلب بيتك
الوضع العائلي
عندك مواجهات مع حدا من افراد عيلتك بخصوص مشكلة صارت معو وبدك تحلها
شخصيتك اليوم
منك مرتاح في اشياء كتير زاعجتك

فنجان برج السرطان الابراج الاثنين 30/5/2022 ايار مايو

السرطان
شو بخبرك الفنجان يا سرطان
شايفة عندك أشخاص بقلب بيتك يا سرطان وعندك عزيمة وناس كتيرة بقلب بيتك وهودي الأشخاص عزيزين عليك كتير شايفة بدو يصير في زعل بهيدي العزيمة وفي شخص من الموجودين بالعزيمة بدك تسمع منو كلام بيزعجك كتير
الوضع المهني
بدك تحسن وضعك المهني يا سرطان إلك فترة منك مشارك باي قرار او مشروع وهيدا الأمر بيزعج بعض الزملاء والمسؤولين انتبه يا سرطان وضعك المهني دقيق
الوضع المالي
امورك المالية تمام الحمدلله عندك مال يا سرطان وعندك دفعات ونفقات بس بشكل عام وضعك المالي تمام الحمدلله
الوضع العاطفي
امورك كتير منيحة مع الشريك شايفة عندك اهتمام زيادة بالشريك العاطفي
بقلب بيتك
الوضع العائلي
عندك عزيمة بقلب بيتك امورك العائلية الحمدلله بخير
شخصيتك اليوم
رايق وهادي سهرة مع بعض المقربين إلك

فنجان برج الاسد الابراج الاثنين 30/5/2022 ايار مايو

الأسد
شو بقول فنجانك يا أسد
بدك تمشي بطريق طويل مع الشريك العاطفي ومع حدا من المقربين وبدك تقابل أشخاص إلك فترة طويلة منك شايفهن في بعض الأشخاص ما بتكون مرتاح الهن يا أسد بدو يصير في خلاف بينك وبين الشريك بخصوص هودي الأشخاص بس هيدا الخلاف بمر على خير
الوضع المهني
بدك تقدم على عمل جديد يا أسد وحدا من الاصدقاء بدو يساعدك بأمور بتخص هيدا العمل بدها تكون فرصة إلك حتى تثبت حالك وجدارتك وقدراتك يا أسد امورك ووضعك المهني الحمدلله قول يا معين يا الله
الوضع العاطفي
شايفة بفنجانك خلاف مع الشريك بسبب انثى او بسبب حدا قريب من الشريك بس هيدا الخلاف بمر على خير
بقلب بيتك
الوضع العائلي
عندك مواجه مع الشريك بقلب بيتك بسبب امور كتيرة ومختلفة
شخصيتك اليوم
خليك رايق وهادي يا أسد

فنجان برج العذراء الابراج الاثنين 30/5/2022 ايار مايو

العذراء
شو بقول فنجانك يا عذراء
شايفة عندك هدية قيمة جاي من السفر يا عذراء وشايفة بدك تستلم مبلغ مالي مع هيدي الهدية بس هيدا المال بدو يعملك زعل بقلب بيتك
الوضع المهني
عندك امضاء على عقد عمل جديد وهيدا العمل إلك فترة متابع هيدا الأمر بدك تكتشف في حدا من الاصدقاء كان موقف هيدا الأمر يا عذراء
بدك تستلم عمل جديد وقريب جدا
الوضع المالي
امورك كتير منيحة يا عذراء وضعك المالي الحمدالله بخير
الوضع العاطفي
عندك لقاء مع الشريك وهيدي المقابلة بدها تكون سرية
بقلب بيتك
الوضع العائلي
امورك بقلب بيتك كتير منيحة بدك تناقش مشكلة بتخص حدا من افراد عيلتك بخصوص مبلغ مالي كبير
شخصيتك اليوم
سهرة مع الشريك العاطفي امورك العاطفية تمام

