قراءة فنجان الابراج السبت 11/6/2022 حزيران يونيو

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج السبت 11/6/2022 ايار مايو

الحمل
شو قال فنجانك يا حمل
بدك تسمع بمريض وهيدا المريض بخصك يا حمل شايفة وضعك المريض كتير تعبان يا حمل بدك تزور هيدا المريض وبدها تنزل دمعتك وبدك تمر بأيام بدك تكون كتير صعبة عليك بخصوص هيدا المريض
الوضع المهني
بدك تستهر على عملك بهيدي الايام شايفة وضعك المهني بدو بمر بفترة دقيقة وصعبة بس بدك تثبت وجودك يا حمل بعد فترة صعبة بدك ترجع تثبت فيها جدارتك وقدراتك يا حمل
الوضع المالي
بدك تساعد حدا من المقربين إلك بمبلغ مالي وبدك تكون كتير مرتاح لهيدي الخطوة
الوضع العاطفي
امورك تمام مع الشريك بدك تهتم بالشريك اكتر يا حمل .
بقلب بيتك
الوضع العائلي
امورك تمام مع العيلة بدك تناقش امور بتتعلق بمريض بخصك مع حدا من الأهل
شخصيتك اليوم منك رايق مزعوج ومعصب ومكتئب بسبب مريض

فنجان برج الثور الابراج السبت 11/6/2022 ايار مايو

الثور
شو بقول فنجانك يا ثور
عندك مواجهات شرسة يا ثور مع شخص بحاول انو يعملك مشاكل ويستفزك بأمور مختلفة بدك تواجه يا ثور وبدك توقف هيدا الشخص عند حدو
الوضع المهني
قريب كتير يا ثور عندك اجتماع مهم مع اشخاص مهمين كتير يا ثور وبدك تناقش امور بتخص العمل والمشاريع المهمة شايفة بدك تكون واثق من نفسك أكثر يا ثور عندك باب العمل والنجاح موجود وكبير فول يا رب العالمين
الوضع المالي
عندك التزامات مالية بتخص الشريك وضعك المالي جيد
الوضع العاطفي
شايفة ارتباط يا ثور بس ماخر شوي بس النية موجودة
بقلب بيتك
الوضع العائلي
بدك تناقش مشكلة بتخصك مع حدا من افراد عيلتك وبدو يصير في انفعال وتعصيب شخصيتك اليوم
اطلع اسهر وافرح وعيش حياتك يا ثور

فنجان برج الجوزاء الابراج السبت 11/6/2022 ايار مايو

الجوزاء
شو بقول فنجانك يا جوزاء
بدك تحضر مناسبة لحدا قريب منك فرح او خطبة وبدك تكون مرتاح بدك تقابل حب قديم يا جوزاء وبدها تفتح عليك أبواب الماضي شايفة بدك تحن لهيدي العلاقة يا جوزاء
الوضع المهني.
امورك المهنية بخير ناطرو منصب او ترقية بالعمل بس ماخرة شوية بس بدك تحصل عليها يا جوزاء بدك تنتبه من الأشخاص ذو وجهين بوجهك شي وراء ضهرك بحاولو بيطعنوك
الوضع العاطفي
شايفة في علاقة بدها ترجع علاقة عاطفية قديمة بدها ترجع احسن من الاول بس بدو يصير في مشاكل بخصوصها
بقلب بيتك
الوضع العائلي
عندك مواجهات مع افراد العيلة والاهل بخصوص علاقة قديمة
شخصيتك اليوم
مرتاح وبدك تكون سعيد ومبسوط

فنجان برج السرطان الابراج السبت 11/6/2022 ايار مايو

السرطان
شو بقول فنجانك يا سرطان
في شي زاعجك وموترك حدا من افراد عيلتك بدو ياخد قرار وهيدا القرار بدو يتعبك كتير انت بدك تتحمل مسؤولية
الوضع المهني
عندك مقابلة واجتماع مهم يا سرطان وبهيدا الاجتماع بدك تاخد قرار بخصوص مشروع وهيدا القرار بدو يعملك مشكلة مع حدا من الزملاء معك بالعمل ما نكون اناني بأخذ اي قرار بيتعلق بشؤون العمل يا سرطان
الوضع المالي
امورك المالية الحمدلله بخير بدك تستلم مبلغ مالي كبير وهيدا المال بدو يجي فجأ
الوضع العاطفي
بدك تخفف تعصيب وتوتر وانفعال على الشريك العاطفي شايفة العلاقة مع الشريك بآخر أيامها
بقلب بيتك
الوضع العائلي
امورك تمام الحمدلله مع الأهل انت بر الوالدين يا سرطان
شخصيتك اليوم
بدك تكون مزعوج ومعصب بسبب الشريك

