توقعات برج الحمل اليوم وحظك اليوم

مهنياً: علاقات وعمل جديد واجبات لازم تقوم فيا ، يوم في التزامات وضغط وقصة صحية بتشغلك ، حاول تعزز علاقاتك بالعمل و مع العيلة ورح تلاقي مساعدة ومساندة الك بلاخص اذا عندك وضع ، الفلكي علي في بطئ بالحركة ومسؤوليات ومال من شغلك بزيد وعندك لمة وجمعة ناس وشخص مهم بيومك ركز ع شغل ودراسة بيومك والبعض بزور مركز او مشفى واختبار دراسي ، الفلكي علي Ali Ajame
عاطفياً:فكر بحالك وبس ومرق يومك على خير ، بعرف مانك مرتاح بس انتبه تتصرف بشكل متسرع او عشوائي لانك انت اليوم عصبي ومو على بعض وعم تخانق على اي تصرف ، في اختبار عاطفي بيومك لا تعقد الامور وتعمل من الحبة قبة ، حاول تزيد عاطفتك وتكون دبلوماسي ولازم الشريك يقدر وضعك ويدعمك ، البعض بتبلش علاقات بشغلك او بمكان دراسة بتطور بلايام جاي ..
صحياً:لا تعب حالك بشغل والتزامات وانتبه من صداع شديد وحتى كريب وصحة حدا بالعيلة ، والبعض ممكن يبلش حمية او نادي .
💞غنيتك اليوم💞
بعدك متل ما أنت .. معين شريف


توقعات برج الثور اليوم وحظك اليوم

مهنياً:عم ترجع طاقتك من جديد وعم تكسب محبة اشخاص ورجعة مفاجئة لشخص او للمال ، وعم تنشط على مواقع التواصل وحركة تجارية او بيع وعم يجيك مال وعم تنعزم او حوالة ممكن توصلك ، في اوراق مهمة او اختبار وبتحل مشكلة وقصة موبايل او سيارة وعم تهتم بلاطفال والانجاب ويمكن اعمال روحانية ، ونتظر رنة تلفون في خبر ونشالله رح يكون حلو ، الفلكي علي Ali Ajame
عاطفياً:اوقات مميزة وعم تكون جذاب وهاشي عم بخلي الجنس الاخر يتقرب منك وحتى عم ترجع اشخاص تحاكيك من جديد بعد جفا او مشكلة وممكن شخص جديد عم يتواصل معك وعلاقة عم تتحول لحب، اجواء ايجابية وتطورات مع الشريك والقلب بدق من جديد اذا اعزب او صدفة حلوة هاليومين ويمكن تعارف على مواقع التواصل او قصة عم تشغلك على سوشيل ميديا والبعض ممكن توصلو هدية ..
صحياً:عم تعاني مشاكل بالوزن وكريب وشفاء للبعض من مرض ويمكن عملية او تجميل كمان .
💞غنيتك اليوم💞
قلبي اللي حبك..تامر حسني

توقعات برج الجوزاء اليوم وحظك اليوم

مهنياً:يوم عم تشغلك امور عائلية ومهنية وماعم تقدر تركز وبتحس الحمل على كتافك لحالك ومزعوج من تصرفات الكل ومعاملتن الك ، يوم في مناقشة لبعض الامور بالبيت وبشغل وعم تحكي بلقاء وشخصية مهمة ويمكن البعض عندو تغيير مكان او شي بخص منزل او عقار وعم يعمل تصليحات او تجهيز ونقل وتغيير بديكور البيت ومصاريف على الاهل والبيت او صحة وعم تعمل زيارة لحدا من اخواتك او الاهل او عزيمة بس لا تناقش كتير .. الفلكي علي Ali Ajame
عاطفياً:في شوية تعب او شي عم يزعجك بلاخص انك بحاجة لشريك يفهمك ويقدر وضعك ويخليك تستقر وترتاح فكرياً .. في اتصال او لقاء وتواصل وحتى في قصص عائلية عم تدخل بوضعك العاطفي لازم تحسم امورك وتستغل الفرص وفي قصة اخدت وقت كتير لازم تلاقيلا حل ، والبعض حدا من العيلة ممكن يتقرب منك .
صحياً:مشاكل مفاصل وبلاخص الرقبة والاكتاف ولازم لكتار ينتبهو من كريب والتهاب بلعوم لهيك خفف تدخين ومنبهات ..
💞غنيتك اليوم💞
أنت ومعي .. اليسا

