فنجان الابراج اليوم
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
شايفة عندك مقابلة مع شخص وهيدا الشخص بدو يساعدك بأمور بتخص السفر بإذن الله بدك تناقش وضعك وامورك مع هيدا الشخص شايفة في بادرة خير عليك يا حمل
الوضع المهني
إلك فترة بتتعرض لمضايقات كتير بالعمل وهيدا الأمر بخليك تاخد خطوة جادة بخصوص السفر عندك نجاح وتفوق بالعمل خارج البلاد بس شايفة لازم تنهي امور كتيرة ومهمه بتخصك يا حمل
الوضع المالي
بدك تطلب مساعدة ومساندة من الأهل بخصوص السفر بدك تلاقي الدعم المطلوب
الوضع العاطفي
بدك تاخد خطوة جادة بخصوص الشريك بدك تحكي بالارتباط جدي
بقلب بيتك الوضع العائلي عندك نقاش مع الأهل وأفراد العيلة والمقربين بخصوص السفر عندك دعم من الأهل في حدا بدو يعارض هيدي الخطوة شخصيتك اليوم
مرح وسهرة حلوة مقابلة مع احد الأشخاص
الثور
شو بخبرك الفنجان يا ثور
عندك فرح بخص حدا من افراد عيلتك وهيدا الفرح نجاح كبير أو شي خاص بالعيلة بدك تكون مرتاح وسعيد بهيدا الشي بدك تقابل أشخاص وناس كتيرة بقلب بيتك امورك العائلية الحمدلله بخير ما في شي زاعجك
الوضع المهني
بدك تباشر بأمور مختلفة بتخص العمل بدك تنتبه كتير يا ثور من بعض الزملاء ذو وجهين بوجهك شي وراء ضهرك شي شايفة عندك نجاح بالعمل بدك تنهي امور كتيرة ومهمه بتخص العمل وهيدي الأمور بدها تمشي متل ما بدك نجاحك المهني بوفرلك الحظوظ بإذن الله يا ثور
الوضع المالي بدك تلتزم بنفقات مالية بتخص حدا من الاصدقاء القدماء وهيدا الأمر بدو يتم بإذن الله انت مرتاح ماليا يا ثور
الوضع العاطفي
في مشاكل كتيرة بالعلاقة العاطفية بدك تنهي مشكلة معينه مع الشريك بس شايفة امورك مع الشريك فيها شوية توتر وكركبة
بقلب بيتك الوضع العائلي وضعك بقلب بيتك الحمدلله بخير شايفة عندك فرح بخص عيلتك شخصيتك اليوم رايق وهادي فرح بقلب بيتك
الجوزاء
شو خبرني فنجانك يا جوزاء
بدك تستلم اوراق مهمة كتير بتخص العيلة والاهل وهيدي الأوراق صار في مشاكل كتير حولها اخدت قرار بخصوص هيدي الأوراق شايفة الحظ مرافقك وداعمك يا جوزاء بدك تنهي خلاف بينك وبين احد الأشخاص بخصوص هيدي الأوراق بإذن الله
الوضع المهني
بتتجنب المشاكل كتير يا جوزاء بالأخص بالعمل شايفة بدك تواجه مشكلة مع حدا من الزملاء وهيدي المشكلة بدها تعملك نقلة حلوة ومهمة بحياتك المهنية حدا من المسؤولين بدو يدعمك ويكون حدك بخصوص هيدي المشكلة والخلاف
الوضع المالي
وعندك نفقات والتزامات مالية بتخص الشريك عندك شراء شي بخصك
الوضع العاطفي مقابلة بدها تطلعك من التوتر والقلق شايفة مقابلة مع الشريك بدها تريحك
بقلب بيتك الوضع العائلي بدك تسمع كلام من حدا من افراد عيلتك بخصوص مبلغ مالي بخص الاهل بدك تناقش هيدا الأمر بتروي وهدوء شخصيتك اليوم رايق وهادي ومقابلة مع الشريك
السرطان
شو بخبرك الفنجان يا سرطان
بدك تواجه مشكلة مع حدا قريب منك وهيدي المشكلة زاعجتك كتير بدك تحلها يا سرطان وبدك تعترف بغلطك شايفة عندك اعتذار من شخص مقرب منك كتير
