فنجان الابراج اليوم
ما هي توقعات فنجان الابراج اليوم بحسب مواليد الابراج نقدم لكم في عرب كلوب خدمة قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرك الفنجان يا برج الحمل
خفف هموم يا حمل
شايفة انك حامل هموم العيلة كلها فوق راسك
في شي فرح خطبة شي بخص حدا من افراد العيلة بدو ياخد خطوة بخصوص ارتباط ولازم تكون حدو
الوضع المهني
ناوي على سفر بخصوص شي بخص شهاداتك ودراستك
وهيدا الشي بدو يصير لازم تحسم موضوع العمل بس بالأول حاول تحصل شهادات لتعبت عليهن فنيت عمرك .
حتى تحصل على عمل منيح ومنصب مريح
الوضع المالي
شايفة بفنجانك
بدك ترهن شي بخصك حتى تيسر امورك المالية
الوضع الصحي انتبه من وجع القدمين
الوضع العاطفي
انت خالي القلب ما بتفكر بالارتباط بوقت القريب خود وقتك كامل
بقلب البيت
بدك تناقش امور بتخص حدا من افراد العيلة
شخصيتك اليوم
حاول انك تتجنب اي مشاكل مع حدا من الأهل
الثور
شو بقول فنجانك يا برج الثور
عندك مشاجرة مع حدا من الزملاء هيدي
المشاحرة كانت مزحة صارت جد
في حدا من الزملاء بدو يحكي كلام يزعجك وهيدا الكلام بخص شي من الماضي
حاول انك تصلح اخطائك مع الزملاء
الوضع المهني
عندك شجار مع حدا من الزملاء وهيدا الشي بدو يزعجك ويزعج الزملاء الآخرين
حاول انك تراضي الزملاء
لانو قريب بدك تدخل بمناقصة بتخص عملك او مناسبة هيدا الشي بدو يتوجب عليك انو تكون مع الزملاء وبالاخص الزميل اختلفت معو حاول انك تصلح أوضاعك معو بدو يجي وقت تحتاج دعم منو
الوضع العاطفي
عندك مقابلة مع الشريك بدو يزعجك بأمر بخص الشريك خطوة او شي بخصو
الوضع الصحي خفف توتر وتعصيب
الوضع المالي
بعد عندك شوية ضائقة مالية وقريب بدك ترتاح انشاءالله
بقلب البيت
تجنب المشاكل حواليك منك ناقص تعصيب
شخصيتك اليوم
بتحاول تكون لحالك وتعيد حسباتك
الجوزاء
شو بدو يخبرك فنجانك يا برج الجوزاء
عندك مشاكل مالية كتيرة مستحقة الدفع يا برج الجوزاء
ناطر مكالمة هاتفية بخصوص مبلغ مالي انت طالبو من حدا خارج البلاد صديق قديم إلك وهيدا الصديق ما بيتاخر عن مساعدتك بس طراء ظروف هيدا الشي اخرو
بعدين بدك تعرف بظروفو
الوضع المهني
لازم تحسن التصرف وادئك واسلوبك بالعمل هيدا الشي منيح إلك وخصوصا وضعك بالعمل مكركب شوية
حاول انك تتجنب المشاكل مع الاصدقاء والزملاء
حاول انك تعطي مجهود اكتر وانت قادر بس ظروفك وضعك هو لبخليك موتر ومتعصب شايفة بفنجانك حل قريب انشاءالله وهيدا الحل بريحك وبخليك اكتر رايق وبتعطي مجهود مضاعف للعمل
الوضع العاطفي
الشريك العاطفي بيتصرف بشكل غير مريح إلك هيدا الشي لازم تأخد قرار
بقلب البيت
انت مزعوج بخصوص وضعك المالي وهيدا الشي اثر على علاقتك بالأهل
وضعك الصحي بتشكي من وجع الراس
شخصيتك اليوم
حاول انك تلاقي حل لعصبيتك
السرطان
شو بقول فنجانك يا برج السرطان
