فنجان الابراج
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو قال فنجانك يا حمل
عندك علامة اعتذار حدا قريب منك بدو يعتذر منك بخصوص مشكلة او خلاف كبير صار معك يا حمل شايفة بدو يصير في معاتبة وبعدين بدها تصفى القلوب
الوضع المهني
شايفة بالفترة القادمة بدك تكون مضغوط بسبب شغل جديد يا حمل وبدك تثبت فيه مجهود كبير جسديا وماليا شايفة عندك نجاح بس بدو وقت وبدو صبر
الوضع المالي
عندك دفعات مالية بتخص العمل يا حمل بشكل عام امورك المالية بخير
الوضع العاطفي
بدك تناقش الشريك بأمور بتتعلق بشؤونك وشؤون العيلة شايفة الشريك بدو يكون مزعوج
بقلب بيتك
الوضع العائلي
عندك ناس كتير بدها ندخل بيتك بسبب اعتذار
شخصيتك اليوم
مرتاح كتير ورايق ما في شي زاعجك
الثور
شو بقول فنجانك يا ثور
شايفة طيارة بتخصك عندك سفر وقريب كتير يا ثور بدك تقدم على دولة بخصوص شغل
بدك تاخد قرار بخصوص سفر بدك تناقش الأهل وأفراد العيلة عندك المعارض وعندك الداعم ليهدي الخطوة
الوضع المهني
بدك تقدم على عمل
جديد وهيدا الشغل بدو يكون بادرة خير عليك بدك تنهي امور بتتعلق بشؤون العمل وبدك تباشر بأوراق بتخص العمل والسفر شايفة باب السفر موجود بإذن الله
الوضع المالي
بدك تطلب مساعدة ودعم من الأهل وأفراد العيلة بخصوص قرار السفر
الوضع العاطفي
من فترة منها بعيدة صار في خلاف كبير وكلام بخصوص العلاقة العاطفية وصار في مشاكل وزعل بدك تنهي هيدي العلاقة
بقلب بيتك
الوضع العائلي
عندك نقاش حاد مع الأهل والمقربين وبتلاقي الدعم المطلوب من الأهل بخصوص سفر خارج البلاد شخصيتك اليوم
رايق وهادي سهرة مع الأهل
الجوزاء
شو خبرني فنجانك يا جوزاء
بدك تمضي على اوراق مهمة يا جوزاء شايفة عندك رهن او بيع شي بخصك
بدك تواجه مشكلة مع حدا قريب منك بدو يطلب مساعدة مالية كبيرة إياك يا جوزاء دخول باي مهترات ومواضيع بتخص المال شايفة عندك خسارة كبيرة يا جوزاء
الوضع المهني
امورك المهنية فيها شوية كركبة ومشاكل بس ما بتخصك يا جوزاء بتخص حدا من الزملاء خليك حيادي بهيدي المشكلة انتبه لنفسك وشغلك يا جوزاء وضعك المهني شوية صعب
الوضع المالي
حدا قريب منك بدو يطلب مساعدة مالية إياك يا جوزاء وضعك المالي كتير صعب
الوضع العاطفي
مقابلة مع الشريك وبدك تناقش وتحكي شو زاعجك للشريك
بقلب بيتك
الوضع العائلي
امورك تمام الحمدلله مع الأهل وأفراد العيلة والمقربين شخصيتك اليوم مزعوج ومعصب كتير بسبب مشكلة مالية
السرطان
شو بخبرك الفنجان يا سرطان
حدا قريب منك بدو يواجهك بأمور مختلفة بتخص عيلتك وبخصوص مال او شي خاص بالعيلة والمقربين
الوضع المهني
بدك تكون جدي بأمور بتتعلق بشؤون العمل مع الزملاء بالعمل وبدك تاخد قرارات كتير ومهمه وهيدي القرارات بدها تعملك مشكلة مع شخص بالعمل انتبه يا سرطان وطنش هيدا الشخص
الوضع المالي
جاييك مبلغ من حدا من افراد عيلتك وهيدا المال بدك تتكتم عليه هيدا المال
الوضع العاطفي
امورك مع الشريك ساعة منيحة وتمام وساعة توتر وانفعال
بقلب بيتك
الوضع العائلي
عندك مواجهات حادة مع حدا من المقربين إلك بخصوص امور كتيرة
شخصيتك اليوم
رايق وهادي ما في شي يزعجك
الأسد
شو بقول فنجانك يا أسد
بدك تتلقى مكالمة هاتفية من حدا من افراد عيلتك وهيدي المكالمة بدها تفتح عليك مشاكل وزعل مع المقربين إلك وأفراد العيلة وهيدي المكالمة بخصوص إرث او شي بخص عيلتك
