السرطان
شو بقول الفلك لمواليد برج السرطان لعام 2023
هو من الابراج المائية يتوافق مع الابراج الترابية بشكل كبير يعني تكوين الصداقات والعلاقة العاطفية والعمل والمال او شراكة بمشروع عمل
مواصفات مواليد برج السرطان محب للعائلة حنون على افراد العيلة طموح حساس لأبعد الحدود يعني اذا تطرقت إلى أي شي بيتعلق بمواليد برج السرطان حتى لو مزح بياخد هيدا الأمر على محمل الجد
المواصفات السلبية لمواليد برج السرطان اذا كان مزعوج ومعصب منك ما ببين هيدا الشي بالمعنى عندو خبث عنيد كتير نكار باي موقف بينكر الأشياء الجيدة بقوم فيها الاخرون متمسك بالعائلة والتقاليد بحب يكون صداقات جديدة بحب الاطلاع على كل شي جديد بعض من مواليد برج السرطان حنون بيتاثر باي موقف بتنزل دمعتو عندهن ذاكرة قوية ما بينسى شي اي موقف او مشكلة صارت معو بتذكرها أصح ما بصير عندو زهايمر
بداية السنه يعني ٣ أشهر الأولى من السنه حدا من افراد عيلتك بدو يتعرض لحادث او وعكة صحية او خسارة مالية بدو يصير عندك شي كبير يا سرطان هيدا الشي بدو يأثر عليك سلبا بدك تغير اسلوبك وحياتك وبدك تعيد ترتيب علاقتك وحسابات بالأشخاص المحطين فيك بالأخص المقربين إلك بس انا شايفة هيدا الأمر بدو يمر على خير ما تخاف يا سرطان بآخر شهر الرابع بدك ترجع تفتح ابوابك للفرج بإذن الله بعد ما تكون مرتب امورك المالية والمهنية بدها تفرج عليك بآخر شهر الرابع بدك تستلم اوراق بتخصك وهيدي الأوراق فيها خلاصك وفيها فرجك بدك تحصل على فرصة مهمة بحياتك المهنية هيدي الفرصة بدها تعملك نقلة مهمة شايفة بهيدي الفترة بدك تكون كتير حريص على اموالك واسرارك يا سرطان بدك تنتبه كتير من السحر عن طريق الاكل حدا مقرب منك انثى بدها تعمل سحر بقلب بيتك وهيدا الشي بدو يأثر عليك وعلى عيلتك
في بعض من مواليد السرطان عندهن سفر خارج البلاد بصدد العلم والدراسات والشهادات والعمل شايفة امورهن بإذن الله ميسرة شايفة باب النجاح والعلم والشهادات موجود
بالشهر السادس بدك تدخل بمشروع عمل مع حدا من افراد عيلتك هيدا العمل بدو يفتح عليك أبواب الرزق شايفة امورك بإذن الله بدها تتحسن شايفة عندك شراء شي بخصك وعندك تفير بقلب بيتك
وفي بعض من مواليد السرطان
بدو يمضي على عقد عمل جديد وهيدي العمل كان في شوية تأخير وفي عراقيل بقرارات بدها تزول هيدي العراقيل بدك تستلم اوراق مهمة بتخص العمل شايفة في مال وفي نجاح وتفوق بس في تعب ومجهود بس بتحصد تعبك يا سرطان
شايفة بفنجانك النجاح والمال بالشهر السابع بدك تواجه مشكلة بقلب بيتك بتخص حدا من افراد عيلتك بدو يصير في كلام عن طلاق او انفصال هيدا الأمر بدو يأثر عليك حدا اكبر منك سنا بدو يدخل بحل هيدا الخلاف
بدك تستقبل شخص جاي من سفر خارج البلاد وهيدا الشخص بدك تطلب مساعدة ودعم لحدا من افراد عيلتك من هيدا الشخص شايفة ما بتم الأمر ما بصير هيدا الأمر امورك المهنية والمالية والعاطفية بدها تستقر لشهر الحادي عشر بالشهر العاشر والحادي عشر بدك تتلقى خبر بخص العمل وهيدي الأمور بدو يعملك شوية مشاكل وتوتر وكركبة بدك تاخد خطوة بخصوص هيدا الأمر هيدي الخطوة بدها تكون فرصة إلك ولصالحك وبدها تكون بادرة خير عليك وبدك تكشف أشخاص منافقين من محيط العمل هؤلاء الأشخاص بدهن يحاولو انهن ياذوك بامورك المهنيه
الوضع الصحي
بدك تنتبه كتير للاتهاب المفاصل والتهاب الاوتار
الوضع العاطفي للمتزوجين
بدك طول بالك على الشريك العاطفي الشريك بمر بفترة شوية صعبة حاول انك تتفهم الشريك اكتر شايفة بدك تناقش مع الشريك امور أغراض بدها تطلع من بيتك وشايفة في أغراض بدها تدخل وهيدا الشي بيزعج الشريك العاطفي
الوضع العاطفي للعازبين
في شوية خلافات مع الشريك بسبب أشخاص مقربين منك شايفة بدك تنهي هيدا الخلاف والزعل بينك وبين الشريك وشايفة بدك تنهي علاقتك بهؤلاء الأشخاص
الارقام المميزة
(س- و)
الارقام المميزة
( 1-3-13-21-26-29)
بتمنى التوفيق تابعونا على الموقع بالابراج الشهرية بإذن الله