قراءة فنجان الابراج اليوم السبت 21/1/2023 يناير

قراءة فنجان الابراج اليوم  توقعات فنجان الابراج اليوم  حصريا من موقع عرب كلوب 

تعرفوا على اشهر قارئة فنجان في الوطن العربي

قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

قراءة فنجان برج الحمل اليوم السبت 21/1/2023 كانون الثاني يناير

الحمل
شو خبرني فنجانك يا حمل في
قصة بتشغلك كتير بتخص حدا قريب منك وهيدا القصة صار من وراها مشكلة وزعل بدك تكتشف قصص جديدة

وحقائق وبدها تكون مواجهات شرسة وصعبة مع بعض الأشخاص لصارت معهن هيدي المشكلة

وبدك تكتشف يا حمل انو حدا من المقربين إلك هو سبب كل شي
الوضع المهني
عندك شي بخصك وبخص عملك يا حمل انت وحدا من الزملاء عم تشتغلو على مشروع عمل جديد

وهيدي الأمر بدو ينجح وبدو يعملك نقلة مهمة شايفة عندك نجاح بس شايفة عندك أعداء وحساد يا حمل
الوضع المالي
امورك المالية بخير انت مريت بفترة دقيقة بس هيدي الفترة مرت بإذن الله
الوضع العاطفي
بعدك مأثر من لقاء عاطفي جيد يا حمل
بقلب بيتك
بدك تواجه مشكلة قديمة يا حمل وبدو يصير في مواجهات شرسة جدا
شخصيتك اليوم
في شوية توتر وكركبة عندك

قراءة فنجان برج الثور اليوم السبت 21/1/2023 كانون الثاني يناير

الثور
شو بخبرك الفنجان يا ثور
بدك تلتقي بشخص عزيز وغالي عليك يا ثور وهيدا الشخص بير اسرارك بدك تحكي امور كتيرة معو

وبدك تسمع كلام كتير ونصائح بتخص العمل والعيلة بدو يكون اللقاء بشكل عام تمام
الوضع المهني
عندك مواجه ونقاش بينك وبين حدا من الزملاء معك بالعمل بخصوص مشروع مهم عم تشتغل عليه

وهيدا المشروع كتير مهم إلك بدو يعملك نقلة بحياتك المهنية خليك متابع هيدا الأمر يا ثور
الوضع المالي
حدا من الاصدقاء بدو يطلب مساعدة مالية ما تتردد امورك المالية الحمدلله بخير فيك تساعد
الوضع العاطفي
علاقتك مع الشريك فيها شوية توتر وزعل حاول انك تصلح امورك
بقلب بيتك
بدك تناقش امور بتتعلق بشؤون العيلة زاعجتك شوي مع حدا من افراد عيلتك بخصوص مال
سخصيتك اليوم سهرة مع صديق مقرب كتير بدك تكون مرتاح

قراءة فنجان برج الجوزاء اليوم السبت 21/1/2023 كانون الثاني يناير

الجوزاء
شو بخبرك الفنجان يا جوزاء
بدك تودع شخص مهم كتير يا جوزاء شايفة عندك طيارة مغادرة وهيدا الشخص كان مرافقك من فترة طويلة وعرض عليك مساعدة

وعرض عليك العمل خارج البلاد يا جوزاء شايفة عندك سفر بس انت بدك تأخر هيدي الخطوة يا جوزاء
الوضع المهني
بدك تنهي امور بتتعلق بشؤون العمل شايفة عندك أوراق بدك توقع عليها بتخص العمل شايفة بفنجانك باب السفر موجود يا جوزاء
الوضع المالي
انت من فترة طلبت مساعدة ودعم من صديق وهيدا الصديق خارج البلاد ولقيت الدعم المطلوب الوضع العاطفي
شايفة بدك تكون جاد وصادق وصريح مع الشريك يا جوزاء
بقلب بيتك
نقاش مع الأهل بخصوص قرارك السفر بدك تلاقي الدعم المطلوب شخصيتك اليوم رايق وهادي ومقابلة مهمة مع الشريك

قراءة فنجان برج السرطان اليوم السبت 21/1/2023 كانون الثاني يناير

السرطان
شو بقول فنجانك يا سرطان
في أسرار كتير بحياتك يا سرطان في شي شاغل بالك كتير في سر انت مكتشف أمر بخص حدا من عيلتك

وهيدا السر اذا انكشف بدو يعمل كركبة ومشاكل كتيرة وبدو يصير زعل كبير بينك

وبين حدا من المقربين إلك بس بدو ينكشف هيدا السر وقريب كتير يا سرطان
الوضع المهني
موعود بعمل جديد يا سرطان انت وحدا من افراد عيلتك وهيدا العمل بعد بدو وقت