الوضع المهني
حدا من الزملاء بدو يستغلك ويستغل طيبة قلبك بدو يعملك شوية مشاكل مع بعض الزملاء والمسؤولين بدك تنتبه يا سرطان من هيدا الشخص شايفة حدا من الزملاء بدو يدعمك ويكون معك بكل خطوة
الوضع المالي
حدا مقرب منك بدو يطلب منك مساعدة مالية كبيرة إياك يا سرطان وضعك المالي بدو يمر بفترة صعبة ودقيقة كتير الوضع العاطفي بتتفهم الشريك العاطفي شايفة عندك اهتمام وهدية قيمة من الشريك العاطفي بقلب بيتك الوضع العائلي بدك تواجه وتناقش امور كتيرة ومختلفة مع الأهل وأفراد العيلة شخصيتك اليوم هادي ورايق بتفكر كتير بأمور مختلفة
الأسد
شو بقول فنجانك يا أسد
عندك سفينه احلام كبيرة بتخصك يا أسد
شايفة عندك أهداف وطموحات واحلام مهمة بحياتك بدك تحققها قريبا بإذن الله
الوضع المهني
بلشت تفكر صح يا أسد بدك تباشر بعمل جديد وهيدا العمل بخصك إلك بدك تستقل بالعمل وشابفة بدك تباشر بمشروع مهم بخصك نجمه الحظ موجودة وباب النجاح والمال وتحقيق الاحلام والأمنيات بإذن الله موجود فنجانك كتير حلو اليوم يا أسد انت بتنجح بأمور مختلفة بالعمل والقرارات بالأخص العمل لبتنتمي إلو والخاص فيك
الوضع المالي
حدا من الأقارب بدو يطلب منك مساعدة ودعم ومساندة مالية ما تتردد يا أسد هيدا الشخص وقف معك وحدك
الوضع العاطفي
امورك العاطفية بخير شايفة بدك تاخد خطوة تفاجىء الجميع بخصوص ارتباط جدي وهيدي الخطوة بدك تاخدها عن قناعة
بقلب بيتك الوضع العائلي عندك نقاش مع الأهل بخصوص ارتباط جدي شايفة مباركة من افراد عيلتك والاهل بهيدي الخطوة
شخصيتك اليوم سهرة وعشاء مع الشريك والأصدقاء
العذراء
شو بقول فنجانك يا عذراء
في شي زاعجك وموترك وبخليك تعيد حساباتك من جديد يا عذراء بدك تلتقي بشخص عزيز وغالي عليك كتير بدك تفتح معو حوار بخص الشريك العاطفي وهيدا الحوار بدك تسمع لنصيحة من هيدا الشخص بدك ترتاح كتير لهيدا اللقاء
الوضع المهني
بدك تناقش امور مختلفة بتخص العمل مع بعض المسؤولين عنك حدا من الزملاء بدو يعرض عليك عمل او شراكة بمشروع مهم بخصك شايفة في نجاح كبير ومهم بخصك وبخص هيدا الزميل
الوضع المالي
عندك نفقات ودفعات والتزامات مالية بتخص عمل جديد ومهم امور المالية فيها شوية كركبة
الوضع العاطفي
علاقتك مع الشريك صار فيها شوية توتر وزعل شايفة بدك ترجع العلاقة احسن من الاول
بقلب بيتك الوضع العائلي بدك تناقش وضعك وامورك المهنية والمالية مع الأهل بالأخص الأبوين شخصيتك اليوم رايق وهادي ومقابلة مع الشريك بدها تخفف عنك قلق وخوف
الميزان
شو بقول فنجانك يا ميزان
عندك طيارة بتخصك عندك سفر محتم وهيدا السفر بصدد العلم والدراسات والعمل بدك تاخد خطوة مهمة كتير بحياتك يا ميزان
الوضع المهني
امورك المهنية فيها مشاكل كتير وصار في زعل وخلاف بينك وبين حدا من الزملاء بخصوص عمل او أوراق بتخص مشروع عمل وهيدا الأمر زاعجك كتير بخليك تاخد خطوة وتعيد ترتيب خطواتك من جديد بالأخص بالعمل
