توقعات فنجان برج الاسد على الصعيد المالي والمهني والعاطفي والصحي سنة 2023 من قارئة الفنجان تعرف على توقعات 2023
شو بقول فنجانك بالفلك لعام 2023
يا أسد
الأسد
هو من الابراج النارية يتوافق مع الابراج الهوائية
بالعمل والقرارات والشريك والشراكة والمال والأصدقاء
مواصفات الايجابية والسلبية مواليد برج الأسد
صادق امين على السر محترم اكثر مواليد الأسد متعلمين ومثقفين عندهن كرامة وعزة نفس بيكره الغدر والخيانة بكل انواعها
الو حضور مهم لبق بالكلام والمناقشة واثق بنفسو حيوي بحب المغامرات بحب بصدق مخلص للشريك
محب للحياة والرومانسية متفائل جدا وطموح ومبدع بعملو الصفات السلبية بحب التملك والغترسة التكبر حب التظاهر ما بيقبل النصيحة بحب يكون قائد بأمور بتتعلق بشؤون العائلة والعمل والشريك مسيطر لأبعد الحدود تكون كلمتو مسموعة من المحطين فيه عنيد كتير متشبص برأيو ما بيسمع نصحية لحدا حتى لو كان هيدا الشخص عزيز وغالي عليه
شو بقول الفلك بعلم الفنجان لمواليد برج الأسد
بداية السنه بدها تكون شوية متعبة ودقيقة وصعبة بدك تعاني من بعد المشاكل المتراكمة عليك من سنه ٢٠٢٢ بدك تواجه مشاكل بالعمل والقرارات وبدك تابع بنفسك قرار بيتعلق بشؤونك المهنية شايفة بهيدي الفترة بدك تدخل على محاكم لانهاء أمور ومشكلة بتتعلق فيك يا أسد بدك تسترجع أموال بتخصك بالشهر الرابع بدك تبلش تلمس التغير وبدك تنفذ مشروع عمل جديد ومهم بخصك من اموالك هيدا العمل بدو يكون مشترك بينك وبين صديق او حدا مقرب منك شايفة بفنجانك فرحة بتخصك بنجاح مهم كتير بالنسبة إلك بدك ترتاح ماليا ومهنيا بالشهر السادس شايفة بدك تستلم مفتاح بخصك هيدا المفتاح كان عليه مشاكل كتيرة من الحواليك بدك تسترد حقك يا أسد
بالشهر السابع والثامن شايفة بدك تستلم عمل جديد مع منصب مهم كتير في بعض من مواليد برج الأسد بدهن ينجحو بعملهن وشايفة عندهن ترقية مهمة لكل مواليد برج الأسد
بالشهر العاشر والحادي عشر بدك تكون بإذن الله بالقمة يا أسد شايفة بفنجانك نجاح كبير ومال كتير وتفوق ومناصب مهمة بحياتك المهنية بدك تنتبه كتير من شخص بدو يقرب منك وبدو يبين اخلاصو ووفائو بس شايفة هيدا الشخص منافق ومخادع بدو يرافقك على مصلحة وبدو يدخل بينك وبين الشريك وبين عيلتك بدك تنتبه كتير من هيدا الشخص
بشكل عام هيدي السنه بدها تكون سنه سعيده وممتازة عليك بدك تتعرض لمشاكل وبدك تحلها بإذن الله من مواليد برج الأسد في سفر خارج البلاد وبدها تكون بداية مهمة بحياتك يا أسد ملاحظة لبعض مواليد الأسد
الوضع العاطفي للمتزوجين
شايفة مولود جديد بالعيلة بخص مواليد برج الأسد شايفة في استقرار بقلب بيتك بدها تواجهن بعد الخلافات المشاكل وسوء الفهم هيدي المشاكل بدها تنحل وبدك تحط حد لشخص بدو يدخل بينك وبين الشريك والاهل وضعك وامورك العاطفية فيها استقرار وتفاهم
الوضع العاطفي للعازبين بدك تمر بمشاكل بينك وبين الشريك شايفة ما في ارتباط ببداية السنه شايفة علاقتك بالشريك بدها تمر بفترات صعبة ودقيقة وفيها خيبات امل توتر شايفة في ارتباط بالشهر الثامن بإذن الله
الوضع الصحي
بدك تنتبه كتير وجع الراس والجيوب الانفية استشر طبيبك
الارقام المميزة
( 5-9-13-16-18-26)
الأحرف المهمة
( ه – ذ)
مواليد برج الأسد ما بيتاثر بالسحر بس بينخاف عليك من الحسد والعين
بتمنى التوفيق والنجاح لمواليد برج الأسد
تابعونا على الموقع بالابراج الشهرية بإذن الله مع تحيات قارئة الفنجان