فنجان الابراجفنجان الابراج

اهم توقعات الفنجان الاسبوعية مع قارئة الفنجان

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج

توقعات الفنجان الاسبوعية برج الحمل من 13 حزيران إلى 19 يونيو 2022

الحمل
شو بقول فنجانك خلال الأسبوع يا حمل
نهار الاثنين:
بدك تواجه مشكلة بتخص العمل يا حمل وهيدي المشكلة بدها تعملك وجع راس وكركبة
نهار الثلاثاء :
بدك تنتبه شايفة بدك تتعرض لوعكة صحية بدها تكون خفيفه بس بتلزمك الجلوس بالمنزل
نهار الاربعاء:
شايفة بفنجانك ناس واصدقاء عندك بالبيت بدك تكون مرتاح وسعيد بهيدي الجمعة يا حمل
نهار الخميس:
لقاء مع الشريك بدك تحط النقط على الحروف بخصوص مصاريف وامور مالية بتخص الشريك
نهار الجمعة :
عندك مواجهات بقلب بيتك بتخص حدا من افراد عيلتك بخصوص مشكلة صارت معو بتحاول انك تحلها يا حمل
نهار السبت:
مناسبة بتخص حدا قريب منك بدك تكون مرتاح وسعيد
نهار الأحد:
حابب تكون لحالك بتتجنب الجميع يا حمل

توقعات الفنجان الاسبوعية برج الثور من 13 حزيران إلى 19 يونيو 2022

الثور
شو خبرني فنجانك يا ثور خلال الأسبوع
نهار الاثنين :
بدك تحضر مشكلة بتخصك يا ثور هيدي المشكلة يدها تكون عاطفية وعائلية بدك تعصب وتكون مزعوج كتير
نهار الثلاثاء :
ما تخلي حدا يقلل منك ويستفزك بأمور بتتعلق بشؤونك حاول انك تكون هادي ورايق بنقاشك يا ثور
نهار الاربعاء:
بدك تقابل شخص مهم كتير يمكن رجل دين او حدا كتير مهم بدك تحكي لهيدا الشخص جزء من مشاكلك وشايفة انو في حل بس بدو صبر وتروي وبدو وقت
نهار الخميس :
بدك تكون انت وحدا من افراد عيلتك بدك ترتب امورك واوضاعك بس انت بشكل عام منك مرتاح
نهار الجمعة:
بدك تمضي على اوراق مهمة يا ثور وهودي الأوراق بدهن يكونو حل لمشكلة بتخصك
نهار السبت :
بدك تزور مريض بخصك وبدك تنزعج من حدا بدو يسألك سؤال محرج
نهار الأحد:
اطلع اسهر وافرح وعيش حياتك يا ثور

توقعات الفنجان الاسبوعية برج الجوزاء من 13 حزيران إلى 19 يونيو 2022

الجوزاء
شو خبرني فنجانك يا جوزاء خلال الأسبوع
نهار الاثنين:
عندك اجتماع مهم مع اشخاص مهمين بخصوص العمل وهيدا الاجتماع بدو بالبداية يكون زاعجك ومعصبك شايفة بعدين الأمور بدها تكون لصالحك
نهار الثلاثاء:
بدك تستلم مفتاح شقة او سيارة جديدة شايفة بدك تكون مرتاح كتير
نهار الاربعاء:
بدك تسلم مبلغ مالي كبير وهيدا المال منو إلك انت كنت محافظ على هيدا المال
نهار الخميس:
بدك تقابل حب قديم وهيدي المقابلة بدها تكون صدفة يا وبدها ترجعلك الماضي
نهار الجمعة :
عندك نقاش مع الأهل وأفراد العيلة بخصوص عمل بخصك خلي نقاشك رايق
نهار السبت :
سهرة مع حب قديم بدك ترجع علاقاتك وامجادك يا جوزاء
نهار الأحد:
شايفة بفنجانك بدك تطلع من جو الكائبة والتوتر وبدك تقضي يوم مع الشريك