فنجان برج الميزان الابراج الاثنين 30/5/2022 ايار مايو

الميزان
شو بقول فنجانك يا ميزان
شايف منام وخايف منو كتير يا ميزان وهيدا المنام زاعجك كتير كانو صار معك بس شايفة انو منامك ما بخوف قول يا لطيف يا الله
الوضع المهني
عندك اجتماع بخص العمل وبدك تاخد قرار بخص العمل مع حدا من الزملاء وهيدا القرار بدو يعملك شوية مشاكل وزعل مع بعض الزملاء شايفة بفنجانك نجاح كبير وقريب كتير يا ميزان
الوضع المالي
امورك المالية الحمدلله تمام عندك التزامات ونفقات بتخص العيلة وعندك شراء شي بخصك
الوضع العاطفي
شايفة في توتر وزعل بعلاقتك مع الشريك العاطفي لازم تنهي هيدا الزعل يا ميزان
بقلب بيتك
الوضع العائلي
امورك تمام الحمدلله مع الأهل وأفراد العيلة ما عندك شي زاعجك شخصيتك اليوم معصب ومزعوج بسبب منام وخايف منو يا ميزان

فنجان برج العقرب الابراج الاثنين 30/5/2022 ايار مايو

العقرب
شو قال فنجانك يا عقرب
بدك تاخد خطوة تفاجىء الجميع وبدك تاخد قرارات كتير ومهمة بحياتك يا عقرب في بعض القرارات بدك تندم كتير يا عقرب بالأخص بتخص العيلة والاهل وهيدا القرارات بتاخدها بتكون معصب ومزوعج
الوضع المهني
وضعك المهني كتير صعب يا عقرب في مشاكل كتير بتخص العمل وهيدي الأمور بتزعجك كتير انت صادق بتعاطيك مع الآخرين بدك تكشف زملاء وقصص بتخص العمل وهيدي القصص بدها تزعجك وبدك تاخد قرار بخص العمل وبدك تنهي علاقتك بهيدا العمل بس ما بتندم يا عقرب هيدا قرار الصح
الوضع المالي.
فيها شوية مشاكل وتوتر وكركبة بس انت حتوصل لأهدافك يا عقرب ما بينخاف عليك
الوضع العاطفي
مقابلة مع الشريك بدها تخفف عنك توتر وقلق شايفة علاقتك بالشريك كتير حلوة
بقلب بيتك
الوضع العائلي
وضعك وامورك العائلية منها منيحة يا عقرب صار نقاش مع الأهل وأفراد العيلة بخصوص قرارات بتاخدها
شخصيتك اليوم
معصب ومزعوج من كل الحواليك

فنجان برج القوس الابراج الاثنين 30/5/2022 ايار مايو

القوس
شو بقول فنجانك يا قوس
عندك اسم الله كتير حلو يا قوس قول يا معين يا الله ايامك الجاي حلوة بدك تناقش امور بتتعلق بموضوع العيلة والمال ونفقات مالية مع حدا اكبر منك سنا وبدك تكون مرتاح كتير
الوضع المهني
امورك المهنية كتير منيحة شايفة بفنجانك باب العمل والنجاح موجود قول يا الله
عندك منصب جديد ومهم امورك المهنية بشكل عام الحمدلله بخير
الوضع المالي
بدك تستلم مبلغ مالي كبير يا قوس وهيدا المال بدو يفرجك كتير
الوضع العاطفي
شايفة ارتباط واغراض بتخصك وبتخص الشريك
بقلب بيتك
الوضع العائلي
رضى الوالدين كتير مهم شايفة امورك تمام الحمدلله شخصيتك اليوم سهرة مع الاصدقاء والاهل اجوائك حلوة