شايفة سفر عندك بإذن الله وقريب كتير
الوضع المالي
انت بحاجة إلى أموال شايفة بدك تطلب مساعدة ودعم من الأهل والأصدقاء وبدك تلاقي الدعم المطلوب بإذن الله
الوضع العاطفي
الحب بدو يطرق بابك قريب جدا بدك تقابل الشريك وبدو يغيرلك رائيك بأمور بتتعلق بشؤون الارتباط
بقلب بيتك الوضع العائلي بدك تناقش وضعك وامورك مع الأهل وأفراد العيلة بخصوص قرار السفر شايفة في دعم شخصيتك اليوم سهرة حلوة واجواء احلى مع الأصدقاء
العقرب
شو بقول فنجانك يا عقرب
بدك تمشي بطريق طويل وبدك تقابل أشخاص ومن ضمن هؤلاء الأشخاص بدك تقابل الشريك وبدك تناقش امور بتتعلق بشؤون العمل والعيلة مع الشريك شايفة بدك تسمع كلام وهيدا الكلام للاسف بدو يزعجك ويستفزك كتير
الوضع المهني
بدك تنتبه كتير لوضعك المهني يا عقرب في حدا من الزملاء معك بالعمل بدو يستفزك ويزعجك ويحرجك بأمور مختلفة بالعمل بدك تتجنب المشاكل وسوء الفهم مع هيدا الشخص بدك تقابل حدا من المسؤولين عنك وبدك تشرح وجهة نظرك يا عقرب امورك المهنية الحمدلله بخير انت محبوب من الزملاء والمسؤولين
الوضع المالي
عندك ضغوطات مالية بتخص الشريك وبتخصك عم بتفكر باغراض بدك تجيبها قريب بإذن الله الوضع العاطفي مقابلة مع الشريك بالبداية بدو يصير سؤ الفهم بينك وبين الشريك شايفة الشريك بدو يحل هيدا الأمر على خير
بقلب بيتك الوضع العائلي بدك تناقش وضعك وامورك المالية مع الأهل بالأخص الأبوين شخصيتك اليوم مقابلة مع الشريك بدها تكون لصالحك بدك تحط النقط على الحروف
القوس
شو بقول فنجانك يا قوس
بدك تمضي على اوراق بتخص إرث او أرض أو شي خاص فيك وبالعيلة بدك تواجه وتناقش امور مختلفة مع الأهل وأفراد العيلة
الوضع المهني
إلك فترة مستهتر بعملك يا قوس بدك تحضر لاجتماع بالعمل وهيدا الاجتماع بدو يكون مهم كتير بالنسبة إلك بدك تكون صريح وجريء وبدك تحكي امور كتيرة بتتعلق بالعمل زاعجتك كتير
الوضع المالي
عندك بيع شي بخصك يا قوس شايفة بدك تبيع شي بخصك إلك وهيدا المال بدك تستفيد منو كتير .
الوضع العاطفي
علاقتك مع الشريك بدك تاخد خطوة فيها وهيدي الخطوة بدها تفاجىء الجميع شايفة بفنجانك محبس بخصك
بقلب بيتك الوضع العائلي عندك نقاش حاد مع الأهل بخصوص ارتباط شايفة بفنجانك محبس بخصك
شخصيتك اليوم رايق وهادي ومقابلة مع الشريك بدك تكون مرتاح كتير
الجدي
شو بقول فنجانك يا جدي
بدك تستقبل شخص مقرب منك كتير بقلب بيتك وهيدا الشخص بدك تتحاور معو بخصوص موضوع بتعلق بحدا من افراد عيلتك بخصوص مشكلة صارت مع حدا مقرب منك وهيدي المشكلة صارت من فترة زمنيه منها بعيدة اكتشفت بعض الأشخاص استغلوك واستغلو طيبة قلبك يا جدي بدك تسمع كلام من شخص اكبر منك سنا وهيدا الكلام بدو يفتح مواضيع قديمة كانت عالقة بدها تنزل دمعتك بخصوص هيدا الكلام بدو يأثر فيك يا جدي
الوضع المهني
بدك ترتب امورك واوضاعك المهنية شايفة عندك شي خاص فيك وهيدا الشي بدو يأثر عليك اجابيا بإذن الله شايفة عندك نجاح وعندك مال بدك تنتبه كتير من الحسد يا جدي
