فنجان الابراج اليوم
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرك الفنجان يا حمل
شايفة عندك دخول إلى دوائر رسمية في أوراق بتخصك وبتهمك يا حمل وهودي الأوراق بخصوك شهادات او شي بخصك يا حمل شايفة ايامك حلوة
الوضع المهني
عندك اجتماع مهم هيدا الاجتماع بدو يكون فجأة وبدو يكون لصالحك شايفة عندك ترقية مهمة بمجال عملك شايفة تفوق بالعمل قريب جدا بدك تحصل على منصب او مركز بالعمل شايفة عندك عيون غيرة وحسد
الوضع المالي
امورك المالية تمام وشايفة بدها تتحسن وقريب كتير عندك أموال بإذن الله قول يا رزاق يا الله
الوضع العاطفي
علاقتك مع الشريك صار فيها شوية مشاكل وفتور من قبل الشريك العاطفي حاول انك تهتم اكتر بأمور الشريك
بقلب بيتك
الوضع العائلي
امورك واوضاعك العائلية الحمدلله بخير بالعكس شايفة بفنجانك فرحة بعيون الأهل
شخصيتك اليوم
رايق وهادي سهرة مع الشريك
الثور
شو خبرني فنجانك يا ثور
بلش الحظ عندك ومعك يا ثور شايفة كان في شي بخصك إلك اوراق او شي بخصك كانت عالقة او أموال متجمدة وهيدا الأمر بدو يتم بإذن الله بدك تستلم أموال او أوراق بتخصك ومهمة كتير هيدي الأوراق
الوضع المهني
عندك مناسبة او احتفال بخص العمل وهيدي الشي بدو يأثر عليك اجابيا شايفة امورك المهنية بدها تتحسن وقريب جدا بدك تستلم شي بخص العمل وهيدي الشي بدك تبدع فيه يا ثور
الوضع المالي
بدك تستلم اوراق او شي بخص مال متجمد او شي بخصك يا ثور وضعك المالي الحمدالله كتير منيح بالأخص بالايام الجاي
الوضع العاطفي
بدك تنهي خلاف مع الشريك وهيدا الخلاف كان زاعجك وعملك كركبة وقلق بدك تنهي هيدي الخلاف وشايفة العلاقة بدها تستمر احسن من الاول بقلب بيتك
الوضع العائلي
امورك كتير تمام مع الأهل شايفة بدك تناقش امور مالية مع حدا من افراد عيلتك شخصيتك اليوم بدك تكون كتير مرتاح بعد نهاية الخلاف مع الشريك
الجوزاء
شو بخبرك الفنجان يا جوزاء
بلش اسبوع التوتر والقلق والانفعال يا جوزاء
بدك تقابل شخص وهيدا الشخص بدو يستفزك ويزعجك بأمور بتتعلق بشؤون العائلة شايفة عندك مشكلة مع هيدا الشخص وهيدي المشكلة بدها تعملك وجعة راس
الوضع المهني
شايفة عندك انزار من العمل يا جوزاء بدك تستلم انزار بخص عملك وهيدا الأمر بدو يزعجك إلك وحدا من الزملاء وهيدا الانزار بخص حدا قريب منك من الزملاء معك بالعمل بدك تكون كتير مزعوج ومعصب بس شايفة بدك تحل هيدا الأمر بعد فترة منها قريبة يا جوزاء
الوضع المالي
عندك نفقات ودفعات مالية شايفة وضعك وامورك المالية بدها ترتيب من جديد
الوضع العاطفي
عم تتجنب الشريك بهيدي الفترة يمكن يكون هيدا الصح حتى تحافظ على علاقتك مع الشريك
بقلب بيتك
عندك نقاش ومواجهات مع الأهل وأفراد العيلة بخصوص مشكلة صارت معك
شخصيتك اليوم منك مرتاح معصب ومزوعج لأسباب كتيرة
السرطان
شو بقول فنجانك يا سرطان
