فنجان الابراج شو بقول الفلك بعلم الفنجان لمواليد برج الجدي لعام 2023 على الصعيد العاطفي والمهني والصحي
عزيزي الجدي
بداية السنه شايفة بدها تكفي معك بالمشاكل بداية السنه الجديدة بدك تواجه مشكلة بتخص العيلة او بتخصك وهيدي المشكلة كانت بآخر سنه ٢٠٢٢ بدها تابع معك بالسنه الجديدة شايفة بداية الشهر الاول بدك تواجه هيدي المشكلة والخلاف مع شخص مقربين منك وهيدي المشكلة بدك تحلها بنفسك بس شايفة حلها ما بيرضى الطرف الآخر بداية الشهر الثاني بدك توسع نشاطك بالعمل والقرارات شايفة بدك تاخد خطوة بمجال عملك وهيدي الخطوة بدها تكون بداية مهمة لخطوات كتير مهمة ودقيقة بحياتك المهنية خود الخطوة وبدك تاخد فرصتك بالنجاح والتوفيق والمال
عزيزي الجدي
بالشهر الثالث شايفة عندك مفجاءات بتخص حدا من افراد عيلتك بدو يفاجئك بأمور بتتعلق بالمال والارتباط بخص هيدا الشخص بدك تناقش وبدك تنفعل بشكل سريع وبدك تعارض هيدا الأمور بس انا شايفة بدو يتم بإذن الله
بالشهر الخامس والسادس شايفة امورك بقلب بيتك والعمل تمام عندك استلام اوراق مهمة ومبلغ مالي كبير بخصك شايفة عندك امضاءات على اوراق مهمة بتخص السفر بإذن الله شايفة في بعض من مواليد الجدي عندك سفر ماكد بإذن الله عندك دخول إلى دوائر رسمية وحكومية لإكمال اوراق مهمة بتخص السفر وبتخص عيلتك بالشهر السابع والثامن شايفة في بعض من مواليد برج الجدي بدو يحتفل بترقية وتكريم بالعمل شايفة عندو فرح وفرح بالبيت والعمل والمال هيدي السنه بدها تحل مشاكلك يا جدي بدها تكون سنه السعد والحظ بإذن الله بدك ترتاح ماليا ومن ديون متراكمة عليك بالشهر التاسع والعاشر بدك تستلم مفاتيح مهمة بتخصك وبين المفاتيح في مفتاح بخص حدا قريب منك شايفة بدك تستقبل شخص جاي من سفر خارج البلاد
شايفة مشروع بينك وبين هيدا الشخص وشايفة عندك نجاح مهم بهيدا المشروع خلال هودي الاشهر شايفة بدك تمر بوعكة صحية مفاجئة بدها تعملك شوية كركبة ومشاكل بدك تمر بفترة دقيقة وصعبة بالشهر العاشر والحادي حدا من افراد عيلتك او المقربين منك بدو يتعرض لوعكة صحية او حادث او بدو يمر عليه قطوع بس شايفة بمر بسلامة ما تخاف يا جدي بشكل عام هيدي السنه سنه حلوة عليك فيها تحقيق أهداف وطموحات واحلام وفيها تحقيق امنيات وفيها سفر لبعض الأشخاص وكمان فيها شوية مشاكل وتوتر وكركبة وخيبات امل
الجدي هو من الابراج الترابية يتوافق مع الابراج المائية الصداقات والعلاقات العاطفية والمالية العملية
مواصفات مواليد الجدي
شخصية قوية بيتحمل المسؤولية بكل المجالات العائلية والأسرية والعاطفية والمالية طموح محب للعيلة بينزل مجهود حتى يسعد الآخرين حتى لو على حساب صحتو عنيد كتير متشبص برأيو بالأخص بالامور بتتعلق بتحقيق الاحلام والاهداف صبور ملتزم بالمواعيد بيكره التأخير او التأجيل صديق مخلص بيقف بجانب الاصدقاء وبساعد وبساند على حساب راحتو مخلص بالعمل ومع الزملاء مبدع بعملو متكلم بقدم النصائح المهمة للآخرين بحب يحل المشاكل وبقيم المشكلة بموضعية الجدي صديق وفي مواليد برج الجدي مخلص ووفي للشريك ببكره الخيانه رومانسية بعبر عن الحب بالفعل والكلام مزاج متقلب ساعة عصبي ومتهور وساعة رايق ومتكلم ومتفهم سريع الغضب عنيد كتير بيتشبص بافكارو حتى لو كانت خاطئة هو الصح
في بعض مواليد الجدي قليل المرح بيعتمد على الجدية بتعاملو حتى بحياتو الشخصية ما بسامح اي شخص اساء الو او حدا غلط بحقو بتخلى عنو حتى لو كان مقرب منو او صديق قديم أو عزيز وغالي ما بيطلع للوراء ابدا مواليد الجدي حساس كتير حنون بالأخص مع الأكبر سنا بيحذر كتير من الأشخاص الجدد بحياتو طيب القلب عفوي بقلبو على رأس لسانو بحب الطالعة والقراءة بيكره يطلب مساعدة او مساندة عزيز النفس بيكره حدا يشوف ضعفو
الوضع المالي شايفة هيدا السنه فيها شوية تقلبات بداية السنه بدها تكون شوية صعبة بدك ترتب كل امورك المالية يا جدي شايفة بدك ترتاح ماليا بالشهر الرابع شايفة عندك شراء شي خاص بالعيلة انت حريص كتير على مالك وبدك تكون حريص اكتر يا جدي وبدك تنتبه كتير لنفقاتك ومصاريفك هيدي السنه سنه حلوة ماليا عليك بدك تستفيد منها
الوضع العاطفي للمتزوجين
بدك تتفهم الشريك شايفة مريت بفترة فيها مشاكل كتير مع الشريك بسببها الشريك وحدا مقرب منك شايفة بدها تواجهك مشاكل مع الشريك بسبب انثى بتخص الشريك بتحل هيدي المشكلة حاول انك تكون بعيد عن الأشخاص المتطفلين الموجودين بحاة الشريك شايفة في استقرار بالعلاقة بقلب بيتك الشريك متفهم ومغرم فيك يا جدي
الوضع العاطفي للعازبين
شايفة في استقرار بالعلاقة وفي تفاهم وتناغم كبير بينك وبين الشريك بالشهر التاسع شايفة عندك ارتباط بدك تفاجىء الجميع بالأخص الأهل بهيدا الارتباط صار وقت انك تفرح وترتاح يا جدي
الوضع الصحي
بدك تنتبه لوجع المعدة وعندك وجع راس ومشاكل بالرقبة
واسفل الظهر
بينخاف عليك من السحر الأسود المدفون والمشروب يا جدي والحسد
الأحرف المهمة
( ك – ل )
الارقام المميزة
( 1-9-11-13-19-24)
بتمنى التوفيق والنجاح لمواليد برج الجدي لعام 2023
تابعونا على الفيسبوك