توقعات الفنجان الاسبوعية برج السرطان من 13 ايار إلى 19 يونيو 2022

السرطان
شو بقول فنجانك خلال الأسبوع يا سرطان
نهار الاثنين:
بدك تتلقى مكالمة هاتفية من شخص مهم كتير وهيدا المكالمة بدها تعملك نقلة حلوة ومهمة بحياتك
نهار الثلاثاء:
بدك تناقش امور بتخص العيلة والوضع العيلة وهيدا النقاش بدو يكون بادرة خير عليك
نهار الاربعاء:
بدك تستلم أغراض مع مبلغ مالي منو كبير بس بيفرجك كتير
نهار الخميس:
بدك تدخل على قلب البيت وبدك تقابل انثى مهمة وبدك تكون كتير مرتاح لهيدي المقابلة
نهار الجمعة:
بدك تسمع بخبر بفرحك كتير يا سرطان بخص حدا من عيلتك
نهار السبت ؛
عندك عزيمة بقلب بيتك بتخص العيلة والاهل وبدها تكون جمعة حلوة واجواء احلى
نهار الأحد:
بدك تستقبل ضيوف عندك بقلب البيت جايين من طريق بعيد وهودي الضيوف عزيزين عليك كتير

توقعات الفنجان الاسبوعية برج الاسد من 13 حزيران إلى 19 يونيو 2022

الأسد
شو بقول فنجانك خلال الأسبوع يا أسد
نهار الاثنين:
بدك تقابل أشخاص وهودي الأشخاص بدهن يزعجوك كتير بأمور بتتعلق بشؤون عيلتك عندهن أسألة كتير وعندهن حشرية بأمور ما بتخص لذلك هيدا الأمر بيزعجك وبوترك يا أسد
نهار الثلاثاء :
بدك تحس باحباط وكئابة وتعب بتحاول انك تطلع حالك من هيدا الجو
نهار الاربعاء:
بدو يكون عندك مقابلة عمل جديد بدك تقدم طلب عمل جديد بس بصير هيدا العمل بس ماخر
نهار الخميس:
شايفة عندك سهرة بقلب بيتك بدك تستقبل ضيوف عندك بالبيت بدك تكون مرتاح
نهار الجمه؛
بدك تتلقى مكالمة هاتفية من حدا خارج البلاد وشايفة طيارة بتخصك بدك تستقبلها قريب كتير
نهار السبت ؛
بدك تكون بسهرة بتخص الأقارب وبدك تقابل شخص انت ما بتحبو لهيدا الشخص لأنك بتعرف انو منافق بدو يزعجك ويستفزك بس ما بتبين هيدا الأمر
نهار الأحد :
بدك تكون لحالك وبدك ترتب امور بتفكر فيها بينك وبين نفسك

توقعات الفنجان الاسبوعية برج العذراء من 13 حزيران إلى 19 يونيو 2022

العذراء
شو بقول فنجانك خلال الأسبوع بعلم الفنجان يا عذراء
اول شي الحظ للاسف منو معك
شايفة طاقة سلبية موجودة عندك
نهار الاثنين:
بدك تكون حساس زيادة عن اللزوم خلال النهار ما بتتحمل اي نقاش او اي شخص بتحس بكآبة انا شايفة فترة بدها تمر
نهار الثلاثاء:
بدك تتلقى مكالمة هاتفية من الخارج وهيدي المكالمة بدها تخليك تعيد ثقتك بنفسك يا عذراء شايفة في موضوع ارتباط عندك بس بدو وقت
نهار الاربعاء:
بدك تناقش مع امور بتتعلق بموضوع الارتباط و العيلة مع حدا من الأبوين بس ما توصل لنتيجة
نهار الخميس :
بدك تقابل صديق إلك فترة منك شايفو وهيدا الصديق بدو ينصحك ويحاول يخفف عنك
نهار الجمعة :
شايفة عندك سهرة خارج البيت بدها تخفف عنك توتر وقلق
نهار السبت ؛
بدك تستقبل حدا من الأقارب في شخص بدو يستفزك ويزعجك بأمور بتتعلق بالارتباط شايفة خليك رايق وهادي ما تزعج حالك
نهار الأحد:
بدك ترتاح من تعب ومجهود الاسبوع يا عذراء اليوم إلك