الوضع المهني
عندك مقابلة مهمة كتير مع حدا من المسؤولين عنك وهيدي المقابلة بدها تعطيك فرصة لتثبت فيها نفسك وقدراتك وامكانياتك يا أسد بس هيدي المقابلة بدها تزعج حدا من الزملاء معك بالعمل بدك تكون حذر كتير يا أسد
الوضع المالي
عندك ديون متراكمة عليك يا أسد بدك تمر بفترة دقيقة وصعبة بوضعك المالي
الوضع العاطفي
تجنب المشاكل مع الشريك بيهدي الفترة
بقلب بيتك
الوضع العائلي
امورك تمام مع الأهل والعيلة شايفة امورك ووضعك بدو يتحسن وقريب
شخصيتك اليوم سهرة مع الاصدقاء واجواء حلوة مع المقربين
العذراء
شو بقول فنجانك يا عذراء
الحظ معك يا عذراء هيدي الفترة بدها تتغير حياتك إلى الأحسن بدك تاخد قرارات مهمه ولأفته وهيدي القرارات بدها تكون لصالحك بدك تنتبه كتير يا عذراء من الحسد والغيرة لانهن موجودين بفنجانك اي قرار بيتعلق بشؤونك العاطفية والمهنية والمالية عليك بالكتمان والسرية التامة بالأخص مع الأشخاص المنافقين ذو وجهين انت بتعرفهن وكاشفهن يا عذراء من زمان بتعرف كيف بفكرو
الوضع المهني
مقدم من فترة على عمل جديد وهيدا العمل كان ماخر شوي بدك تتلقى مكالمة هاتفية بتخص هيدا العمل وشايفة هيدي فرصة إلك يا عذراء بدك تستفيد منها
الوضع المالي
امورك كتير منيحة يا عذراء وضعك المالي بألف خير
الوضع العاطفي
حب جديد بحياتك يا عذراء شايفة بفنجانك محبس وقريب كتير بدك تاخد قرار بخصوص ارتباط جدي بقلب بيتك
الوضع العائلي
بدك تناقش وضعك وامورك
مع الأهل وأفراد العيلة بخصوص ارتباط
شخصيتك اليوم رايق وهادي بتفكر كتير بأمور بتتعلق بالشريك
الميزان
شو بقول فنجانك يا ميزان
عندك مقابلة مهمة كتير بالنسبة إلك مع صديق قديم وهيدي المقابلة بدها تكون فرصة مهمة بحياتك المهنية
وبدك تقابل شخص إلك فترة طويلة منك شايفو وهيدا الشخص بدك تزعل كتير عليه يا ميزان بدك تتفاحىء بوضع هيدا الشخص وبدك تحاول انك تساعدو
الوضع المهني
امورك المهنية الحمدلله بخير شايفة عندك نجاح مهم بدك تباشر بمشروع مهم وهيدا المشروع بدو ينجح بإذن الله وبدك تكون رقم واحد بالعمل والقرارات
الوضع المالي
امورك المالية الحمدلله بخير بدك تساعد حدا من الاصدقاء القدماء وهيدي المساعدة والدعم بدك تكون مرتاح كتير
الوضع العاطفي
حب جديد بحياتك يا ميزان بدو تكون جدي مع الشريك
بقلب بيتك
الوضع العائلي
امورك تمام الحمدلله مع الأهل رضى الوالدين مهم
شخصيتك اليوم رايق وهادي ومقابلة مع الاصدقاء قدماء
العقرب
شو بخبرني فنجانك يا عقرب
عندك عزيمة مهمة بقلب بيتك بدك تستقبل ضيف جاي من طريق بعيد وهيدا الشخص في بينك وبين هيدا الشخص شغل خاص فيك
الوضع المهني
بدك تباشر بعمل جديد وهيدا العمل بخصك وبخص العيلة والاهل إلك فترة عم تدرس هيدا الأمر صار وقت انك تاخد خطوة بخصوص هيدا العمل والنجاح
الوضع المالي
بدك تكون مضغوط بسبب شغل جديد بس بشكل عام امورك بخير
الوضع العاطفي
عندك مقابلة مع الشريك الشريك معك وحدك وداعمك
بقلب بيتك
الوضع العائلي
عندك عزيمة مهمة بقلب البيت امورك العائلية تمام الحمدلله شخصيتك اليوم سهرة وعشاء مع ضيوف
القوس
شو بقول فنجانك يا قوس
بدك تمشي بطريق طويل مع بعض الأشخاص المهمين وبدك تقابل أشخاص وهودي الأشخاص بدهن يساعدوك بأمور بتخص العمل شايفة بفنجانك فرحة يا قوس امورك بدها تتحسن بإذن الله