اهتم بنفسك وبشؤونك شوي يا برج السرطان
واحمل همك يا سرطان صح انك تهتم بالأهل وأفراد العيلة والأصدقاء بس اهتم بنفسك شوية
حدا من المقربين إلك بدو يطلب منك المساعدة بخص عمل او شي هيدا الأمر
بدو يدخلك بمشاكل ما بتخلص لعدم مصداقيتو واخلاصو وبعدين انت لبدك توقع بمشاكل
الوضع المهني
انت مستقر في عملك متفوق بكل الاوقات وحتى في قرارات مهمه وبتقوم مبادرات وبتواكبها شخصيا هيدا الشي بيعطيك اكتر اهتمام من المسؤولين والزملاء بالعمل بتحصل على ترقية وزيادة مدخولك بعملك وهيدا الشي بيريحك ماليا ومعنويا
الوضع العاطفي
عندك شي بخص الشريك وهيدا الشي بيسعدك وبيسعد الشريك
الوضع الصحي
انتبه من وجع اسفل الظهر
الوضع المالي
بدك ترتاح ماليا قريب كتير بدك تحصل على زيادة بمدخولك وهيدا الشي بيسعد وبفرح الأهل
بقلب البيت
بدك تهتم بالأهل وطلباتهم هيدا الشي بيريحك
شخصيتك اليوم
مرتاح ورايق بين الأهل
الأسد
شو بخبرك الفنجان يا برج الأسد
بدها طالك بعض الشائعات يا برج الأسد
حدا بدو يطلع عليك إشاعة بدها تزعجك وتهزك وتهز علاقتك مع الشريك
بدك تناقش امورك مع الأصدقاء القدماء بخصوص الاشاعة وتسمع لنصيحتهن
الوضع المهني
بدو يكون عندك مقابلة بخصوص عمل جديد وهيدا الشغل ما بيظبط معك بخصوص الشروط الموجودة بالعقد بس تعتذر عنو
الوضع المهني
انت عم بتفكر بمشروع مع حدا من الزملاء لكانو معك وهيدا المشروع بدو دعم ومساندة
الوضع المالي
امورك المالية تعبانة شوي لازم تأخد خطوة جادة بخصوص الشغل لانو وضعك كل يوم أصعب من يوم
الوضع العاطفي
انت على خلاف مع الشريك للأسف انت منك مهتم
الوضع الصحي
حاول تمارس الرياضة بتتجنب المشاكل
بقلب البيت
بدك تسمع كلام من الأهل وأفراد العيلة بخصوص شغلك وضعك المالي
شخصيتك اليوم
اطلع من الحالة لانت فيها
العذراء
شو بدو يخبرك فنجانك يا عذراء
ناوي تمشي بطريق انت وحدا من افراد العيلة بس بدك ترجع تمشي مع حدا قريب إلك بسبب شخص مقرب مهم بحياتك قرر يكون معك
الوضع المهني
بدك تمضي على اوراق بخصوص شغل او مشروع عمل او مؤسسة هيدا الأمر بدو يكون عندك أرباح ونجاح وكمان بدو يكون عندك خيبات امل بسبب احد الزملاء لبكونو حاقدين عليك وعلى نجاحك
بدك بالبداية تنزعج بعدين بتعرف كل شخص على حقيقتو
الوضع المالي
مرتاح ماليا
اصرف وعيش حياتك
الوضع الصحي
انتبه من الشقيقة لازم تستشير طبيبك
الوضع العاطفي
انت بتتجنب الشريك لأسباب خاصة فيك
بقلب البيت
بدك تناقش حدا من الأبوين بخصوص مبلغ مالي وهيدا الشي بسبب زعل
شخصيتك اليوم
عندك سهرة حلوة وحاول تروق وتفرح
الميزان
شو بقول فنجانك يا برج الميزان
بدك تواجه مشكلة انت وحدا من الاصدقاء أثناء سهرة عندك حدا من المقربين لصديقك وهيدا المشكلة بدها تتطور إلى عراك بين صديقك واحد الموجودين بالسهرة وهيدا
الوضع المهني