توقعات الفنجان الاسبوعية برج الميزان من 13 حزيران إلى 19 يونيو 2022

الميزان
شو قال فنجانك خلال الأسبوع بعلم الفنجان يا ميزان
الأسبوع بدو يكون هادي ورايق عندك
نهار الاثنين؛
عندك مقابلة عمل جديد وهيدي المقابلة بدها تعطيك ثقة بالنفس يا ميزان شايفة امورك المهنية بدها تبلش تتحسن بإذن الله
نهار الثلاثاء:
عندك مقابلة مع احد الأشخاص بخصوص مشكلة صارت بالعيلة وهيدي المشكلة بدها تحلها لو كلفتك مالك كتير بدك تحل هيدي المشكلة
نهار الاربعاء:
ما تكون اناني بأخذ اي قرار بيتعلق بالشريك العاطفي يا ميزان بدك تناقش مع حدا من الأبوين بخصوص ارتباط مع الشريك وهيدا الشي بدو يزعج الشريك كتير
نهار الخميس:
بدك تحضر مناسبة بتخص الأقارب وهيدي المناسبة بدك تلتقي بالشريك صدفة شايفة الشريك بدو يتجاهلك خليك هادي يا ميزان
نهار الجمعة ؛
بدك تباشر بمشروع مهم بخصك مع حدا من افراد عيلتك وهيدا المشروع بدو يكون بادرة خير عليك
نهار السبت :
عندك سهرة مع الاصدقاء قدماء وبدها تكون اجوائك حلوة
نهار الأحد:
بدك تقابل الشريك وبدك تكون صريح معو بخصوص الارتباط العاطفي بدو يكون إلقاء مهم كتير بالنسبة إلك

توقعات الفنجان الاسبوعية برج العقرب من 13 حزيران إلى 19 يونيو 2022

برج العقرب
شو بقول فنجانك خلال الأسبوع يا عقرب بعلم الفنجان الحظ معك هيدا الاسبوع
نهار الاثنين؛
يوم عمل بامتياز بدك يكون تعب ومجهود وعندك قرارات بتخص العمل وبإذن الله تعالى بدها تكون ناجحة
نهار الثلاثاء :
أرباح مالية بدها تدخل على رصيدك امورك المالية كتير منيحة الحمدلله
نهار الاربعاء:
يوم حافل بالمفجاءت السارة يا عقرب شايفة فرحة عندك يتخصك
نهار الخميس :
بشارة لمولود جديد بقلب البيت هيدا الشي بأثر اجابيا عليك بدك تطلع شي لوجه الله
نهار الجمعة:
بدك تقابل الشريك العاطفي انت بحاجة إلى هيدي المقابلة بالأخص بعد ضغط كبير
نهار السبت سهرة مع الاصدقاء واجواء حلوة مع الشريك والاهل
نهار الأحد:
للراحة يا عقرب بدك تبعد عن الجميع حابب هيدا اليوم يكون إلك

توقعات الفنجان الاسبوعية برج القوس من 13 حزيران إلى 19 يونيو 2022

القوس
شو بخبرك الفنجان خلال الأسبوع يا قوس
بعلم الفنجان
نهار الاثنين:
بدك تستقبل ضيوف عندك بالبيت وهودي الضيوف قاصدين منك خدمة بدك تكون مزعوج من تصرفات بعض الضيوف
نهار الثلاثاء :
بدك تكون باجتماع بخص العمل حدا من الزملاء بدو يستفزك ويزعجك بأمور بتتعلق بمشروع انت مستلمو
نهار الاربعاء:
نهار بدو يكون كلو مشاكل ونقاشات بتخص العمل والمال
نهار الخميس :
بدك تواجه مشكلة مع حدا من افراد عيلتك بخصوص مبلغ مالي او شي بيتعلق بشؤون العائلة
نهار الجمعة :
عندك مقابلة مع الشريك بدها تخفف عنك توتر وقلق
نهار السبت :
عندك نقاش مع الأهل بالأخص الأبوين بخصوص نفقات ودفعات بتخص العيلة وبتخصك
نهار الأحد:
استراحة محارب بدك تتجنب كل الحواليك وحابب تكون لحالك هيدا اليوم إلك