حتى يصير حدا من المقربين إلك هو لمأخر هيدا الأمر يمكن يكون لصالحك يا سرطان
الوضع المالي
عندك مال يا سرطان بس عندك نفقات مالية مستحقة
الوضع العاطفي
انت حريص على استمرار العلاقة مع الشريك
بقلب بيتك
شايفة عندك معاتبة بقلب بيتك من حدا من المقربين إلك شخصيتك اليوم
عندك جمعة بقلب بيتك بتخص العيلة والاهل
شخصيتك اليوم رايق وهادي سهرة مع افراد عيلتك

قراءة فنجان برج الاسد اليوم السبت 21/1/2023 كانون الثاني يناير

الأسد
شو بخبرك الفنجان يا أسد
مكالمة هاتفية من حدا من المقربين بدها تزعجك وتعصبك

وبعد هيدي المكالمة بدك تناقش وتاخد قرار ببيع شي خاص فيك يا أسد
الوضع المهني
بدك تناقش وضعك وامورك المهنية والمالية مع حدا قريب منك في قرار بينك

وبين نفسك بدك تاخدو يا أسد وهيدا القرار بدو يكون بادرة خير عليك
وضعك المهني بدو يتحسن اذا اخدت قرار الصح
الوضع المالي
عندك ديون والتزامات يا أسد بدك تاخد قرار ببيع شي خاص فيك وبدك ترتاح ماليا
الوضع العاطفي
بدك تناقش وضعك وامورك مع الشريك اسمع نصيحة الشريك العاطفي بتكون مرتاح
بقلب بيتك
عندك نقاش مع حدا من افراد عيلتك بخصوص عمل بخص حدا قريب منك

شخصيتك اليوم عندك نقاش بتكون معصب ومزعوج

قراءة فنجان برج العذراء السبت 21/1/2023 كانون الثاني يناير

فنجان برج الميزان اليوم السبت 21/1/2023 كانون الثاني يناير

ميزان
شو بقول فنجانك يا ميزان
شايفة عندك دخول إلى دوائر رسمية وحكومية يا ميزان بدك تمضي على اوراق مهمة مرتبطة بشهادات

ودراسات يا ميزان وهيدي الأوراق بدها تفتح عليك أبواب العمل
الوضع المهني
بدك تقدم على شغل جديد وبتمضي على عقد عمل جديد وهيدا العمل بيسعدك

وبيعطيك ثقة بالنفس يا ميزان شايفة عندك عمل جديد وحياة جديدة يا ميزان فنجانك بشكل عام حلو ورايق
الوضع المالي
لا معك ولا عليك امورك المالية بدها تتحسن وقريب جدا يا ميزان
الوضع العاطفي
حب جديد بدو يطرق بابك قريب جدا
بقلب بيتك
امورك العائلية الحمدلله بخير شايفة فرحة بعيون الأهل
شخصيتك اليوم
رايق وهادي بتفكر كتير بأمور بتتعلق بشؤون العائلة والعمل

فنجان برج العقرب اليوم السبت 21/1/2023 كانون الثاني يناير

العقرب
شو بقول فنجانك يا عقرب
شايفة عندك لقاءات مع أصدقاء يا عقرب وحدا من الموجودين

بدو يعرض عليك مشروع شراكة يا عقرب إياك يا عقرب هيدا المشروع فاشل بدو يعملك مشاكل كتير
الوضع المهني
عندك اجتماع مع حدا من المسؤولين عنك وبدك تشرح امور بتتعلق بشؤون العمل

مع هودي المسؤولين وبدو بكون هيدا الاجتماع لصالحك حاول انك تستفيد من هيدا اللقاء
الوضع المالي
امورك المالية تمام الحمدلله بدك تنتبه يا عقرب من أشخاص بدهن يحاولو يستغلوك ماليا
الوضع العاطفي
مقابلة مع الشريك بدها تخفف عنك توتر وقلق
بقلب بيتك
عندك لقاء مع أصدقاء بدك تكون كتير مرتاح شخصيتك اليوم
سهرة مع الاصدقاء واجواء حلوة

فنجان برج القوس السبت 21/1/2023 كانون الثاني يناير

القوس
شو بقول فنجانك يا قوس
عندك ضيوف يا قوس جايين من طريق بعيد وهودي الضيوف عزيزين عليك كتير شايفة عندك سفرة ممدودة

بدك تناقش امور مع هودي الضيوف حدا من الموجودين بين الضيوف بدو يحكي بارتباط بخص حدا من عيلتك
الوضع المهني
عندك زيادة بالراتب يا عقرب امورك المهنية بخير بس بدك تنتبه من الأشخاص ذو وجهين بحاولو انهن ياذوك

