قراءة فنجان الابراج الخميس 30/6/2022 حزيران يونيو

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الخميس 30/6/2022 حزيران يونيو

الحمل
شو خبرني فنجانك يا حمل
بدك تستلم هدية قيمة من شخص عزيز وغالي عليك كتير شايفة كان في زعل بينك وبين هيدا الشخص وهيدا الشخص بدو يبادر بالصلح
الوضع المهني
بدك تنهي امور كتيرة وارتباطات مهمة بتخص العمل عندك نجاح مهم وتفوق بعملك وهيدا الأمر بيسعدك وبيعطيك آفاق وثقة بنفسك وبقدراتك
الوضع المالي
عندك دفعات مالية بتخصك يا حمل وضعك وامورك المالية الحمدلله
الوضع العاطفي
مقابلة مع الشريك شايفة بدك تناقش الشريك بموضوع بخصك يا حمل
بقلب بيتك
الوضع العائلي
وضعك وامورك بقلب البيت الحمدلله بخير ما عندك شي زاعجك شخصيتك اليوم رايق وهادي ومقابلة مع الشريك

فنجان برج الثور الابراج الخميس 30/6/2022 حزيران يونيو

الثور
شو قال فنجانك يا ثور
عندك لقاء مع أشخاص بخصوص أرض أو شي خاص فيك شايفة بدك تبيع شي بخصك إلك يا ثور وهيدا الشي بدو يأثر عليك اجابيا وبدو يفرجك
الوضع المهني
بدك تباشر بمشروع مهم بخصك هيدا المشروع حلم حياتك يا ثور بدك تحقق هيدا الحلم شايفة عندك نجاح مهم بحياتك المهنية
الوضع المالي
شايفة بفنجانك مال بدك تبيع شي وهيدا المال بدو يفرجك بإذن الله
الوضع العاطفي
خلاف مع الشريك بخصوص امور بتتعلق بشؤون العيلة والعمل
بقلب بيتك
الوضع العائلي
جمعة مع الأهل وأفراد العيلة بخصوص بيع أرض أو شي وبدك تناقش امور مختلفة
شخصيتك اليوم رايق وهادي بتفكر كتير بالعمل

فنجان برج الجوزاء الابراج الخميس 30/6/2022 حزيران يونيو

الجوزاء
شو خبرني فنجانك يا جوزاء
عندك سفر وقريب كتير هيدا الأمر بدو يكون فجأة شايفة عندك طيارة بتخصك يا جوزاء بدك تنتبه من شخص مقرب منك هيدا الشخص للاسف منو منيح بوجهك شي وراء ضهرك شي بيطعن بضهرك
الوضع المهني
شايفة بدك تمضي على اوراق مهمة بتخص السفر بإذن الله شايفة عندك سفر محتم وعندك نجاح كبير بالسفر انت بدك تنجح وتثبت نفسك بس خارج البلاد
الوضع المالي
حدا من افراد عيلتك بدو يساعد بأمور بتتعلق بشؤون السفر والاوراق والعمل
الوضع العاطفي
مقابلة مع الشريك بدك تشرح وضعك وبدك تكون صريح كتير مع الشريك العاطفي
بقلب بيتك.
الوضع العائلي
عندك نقاش مع الأهل وأفراد العيلة والمقربين بخصوص قرار بيتعلق بالسفر
شخصيتك اليوم رايق وهادي وسهرة حلوة

فنجان برج السرطان الابراج الخميس 30/6/2022 حزيران يونيو

السرطان
شو بخبرك فنجانك يا سرطان
بدك تعاتب شخص مقرب منك كتير حدا من افراد عيلتك بخصوص مال بخص حدا من افراد العيلة وبدك تفتح مشكلة مع هيدا الشخص بس بدك تخسر أشخاص كتير من المحيطين فيك يا سرطان
الوضع المهني
بدك تنهي مشروع مهم انت مباشر فية إلك فترة وهيدا المشروع بدو يعملك نقلة بحياتك المهنية وبدو يعملك شوية مشاكل مع بعض الزملاء
الوضع المالي
امورك المالية فيها شوية كركبة انت مكركب حالك يا سرطان شايفة وضعك المالي الحمدالله بخير
الوضع العاطفي
في تفاهم وتناغم كبير مع الشريك وفي اهتمام خاص بالشريك بقلب بيتك الوضع العائلي امورك مع العيلة والاهل كتير منيحة الحمدلله
شخصيتك اليوم مزعوج ومعصب كتير بسبب مشكلة بالعيلة