توقعات برج السرطان اليوم وحظك اليوم

مهنياً:علاقات كتيرة واتصالات ماعم تهدا وعم تفكر تعمل شغل او دراسة ، وعم تنشط على مواقع التواصل وفي بيع وشراء للبعض ، عم تجهز لاختبار او امتحان وشي بخص اوراق او شهادة وقصة اخ او مقرب عم تشغلك ويمكن تحصل على مال او حوالة بتشغلك ولقاء مهم وسفر قصير بس انتبه من بعض الاعطال والحوادث وتصليحات وقصة حكومية ، الفلكي علي Ali Ajame
عاطفياً:يوم لتحط نقاط على الحروف وتعزز علاقتك من جديد ولتطلع من تعب وتكون جذاب وساحر بحضورك وعم تكسب قلب شريك بلقاء او اتصال وعم تكون مقنع بنقاشاتك ، المتزوج كون دبلوماسي لتمرق هالفترة وتتوضح الامور بس استغل يومك لانو داعم لتحسن الوضع احسن ماتروح لطريق مسدود ولازم تنتبه المي عم تمشي من تحتك ومو مفتكر وبلاخص من طرف تالت داخل بينك وبين الشريك .
صحياً:انتبه ع حالك من الاعمال المجهدة او صحة حدا بالبيت ويمكن البعض بحاجة لعملية ما ..
💞غنيتك اليوم 💞
تسلملي عيونك .. عمار ديك

توقعات برج الاسد اليوم وحظك اليوم

مهنياً:يومك لازم تنتبه من مصاريفك وترتب امورك منيح حتى ماتوقع بمصاريف طارئة على صحة او عزيمة او حتى على امور عاطفية وتصليحات وقصة مشتركة ، لازم تلاقي حل لتحسن وضعك المالي ولا تأجل شي ولا تخالف القوانين ممكن تبدأ شغل جديد ومبلغ منيح من شغلك او تجارة ومكاسب ومعاملات مالية عند البعض المهم لا تخلي الاعمال تتراكم عليك واختبار مهم وقصة هدية ، الفلكي علي Ali Ajame
عاطفياً:يمكن كتر الالتزامات الي عليك عم تخليك بعيد عن العاطفة ، بحاجة لتعرف شو بدك وتختار صح وبعد عن الماضي المتعب اذا بدك نصيحتي ، اليوم مو كتير عم يكون في وقت للعاطفة او في بعد بالمشاعر ولازم ترجع تمنح ثقة من جديد وتخفف شكوك وغيرة ، ريح راسك وخفف تفكير اذا بدك علاقتك تستمر ، البعض عندو اتصال او لقاء ومصاريف مالية على العاطفة وشي معنوي .
صحياً:لا تهمل صحتك وأتبع خطوات ايجابية لتكون بصحة جيدة بلاخص كمان في مصاريف على صحة ..
💞غنيتك اليوم💞
كلي ملكك..شيرين 

توقعات برج العذراء اليوم وحظك اليوم

مهنياً:عم يكون في طاقة وشغل وتنقلات كتيرة ومشغول بالعمل وبالبيت والصحة وعم تعمل تغييرات بشكلك وبصحتك وعم تحل مشكلة عندك وعم تهتم لحدا بالبيت ومال من شغل بيجيك في علاقات وناس بتشوفها وأشخاص عم ترجع تحاكيك .. عزيمة او عم تعزم وخبر حلو وشي بخص عقار واطفال وأوراق مهمة وشخص مهم او مشهور ..
عاطفياً:العين عليك وجاذبيتك عالية واعجاب من الكل وهاشي رح يعطيك دافع لتحسن علاقتك او ارتباط جديد او اعجاب .. المتزوج لازم تكون هادي مع الشريك في حكي ونقاشات بدك تكون دبلوماسي ومنفتح وفيك تطلع مشوار وتغير جو ويوم في مشاعر زايدة عندك والمرتبط وضعك ابداً مو منيح روق هاليومين وفي لقاء منتظر لتحل بعض الخلافات ..الفلكي علي Ali Ajame
صحياً:تحسن صحي وامورك افضل وحاول تنتبه من كريب وحساسية .
💞غنيتك اليوم 💞
مش عيزة غيرك انتا…شيرين

