فنجان الابراج
قراءة فنجان الابراج اليوم توقعات فنجان الابراج اليوم حصريا من موقع عرب كلوب
تعرفوا على اشهر قارئة فنجان في الوطن العربي
قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرك فنجانك يا حمل
بدك تستلم ظرف او رسالة او أوراق بتخصك يا حمل وهيدي الأوراق بدها تغيرلك حياتك للأحسن بإذن الله انت ناطر هودي الأوراق من فترة طويلة
الوضع المهني
عندك ضغط كبير بالعمل وبدك تاخد قرارات كتير ومهمه بتخص العمل وبتخصك يا حمل امورك المهنية جيدة الحمدلله بدك تقابل حدا من الزملاء وبدك تناقش امور بتتعلق بشؤون العمل
الوضع المالي
عندك نفقات والتزامات مالية بتخص العيلة شايفة امورك المالية الحمدلله تمام
الوضع العاطفي
عندك مقابلة مع الشريك بدها تكون مهمة وبدك تناقش امور كتير مهمه بالنسبة إلك وللشريك
بقلب بيتك
الوضع العائلي
وضعك تمام مع الأهل والعيلة بدك تناقش امور بتتعلق بأستلام أوراق بتخصك
شخصيتك اليوم رايق وهادي شايفة انك مرتاح يا حمل
الثور
شو بقول فنجانك يا ثور
من فترة صارت مشكلة بتخصك بقلب بيتك يا ثور وصار في كلام عن طلاق او فراق أو انفصال وهيدي المشكلة تطورت للجدية اكتر صار في حكي كتير ومواجهات كتيرة يا ثور شايفة بفنجانك هيدي المشكلة بدها تنحل بتراضي وقريب جدا بدها ترجع الأمور إلى طبيعتها
الوضع المهني
عندك إنجازات مهمة يا ثور شايفة عندك اجتماع مهم مع مسؤولين مهمين كتير وهيدا الاجتماع بدو يصير في قرارات مهمه بالعمل وبالترقية والمناصب بدك تستلم منصب جديد شايفة عندك نجاح مهم كتير بخص العمل
الوضع المالي
عندك مبلغ مالي كبير بخص هدية او شي خاص بالشريك
الوضع العاطفي
بدك تنهي خلاف كبير مع الشريك شايفة هدية قيمة بدك تقدمها للشريك
بقلب بيتك
الوضع العائلي
صار في قول وضعك مرتاح يا ثور بقلب البيت بدك ترتاح من خلافات مع العيلة والاهل شخصيتك اليوم رايق وهادي ومقابلة مع الشريك
الجوزاء
شو خبرني فنجانك يا جوزاء
عندك شراء سيارة او شي بخصك شايفة عندك مشكلة بتخص هيدا الأمر صار في سؤ تفاهم بينك وبين حدا من الطرف الثاني وهيدي المشكلة بدو يدخل فيها أشخاص من طرفك بدك تخسر مبلغ مالي بخصوص هيدا الأمر وهيدا الشي بيزعجك كتير وبخليك متوتر ومعصب لفترة يا جوزاء
الوضع المهني
ما عندك شي مهم بالعمل إلك فترة بتتجنب المشاركة بأي قرار او مشروع بخص العمل وهيدا الأمر بدو يخليك تعيد كل حسباتك وترتب امورك المهنية
الوضع المالي
امورك المالية للاسف منها جيدة شايفة خسارة مبلغ مالي كبير وهيدا الأمر بيعملك كركبة بوضعك المالي
الوضع العاطفي.
حاول انك ترتب لقاء عاطفي الشريك بيستاهل الاهتمام
بقلب بيتك.