توقعات الفنجان الاسبوعية برج الجدي من 13 حزيران إلى 19 يونيو 2022

الجدي
شو بخبرك الفنجان خلال الأسبوع يا جدي بعلم الفنجان
نهار الاثنين:
بدك تعيد حساباتك من جديد خلال الأسبوع الماضي خصوصا المال لانو اسبوع السابق كان حافل عندك بالعزايم والسهر واللهو
نهار الثلاثاء:
بدك تفتح موضوع متعلق بالمال مع العيلة وشايفة في مشكلة وزعل بقلب البيت
نهار الاربعاء:
بدك تستقبل ضيوف عندك بالبيت وهودي الضيوف جايين قاصدين منك خدمة
نهار الخميس :
بدك تباشر بعمل جديد بدك ترجع تأجل هيدا العمل بكون احسن لانو الحظ للاسف باب الحظ هيدا الاسبوع منو بفنجانك بدك تأجل اي قرار او خطوة هيدا الاسبوع
نهار الجمعة:
حدا من افراد عيلتك بدو يصارحك بأمور بتتعلق بارتباط منك مرتاح لهيدا الارتباط
نهار السبت :
سهرة مع الشريك والعيلة بدك تناقش امور بتتعلق بشؤون العيلة والمال ونفقات
نهار الأحد:
بدك تطلع من جو التعصيب والتوتر بدك تعيش اوقات حلوة عيش حياتك يا جدي

توقعات الفنجان الاسبوعية برج الدلو من 13 حزيران إلى 19 يونيو 2022

الدلو
شو بقول فنجانك خلال الأسبوع يا دلو
هيدا الاسبوع الهدوء والتروي يا دلو
نهار الاثنين:
يوم عمل بدك تناقش مشكلة بتخص حدا من الزملاء بدك تحل هيدي المشكلة والخلاف قبل ما يطور
نهار الثلاثاء:
عندك أصدقاء بقلب بيتك بدك تناقش موضوع سفر خارج البلاد عندك نية للسفر
نهار الاربعاء:
بدك تتلقى مكالمة هاتفية منها على البال ولا على الخاطر بدها تعملك شوية كركبة
نهار الخميس؛
عندك مواجهات مع حدا من الزملاء بالعمل بخص مشروع عمل هيدي المواجه بدها تكون لصالحك
نهار الجمعة ؛
لقاء عاطفي جيد الشريك بيهتم بأمورك
نهار السبت ؛
سهرة مع الاصدقاء خارج البيت بدك تكون مرتاح وسعيد
نهار الأحد:
بدك ترتاح من تعب الاسبوع وجمعة حلوة مع الأهل والعيلة

توقعات الفنجان الاسبوعية برج الحوت من 13 حزيران إلى 19 يونيو 2022

الحوت
شو بقول فنجانك خلال الأسبوع بعلم الفنجان يا حوت
هيدا الاسبوع الحظ معك
نهار الاثنين:
انت صاحب القرارات بتخص العمل يا حوت بدك تاخد قرار وتشارك بعض الزملاء وهيدا القرار بدو يعملك نقلة
نهار الثلاثاء :
بدك تمضي على ترقية او منصب جديد ومهم يا حوت ايامك حلوة كتير
نهار الاربعاء:
بدك تستلم مفاتيح مهمة كتير شايفة عندك مفتاح شقة او سيارة ناوي تجيبها
نهار الخميس:
عندك مقابلة عمل مهمة مرتبطة بمهارتك وتفوقك مع بعض الأشخاص بخصوص عملك هيدي المقابلة بدها تعطيك ثقة بنفسك اكتر
نهار الجمعة :
مقابلة مع الشريك شايفة في هدية قيمة بدك تقدمها للشريك
نهار السبت ؛
عندك عزيمة او تكريم إلك بخصك منصبك الجديد
نهار الأحد:
مشوار انت والشريك والأصدقاء بدها تكون اجواء كتير حلوة

المصدر:عرب كلوب

By Admin