فنجان برج الاسد الابراج الخميس 30/6/2022 حزيران يونيو

الأسد
شو خبرني فنجانك يا أسد
شايفة عندك طيارة بدك تودع او بدك تستقبل شخص مقرب منك شايفة بفنجانك طيارة يا أسد وشايفة دمعة فرح بتخصك
الوضع المهني
بدك تتلقى مكالمة هاتفية بتخص العمل وهيدي العمل خارج البلاد يا أسد بدك تاخد خطوة تفاجىء الجميع بخصوص هيدا الأمر هيدي فرصة إلك ولصالحك ما ضيعها يا أسد
الوضع المالي
امورك المالية الحمدلله جيدة شايفة بدك تسلم مبلغ مالي لحدا بخصك
الوضع العاطفي
امورك العاطفية بخير بدك تناقش امور كتيرة مع الشريك شايفة الشريك بدو يكون متفهم
بقلب بيتك
الوضع العائلي
رواق شمس شارقة بقلب البيت
شخصيتك اليوم رايق وهادي سهرة مع الشريك

فنجان برج العذراء الابراج الخميس 30/6/2022 حزيران يونيو

العذراء
شو بقول فنجانك يا عذراء
بدك تزور مريض بخصك شايفة هيدا المريض بدو يعملك شوية كركبة وقلق بس ما تخاف يا عذراء وضعو الحمدلله بخير
الوضع المهني
بدك تقابل شخص صديق او شخص مقرب منك وهيدا الشخص كان عارض عليك عمل جديد وهيدا العمل او العرض كلها وعود كاذبة يا عذراء ما تثق بحدا يا عذراء
الوضع المالي
شايفة بدك تستلم مبلغ مالي منو كبير عندك شي خاص فيك بدك تجيبو
الوضع العاطفي
بدك تنهي امور او نقاش بخصوص الشريك بقلب بيتك بدك تاخد قرار مصيري بخص الشريك العاطفي
بقلب بيتك
الوضع العائلي
بدك ترتب امورك واوضاعك مع الأهل بخصوص الشريك العاطفي
شخصيتك اليوم مرح ورايق سهرة مع الأهل

فنجان برج الميزان الابراج الخميس 30/6/2022 حزيران يونيو

الميزان
شو بخبرك الفنجان يا ميزان
بدك تمشي بطريق طويل بسيارة مع أشخاص بخصوص شغل جديد او شراكة بمشروع عمل جديد وهيدا العمل بخصك إلك بدك تلتقي بصديق قديم وهيدا الصديق بدو يعرض عليك شراكة ما تتردد ولا تتأخر يا ميزان
الوضع المهني
شايفة عندك مشروع عمل جديد ومهم بخصك وهيدا المشروع كبير يا ميزان بدك تشارك أشخاص مهمين كتير وصديق قديم بهيدا العمل شايفة نجاح كبير بس بالبداية بدها تكون الأمور صعبة ودقيقة شوية
الوضع المالي
شايفة بفنجانك بدك تطلب مساعدة ودعم ومساندة لمشروع عمل بخصك بشكل عام امورك المالية الحمدلله بخير
الوضع العاطفي
إلك فترة متجنب الشريك بدك تواجه الشريك وبدك تشرح وجه نظرك بأمور مختلفة
بقلب بيتك
الوضع العائلي
بدك تناقش وتواجه احد افراد عيلتك بخصوص عمل جديد شايفة عندك دعم من الأهل شخصيتك اليوم رايق وهادي ومقابلة مهمة مع أشخاص

فنجان برج العقرب الابراج الخميس 30/6/2022 حزيران يونيو

العقرب
شو بخبرك الفنجان يا عقرب
بدك تستلم مبلغ مالي وشايفة عندك شراء شي بخصك بدك تسمع كلام من حدا من افراد عيلتك بخصوص مال او شي بخصك وهيدا الكلام بدو يزعجك ويستفزك كتير خليك رايق يا عقرب
الوضع المهني
شايفة عندك زيادة بالراتب شايفة امورك المهنية الحمدلله بخير بدك تقابل شخص مهم كتير وهيدا الشخص بدو يساعدك ويدعمك بأمور بتخص العمل شايفة بفنجانك ترقية بالعمل
الوضع المالي
بدك تستلم مبلغ مالي وهيدا المال بدو يفرجك كتير شايفة عندك شراء شي خاص فيك
الوضع العاطفي
مكالمة هاتفية من الشريك بدها تقلب حياتك للأحسن بإذن الله انت والشريك على تفاهم عالي
بقلب بيتك
الوضع العائلي
بدك تواجه مشكلة بتخصك يا عقرب بقلب بيتك شايفة حدا من المقربين إلك بدو يوقف حدك وداعمك ومعك
شخصيتك اليوم
بتفكر كتير بأمور مختلفة بتخص العيلة والعمل والشريك