الوضع العائلي
شايفة عندك نقاش حاد مع افراد عيلتك بخصوص مشكلة او شراء شي بخصك
شخصيتك اليوم معصب وتعبان منك مرتاح
السرطان
شو قال فنجانك يا سرطان
ما تكون اناني بأخذ اي قرار بيتعلق بشؤون العائلة والاسره يا سرطان قراراتك السلبية بدها تأثر عليك سلبا وعلى قلب بيتك وبدك تناقش امور كتيرة بتتعلق بالعيلة وهيدا الأمر بيزعج الآخرين
الوضع المهني
عندك مقابلة عمل جديد بتخصك يا سرطان وهيدي المقابلة بدها تكون مع زميل مقرب منك شايفة في مشروع عمل شراكة بينك وبين هيدا الزميل بس ما تتستعجل يا سرطان بدك تدرس المشروع الربح والخسارة
الوضع المالي
بدك تطلب مساعدة ودعم لمشروعك يا سرطان من افراد عيلتك شايفة بدك تستلم مبلغ مالي
الوضع العاطفي
بدو يناقشك الشريك بأمور بتتعلق بالعمل والمال وهيدا النقاش بدو يصير في زعل وخلاف بينك وبين الشريك
بقلب بيتك
الوضع العائلي
امورك مع العيلة والاهل منها منيحة يا سرطان بهيدي الفترة
شخصيتك اليوم
مزعوج ومعصب بتفكر كتير كيف فيك تحل مشاكلك
الأسد
شو بقول فنجانك يا أسد
بدك تنتبه وتكون حذر يا أسد بهيدي الفترة لانو غلطاتك كتار بالأخص مع الشريك وهيدا الشي بدو يأثر على علاقتك مع الشريك صار في مواضيع قديمة بتخصك يا أسد وهيدي المواضيع بدك ترجع تفتحها من جديد بدك تكون حذر بتعاطيك مع الشريك يا أسد شايفة اذا بدك تحافظ على الشريك العاطفي والأشخاص الموجودين بحياتك تكون صريح مع الشريك ومع نفسك يا أسد
الوضع المهني
قريب بدك تستلم عمل او ورقة بتخص العمل وهيدي العمل بدو يكون خارج البلاد وهيدي بدها تكون فرصة إلك
عندك نجاح وتفوق يا أسد
الوضع العاطفي
شايفة في خلاف وتوتر ومخاوف من قبلك انت يا أسد وضعك العاطفي بدو يمر بفترة صعبة ودقيقة
بقلب بيتك
الوضع العائلي
عندك نقاش حاد مع الشريك بخصوص امور كتيرة بتتعلق فيك يا أسد
شخصيتك اليوم
سهرة حلوة مع الأصدقاء
العذراء
شو بقول فنجانك يا عذراء
شايفة بدك تحضر مناسبة بتخص حدا من افراد عيلتك او من المقربين إلك
شايفة أجوائك بدها تكون حلوة
فنجانك حلو يا عذراء شايفة بفنجانك قلب بيهتم فيك
الوضع المهني
بدك تقابل شخص إلك فترة منك شايفو وهيدا الشخص بدو يعرض عليك عمل جديد وهيدا العمل بالبداية بتلاقي صعوبة ومشاكل كتيرة بس شايفة بعدين بدك تستلم منصب مهم بعملك يا عذراء
الوضع المالي
بدك تناقش حدا من افراد عيلتك بخصوص مبلغ مالي انت بحاجة إلى هيدا المال بدك تلاقي الدعم المطلوب يا عذراء
الوضع العاطفي
بتتجنب الشريك بهيدي الايام يا عذراء حتى تحل مشاكلك
بقلب بيتك
الوضع العائلي
امورك مع العيلة كتير منيحة انت ما بتتدخل بأي قرار او مشكلة
شخصيتك اليوم رايق وهادي حابب تكون لحالك
الميزان
شو بقول فنجانك يا ميزان
بدك تستلم اوراق بتخصك وبين هودي الأوراق في كلمة رفض يا ميزان
انت مقدم على شي بخصك وهيدا الأمر للاسف ما بيمشي الحال بدك تنزعج وتعصب وبدك تنفعل بشكل سريع وبدك تراجع حسباتك يا ميزان
الوضع المهني
امورك المهنية صعبة كتير كان في وعود كتيرة بالعمل يا ميزان كلها كانت وعود واهيه وكاذبة من الاول
الوضع المالي.
امورك المالية مكركبة عندك نفقات ودفعات والتزامات كبيرة وضعك صعب بدك ترتب امورك واوضاعك المهنية والمالية ضروري يا ميزان
الوضع العاطفي
الشريك بيهتم بأمورك يا ميزان شايفة داعمك وحدك ما تخلى عنك حاول انك تهتم بالشريك اكتر
بقلب بيتك
الوضع العائلي
بدك تواجه صعوبات كتيرة مع العيلة والاهل بخصوص وضعك المهني والمالي
شخصيتك اليوم
مزعوج وموتر
العقرب
شو بقول فنجانك يا عقرب
عندك زيارة مريض بخصك يا عقرب وبهيدي الزيارة بدك تقابل أشخاص وهودي الأشخاص بدهن يساعدوك او يطرحو عليك عمل جديد بخصك إلك
الوضع المهني
صار في خلاف بينك وبين حدا من الزملاء معك بالعمل وهيدي الخلاف خليك تترك عملك انت اخدت هيدا القرار يا عقرب
بدك تقابل أشخاص وهودي الأشخاص بدك تدخل انت وياهن بعمل مشترك وهيدا العمل بدو ينجح بإذن الله
الوضع المالي
عندك بيع شي بخصك يا عقرب
انت بحاجة إلى أموال وضعك المالي صعب شوية بتحاول انك تجمع مال بخصوص عمل جديد
الوضع العاطفي