توقعات برج الميزان اليوم وحظك اليوم

مهنيا: تقلبات بوضعك وبعدا الامور مو واضحة وبحاجة لاستقرار أكتر ، عم تشغلك اكتر من قصة هاليوم ولازم تبذل جهد لو صار تأخير او تأجيل .. عيد حساباتك منيح وحل بعض مشاكلك العائلية او بشغلك وفكر بموارد جديدة او شغل ولا تعمل شي مهم .. في مال قادم ولازم ضب ايدك لان عندك تنقلات وعزائم وكون حذر من محيطك وقصة مع شخص مهم او مركز حكومي ومؤسسة جديدة والبعض في زيارة لمشفى لحدا بخصك او اذا عم تفكر تعمل تجميل .. الفلكي علي Ali Ajame
عاطفياً:بدك تمرق هاليومين على خير ولازم تستغل اي شي ممكن يريحك عاطفياً لانك مو مرتاح ومابتعرف شو بدك ، مرق هاليومين ع خير ولا كتير تتمسك برأيك او تكون عنيد وكون دبلوماسي مو ناقصك مشاكل جديدة او قصة عم تبعدك عن الشريك ، عم تعاني وضع عاطفي في شي جواتك متعبك وماعم تتوضح الامور واذا شريك بيستاهل بادر وتقرب ، البعض عندك فرصة ليصير مصالحة وترجع الامور لطبيعتها وبتمتلك قلب الشريك او شخص اخر من جديد ومفاجئة بيومك وعم تستفيد من الشريك كمان ..
صحياً:ضغوط صحية وعائلية وشوي شوي بتتحسن امورك وبتبلش ترتاح لا تخاف ..
💞غنيتك اليوم 💞
سبت فراغ كبير .. عمر دياب

توقعات برج العقرب اليوم وحظك اليوم

مهنياً:عم يكون في لمة حواليك وعزيمة ورفقات وناس كتار وفي اكل طيب وعم تعمل زيارات وعم تقوم بالواجب وعم تتلقى دعم ومساعدة وعم يوصلك شي مهم وبتكون مرتاح ، الفلكي علي نجمك محبوب وعندك حظ وطاقة ولمة حلوة وخبر بريحك وممكن مكان جديد او سكن ومال وفي تقدير لجهودك وقصة لسيارة او موبايل واشخاص عم ترجع تحاكيك ..
عاطفياً:علاقة عم تطور لحب واشخاص جدد وفرصة لتحسن علاقتك وتكون امورك منيحة مع الشريك ، برغم البرود بالعلاقة في استقرار المهم لا تتسرع ولازم تحل اي سوء تفاهم او البرود الحاصل بالوضع بوقت سابق .. وكمان في علاقات سرية عم تطور وعم تكبر وشغف عاطفي وقصص واشخاص من الماضي عم ترجع ع الواجهة من جديد ، الفلكي علي Ali Ajame
صحياً:انتبه من كريب ولا تعب حالك ويمكن في حساسية ومغص عند البعض ..
💞غنيتك اليوم💞
عندو دق السيطرة…شيرين

توقعات برج القوس اليوم وحظك اليوم

مهنياً:لاتتسرع وابذل مجهود لتنجح ويمكن قصة اب او اخ كبير بتشغلك وهدي مع المسؤولين لان ممكن تلاقي دعم كمان وقصص قضائية ومصاريف مالية كتيرة المهم لا تخالف بيومك ، قصة مع مدير او شخصية مهمة وعلاقة من داخل شغلك عم تتطور المهم تنتبه من زملاء العمل ، قصة مهنية أو شي بخص وظيفة وشغل جديد ويمكن مقابلة او امتحان وقصة مصيرية ولازم تكون حذر و ركز منيح بلاخص اذا في اختبار او مشفى وشي بخص الاهل والاطفال ..
عاطفياً: المرتبط مانك مرتاح وفي توتر لا تتسرع بقراراتك ولا تتجاوز الحدود واذا شريك بيستاهل شوية تنازل معلش واعطي فرصة جديدة ، بتوقع في اتصال او لقاء لتصلح الأمور وانا بنصحك بالهدوء وعدم التسرع ليستقر الوضع ، والبعض رح يجهز لموعد مهم ومستقبلي وعلاقة عم تتطور يمكن بشغلك وبلاخص الاعزب في شخص جديد او صاحب مكانة ، الفلكي علي Ali Ajame
صحياً:بلا عصبية وانفعال ولا تحمل الامور اكتر مابتستاهل وقصة صحية عائلية للبعض ..
💞غنيتك اليوم 💞
الوحدة بتقتلني…تامر حسني 

