قراءة فنجان الابراج الاربعاء 23/11/2022 تشرين الثاني نوفمبر

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءاة الحظ والفنجان

فنجان برج الحمل الاربعاء 23/11/2022 تشرين الثاني نوفمبر

الحمل
شو خبرني فنجانك يا حمل
بدك تحضر مشكل كبير وهيدا المشكل بدو يكون بمناسبة بتخص حدا قريب منك شايفة هيدا المشكل بدو يزعجك كتير بدك تتدخل بهيدا المشكلة بس بحلها يا حمل بدك تحل هيدي المشكلة والخلاف بتراضي
الوضع المهني
إلك فترة متجنب حدا من الزملاء معك بالعمل بخصوص اوراق او شي بتخص العمل وهيدا الشي نقاشت فيه للاسف ما قدرت تغير قرار هيدا الزميل شايفة بفنجانك اذا تجنبت هيدا الشخص بكون احسن إلك لانو في وجع راس ومشاكل كتيرة بعدين خليك بعيد عنها يا حمل
الوضع المالي
شايفة بدك تساعد حدا من الاصدقاء القدماء بمبلغ مالي هيدا الأمر بدك تكون مرتاح كتير
الوضع العاطفي
لقاء عاطفي مع الشريك شايفة الشريك بدو يفتح موضوع متعلق بالارتباط
بقلب بيتك الوضع العائلي بدك تحضر مناسبة ومشكل خارج البيت بقلب بينك انت مرتاح مع الأهل والمقربين شخصيتك اليوم مزعوج ومعصب بسبب مشكلة بتخص حدا مقرب منك

فنجان برج الثور الاربعاء 23/11/2022 تشرين الثاني نوفمبر

الثور
شو بقول فنجانك يا ثور
فرحة بقلب بيتك بتخصك شايفة بفنجانك فرح ونجاح وتفوق كبير عندك محبس بخصك يا ثور شايفة في ارتباط جدي
الوضع المهني
مضغوط هيدي الفترة يا ثور عندك التزامات بتخص العمل وعندك مشاريع مهمة بدك تنهيها قريب جدا شايفة نجاح وتفوق كبير انت بتستاهل يا ثور تعبت كتير بحياتك صار وقت انك تفرح وترتاح وتقطف تعبك ومجهودك الوضع المالي
امورك المالية الحمدلله بخير شايفة عندك التزامات ونفقات بتخص الشريك وبتخص الارتباط
الوضع العاطفي
انت سعيد ومبسوط ومرتاح كتير بالخطوة بخصوص الارتباط العاطفي
بقلب بيتك الوضع العائلي فرحة بقلب بيتك بتخصك شايفة محبس بخصك افرح يا ثور بتستاهل شخصيتك اليوم سهرة حلوة واجواء احلى مع الشريك بقلب بيتك

فنجان برج الجوزاء الاربعاء 23/11/2022 تشرين الثاني نوفمبر

الجوزاء
شو قال فنجانك يا جوزاء ايامك الحلوة بلشت شايفة بفنجانك بدك تاخد خطوة تفاجىء الأهل فيها هيدي الخطوة بدها ترتب عليها خطوات جديدة واستثنائية بحياتك يا جوزاء بدك تستفيد من هيدا الفترة والهدوء الموجود بحياتك بدك ترتب امورك المهنية والمالية والعاطفية والعائلية بالفترة القادمة شايفة باب الفرج موجود وكبير بإذن الله
الوضع المهني
امورك المهنية كتير منيحة الحمدلله شايفة قريب بدك تستلم اوراق مهمة بتخص نجاحك المهني هيدي الأوراق بدها تعملك نقلة مهمة كتير بحياتك المهنية بإذن الله من نجاح لنجاح يا جوزاء
الوضع المالي
الخطة متابعها بخصوص المال جابت نتيجه شايفة امورك المالية بالف خير الوضع العاطفي
بدك تشارك الشريك العاطفي بأمور بتتعلق بشؤون العائلة والارتباط شايفة الشريك متفهم وبيدعمك بقلب بيتك الوضع العائلي امورك تمام الحمدلله مني شايفة شي زاعجك بدك تكون مرتاح وهادي شخصيتك اليوم رايق وهادي ومقابلة مع الشريك بدك تكون كتير مرتاح