حب جديد بحياتك يا عقرب بس مأخر شوية الارتباط
بقلب بيتك
الوضع العائلي
بتتجنب الكل يا عقرب بالأخص من افراد عيلتك
شخصيتك اليوم
زيارة مريض بدك تكون مرتاح وسعيد بالقاء أصدقاء قدماء
القوس
شو بقول فنجانك يا قوس
عندك مفاتيح مهمة يا قوس شايفة مفتاح شقة بتخصك وبتخص الشريك العاطفي وشايفة مفتاح سيارة جديدة ناوي تجيبها قريب بإذن الله شايفة مفتاح عمل جديد بخصك إلك يا قوس
الوضع المهني
بدك تباشر بعمل جديد وهيدا العمل بخصك وانت بتنتمي الو ومبدع بهيدا العمل شايفة قريب كتير بدك تمضي على اوراق مهمة بتخص هيدا العمل وشايفة نجاحك المهني يا قوس
الوضع المالي
امورك تمام الحمدلله انت حريص على مالك كتير بس بشكل عام وضعك المالي كتير جيد
الوضع العاطفي
بدك تستلم مفتاح بيت جديد وهيدا المفتاح بخص الشريك شايفة ارتباط جدي يا قوس
بقلب بيتك
الوضع العائلي
امورك تمام مع الأهل والعيلة بدك تناقش امور بتتعلق بموضوع الارتباط شخصيتك اليوم
مرح وسهرة حلوة واجواء احلى
الجدي
شو بقول فنجانك يا جدي
بدك تتلقى مكالمة هاتفية من حدا من الأقارب يا جدي وهيدي المكالمة بدها تكون خارج البلاد بدك تسمع كلام بخصوص العيلة وهيدا الكلام بدو يعطيك معنويات عالية وبدو يخلي ثقتك بنفسك وبقدراتك يا جدي المكالمة مهمة كتير بالنسبة إلك شايفة بعد هيدا المكالمة بدك تحصل على مبلغ مالي
الوضع المهني
عندك امضاءات كتيرة ومهمه بتخص العمل يا جدي شايفة عندك منصب وزياده بالراتب وشايفة امورك المهنية الحمدلله بخير يا جدي وضعك المهني تمام الحمدلله
الوضع المالي
بدك تستلم مبلغ مالي من الخارج وبدك تستلم هدية من حدا قريب كتير
الوضع العاطفي
إلك فترة مخفف مشاكل مع الشريك شايفة عندك اهتمام خاص بالشريك بقلب بيتك الوضع العائلي
بدك تناقش امور مختلفة مع العيلة وأفراد العيلة والشريك في منها امور جيدة وفيها منها امور كانت زاعجتك
شخصيتك اليوم سهرة حلوة مع بعض الأشخاص عيش حياتك يا جدي
الدلو
شو بقول فنجانك يا دلو
بدك تقدم على سفر بدك تباشر بأوراق رسمية وحكومية بتخصك وبتخص السفر شايفة عندك السفر مأخر يا دلو بدك تنتبه كتير لوضعك
الوضع المهني
بدك تنتبه كتير لوضعك المهني يا دلو وضعك صعب في بعض الأشخاص بحاولو ياذوك بامورك المهنيه للاسف يا دلو قدرو انهن ياذوك بامورك المهنيه حاول انك ترجع ثقتك بنفسك وبقدراتك ترجع علاقاتك مع بعض الزملاء والمسؤولين
الوضع المالي
امورك المالية
بدها تتحسن وقريب جدا شايفة عندك مال
الوضع العاطفي
خليك قريب من الشريك يا دلو الشريك عم بمر بفترة صعبة كتير
بقلب بيتك
الوضع العائلي
بدك تتجنب المشاكل مع الأهل وأفراد العيلة بخصوص امور كتيرة
شخصيتك اليوم
معصب ومزعوج وتعبان كتير
الحوت
شو بقول فنجانك يا حوت
بدك تنهي علاقة عاطفية وهيدي العلاقة كانت غلطة بحياتك يا حوت اجا من وراها وجع الراس وخسارة أشخاص واصدقاء كانو بحياتك
يمكن هيك احسن إلك
الوضع المهني
عندك مشاريع مأجلة يا حوت صار في مشكلة صغيرة بتخص العمل مع حدا من الزملاء وهيدي المشكلة سببت بتأجيل مشاريع بدك تحل هيدي المشكلة والخلاف
الوضع المالي
بدك تطلب مساعدة ودعم من صديق قديم بخصوص مشكلة صارت مع الشريك
الوضع العاطفي
نهاية علاقتك مع الشريك انت تعبت كتير بهيدي العلاقة يا حوت بدك ترتاح
بقلب بيتك
الوضع العائلي
بدك تناقش وضعك وامورك المهنية والمالية والعاطفية مع الأهل
شخصيتك اليوم
بدك تكون لحالك حتى ترتاح وتفكر منيح بامورك يا حوت
أقوال وحكم عن العمل والاجتهاد عبارات تلهمك لتجاوز التحديات العمل والاجتهاد هما أساس النجاح وبناء…
أقوال وحكم عن السعادة والرضا عبارات تلهمك لتعيش حياة أكثر بهجة السعادة والرضا هما الحلم…
أقوال وحكم عن الحب والعلاقات: عبارات تلهمك لفهم أعمق للحياة الحب هو القوة الأعظم التي…
أقوال وحكم عن التفاؤل والطاقة الإيجابية تلهمك لتغيير حياتك هما المفتاحان لتغيير حياتك وتحقيق أحلامك.…
أقوال عن النجاح وحكم تلهمك لتحويل أحلامك إلى حقيقة النجاح والصبر هما وجهان لعملة واحدة؛…
أسباب التهاب المثانة وطرق العلاج والوقاية التهاب المثانة هو حالة شائعة تصيب الجهاز البولي، خاصة…