توقعات برج الجدي اليوم وحظك اليوم

مهنياً:رغم التزامات الي عم تتعرض الها وبتحس الامور ماعم تظبط الا بعد تعب وقلق ، طاقتك بتزيد اليوم وعم تتلقى دعوات وعم تتعرف بناس غريبة وعم تشغل البعض قصة سفر او لحدا بالبيت ورح توصلك هدية او حوالة عم تشغلك وفي مفاجئة بيومك ، اتصال مهم وخبر حلو وقصص اوراق وفي عقود جديدة واتفاق مالي والبعض عندو اختبار او امتحان ، بتشغلك قصة عقار وموبايل او سيارة وتجهيز او تصليحات وفي دفع مالي او بدك تشتري شي وقصة طفل او اوراق بدك تخلصا ، الفلكي علي Ali Ajame
عاطفياً:في حلول بيومك وعم تساير وماحابب تعمل مشكلة وعم تتفهم الوضع في تقارب واتصالات حتى لو كان في جفا او مشكلة بتنحل المهم تكون دبلوماسي ، علاقات كتيرة واشخاص جدد وفي اعجاب وصدفة حلوة او ارتباط جديد في اتصال من شخص بعيد وفكرة لقاء او عم ترتب لموعد ولاجواء حميمية ، والبعض يمكن في امور قضائية او ادارية بتخصك او بتخص الشريك .
صحياً: لا تستهتر بوضعك ولا تعمل شي من راسك عم تعاني مشاكل البلعوم وصداع او دوخة وركز على صحتك هالفترة وبلاخص من الحوادث والعمليات .
💞غنيتك اليوم💞
سنين عايش في حبك .. عمر دياب 

توقعات برج الدلو اليوم وحظك اليوم

مهنياً:عندك ضغط مالي وماعم تعرف شو بدك ، في دفع والتزامات وعم يكون في قصة دين او بدك تجيب شي مهم شوي شوي بترتاح وبتحل مشاكل هاليومين وعم تتخلص من التزام او اشخاص عم تزعجك ، يوم في حسم لامور بتخص شغل واوراق وبالعائلة والبعض في عندو معاملات وقضايا مالية وشي بخص ميراث او منزل ويمكن في حوالة بيومك ومبلغ ومساعدة ويمكن هدية وعم تزور اشخاص او مؤسسة حكومية وناطر خبر مهم رح يوصلك هاليومين لا تخاف ، الفلكي علي Ali Ajame
عاطفياً:بدي منك تخفف من مزاجيتك وتحسم امورك ولا تفكر او تحتار شوية دبلوماسية ولا تكبر الامور كمان ، صح مافي شي عم يكمل والاستفزاز عم يتعبك .. بشكل عام في تحسن نسبي وثقة عم ترجع من جديد لوضعك وتصلح الامور وتلاقي طريقة اكتر دبلوماسية بتعامل وبلاخص مشاكلك عم تكون من الطرف الاخر الي عم يلف ويدور ، يوم في لقاء عاطفي وعلاقات حميمية وشخص قديم ..
صحياً:ريح حالك هالفترة لان عم تعاني مشاكل بالعضلات وتشنجات والوضع متوتر بس خبر رح يريحك نفسيا حاج تنفخ .
💞غنيتك اليوم 💞
قلبك على قلبي .. مروان خوري 

توقعات برج الحوت اليوم وحظك اليوم

مهنياً:لازم كتير تخفف عصبية ولا تدخول بمواجهات مع حدا وبلاخص قصة صغيرة عم تكبر بدي منك تروق وتهدي ، ممكن عقد وشراكة جديدة او اتفاق مع شخص لازم تفكر منيح ولا تتسرع ولا تخلي الامور تفلت من ايدك واضبط حالك بشغلك وبالمعاملات وتأكد من كلشي بشكل منيح حتى ماتوقع بمشاكل وبلاخص في اوراق مهمة وحدا بساعدك وطفل جديد بيشغل البعض ، الفلكي علي Ali Ajame
عاطفياً:المتزوج يومك مو مرتاح في بتحس الشريك عم يعمل مشاكل من ولا شي وبتحس انو عم يتقصد الغلط بدي تهدي شوي بوضعك بهاليوم احسن ماتروح لطريق مسدود او يتوتر الجو ويصير في جفا او انهاء علاقة ، الاعزب والمرتبط جديد بتعزز علاقتك وشراكة عاطفية واعجاب من الجنس الاخر وفرصة لخطبة عند البعض قريباً وعلاقة عم تطور المهم لازم تخلي امورك ضمن نطاق السرية لتظبط .
صحياً:انتبه ع صحتك او صحة شريك ومن التهابات او حساسية جلدية واهم شي لا تعصب وتزعل على شي ..
💞غنيتك اليوم 💞
قالو سعيدة في حياتها .. اليسا 

By Admin