بعد الكسوف الماضي بالعقرب رح يكون عنا بكرا يوم 8 نوفمبر
خسوف قمري كلي ببرج الثور وهو نتيجة وجود الأرض بين الشمس والقمر وحجب ضوء القمر بشكل كامل عن أجزاء من امريكا الشمالية وأستراليا وشرق اسيا وجنوب روسيا ..
طبعا خسوف قمري كامل وحدث فلكي مهم ومارح يتكرر حتى عام 2025 لكن مانو حدث نادي وموضوع عادي فلا تكبروا القصة ..
تأثيرات الخسوف القمري بالثور بتكون هامة وممكن سلبية لان عم تكون بالدرجة 16 لبرج الثور يعني بتأثر فيها اكتر شي مواليد 6 و 7 و 8 و 9 10 من كل الأبراج وحسب البيت الفلكي للقمر ..
و بسبب اقترانها باورانوس الثور ومقابلتها للشمس وعطارد بالعقرب عم تعمل حالة توتر وضغط وكمان التربيع مع زحل الدلو شوي بصعب الامور ..
فترة تأثيراتها كبيرة بالنسبة القرارات المالية والاقتصادية العالمية وضخ الأموال والامن الغذائي وتقلب سوق العملات والثروات الباطنية ..
بالاضافة انو هية فترة حسم ونهايات وقرارات متسرعة ولازم ننتبه حتى مانوقع تحت قرار نندم عليه بعدين ..
القمر المكتمل بدون خسوف كامل بيعمل حالة من الهيجان العاطفي والتوتر والضغط والحساسية والعدوانية احيانا وزيادة في الرغبة المكبوتة فكيف اذا كان مع خسوف هون بكون في امور خفية عم تطلع ولازم كتير نضبط حالنا ونحاول نفرغ طاقتنا بالرياضة والتأمل ونخالط اشخاص تعطينا طاقة حلوة وما تستفزنا ..
طبعا اكتر الأبراج تأثرا هو الثور والأسد والعقرب والدلو باعتباره المربع يلي بتكون التأثيرات عليه قوية .
بالاضافة لكل من القوس والجوزاء من الجانب الصحي ..
والسرطان كون الخسوف بالقمر وهو الحاكم الو فبيعلن عندو نهاية قصة ما لبداية جديدة ..
غير هيك برأيي هي الفترة نتجنب عمليات البيع والشراء وخاصة بمبالغ كبيرة وكمان الصفقات والدخول بمشاريع والعمليات الجراحية واي شي بخص العاطفة او العلاقات نحاول نعد للعشرة قبل ما نتصرف او ناخد قرار ..
كمان في قرارات عالمية تصعيد باكتر من منطقة وصراعات وامور بتخص التطورات الحاصلة يلي ماكتير ..
لكن بالنهاية دايما الخسوف والكسوف بيجو ليغيروا شي بحياتنا بعد فترة طويلة وهالشي ممكن يكون منيح لبعدين ويخلصنا من قصص ماكنا قادرين نخلص منها وانشالله ايام وبتمرق على خير عالكل ..
أما عن حالة كل برج وشو لازم يتصرف :
الحمل
أهم شي انك تبعد عن الأمور المالية والصرف الزايد ويمكن تجيك دفعة مفاجئة لكن ما تتعامل مع أي شخص لا تخاطر وانتبه من زيادة مفاجئة بوزنك وواطمن انت رح تكون تمام وفترة وبتمرق واوضاعك حلوة لاخر السنة فلا تقلق .
الثور
رغم انك من غير شي مو مرتاح فكيف مع
قمر مكتمل وخسوف لكن اطمن هو يمكن
يخليك تحسم كتير امور وتاخد قرار وحاول
قدر الامكان تبعد عن المشاكل وتساير شوي
وحاول تريح حالك نفسيا وماتقرب من
الاشخاص يلي بتدايقك او مابترتاح معها
الجوزاء
ماتأمن للناس يلي حولك كتير ويمكن تحلم احلام مزعجة ولازم تهتم هاليوم بصحتك الجسدية والنفسية وتبعد عنك الأفكار السلبية وتحاول ترتب امور شغلك صح لان في ناس يمكن تخانقك او بكون في مشكلة بالشغل او الدراسة
السرطان
القمر بعبر عنك ولما يكون في خسوف قمري بكون في قصص عم ترجع تطلع من جديد عندك واذكرك وبتزيد الحنين لكن انت لازم تعرف تتعامل وتسترجع الاشخاص يلي بتستحق وبس ويمكن يكون في قصة بتخص صديق او مناسبة عندك ..
الأسد
بدك تكون دبلماسي وخاصة انو في اشخاص ناطرتك على غلطة وخاصة من المقربين ويمكن بهاليوم ماترتاح وتحس أنك بحاجة ناس تفهمك وتوافقك مو ناس تعارضك وتستفزك وخاصة مع المسؤولين والاهل فانتبه
العذراء
عم يكون الوضع جيد لكن إذا عم تسافر انتبه من تأجيل وحوادث واذا عم تدرس انتبه من شوية امور بتمرق ويمكن تخلص من اشخاص مزعجة وتحس بحرية وعم تفكر بشي ديني او معتقد عندك ..
الميزان
انتبه من الأمور القانونية وقصص بتخص الأموال والديون هالفترة وحاول تساير شوي ويمكن عم تخسر شخص لكن بالمقابل يعني بهالكم يوم عم ترتاح نسبيا وتقدر تغير بحياتك وفي قرار مصيري عندك
العقرب
القمر المكتمل بكبر الند والعدو يلي قدامك مشان هيك حاول تروق ماتدخل مواجهات او مشاكل لكن الخسوف يمكن ينهي عندك شراكة او علاقة متعبة فاطمن يمكن تكون الأمور لخير بالنهاية .
القوس
حاول ماتخلي الامور تتراكم عليك لا بدراسة ولا بشغل ولا ببيت واو خلصها بوقتها او الغيها لان في ضغط شغل وتراكمات بخليك مربط وماقادر تعمل شي لانو انت بهيك حالة بتفكر تشتغل لكن المسؤوليات بتخليك تتعب وكمان صحيا انتبه..
الجدي
رغم كل شي موقع الخسوف ممكن يرجع اشخاص لحياتك وممكن ينهي علاقة عاطفية عندك وهالشي مرتبط بطبيعة الشخص بحياتك وانتبه مع الأطفال والأبناء واطمن انت بفترة ممكن تكون جيدة وفيها إبداع ..
الدلو
من المربع الفلكي يلي لازم ينتبه وخاصة بامور بتخص الأهل والعيلة والبيت واعطال البيت والأدوات الكهربائية وكمان من امور صحية يعني بدك تعرف تتصرف ويمكن تغير شغل وحاول تهدي ..
الحوت
انتبه من الحوادث وبامور الدراسة وكمان بعلاقاتك وبقصص الأوراق وممكن يعطيك الخسوف حركة ونشاط وقصص مع الاخوة لكن خلي قراراتك بدون تسرع
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…
توقعات الأبراج اليوم من اشهر علماء الفلك حصريا لموقع عرب كلوب في مقال يتجدد…