فنجان برج الاسد الابراج السبت 11/6/2022 ايار مايو

الأسد
شو شفت بفنجانك يا أسد
اي قرار بدك تاخدو يا أسد بدك تنتبه من الفشل بالأخص بهيدي الفترة بدك تكون حريص كتير وحذر كتير يا أسد الحظ هيدي الفتر منو معك
الوضع المهني
حدا من الزملاء معك بالعمل بدو يعمل مشكلة بتخص العمل او مشروع شغل وهيدي المشكلة بدو يورطك فيها بدك تنتبه من بعض الزملاء المنافقين بالعمل
انت بتعرفهن وكاشفهن بدك تكشفهن أمام الزملاء والمسؤولين وبدك تاخد حقك وانت رايق وهادي
الوضع المالي
عندك دفعات ونفقات وديون متراكمة عليك بتخص العيلة والاهل بدك ترتب امورك واوضاعك المالية وقريب كتير شايفة بدك ترتاح ماليا
الوضع العاطفي
تجنب الشريك العاطفي بهيدي الفترة يا أسد حتى تحل مشاكلك
بقلب بيتك
الوضع العائلي
عندك مواجه ونقاش مع الأهل وأفراد العيلة بخصوص عمل بخصك وبخصوص قرارات بدك تاخدها
شخصيتك اليوم منك رايق معصب ومزعوج من كل الحواليك

فنجان برج العذراء الابراج السبت 11/6/2022 ايار مايو

العذراء
شو بقول فنجانك يا عذراء
عندك عز يا عذراء شايفة باب العز والجاه والامال موجود وكبير ان شاء الله عندك قضاء حاجة طالب شي من الله وهيدا الأمر بدو يتم بإذن الله او بدك تطلب شي من الله شايفة اسم الله موجود وكبير بفنجانك قول يا الله واطلب بإذن الله تعالى بإذن الله مستجاب
الوضع المهني
بدك تمضي على اوراق مهمة او عقد عمل جديد بدك تكون مرتاح لهيدا الأمر شايفة اجا الوقت انك ترتاح يا عذراء وضعك المهني بإذن الله تمام
الوضع المالي
بدك تستلم مبلغ مالي منو كبير بس بيفرجك كتير يا عذراء
الوضع العاطفي
انت مشوش كتير يا عذراء في اكتر من شخص بقرب منك وبحاول انو يفتح معك موضوع ارتباط
بقلب بيتك
الوضع العائلي
بدك تناقش امور مختلفة مع بعض المقربين إلك مع حدا من الابوين بدك تسمع نصيحة
شخصيتك اليوم
بتفكر كتير بأمور مختلفة بتخص ارتباط

فنجان برج الميزان الابراج السبت 11/6/2022 ايار مايو

الميزان
شو خبرني فنجانك يا ميزان
بدك تستقبل حدا جاي من سفر خارج البلاد يا ميزان وشايفة عندك عزيمة على شرف هيدا الشخص بس في شخص بدو يدخل على بيتك وهيدا الشخص للاسف منك مرحب فيه يا ميزان بدو يحاول انو يعملك مشاكل ويستفزك انتبه يا ميزان من اي انفعال وتعصيب بالأخص أمام ضيفك
الوضع المهني
بدك تاخد قرار بخصوص عمل بخصك وهيدا العمل كان مأجل بسبب مال او شي خاص شايفة بفنجانك بدك تباشر بهيدا العمل وقريب كتير بدك تحصل على مبلغ مالي كبير من حدا قريب منك كان خارج البلد وبدك تفتح مشروعك بإذن الله شايفة بدك تنجح وتثبت نفسك وقدراتك يا ميزان
الوضع المالي
بدك تطلب مساعدة ودعم مالي من شخص مقرب إلك
بدك تستلم مبلغ مالي كبير وهيدا المال بدك تفتح مشروع عمل بخصك إلك
الوضع العاطفي
من فترة منها بعيدة نهيت علاقة مع الشريك شايفة هيدا العلاقة بدها ترجع تنفتح وبدك تاخد خطوة جادة بخصوص الشريك
بقلب بيتك
الوضع العائلي
عندك ضيف جاي من سفر خارج البلاد وهيدا الضيف عزيز وغالي عليك شايفة بفنجانك عزيمة مهمة على شرف هيدا الضيف
شخصيتك اليوم
سهرة حلوة مع الأصدقاء وضيف بدك تكون مرتاح وسعيد