ما تكون سلبي يا سرطان بالأخص مع المحطين فيك تقبل النقد بالأخص للعيلة او افراد العيلة بدك تسمع كلام ونقد بخص حدا من عيلتك وهيدا الكلام ما بدك تصدقو
خليك صريح يا سرطان واجه المشكلة وحلها
الوضع المهني
عندك وعود كتيرة بالعمل من قبل بعض الأشخاص والأصدقاء المقربين
كلها وعود واهيه وكاذبة للاسف يا سرطان عندك باب عمل بس ماخر شوي
الوضع المالي
امورك المالية تمام بدك تلتزم بمبلغ مالي كبير وهيدا المال بخص شخص من افراد عيلتك
الوضع العاطفي
بدك تخفف تعصيب على الشريك شوية حاول انك تتفهم الشريك حتى يفهمك
بقلب بيتك
امورك بقلب البيت فيها شوية مشاكل وكركبة بخصوص حدا من افراد عيلتك شخصيتك اليوم
بتفكر بكلام بخصك وهيدا الكلام زعجك كتير
الأسد
شو بقول فنجانك يا أسد
اجا الوقت انك ترتاح يا أسد شايفة ايامك حلوة كتير بدك تنهي امور كانت عالقة بتخص الإرث مع حدا من افراد عيلتك وبدك تستلم أموال بتخصك وهيدي الأموال بدها تفرجك كتير في اشياء صارت معك كانت زاعجتك وامور كتيرة ومهمه كانت عالقة بتخصك بدك ترتاح منها يا أسد هيدا الاسبوع بدو يكون اجابي وبدو يكون جيد وبدو يكون لصالحك
الوضع المالي
بدك تستلم مبلغ مالي كبير من حدا من افراد عيلتك وهيدا المبلغ شايفة بدك تستفيد منو شراء شي بخصك
الوضع العاطفي
امورك مع الشريك تمام انت بتتجتب المشاكل وغضب الشريك بدك تناقش مع الشريك امور بتتعلق بموضوع الإرث
بقلب بيتك
الوضع العائلي
حياتك رواق يا أسد مني شايفة شي زاعجك شخصيتك اليوم سهرة حلوة واجواء احلى مع حدا من الأقارب
العذراء
شو بخبرك الفنجان يا عذراء
هيدا الاسبوع الحظ معك وحواليك يا عذراء شايفة بفنجانك نجمة الحظ موجودة
بدك تتلقى مكالمة هاتفية وهيدي المكالمة بدها تغيرلك حياتك يا عذراء بدها تقلبها رأس على عقب اكيد للأحسن بإذن الله وهيدا المكالمة بتخص سفر محتم شايفة باب العمل موجود وباب الارتباط الزواج كمان موجود بهيدا السفر او الاثنين سوا العمل والارتباط بدك تنتبه كتير يا عذراء من الاشخاص الموجودين بحياتك العائلية في بعض منهن الغيرة والحسد والكره موجود
الوضع المهني
بدك تقدم او مقدم على عمل جديد وشايفة قريب جدا بدك تستلم هيدا العمل وبدها تكون فرصة إلك ولصالحك شايفة امورك المهنية بدها تكون احسن هيدا الاسبوع بإذن الله
الوضع المالي
عندك مال يا عذراء وبدك تستلم مال بدو يجي فجأة امورك المالية الحمدلله بخير شايفة عندك شراء شي بخصك
الوضع العاطفي
في عيون معجبين ومحبين كتار حواليك يا عذراء حدا قريب منك بدو يفتح معك موضوع بخصوص ارتباط وهيدا الموضوع بدو يكون جدي بدك تاخد خطوة بخصوص هيدا الأمر
بقلب بيتك
الوضع العائلي
بدك تستقبل ضيوف او صديق بقلب بيتك بدك تكون مرتاح كتير شخصيتك اليوم رواق وهادي يا عذراء
الميزان
شو بخبرك الفنجان يا ميزان
اسبوع التوتر والتعصب يا ميزان
بدك تواجه مشكلة قديمة يا ميزان وهيدي المشكلة ما خصك فيها حدا من الاصدقاء صارت معو وانت حاولت انك تحلها وصرت طرف فيها بدك تحلها هيدي المشكلة بس بعد مشكلة كبيرة وبدو يضل في زعل