بدك تاخد قرار وتشارك بعض الزملاء بعمل ابداعي عزيزي الميزان وهيدا العمل بدو يبهر الموجودين في العمل والمحيط وبدك تعيش اوقات ساحرة ومعروف عنك الثقه والتواضع وهيدا الشي بقدرو الزملاء والمسؤولين
الوضع المالي
انت بتمام ظروفك ووضعك المالي كتير منيح وهيدا الشي بيفرق معك بالعمل والقرارات ومع الاهل والعيلة والشريك
الوضع العاطفي
بدك تشتري هدية بتخص الشريك وبدو يكون في اجواء حلوة
الوضع الصحي انتبة لوعكة صحية مفاجئة
بقلب البيت
انت بتهتم بالأهل والمقربين إلك وهيدا الشي بعوضلك بالاحسن
شخصيتك اليوم
عم بتحضر حااك لسهرة مع الشريك
العقرب
شو بدو يقول فنجانك يا برج الحوت
شايفة سفر عندك يا حوت شو ناطر لازم تأخد فرصتك من الحياه
عندك مسائل مرتبطة بالأهل والمقربين إلك بخصوص مشاكل بتخص طلاق بالعيلة هيدا القرار انت منك موافق عليه وبدك تتعب مع الحواليك
الوضع المهني
عم بتحضر لسفر خارج البلد وبدك تصفي امورك وكل شي بيتعلق بشؤونك المالية والمهنية هيدي الخطوة اخدتها بعد ما تعبت من الناس الموجودين بالعمل والمقربين منك
انا شايفة بفنجانك سفر وشايفة نجاح واموال وشايفتك مرتاح كتير ماليا حدا بدو يقدر تعبك ودراستك وخبراتك وموهبتك
الوضع المالي
بدو حدا يدعمك بالمال وانت من شغلك شوية بتمشي امورك
وضع العاطفي
اشرح وجهة نظرك للشريك شو عم بتفكر
الوضع الصحي
خفف الدسم وعليك بالخضروات
بقلب البيت
ابعد عن أي جدال أو نقاش احسن إلك
شخصيتك اليوم
شايفة مقابلة مع الشريك وبدك تشرح وضعك وهيدا الشي بيسعدك
القوس
شو بقول فنجانك يا برج القوس
في حدا بدو يجي لعندكن من المقربين او الجيران حدا كتير قريب إلك هيدي الزيارة بدك تسمع كلام بخصوص خطبة او ارتباط من هدا من افراد عيلتك
نصيحة ما تعطي رائيك باي شي خلي صاحب القرار احسن بعدين ما تندم
الوضع المهني
انتبه يا قوس من المشاريع والعروض الجديدة الكاذبة والواهمة لحدا بدو يجي يعرض عليك شغل او مشروع كلو كذب ودجل حاول تتجنب اي شخص بدو يدخل حياتك جديد
بدو يورطك بأوراق قروض من البنوك انا شايفة بفنجانك
هيدا الشخص قريب بدو يجي وبدو يعرض عليك إياك ثم إياك الدخول في اي عروض جديدة بالعمل
الوضع العاطفي
انت والشريك شايفة خلاف صغير بسبب شي بخصك إلك
الوضع المالي
انت حريص على مالك وبتحافظ على كل مدخراتك
الوضع الصحي
انت وجع بالصدر ما تخاف يمكن يكون توتر
بقلب البيت
بدك تشكي لا حدا من الأهل عن شي بيزعجك
شخصيتك اليوم
اطلع سهرة مع الاصدقاء والمقربين
الجدي
شو بقول فنجانك يا برج الجدي
انت تعبت كتير بحياتك وضحيت كتير ساعدة وساندة كتير من الأهل والمقربين والأصدقاء والزملاء صار وقت يا جدي تهتم بنفسك ودلل حالك شوية
حدا من افراد العيلة بدو يحاول يستغلك بشي مال او شي بخصك انتبه هيدا صار استغلال إلك
الوضع المهني:
حاول انك ترتب امورك المهنية بصورة اوضح إلك