فنجان برج السرطان الاربعاء 23/11/2022 تشرين الثاني نوفمبر

السرطان
شو بخبرك الفنجان يا سرطان
عندك زيارة لصديق بدك تقابل شخص وهيدا الشخص بدو يصير في نقاش حاد بينك وبين هيدا الشخص بخصوص شي بيتعلق بشؤون العائلة شايفة هيدا الشخص بدو يطلب مساعدة مالية او شي خاص فيه إياك يا سرطان هيدا الشخص بدو يورطك بأمور مالية كبيرة انت كاشفو وبتعرف شو وكيف بفكر هيدا الشخص الوضع المهني امورك المهنية فيها شوية كركبة ومشاكل بس انت بعيد كتير عن مشكلة بدها تصير او صارت بالعمل ما تدخل يا سرطان خليك حيادي بالأخص بهيدي المشكلة شايفة بدو يصير في قرارات كتير ومهمه بتخص العمل خليك بعيد عن أي مشكلة بتخص العمل
الوضع المالي
عندك التزامات مالية بتخص حدا من افراد عيلتك شايفة بدك ترتاح قريبا من هيدي التزامات ونفقات يا سرطان
الوضع العاطفي حب جديد بحياتك شايفة الحب بدو يطرق بابك قريب جدا بس مني شايفة في ارتباط قريب
بقلب بيتك الوضع العائلي بدك تناقش امور مختلفة مع الأهل بتخصك وبتخص العيلة امورك بقلب البيت الحمدالله بخير
شخصيتك اليوم بالبداية بدك تكون مرتاح وسعيد بدك تقابل شخص بدك تنزعج كتير من هيدي المقابلة

فنجان برج الاسد الاربعاء 23/11/2022 تشرين الثاني نوفمبر

الأسد
شو بخبرك الفنجان يا أسد
شخص بدو يدخل بيتك هيدا الشخص شايفة بدو يصير في شغل جديد بينك وبين هيدا الشخص بدو يساعدك ويدعمك بأمور مختلفة بالأخص بأمور بتخص مشروع شراكة بعمل جديد ومهم شايفة بفنجانك هيدا المشروع بدو ينجح بس شايفة بدو يصير في زعل كبير بينك وبين الشريك بخصوص هيدا الشخص وهيدي الشراكة هيدا الشخص بدو يساعدك بس بدو يسببلك شوية مشاكل وزعل شايفة بدك تناقش هيدا الأمر مع الشريك بدك تتفهم الشريك اكتر
الوضع المهني
مشروع عمل جديد ومهم بخصك مع شخص مقرب منك كتير شايفة بدك تنجح يا أسد بس بدك تحل مشاكلك مع الشريك شايفة عندك نجاح وبدك تحصل على مال من هيدا المشروع بدك تتفهم الشريك وبدك تحل مشاكلك بالتروي والصبر انت بحاجة لدعم الشريك العاطفي
الوضع المالي
عندك نفقات ودفعات مالية بتخص مشروع شراكة بعمل جديد ومهم شايفة امورك المالية بدها تتحسن وقريب جدا بإذن الله
الوضع العاطفي
حاول انك ترتب أوضاعك وامورك مع الشريك حاول انك تحل مشاكلك يا أسد انت بحاجة إلى مساعدة ومساندة الشريك العاطفي
بقلب بيتك الوضع العائلي عندك نقاش وهيدا النقاش والزعل بدو يدخل حدا من افراد عيلتك بخصوص هيدي المشكلة والخلاف بدك تحلها يا أسد شخصيتك اليوم مزعوج ومعصب كتير لأسباب كتيرة ومختلفة بتخص العمل والشريك

فنجان برج العذراء الاربعاء 23/11/2022 تشرين الثاني نوفمبر

العذراء
شو بقول فنجانك يا عذراء
عندك طاقة فرج قريبة بإذن الله بدها تفرج عليك يا عذراء بدك تتلقى مكالمة هاتفية بتخص عمل جديد شايفة عندك مقابلة مع احد الأشخاص بخصوص عمل جديد وهيدا العمل حلم حياتك من فترة قدمت على هيدا العمل وصبرت يا عذراء شايفة بدك تستلم وبدك تثبت جدارتك ونشاطك وقدراتك بهيدا العمل عندك نجاح وبدك تعيد ثقتك بنفسك وبقدراتك فرصة مهمة ما ضيعها يا عذراء
الوضع المالي
بدك تحصل على مبلغ مالي من حدا قريب منك بخصوص شي بيتعلق بشؤونك هيدا المال بدو يفرجك
الوضع العاطفي
شايفة بفنجانك حب جديد يا عذراء شايفة عندك ارتباط جدي بدك تقابل الشريك شايفة في موافقة وفي اهتمام
بقلب بيتك الوضع العائلي بدك تناقش امور بتتعلق بشؤون العمل والارتباط مع الأهل حدا من الأبوين بدك تسمع نصيحة شخصيتك اليوم رايق وهادي ومقابلة مهمة كتير بالنسبة إلك