فنجان برج الجدي الابراج الاثنين 30/5/2022 ايار مايو

الجدي
شو بقول فنجانك يا جدي
شايفة بفنجانك تعصيب وتوتر وقلق يا جدي بدك تاخد موقف من حدا قريب منك بخصوص امور بتتعلق بشؤونك عندك أشخاص بقلب بيتك وشايفة في بعض الأشخاص المحطين فيك بدهن يستفزوك ويزعجوك كتير انت صريح يا جدي بس للاسف الأشخاص الموجودين بحياتك ذو وجهين وهيدا الأمر بيزعجك وبخليك تعيد حساباتك من جديد
الوضع المهني
قريب جدا يا جدي بدك تحصل على فرصة عمل مهمة كتير وهيدي الفرصة ما بضيعها انت بحاجة إلى أموال والعمل بدك تناقش وضعك وامورك المهنية مع العيلة والاهل شايفة بفنجانك نجاح كبير وقريب كتير يا جدي
الوضع المالي
عندك مال يا جدي وعندك نفقات والتزامات كتيرة بدك تنتبه يا جدي على مصروفك ونفقاتك ما تخلي حدا يستغلك
الوضع العاطفي
بدك تشكي وتحكي شو زاعجك للشريك شايفة الشريك حدك ومعك وداعمك
بقلب بيتك
الوضع العائلي
شايفة عندك ناس واشخاص بقلب بيتك وبين هودي الأشخاص في شخص بدو يزعجك بأمور كتيرة
شخصيتك اليوم
بتفكر كتير بأمور مختلفة انت بشكل عام مزعوج ومعصب

فنجان برج الدلو الابراج الاثنين 30/5/2022 ايار مايو

الدلو
شو بقول فنجانك يا دلو
عندك مكالمة هاتفية من الشريك يا دلو وهيدي المكالمة بدها تكون نهاية علاقة عاطفية وهيدي المكالمة بدها تزعجك وتعصبك وبدها تعملك كركبة بقلب بيتك
الوضع المهني
امورك المهنية فيها شوية كركبة وقلق بدك تناقش قرار بيتعلق بشؤون العمل مع حدا من المسؤولين عنك وهيدا القرار بيزعجك كتير
الوضع المالي
صار في قول الحمدلله وضعك المالي بخير يا دلو بدك ترتاح من نفقات وديون وقريب جدا وضعك وامورك المالية الحمدلله تمام
الوضع العاطفي
شايفة خلاف كبير مع الشريك العاطفي شايفة بفنجانك نهاية ارتباط
بقلب بيتك
الوضع العائلي
وضعك وامورك مع العيلة منها منيحة يا دلو بدك تناقش امور بتتعلق بشؤون العيلة وبدو يصير زعل بسبب هيدي الأمور
شخصيتك اليوم
كل هيدي المشاكل المحيطة فيك حابب تكون لحالك حتى ترتب امورك

فنجان برج الحوت الابراج الاثنين 30/5/2022 ايار مايو

الحوت
شو بقول فنجانك يا حوت
قول يا مجيب يا الله
شايفة بفنجانك حدا كبير بالسن بخصك إلك يمكن يكون من الأبوين رافع ايدو للحق وبيدعي إلك بالخير يا حوت وهيدي الدعوة بإذن الله مستجابة
الوضع المهني
شايفة عندك نجاح مهم وعندك علاقات جديدة واستثنائية يا حوت وشايفة عندك ترقية مهمة بمجال عملك وضعك المهني كتير منيح الحمدلله بدك تنتبه كتير يا حوت شايفة عندك أشخاص منافقين حواليك وهودي الأشخاص بدهن يزعجوك وياذوك بس بإذن الله تعالى ما بيصير الا الله كاتبو بدك تنتبه من الحسد والعين قول قل أعوذ برب الفلق
الوضع المالي.
امورك المالية الحمدلله بخير بدك تطلع شي لوجه الله تعالى
الوضع العاطفي
مقابلة مع الشريك بدها تقلب حياتك للاسف بدك تكتشف قصة بتخص الشريك وبدها تزعجك
بقلب بيتك
الوضع العائلي
امورك ووضعك العائلي الحمدلله بخير شايفة رضى الوالدين شخصيتك اليوم بدك تكون مزعوج ومعصب بسبب الشريك

المصدر:عرب كلوب