بدك تباشر بعمل بخص المؤسسة أو شركة هيدا العمل بدو يعملك نقلة مهمة بحياتك المهنية انا شايفة بفنجانك نجاح كبير وقريب كتير بدك تكون بالصدارة
الوضع المالي:
خفف مصروفك يا جدي حاول انك ترتب امورك المالية متل ما بقول المثل قرشك الأبيض ليوم الأسود لانو بدو يجي وقت تحتاج إلى مال
الوضع العاطفي:
خفف مشاكل مع الشريك حاول تفهم الشريك ويكون النقاش
راقي وهادي
بقلب البيت
بدك تناقش
امور مالية مع افراد العيلة بدك تكون مزعوج من حدا بيسمعك كلام
الوضع الصحي
انتبه لوضع اسفل الظهر
شخصيتك اليوم
آخر رواق بتحاول تكسب وقت حلو
الدلو
شو بقول فنجانك يا برج الدلو
عندك نقلة مهمة بحياتك المهنية وبصورة ايجابية
بدك تقابل ناس جديدة بحياتك هودي الأشخاص مهمين بدك تناقش معهن اكتر من مشكلة
الوضع المهني:
بدك تاخد خطوة بمجال عمل جديد مع اشخاص جديدة وبدو تفتح أبواب مهمة إلك
انا شايفة بفنجانك لقاء مع الأشخاص المهمين بدو يعطيك الهمة والنشاط وبدك تثبت قدراتك وجدارتك من خلال عمل انت بتقوم فيه
الوضع المالي:
بدك تمر شوية صعوبات وضغوطات وهيدا الشي بدو ينتهي بأقرب وقت
الوضع العاطفي:
الشريك بحاجة انك تعطي اهتمام خاص
الوضع الصحي:
انتبة من وجع العيون او افحص النظر عندك
بقلب البيت
عندك طاقة فرج قريبة واجابية بدك تشكي لحدا من الأهل
شخصيتك اليوم
كون هادي وحاول انك تهتم بالعيلة
الحوت
شو بقول فنجانك يا برج الحوت
شايفة بفنجانك نجاح كبير شهادة دراسية او شي بتتعلق بموضوع العلم والدراسات والشهادات وهيدا الشي بدو يفرض اجواء ايجابية حلوة على العيلة والاهل
الوضع المهني:
بدك تواجه مشكلة مع حدا من الزملاء بعمل هيدي المشكلة انت ما خصك فيها حدا اخد قرار بيتعلق بشؤون العمل عندك وبدو يصير الجدل ويصير في بلبلة بخصوص هيدا القرار ما تخاف بعدين كل شي بدو يبين وقريب جدا
شايفة بفنجانك انفرجات بالعمل
الوضع المالي:
عندك حوالة مالية او انت بدك تحول أموال وهيدا الشي بدو يأثر عليك ماليا
الوضع الصحي
انتبه من وجع اسفل القدمين
الوضع العاطفي
شايفة بفنجانك ارتباط جدي يا حوت الف مبروك
بقلب البيت بدك تلاقي الدعم من الأهل وأفراد العيلة والمقربين
شخصيتك اليوم
حاول تستغل الأجواء الهادية واطلع اسهر
أقوال وحكم عن العمل والاجتهاد عبارات تلهمك لتجاوز التحديات العمل والاجتهاد هما أساس النجاح وبناء…
أقوال وحكم عن السعادة والرضا عبارات تلهمك لتعيش حياة أكثر بهجة السعادة والرضا هما الحلم…
أقوال وحكم عن الحب والعلاقات: عبارات تلهمك لفهم أعمق للحياة الحب هو القوة الأعظم التي…
أقوال وحكم عن التفاؤل والطاقة الإيجابية تلهمك لتغيير حياتك هما المفتاحان لتغيير حياتك وتحقيق أحلامك.…
أقوال عن النجاح وحكم تلهمك لتحويل أحلامك إلى حقيقة النجاح والصبر هما وجهان لعملة واحدة؛…
أسباب التهاب المثانة وطرق العلاج والوقاية التهاب المثانة هو حالة شائعة تصيب الجهاز البولي، خاصة…