الوضع المالي
بدك تستلم مبلغ مالي من حدا خارج البلاد وهيدي المال بدو يعملك شوية مشاكل وزعل مع المقربين إلك الوضع العاطفي
في تناغم بينك وبين الشريك امورك تمام مع الشريك الحمدلله بدك تناقش امورك مختلفة بتخص العيلة
بقلب بيتك الوضع العائلي بدك تناقش قرار بخص حدا من افراد عيلتك بدو يفتح معك موضوع بخص المال
شخصيتك اليوم سهرة مع الشريك والاهل عيش حياتك يا جدي
الدلو
شو بقول فنجانك يا دلو
عندك سهرة خارج البيت مع أصدقاء قدماء شايفة بدو ينفتح موضوع متعلق بالعمل والقرارات والمال بدو يصير في نقاش مع هؤلاء الاصدقاء القدماء وهيدا النقاش بدو يكون لصالحك حتى تشارك في مشروع عمل جديد ومهم بخصك
الوضع المهني
بدك تناقش امور مختلفة مع بعض الأصدقاء بخصوص عمل جديد وهيدا العمل بخصك إلك إلك فترة طويلة عم بتحضر لهيدا الأمر صار وقت انك تقتف تعبك ومجهودك
الوضع المالي
عندك التزامات بتخص العيلة والاهل شايفة امورك المالية الحمدلله بخير
بدك ترتاح ماليا وقريب جدا بإذن الله
الوضع العاطفي
بتتجنب المشاكل مع الشريك بالأخص بهيدي الفترة
بقلب بيتك الوضع العائلي بدك تناقش امور مختلفة مع الأهل والشريك بتخص العمل شايفة بفنجانك في زعل بينك وبين حدا من افراد عيلتك بخصوص العمل
شخصيتك اليوم رايق وهادي سهرة مع الاصدقاء قدماء
الحوت
شو بقول فنجانك يا حوت
بدك تستقبل ضيوف عندك بالبيت وهودي الضيوف جايين من برا البلد وحدا من بين الموجودين بدو يعرض عليك مشروع شراكة بعمل بخصك إلك وهيدا العمل إلك فترة عم بتخطط الو يا حوت بدك تتلقى الدعم المطلوب المالي حتى تباشر بهيدا العمل شايفة نجاح مهم بحياتك المهنية
بدك تستلم عمل مهم جدا وهيدا العمل بدو يعملك نقلة مهمة بحياتك شايفة بفنجانك هيدا العمل بدو يفتح عليك أبواب كانت مسكرة سابقا وبدك تقوم بإستثمارات المثمرة وتكلل جهودك بالنجاح والتوفيق
الوضع المالي
عندك مال يا حوت انت حريص كتير على مالك كتير الوضع العاطفي بدك تقابل الشريك بهيدي المقابلة بدك تحل مشكلة معينه بتخص الشريك شايفة وضعك مع الشريك تمام الحمدلله
بقلب بيتك الوضع العائلي عندك ضيوف بقلب بيتك وعزيمة وسهرة حلوة مع الأهل والمقربين إلك شخصيتك اليوم رايق وهادي سهرة حلوة مع ضيوف وعزيمة
الحلبة العشبة الذهبية وفوائدها الصحية العجيبة, ما هي الحلبة ولماذا تُعتبر من الأعشاب العلاجية المميزة؟…
الشبت العشبة الخضراء وفوائدها الصحية المذهلة, ما هو الشبت ولماذا يُعتبر عشبًا أساسيًا؟ الشبت هو…
عرق السوس الجذر العجيب وفوائده الصحية المتعددة, ما هو عرق السوس ولماذا يُعتبر جذرًا صحيًا…
الزنزلخت العشبة الفريدة وفوائدها الصحية المذهلة, ما هو الزنزلخت ولماذا يُعد عشبة مميزة؟ الزنزلخت، المعروف…
الكمون العشبة الذهبية وفوائدها الصحية المذهلة , ما هو الكمون ولماذا يُعتبر كنزًا صحيًا؟ الكمون…
الكرفس العشبة السحرية لصحة الجسم والعقل , ما هو الكرفس ولماذا يُعتبر عشبة فائقة القيمة؟…