فنجان برج القوس الابراج الخميس 30/6/2022 حزيران يونيو

القوس
شو بقول فنجانك يا قوس
بدك تتعرض لوعكة صحية مفاجئة يا قوس شايفة بقلب بيتك ناس واصدقاء قدماء شايفة عندك عزيمة مهمة بقلب البيت بتخصك
الوضع المهني
انت من فترة حاسس بتعب نفسي واحباط من العمل بدك تواجه او وجهت مشكلة مع حدا من الزملاء وهيدا المشكلة زاعجتك كتير وبدها تأثر عليك سلبا
الوضع المالي
بدك تطلب من حدا من الأقارب مساعدة ودعم مالي بدك تحصل على دعم المطلوب
الوضع العاطفي
بدك تحل خلاف مع الشريك وهيدا الخلاف كان زاعجك كتير وبخليك معصب
بقلب بيتك الوضع العائلي شايفة بفنجانك ناس واشخاص واصدقاء قدماء بقلب البيت وعزيمة
شخصيتك اليوم سهرة حلوة مع الأصدقاء والمقربين إلك

فنجان برج الجدي الابراج الخميس 30/6/2022 حزيران يونيو

الجدي
شو بقول فنجانك يا جدي
ليش الخوف والقلق يا جدي حامل هموم الدنيا كلها فوق راسك فترة صعبة ودقيقة مريت فيها بدك تاخد قرارات فردية وفيها تغيرات بحياتك بدك تكتشف امور وقصص كانت من وراء ضهرك بدك تحط النقط على الحروف مع أشخاص مقربين منك كتير طفح الكيل عندك يا جدي بدك تبلش ترتاح نفسيا شايفة بفنجانك ايام الجاي بدها تكون كتير مهمة وحلوة يا جدي
الوضع المهني
بدك تجتمع مع بعض الزملاء والمسؤولين وفي قرارات كتير مهمه بالنسبة إلك وهيدي القرارات بدها تفتح أبواب الخير يا جدي شايفة بفنجانك نجاح كبير وقريب بالعمل بإذن الله
الوضع المالي
وضعك المالي دقيق شوية بدك ترتب امورك واوضاعك المالية
الوضع العاطفي
بدك تنهي خلافاتك مع الشريك بدك تواجه الشريك العاطفي بأمور مختلفة بتزعجك كتير بقلب بيتك الوضع العائلي عندك نقاش حاد ومواجهات شرسة مع حدا من العيلة
شخصيتك اليوم
تعبان كتير ومهموم كتير يا جدي بس بدك ترتاح

فنجان برج الدلو الابراج الخميس 30/6/2022 حزيران يونيو

الدلو
شو بقول فنجانك يا دلو
بدك تمضي على اوراق مهمة بتخص الدراسة والشهادات وهيدي الأوراق بدها تكون كتير مهمة بالنسبة إلك
الوضع المهني
بدك تقدم على عمل بخصك وبخص شهاداتك ودراستك بدك تستلم عمل جديد وهيدا العمل بدو يفتح عليك فرص مهمه شايفة بفنجانك نجاح كبير منصب مهم بعملك
الوضع المالي
عندك نفقات ودفعات والتزامات مالية كبيرة بتخص العيلة وضعك المالي الحمدالله بخير
الوضع العاطفي
امورك مع الشريك الحمدلله بخير شايفة الشريك داعمك وحدك بقلب بيتك الوضع العائلي امورك مع العيلة والاهل كتير منيحة ما في شي زاعجك شخصيتك اليوم مقابلة عمل جديد شايفة بفنجانك رايق وهادي

فنجان برج الحوت الابراج الخميس 30/6/2022 حزيران يونيو

الحوت
شو بخبرك الفنجان يا حوت
اسم الله بقلب فنجانك يا حوت
بدك تقابل أشخاص مهمين كتير ذو نفوذ ومكانة عاليه وهودي الأشخاص بدهن يطرحو عليك عمل جديد بخصك هيدا العمل انت بتنتمي الو ومبدع بهيدا العمل
الوضع المهني
عندك عمل جديد وحياة جديدة يا حوت
شايفة عندك نجاح اسم الله بفنجانك كتير مهم قول يا الله
الوضع المالي
بدك تطلع شي لوجه الله وهيدا المال بدو يكون فدو عنك
الوضع العاطفي
حب جديد بحياتك يا حوت شايفة الحب بدو يطرق بابك قريب منك كتير
بقلب بيتك الوضع العائلي امورك مع العيلة والاهل الحمدلله بخير قول الحمدلله
شخصيتك اليوم رايق وهادي ومقابلة مهمة مع أشخاص مهمين

المصدر:عرب كلوب