الوضع المهني
بدك تطور حالك يا ميزان بالعمل شايفة هيدا الاسبوع بدو يكون صعب كتير عليك بالأخص مع بعض الزملاء والمسؤولين بدهن يكون موجودين دايما بالعمل وهيدا الأمر بدو يعملك شوية توتر وخوف وقلق
الوضع المالي
رتب امورك المالية يا ميزان وضعك المالي والمهني صعب شوية
الوضع العاطفي
امورك مع الشريك الحمدلله بخير شايفة الشريك معك وداعمك واقف حدك
بقلب بيتك
الوضع العائلي
بدك تسمع كلام كتير من حدا من افراد عيلتك والاهل بخصوص المشكلة لصارت معك طنش يا ميزان
شخصيتك اليوم
تجنب المشاكل يا ميزان
العقرب
شو بقول فنجانك يا عقرب
اسبوعك بدو يكون سلبي يا عقرب
مقدم على اوراق مهمة بتخص العمل او السفر للاسف هيدا الشي بدو يجي رفض يا عقرب يمكن الأوراق فيها مشكلة او منها كاملة وهيدا الرفض بدو يعملك مشاكل كتيرة وكركبة بأمور بتتعلق بشؤون العمل والعيلة
الوضع المهني
بدك تتجنب المشاكل هيدا الاسبوع بالعمل وبالاخص بالقرارات يا عقرب حاول انك ترتب امورك واوضاعك واوارقك وضعك صعبة ودقيقة كتير شايفة بفنجانك تأجيل الأمور اسلم شي يا عقرب
الوضع المالي
عندك التزامات ونفقات مالية كتيرة بتخص اوراق وبتخصك شايفة امورك المالية دقيقة هيدي الفترة
الوضع العاطفي
مقابلة مع الشريك بدها تريحك كتير شايفة بدك تطلع من جو التوتر مقابلة بدها تكون مهمة كتير إلك
بقلب بيتك
الوضع العائلي
عندك نقاش مع الأهل بخصوص السفر او أوراق شي بخصك إلك وهيدا النقاش بدو يعملك شوية زعل مع الأهل
شخصيتك اليوم
معصب ومزعوج كتير ما في شي بيستاهل يا عقرب
القوس
شو بقول فنجانك يا قوس
اسبوع بدو يكون اجابي يا قوس
بدك تستقبل ضيوف عندك بالبيت وهودي الضيوف جايين بموضوع ارتباط بخص حدا من افراد عيلتك
شايفة هيدا الأمر بدو يتم بإذن الله شايفة محبس بخص حدا من عيلتك
الوضع المهني
بدك تاخد قرار بخصوص عمل بتنتمي لاإلو وبدك تشارك حدا من الزملاء بهيدا العمل شايفة عندك نجاح مهم بس بدك تنتبه كتير لوضعك المالي بدك تكون دقيق شوية بخصوص دفع المال
الوضع المالي
وضعك المالي الحمدالله بخير بدك تنتبه كتير يا قوس على الدفعات المالية حتى لا تقع بالدين
الوضع العاطفي
وضعك مع الشريك تمام شايفة صار وقت انك تاخد خطوة بخصوص ارتباط مع الشريك ما تأجل يا قوس التأجيل منو لصالحك
بقلب بيتك
الوضع العائلي
مرتاح كتير ورايق بالأخص مع ضيوف جايين وشايفة فرح بقلب البيت شخصيتك اليوم رايق وهادي سهرة حلوة
الجدي
شو بقول فنجانك يا جدي
اسبوع الحظ يا جدي
بدك تستقبل حدا جاي من سفر خارج البلاد وهيدا الشخص بدك تتحاور معو بخصوص موضوع بتعلق بحدا من افراد عيلتك بخصوص ارتباط وهيدا الموضوع كان زاعجك او منك متقبل هيدا الأمر بدك تناقش مع هيدا الشخص شايفة بفنجانك محبس وفرح بالبيت وهيدا الفرح بخص حدا من افراد عيلتك انثى يا جدي
شايفة نجمة الحظ موجودة بقلب بيتك
الوضع المهني