بامورك المهنيه بس ما بيطلع من امرهن شي انت منتكل على الله وانت ناجح بشهادة كل الحواليك
الوضع المالي
عندك التزامات ونفقات مالية بتخص العيلة يا عقرب
الوضع العاطفي
بدك تحكي مع الشريك بأمور بتتعلق بالعمل والمال والارتباط
بقلب بيتك
ضيوف وعزيمة بقلب البيت بشكل عام امورك تمام الحمدلله شخصيتك اليوم سهرة مع الاصدقاء وضيوف بقلب البيت

فنجان برج الجدي اليوم السبت 21/1/2023 كانون الثاني يناير

الجدي
شو بقول فنجانك يا جدي
بدك تسمع كلام وقصص بخص حدا من المقربين إلك كلام بدو بزعجك كتير بدك تواجه هيدا الكلام

وبدو يصير في زعل مع حدا من المقربين إلك فترة بتسمع قصص عن هيدا الشخص

بس هيدي المرة بدها تكون صعبة وبدك تنهي علاقتك بهيدا الشخص
الوضع المهني
بدك تدخل بعمل جديد يا جدي وهيدا العمل للاسف ما بينجح يمكن انت ما حسبتها صح

وبدك تواجه مشاكل مع حدا من افراد عيلتك بخصوص هيدا العمل شايفة عندك عمل جديد

بس بدو وقت وبدك تكون متحفظ وحريص كتير يا جدي ما تتهور باخد اي قرار
الوضع المالي
عندك نفقات مالية بتخص العيلة وضعك المالي دقيق شوية بدك ترتب امورك المالية يا جدي
الوضع العاطفي
اهتم بالشريك اكتر وكون رومنسي مع الشريك لانو داعمك بكل المجالات
بقلب بيتك
عندك مواجهات حادة جدا مع حدا من المقربين إلك بخصوص قصص وامور انت ما بتتقبالها
شخصيتك اليوم
مزوعوج من امور كتيرة ومن تصرفات بعض الأشخاص

فنجان برج الدلو اليوم السبت 21/1/2023 كانون الثاني يناير

الدلو
شو بقول فنجانك يا دلو
بدك تمشي بطريق طويل مع حدا من افراد عيلتك وحدا من الأهل وبدك تلتقي بصديق قديم وبدك تدخل على دوائر رسمية

إكمال اشياء مرتبطة بأمور الإرث وأرض وامضاءات يا دلو بدك تتعب بس بعدين بدك تكون مرتاح وضميرك مرتاح
الوضع المهني
عندك جردة بتخص العمل بدك تواجه مشكلة مع حدا من المسؤولين بخصوص هيدي الجردة بدك تنتبه يا دلو لازم تكون حريص

اكتر وحذر بأمور بتتعلق بشؤون العمل وهيدي المشكلة بدك تحلها مع حدا من الزملاء امورك المهنية الحمدلله بخير والمشكله بدها تنحل لصالحك يا دلو
الوضع المالي
حدا من الأقارب بدو يطلب مساعدة مالية ما تتردد يا دلو هيدا الشخص منيح معك وبخاف عليك
الوضع العاطفي
مكالمة هاتفية مع الشريك بدها تقلب حياتك يا دلو
بقلب بيتك
طاقة فرج قريبة يا دلو امورك العائلية الحمدلله بخير
شخصيتك اليوم
سهرة مع صديق إلك بدك تكون مرتاح وسعيد

فنجان برج الحوت اليوم السبت 21/1/2023 كانون الثاني يناير

الحوت
شو خبرني فنجانك يا حوت
فنجانك كتير حلو ورايق يا حوت
بعد ٥ إشارات يا حوت بدك تدخل على مشروع شغل جديد وبدك تمضي على اوراق كتير مهمه بالنسبة إلك

هيدي الأوراق بدها تحل مشاكل وزعل مع أشخاص مهمين يا حوت شايفة بفنجانك نجاح كبير وقريب كتير
الوضع المهني
بدك تناقش امور بتتعلق مختلفة بالعمل والقرارات وبدك تاخد قرار وتنهي امور عالقة بتخص العمل بدك تنتبه يا حوت

من بعض الأشخاص لبكونو حاقدين عليك وعلى نجاحك وبحاولو يستغلو منصبك بأمور بتخص بالعمل انت بتعرفهن وكاشفهن يا حوت
الوضع المالي
امورك المالية الحمدلله بخير بدك تنتبه من الحسد يا حوت قول قل أعوذ برب الفلق
الوضع العاطفي
شايفة عندك هدية قيمة بدك تحصل عليها انت متفاهم مع الشريك وشايفة في تناغم
بقلب بيتك
شمس شارقة بقلب بيتك بدك تناقش امور بتتعلق بشؤون العيلة مع الأهل
شخصيتك اليوم
مقابلة مع الشريك بدك تكون مرتاح كتير بشكل عام مزاجك رايق

المصدر:عرب كلوب

الأبراج اليومية على الفاسبوك