فنجان برج العقرب الابراج السبت 11/6/2022 ايار مايو

العقرب
شو شفت بفنجانك يا عقرب
بدك تكون بمناسبة لحدا من الاصدقاء القدماء وبقلب هيدي المناسبة بدو يصير في مشكلة وهيدي المشكلة بدها تتطور للجدية اكتر وبدو تكون طرف فيها يا عقرب بس بدها تنحل بتراضي بدو يضل في زعل يا عقرب
الوضع المهني
عندك ضغوطات كتير بالعمل من فترة طويلة تعبت كتير بمشروع مهم مع بعض الزملاء وهيدا الأمر بدو يعملك نقلة مهمة كتير انت والزملاء ما ضاع تعبك يا عقرب امورك المهنية بخير بإذن الله
الوضع المالي
عندك شراء شي بخصك وهيدا الأمر بدو يتم ان شاء الله بدك تكون مرتاح وسعيد لشراء شايفة سيارة جديدة
الوضع العاطفي
خفف غيرة وشك يا عقرب الشريك العاطفي ما بيتحمل الغيرة والشك قبل ما تخسر الشريك
بقلب بيتك
الوضع العائلي
بدك تتجنب المشاكل مع الأهل والمقربين إلك
شخصيتك اليوم
معكر ومتقلب مزاجك

فنجان برج القوس الابراج السبت 11/6/2022 ايار مايو

القوس
شو بقول فنجانك يا قوس
بدك تحضر مناسبة او عزيمة وبدو يكون في اجواء حلوة واصدقاء قدماء وبهيدي المناسبة بدو يصير في خلاف ومشكل كبير وشايفة بدك تدخل على باب حكومي بخصوص هيدي المشكلة شايفة بدها تنحل بس بدك تكون مزعوج وموتر يا قوس
الوضع المهني
بدك تحضر اجتماع بخص العمل وهيدي الاجتماع بدو يكون فجأة بدك تاخد قرار بخصوص هيدا الاجتماع بس بدك تندم كتير يا قوس وبدك تراجع كل حسباتك وقراراتك يا قوس حدا من الزملاء بدو يوقف معك وحدك وداعمك بكل قراراتك
الوضع المالي
بدك تدفع مبلغ مالي كبير بخصوص مشكلة صارت معك
الوضع العاطفي
مقابلة مع الشريك بدها طلعك من جو التوتر والقلق بدك تكون مرتاح وسعيد بهيدي المقابلة
بقلب بيتك
الوضع العائلي
عندك مواجه ونقاش مع الأهل بالأخص الأبوين بخصوص مشكلة صارت معك بمناسبة وسببتلك خسارة مالية
شخصيتك اليوم
اول النهار رايق وهادي ومقابلة مع الشريك بآخر النهار معصب ومزعوج كتير

