فنجان برج القوس
القوس
شو بقول الفلك بعلم الفنجان لمواليد برج القوس لعام 2023
عزيزي القوس
بداية السنه شايفة عندك نقلة من مكان لمكان آخر بدك تستلم مفتاح بخصك وبدك تسلم مفتاح شايفة بعد هيدي النقلة في تغير كامل بحياتك بدك ترتب امورك واوضاعك بداية بدها تكون موفقة بإذن الله هيدي النقلة بدها تكون بادرة خير عليك
بالشهر الثاني بالسنه الجديدة شايفة عندك مقابلة مهمة كتير وهيدي المقابلة إلك فترة طويلة ناطرها بدك تتلقى مكالمة هاتفية بتخص هيدي المقابلة وبتخص عمل جديد وهيدا العمل بدك تبدع فيه بإذن الله يا قوس سنه حلوة بشكل عام عليك
بالشهر الخامس شايفة عندك شوية كركبة وقلق شي بخص عيلتك او حدا من افراد عيلتك بدو يتعرض لمشكلة وهيدا الشي بدو يأثر عليك سلبا بالشهر السابع شايفة بدك تتخطى الصعوبات وبدك تعيد حساباتك من جديد بالأخص بالأشخاص الموجودين بحياتك والمحطين فيك مريت بفترة دقيقة وصعبة عليك وهيدي المشكلة بدها تخليك تعيد حساباتك بالأشخاص الموجودين بحياتك يا قوس
شايفة بالشهر الثامن والتاسع بدها تفتح أبواب مهمة بتخصك شايفة عندك فرص مهمه كتير وبدك تحصل على فرصة مهمة بعملك وبدك تستفيد من هيدا الفرصة شايفة بدك تثبت وجودك وبجدارة يا قوس بالاشهر السابقة تعبت كتير وعملت مجهود مضاعف حتى تحصل على هيدي الفرص شايفة اوراق مهمة بتخصك بدك تمضي عليها وهيدي الأوراق بدها تفتح عليك أبواب الرزق بإذن الله شايفة عندك فرج والمال والنجاح يا قوس بالشهر الحادي عشر شايفة بدك تخسر شخص مقرب منك كتير صديق قديم أو حدا قريب منك
في بعض من مواليد القوس عندهن سفر ماكد بإذن الله بدهن يستلمو اوراق بتخص السفر خارج البلاد شايفة في نجاح ومال واستقرار مهني ومالي
شايفة بفنجانك يا قوس سنه حلوة عليك كل مواليد القوس بشكل عام في تغير كبير بحياتهن العاطفية والعائلية والمهنية هيدي السنه سنه النجاح وتحقيق الاحلام والأمنيات يا قوس
مواصفات برج القوس
هو من الابراج النارية يتوافق مع الابراج الهوائية بالعمل والقرارات والشريك والشراكة والمال والأصدقاء
مواصفات الايجابية والسلبية مواليد برج القوس
طموح جارف متفائل جدا مخلص بحب يساعد بحب الاستقرار بالعلاقة العاطفية بيكره المشاكل والغدر والخيانة طبعو صادق ما بحب يخون لذلك بيكره الغدر والخيانة بكل انواعها مخلص للاصدقاء بحب الاسفار ذكي سريع البديهة بحب عملو منظم بأمور بتتعلق بالعمل والمال حتى بحياتو الشخصية والعائلية منظم بحب الترتيب بيكره الفوضى
ما بيامن بالاحلام وتحقيق الاحلام بيامن بالواقع انسان عملي اكتر منو عاطفي مرح حنون عطوف بيكره التقيد بحب الحرية والاسفار والتنقل سريع الثقة حتى بالأشخاص المخادعين حريص كتير على اموالو شخصية قوية قيادي بحايتو العملية والعلمية والعائلية والعاطفية بيحمل المسؤولية طيب القلب سريع التكيف مع الآخرين وسريع الصداقات والعلاقات صريح لأبعد الحدود لذلك بصادف أعداء وحساد ومبغضين كتار بحياتو ما بحب يجامل عندو ثقة كبيرة بالنفس مندفع بعملو ومع الشريك العاطفي هيدا الأمر بأثر عليه سلبا
بينخاف من الحسد والعين على مواليد برج القوس
الوضع الصحي
بدك تنتبه كتير من ضغط الدم المرتفع ومشاكل بالقلب
الوضع العاطفي للمتزوجين
شايفة بشارة حلوة تاطرتك من الشريك العاطفي شايفة مولود جديد عندك نقلة من مكان لمكان آخر هيدي النقلة بدها تريحك كتير يا قوس بدها تقابلك شوية مشاكل وزعل مع الشريك شايفة بدك تتخطاها وبدك تكون صريح كتير ومتفهم الشريك العاطفي للمتزوجين شايفة استقرار بقلب البيت وفي تحقيق امنيات بإذن الله
الوضع العاطفي للعازبين
حب قديم بدو يرجع شايفة بفنجانك بدك تقابل حب قديم شايفة بدها ترجع العلاقة وفي ارتباط جدي بهيدي العلاقة بس الارتباط بالشهر الرابع بإذن الله
في ارتباط لمواليد القوس
الارقام المميزة
( 2-6-9-10-13-23-28)
الأحرف المهمة
( م – س )
بتمنى التوفيق والنجاح لمواليد برج القوس
تابعونا على الفيسبوك
قراءة تاروت الابراج اليومية. اكتشف ما يخبئه لك اليوم مع قراءة التاروت اليومية لجميع الأبراج…
قراءة تاروت الابراج اليومية. اكتشف ما يخبئه لك اليوم مع قراءة التاروت اليومية لجميع الأبراج…
قراءة تاروت الابراج الاسبوعية اكتشف ما يخبئه لك هذا الأسبوع مع قراءة التاروت الأسبوعية لجميع…
حساب التوافق بين شخصين حسب اسم الام لماذا يُعتقد أن اسم الأم له تأثير على…
قراءة تاروت الابراج اليومية. اكتشف ما يخبئه لك اليوم مع قراءة التاروت اليومية لجميع الأبراج…
قراءة تاروت الابراج اليومية. اكتشف ما يخبئه لك اليوم مع قراءة التاروت اليومية لجميع الأبراج…