عندك منصب او نقلة مهمة بحياتك المهنية شايفة بدك تستلم منصب بالعمل وعندك نقلة من مكان لمكان آخر بأمنلك النجاح يا جدي شايفة نجاح ومال وتفوق
الوضع المالي
عندك مال وعندك نفقات مالية بس شايفة بدك تستلم مبلغ مالي وهيدا المبلغ بدو يكون كبير وبخصك إلك يا جدي بدها تتحسن أوضاعك وامورك المالية بإذن الله
قول يا فتاح يا عليم يا الله
الوضع العاطفي
بدك تناقش امور كتيرة مع الشريك العاطفي بخصوص العيلة والمال والارتباط
بقلب بيتك
الوضع العائلي
رايق وهادي ما في شي زاعجك بالعكس انت لبتزعج
شخصيتك اليوم
آخر رواق وهادي يا جدي سهرة حلوة مع حدا من افراد عيلتك
الدلو
شو بقول فنجانك يا دلو
اسبوع التوتر والتعصيب يا دلو
بدك تتلقى مكالمة هاتفية من حدا من افراد عيلتك وهيدي المكالمة بدها تزعجك وتوترك كتير بخصوص مشكلة صارت مع حدا مقرب منك او حدا من الأهل شايفة بدك تنفعل بسبب هيدا المشكلة حدا بدو يدخل حتى يحل هيدي المشكلة والخلاف شايفة ما بيمشي الحال يا دلو
الوضع المهني
بدك تكون باجتماع بخص العمل وبدو يكون في مسؤولين وبدو يكون في زملاء بالعمل وبدو يتناقش بقرار بيتعلق بشؤون العمل وهيدا القرار بدو يزعجك كتير إلك ولحدا من الزملاء شايفة يا دلو ما تتسرع باي قرار او اخد اي قرار بيتعلق بشؤونك المهنية خليك رايق وهادي يا دلو شايفة بفنجانك بدك تندم كتير
الوضع المالي
امورك المالية الحمدلله بخير حدا من المقربين إلك بدو يطلب منك مساعدة مالية ما تتردد يا دلو وضعو صعب شوية
الوضع العاطفي
نقاش مع الشريك بخصوص مال او شي بخص عيلتك وهيدا النقاش بدو يزعجك كتير بقلب بيتك
الوضع العائلي
منك مرتاح من العيلة وبالاخص من الأهل والمقربين إلك شخصيتك اليوم مزعوج ومعصب كتير لأسباب كتيرة ومختلفة
الحوت
شو بقول فنجانك يا حوت
اسبوع سلبي للاسف يا حوت
بدك تقابل شخص انت وياه كان في علاقة ببنك وبين هيدا الشخص بدك تقابلو وبدو يصير في كلام كثير بخصوص العمل وبخصوص مشروع عمل جديد ومهم بخصك وهيدا العمل كنت انت مأجل هيدا الشي في حدا بدو ينقل كلام غلط للشريك العاطفي شايفة بدو يصير في زعل كبير من الشريك
الوضع المهني
بدك تأجل قرار بيتعلق بشؤونك المهنية وهيدا الأمر بدو يعملك مشاكل كتيرة ومهمه مع بعض الأشخاص المهمين ومع بعض المسؤولين شايفة بفنجانك انو هيدا القرار انت اجلتو هيدا الصح يا حوت بدك تشرح وضعك للآخرين يا حوت وضعك المهني عم بمر بفترة صعبة ودقيقة كتير بس انا شايفة بفنجانك الأمور بدها تمشي متل ما بدك
الوضع المالي
امورك تمام يا حوت وضعك المالي كتير منيح الحمدلله ما بينخاف عليك
الوضع العاطفي
شايفة بفنجانك مشاكل وزعل مع الشريك العاطفي بخصوص نقل كلام غلط بس بدك تنهي هيدا الخلاف يا حوت
بقلب بيتك
الوضع العائلي
امورك بقلب بيتك مكركبة كتير بتحاول انك تتجنب الكل
شخصيتك اليوم
حابب تكون لحالك حتى ترتب امورك
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…