فنجان برج الجدي الابراج السبت 11/6/2022 ايار مايو

الجدي
شو شفت بفنجانك يا جدي
بعد ٣ إشارات يا جدي
وقريب جدا يا جدي بدك تستقبل أشخاص مهمين كتير ذو نفوذ ومكانة عاليه وهودي الأشخاص بدهن يطرحو عليك بعض الأسئلة بتخصك وبتخص العيلة يا جدي وشايفة هودي الأشخاص بدهن يساعدوك بأمور بتتعلق بشؤون العائلة والمال وهيدي المقابلة بدها تكون لصالحك شايفة بفنجانك امورك تمام بقلب بيتك قول الحمدلله يا جدي بس انا شايفة الحسد والغيرة موجود بفنجانك عيون حسد كتيرة عندك هيدي العيون بتسببلك مشاكل وقلة رزق عليك بالدعاء يا جدي وقل اعوز برب الفلق بخفف عنك الحسد والغيرة بدك تنتبه كتير يا جدي عليك بقضاء حوائجكم بالكتمان والسرية التامة
الوضع المهني
شايفة بدك تنهي عقد عمل يا جدي وشايفة عندك عمل جديد بدك تمضي على اوراق مهمة وعقد عمل جديد وهيدا العمل بدو يفتح عليك أبواب الرزق بإذن الله الوضع المالي
قريب جدا يا جدي بدك تستلم مبلغ مالي كبير وهيدا المال بدو يفرجك كتير شايفة بدك تجيب أغراض بتخصك
الوضع العاطفي
هدية من الشريك بدك تستلمها قريب جدا يا جدي بدك تتصارح وتتصالح مع الشريك بعد الخلافات المشاكل وسوء الفهم الحاصل بينك وبين الشريك
بقلب بيتك
الوضع العائلي
شايفة بفنجانك دخول أشخاص مهمين كتير بدك تناقش زيارة هودي الأشخاص مع الشريك
شخصيتك اليوم
حاسس بتعب وارهاق شايفة لازم ترتاح يا جدي

فنجان برج الدلو الابراج الجمعة 11/6/2022 ايار مايو

الدلو
شو بقول فنجانك يا دلو
بدك تتلقى مكالمة هاتفية من حدا خارج البلاد وهيدي المكالمة بدها تزعجك كتير يا دلو في شي انت طالبو من حدا خارج البلاد وهيدي الأمر للاسف ما بصير بدك تنزعج كتير بخصوص هيدا الأمر
الوضع المهني
صار وقت انك تهتم اكتر بعملك يا دلو شايفة بفنجانك امورك المهنية كتير دقيقة وبدها تمر بفترة دقيقة وصعبة بدك تنتبه كتير يا دلو وضعك المهني صعب كتير
شايفة بفنجانك باب العمل للاسف مسكر
الوضع المالي
عندك نفقات ودفعات والتزامات كتيرة يا دلو بتخص العيلة والاهل بدك ترتب امورك واوضاعك المالية ضروري جدا
الوضع العاطفي
شايفة بفنجانك مقابلة مع الشريك بدك ترتاح اذا صرحت الشريك العاطفي
بقلب بيتك
الوضع العائلي
بدك تناقش وضعك وامورك المهنية والمالية مع الأهل والمقربين وبتلاقي الدعم المطلوب شخصيتك اليوم مزعوج ومعصب لأسباب كتيرة

فنجان برج الحوت الابراج السبت 11/6/2022 ايار مايو

الحوت
شو بخبرك الفنجان يا حوت
بدك توقف بوجه حدا من المقربين إلك بخصوص أرض أو عقار او إرث وبدك تحكي كلمة حق يا حوت وهيدا الأمر بدو يعملك مشاكل وزعل وخلاف مع المقربين إلك بس انت ضميرك مرتاح يا حوت
الوضع المهني
بدك تمضي على قرار بيتعلق بشؤونك المهنية يا حوت وهيدا القرار بدو يعملك استقرار في العمل شايفة عندك منصب جديد ومهم عندك ثقة بنفسك وبقدراتك وعندك صدق بتعاطيك مع الناس والزملاء والمسؤولين عنك وهيدا الشي بخولك بمنصب مهم كتير بالعمل وباخد القرارات
الوضع المالي
بدك تطلع شي لوجه الله يا حوت بدك تمر بفترة دقيقة وصعبة بدك تطلع مبلغ مالي لوجه الله تعالى وهيدا الأمر بيسعدك كتير
الوضع العاطفي
صار وقت انك تاخد خطوة بخصوص ارتباط مع الشريك شايفة محبس بخصك بقلب بيتك
الوضع العائلي
بدك تناقش امور مختلفة مع الأهل والمقربين بالأخص بأمور بتتعلق بالشريك
شخصيتك اليوم
ضميرك مرتاح ورايق وهادي

المصدر:عرب كلوب