الوضع المهني
عندك اجتماع مهم يا قوس بخص العمل وهيدي الاجتماع بدو يعملك شوية مشاكل مع بعض الزملاء بالعمل شايفة بدك تحل هيدي المشاكل بس بدها وقت وضعك المهني كتير منيح الحمدلله
الوضع المالي
امورك المالية الحمدلله بخير شايفة حدا من المقربين إلك بدو يطلب منك مساعدة مالية بدك تنتبه يا قوس لوضعك المالي
الوضع العاطفي
عندك مقابلة مع الشريك بس بدك تكون مزعوج من تصرفات الشريك
بقلب بيتك
طاقة فرج قريبة بإذن الله قول يا رب
شخصيتك اليوم
رايق وهادي بتفكر كتير بأمور مختلفة
الجدي
شو بقول فنجانك يا جدي
بدها تنزل دمعتك وهيدي الدموع بدها تكون عزة النفس وشايفة بدها تكون دمعة فرج قريبة بإذن الله
بدك تخفف انفعال وتعصيب يا جدي انت ما بتسكت عن الغلط بدك تواجه حدا من المقربين إلك بتصرفات بعض الأشخاص بدها تزعجك وتعصبك
الوضع المهني
انت بالصدارة يا جدي امورك المهنية كتير منيحة بدك تاخد قرارات كتير ومهمه وهيدي القرارات بدها تكون لصالحك وبدك تثبت جدارتك ونشاطك واخلاصك بالعمل
الوضع المالي
امورك المالية بخير بدك تستلم مبلغ مالي وهيدا المال بدو يفرجك كتير وضعك المالي الحمدالله بخير
الوضع العاطفي
بدك تناقش امور مختلفة مع الشريك شايفة بدو يصير في خلاف وتوتر بالعلاقة
بقلب بيتك
الوضع العائلي
قول قل أعوذ برب الفلق بدك تنتبه من الحسد والعين بقلب بيتك عليك عين وباب الحسد والغيرة موجود
بدك تناقش امور بتتعلق بشؤون العيلة شايفة بقلب بيتك ارتباط محبس بإذن الله
شخصيتك اليوم رايق وهادي سهرة حلوة مع المقربين إلك
الدلو
شو بقول فنجانك يا دلو
بدك تاخد قرار مصيري بخصك يا دلو وهيدا القرار بدك تاخدو عن جكارة صار معك مشكلة وهيدا المشكلة بدها تعملك وجع راس وبدك تاخد قرار مصيري وبعدين بدك تندم كتير يا دلو
الوضع المهني
بدك تنهي امور بتتعلق بمشروع شغل او عمل وهيدا العمل بدو يعملك مشاكل كتيرة بالأخص مع الأبوين والشريك وضعك المهني صعب كتير
الوضع المالي
بدك تطلب مساعدة من احد الاصدقاء القدماء بدك تلاقي الدعم المطلوب
الوضع العاطفي
في زعل وخلاف مع الشريك بخصوص عملك او مال
بقلب بيتك
الوضع العائلي
عندك نقاش حاد وبدك يكون عندك مواجهات شرسة مع حدا من افراد عيلتك والاهل بخصوص عملك
شخصيتك اليوم
منك رايق مزعوج حابب تكون لحالك
الحوت
شو بخبرك الفنجان يا حوت
عندك دخول على دوائر رسمية إكمال اوراق بتخص الشهادات والدراسات والتعلم وبتخص وظيفة مهمة مرتبطة بشهاداتك ودراستك
الوضع المهني
بدك تستلم عمل جديد ومهم يا حوت بدك تستلم منصب مهم بعملك وبدك تاخد قرارات كتير ومهمه بتخص عملك بدك تغير امور كتيرة بتتعلق بشؤون العمل وهيدي القرارات بدها تفتح عليك أبواب الرزق بإذن الله وشايفة حدا من المسؤولين عنك بدو يكرمك بخصوص هيدي القرارات
الوضع المالي
امورك تمام الحمدلله بدك تساعد حدا من الزملاء معك بالعمل بمبلغ مالي وهيدا الأمر بدو يكون بالسر
الوضع العاطفي
شايفة عندك أغراض بتخصك بدك تجيبها وبتخص الشريك العاطفي امورك مع الشريك الحمدلله بخير بقلب بيتك
شمسك شارقة يا حوت امورك تمام الحمدلله مع الأهل شخصيتك اليوم رايق وهادي ومقابلة مهمة مع الشريك
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…