فنجان برج الميزان الاربعاء 23/11/2022 تشرين الثاني نوفمبر

الميزان
شو بقول فنجانك يا ميزان
عندك دخول على بنك او شي بخص المال وبخص عيلتك واجهتك بالفترة الأخيرة مشكلة بتخص حدا من افراد عيلتك وهيدي المشكلة عملتلك شوية توتر وخوف وقلق حدا من الاصدقاء بدو يساعدك ويدعمك بأمور بتتعلق بهيدي المشكلة وحلها يا ميزان بدك تحل هيدي المشكلة بس شايفة بدو يصير في زعل بينك وبين حدا من افراد عيلتك الوضع المهني
امورك المهنية الحمدلله بخير شايفة عندك لقاء مع زميل خارج العمل بخصوص عمل مشترك بينك وبين هيدا الزميل هيدا العمل في نجاح وفي مال بس في تعب ومجهود كبير وبدك تصبر يا ميزان بشكل عام وضعك المهني الحمدلله بالف خير
الوضع المالي
عندك كركبة ومشاكل كتيرة بتخص المال شايفة بدك ترهن او تبيع شي بخصك إلك يا ميزان وضعك المالي في شوية كركبة ومشاكل بسبب حدا من افراد عيلتك الوضع العاطفي
إلك فترة متجنب الشريك هيدا الشي بدو يأثر على علاقتك مع الشريك حاول انك ترتب لقاء مع الشريك
بقلب بيتك الوضع العائلي بدك تناقش وتواجه حدا من الأبوين بخصوص مشكلة صارت مع حدا من افراد عيلتك بخصوص مبلغ مالي كبير شخصيتك اليوم مزعوج ومعصب لأسباب كتيرة ومختلفة بتخص العيلة

فنجان برج العقرب الاربعاء 23/11/2022 تشرين الثاني نوفمبر

العقرب
شو بقول فنجانك يا عقرب
بدك تخبر خبر كتير حلو وهيدا الخبر بخصك إلك وانت ناطر هيدا الأمر قريب جدا بدك تتلقى مكالمة هاتفية وبدك تقابل شخص مهم كتير وهيدا الشخص بدو يخبر شي بخص العمل او شي خاص فيك وهيدا الأمر بدو يعملك نقلة بحياتك يا عقرب وبدو يسعد الأهل والشريك
الوضع المهني
ما تستعجل على قرار بيتعلق بشؤون العمل والمال ناطر انت قرار بخصك حدا من الزملاء معك بالعمل بدو يخبر على قرارات مهمه ولأفته بالعمل وهيدي القرارات بدها تشملك وتعملك نقلة مهمة بحياتك المهنية والعائلية والمالية شايفة كل شي بوقتو حلو يا عقرب .
الوضع المالي
بدك تستلم مال بس شايفة عندك التزامات بتخص العيلة الفرج قريب يا عقرب
الوضع العاطفي
مهتم كتير بأمور بتتعلق بشؤون الشريك خفف غيرة يا عقرب
بقلب بيتك الوضع العائلي بدك تناقش خبر مهم مع الأهل شايفة انك مرتاح ومتفائل شخصيتك اليوم رايق وهادي ومقابلة مع صديق مقرب منك

فنجان برج القوس الاربعاء 23/11/2022 تشرين الثاني نوفمبر

القوس
شو بقول فنجانك يا قوس
شايفة بدك تتلقى اتصال من شخص مقرب منك كتير خارج البلاد وهيدي الشخص بدو يعرض عليك عمل جديد شايفة عندك سفر محتم بصدد العمل بدك تسافر شايفة بفنجانك طيارة بتخصك يا قوس بدك تلاقي الدعم المطلوب من افراد عيلتك بخصوص السفر
الوضع المهني
من فترة مضيت على نهاية عقد عمل بدك تتلقى مكالمة هاتفية بتخص العمل جديد بحياتك المهنية هيدا العمل خارج البلاد شايفة عندك نجاح بس في تعب يا قوس
الوضع المالي
انت بحاجة إلى أموال ومساعدة بخصوص السفر شايفة حدا من افراد عيلتك والمقربين إلك بدو يساعدك ويدعمك بأمور بتتعلق بالعمل والسفر
الوضع العاطفي
علاقتك بالشريك فيها شوية مشاكل شايفة بدك تاخد قرار بخصوص الشريك هيدا القرار بدو يزعج الشريك العاطفي بقلب بيتك الوضع العائلي بدك تناقش امور مختلفة بتخصك وبتخص العمل والسفر والدعم والمساعدة
شخصيتك اليوم رايق وهادي سهرة مع الأهل والمقربين إلك

فنجان برج الجدي الاربعاء 23/11/2022 تشرين الثاني نوفمبر

الجدي
شو بقول فنجانك يا جدي
عندك اسم الله بالفنجان في شي بخصك وبخص عيلتك هيدا الأمر كتير مهم إلك للعيلة بدك تطلب شي من الله بينك وبين نفسك وهيدا الأمر بدك تحصل عليه قريب جدا بإذن الله شايفة في تغير كامل بحياتك يا جدي الى الأفضل والاحسن
الوضع المهني
عندك لقاءات واجتماعات مهمة كتير شايفة عندك تعب ومجهود كبير بهيدي الفترة بدك تثبت وجودك يا جدي في تغيرات وانقلابات بقلب العمل بدك تكون حذر وحريص كتير بهيدي الفترة
الوضع المالي
انت حريص على مالك كتير يا جدي بتصرف الا للضرورة القصوى وضعك المالي الحمدالله بخير
الوضع العاطفي
شايفة علاقتك بالشريك بدك تكون جدية اكتر شايفة بدك تاخد خطوة بخصوص ارتباط جدي بقلب بيتك الوضع العائلي عندك اسم الله بقلب بيتك انتكل على الله يا جدي شايفة بإذن الله الفرج قريب كتير شخصيتك اليوم رايق وهادي سهرة مع حدا من المقربين إلك بدك تكون مرتاح

فنجان برج الدلو الاربعاء 23/11/2022 تشرين الثاني نوفمبر

الدلو
شو بقول فنجانك يا دلو
تعرضت لمشكلة بتخصك ومضايقات من قبل بعض المقربين إلك بخصوص أرض أو عقار او مال هيدي المشكلة والخلاف بدو يطور إلى كلام وانفعال وشايفة بدو يصير في زعل كبير وفي دعاوي قضائية بينك وبين هؤلاء الأشخاص
الوضع المهني
منك مهتم بعملك بالأخص بهيدي الفترة يا دلو شايفة بفنجانك بدك تتعرض لمشكلة بتخص العمل وبدك تحلها قبل ما تكبر المشكلة شايفة بدك تعيد امجادك بالعمل وبدك تثبت جدارتك ونشاطك خلال هيدي الفترة
الوضع المالي
مكركب وملبك شايفة في عندك شوية كركبة ومشاكل بالمال
الوضع العاطفي
علاقتك مع الشريك فيها تناغم وتفاهم شايفة الشريك بدو يدعمك ويساعدك ويكون حدك بقلب بيتك الوضع العائلي بدك تتجنب المشاكل بالأخص مع العيلة والاهل ملبك ومكركب كتير بهيدي الفترة شخصيتك اليوم مزعوج ومعصب لأسباب كتيرة بتخصك

فنجان برج الحوتالاربعاء 23/11/2022 تشرين الثاني نوفمبر

الحوت
شو بقول فنجانك يا حوت
بدك تقابل محامي او شخص ابن حكومة بدك تستلم اوراق مهمة بتخص العيلة والمال والارث بدك تناقش امور بتتعلق بهيدي الأوراق بدك تمضي على اوراق مهمة بتخص العيلة وبدك تحصل على امضاءات بس شايفة حدا من افراد عيلتك بدو يعارض هيدا الأمر
الوضع المهني
بدك تنفذ مشروع مهم بيتعلق بشؤونك المهنية شايفة عندك نجاح مهم وبدك تطلع على الضوء من خلال هيدا المشروع بدك تحصل على مكافئة مالية كبيرة وبدك تحصل على منصب مهم بعملك امورك المهنية كتير منيحة الحمدلله الوضع المالي
بدك تحصل على مبلغ مالي كبير من العمل شايفة وضعك المالي بالف خير الحمدلله
الوضع العاطفي
بدك تناقش امور مختلفة مع الشريك بتخص العيلة والاهل وبتخص الشريك بدك تكون صريح كتير مع الشريك بخصوص الارتباط
بقلب بيتك الوضع العائلي بدك تناقش امور بتتعلق بأوراق رسمية بتخص العيلة والاهل وبنخص امضاءات بدك تناقش حدا من افراد عيلتك معارض هيدا الأمر
شخصيتك اليوم
مزاجك متقلب ساعة رايق وهادي وساعة معصب ومزعوج

المصدر:عرب كلوب