فنجان الابراج اليوم
قراءة فنجان الابراج اليوم توقعات فنجان الابراج اليوم حصريا من موقع عرب كلوب
تعرفوا على اشهر قارئة فنجان في الوطن العربي
قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو قال فنجانك يا حمل
بدك تحل مشاكل وبدك تواجه صعوبات كتيرة يا حمل في حدا بدو يحملك مشكلة صارت معو وهيدي المشكلة بدها تعملك وجع راس بعدين بدك تناقش هيدي المشكلة مع الشريك وبدو يصير نقاش حاد شايفة بدك تندم كتير يا حمل
الوضع المهني
عندك التزامات بتخص العمل يا حمل وشايفة فيها تعب ومجهود كبير بس كمان شايفة نجاح عندك بدك تنتبه كتير يا حمل اي قرار بيتعلق بشؤون العمل او اي غلطة بدها تكلفك كتير بدك تكون حذر باخد اي قرار
الوضع المالي
بدم نفقات مالية كمان وضعك المالي بخير ما تبخل على حالك ولا على الشريك العاطفي وضعك المالي الحمدالله كتير منيح
الوضع العاطفي
بدو يصير في نقاش حاد مع الشريك بخصوص مشكلة ورطت حالك فيها يا حمل شايفة لازم تأخد خطوة باتجاه الشريك
بقلب بيتك
الوضع العائلي
وضعك بقلب بيتك تمام بدك تناقش امور بتتعلق بمشكلة شايفة بدك تحلها يا حمل
شخصيتك اليوم
معصب بعد الأحيان رايق وهادي
الثور
شو خبرني فنجانك يا ثور
بدك تروق على حالك يا ثور وما تكبر المشكلة انت عم بتواجه مشكلة بتخصك يا ثور وهيدي المشكلة عملتلك قلق ومتاعب كتيرة بتحاول انك تحلها بس ما يكون في حسائر شايفة بدها تنحل هيدي المشكلة بس بدها وقت وبدها جهود كبيرة وبدها صبر يا ثور
الوضع المهني
مأجل كل امورك المهنية واعمالك يا ثور بتفكر بس بحل مشاكلك وهيدي الشي بدو يعكس عليك سلبا يا ثور رتب امورك المهنية بدك تنتبه كتير لوضعك المهني والمالي
الوضع المالي
عم تخسر كتير يا ثور بهيدي الفترة بدك تنتبه وضعك كتير صعب
الوضع العاطفي
خلافك مع الشريك مأثر عليك وعلى شغلك ونجاحك شايفة امورك مع الشريك معقدة بدك تراجع حسباتك يا ثور
بقلب بيتك
الوضع العائلي
مكركب كتير يا ثور بدك تناقش وضعك وامورك مع حدا من افراد عيلتك حدا بدو يدخل بالنقاش اكبر منك سنا شخصيتك اليوم مزعوج ومعصب كتير في أسباب كتير ما بتريحك
الجوزاء
شو خبرني فنجانك يا جوزاء
شايفة عندك مشكلة بقلب بيتك وهيدي المشكلة بدها تخليك تعيد حساباتك وبدك تعيد حساباتك بالاصدقاء يا جوزاء تعرضت لمشكلة للاسف ما لقيت حدا حدك وهيدا الأمر بيزعجك وبخليك تعيد حساباتك من اول وجديد وهيدا الصح يا جوزاء
الوضع المهني
اي قرار بدك تاخد بخصوص العمل بدك تاخدو عن قناعة يا جوزاء ما تخلي غضبك وتعصيبك يخسرك عملك وتعبك ومجهودك شايفة بدك ترتب امورك واوضاعك المهنية يا جوزاء وضعك وامورك المهنية الحمدلله بخير
الوضع المالي
عندك خسارة مالية بتخص مشكلة صارت معك بس شايفة بدك ترجع اقوى من السابق ولو انك بتمر بفترة دقيقة وصعبة
الوضع العاطفي
علاقتك مع الشريك فيها استقرار الشريك العاطفي معك وحدك وداعمك اهتم بالشريك اكتر وكون حدو
بقلب بيتك
الوضع العائلي
بتتحنب الكل يا جوزاء حابب تكون لحالك ومنعزل عن الجميع
شخصيتك اليوم
حابب تكون لحالك حتى ترتب امورك واوضاعك
السرطان
شو بخبرك الفنجان يا سرطان
بدك تفقد غرض او مبلغ مالي او شي بخصك إلك يا سرطان وهيدا الأمر بيزعجك كتير بس للاسف ما بتلاقي هيدا الغرض وهيدا الأمر بخليك تاخد خطوة جادة بخصوص العيلة كلها
الوضع المهني
عندك اجتماع مهم هيدا الاجتماع بكون فجأ يا سرطان بدك تقابل شخص مهم بقلب هيدا الاجتماع وبدك تطرح عليه مشروع عمل جديد ومهم بخصك وهيدا الأمر بدو يتم بإذن الله قول يا رب
الوضع المالي
بدك تستلم مبلغ مالي وهيدا المال لحدا من افراد عيلتك بس بشكل عام وضعك المالي الحمدالله
الوضع العاطفي
شايفة عندك نقاش مع الشريك بخصوص مال او عمل هيدا النقاش بيتنهي بشوية توتر وزعل بس بمر
بقلب بيتك
الوضع العائلي
شايفة جمعة حلوة بقلب بيتك مع العيلة بس بدك تكون مزعوج وبتفكر كتير بغرض فقدتو بقلب بيتك
شخصيتك اليوم سهرة مع الأهل والمقربين إلك رايق
الأسد
شو بخبرك الفنجان يا أسد
بدك تكسر بخاطر حدا من افراد عيلتك بخصوص مبلغ مالي للاسف هيدا المبلغ منو كبير يا أسد
حدا من افراد عيلتك بدو يطلب منك مبلغ مالي بخصوص مرض او شي خاص وبدو يصير في نقاش بقلب بيتك وبدو يصير في مشكلة مع افراد عيلتك يا أسد وبدك تراجع حسباتك وتحاول انك تصلح هيدا الأمر
الوضع المهني
امورك الحمدلله كتير منيحة وضعك المهني عال العال الحمدلله ما في شي زاعجك بالعمل انت ناجح ومتفوق بعملك يا أسد
الوضع المالي
عندك ديون مالية بس الحمد الله عندك مال بدك ترتب امورك واوضاعك المالية قريب كتير بدك ترتاح من ديون متراكمة عليك
الوضع العاطفي
عندك نقاش مع الشريك بخصوص مال بخصك حدا من افراد عيلتك وهيدا النقاش بدو يعمل زعل
بقلب بيتك
الوضع العائلي
رتب امورك مع الشريك وأفراد العيلة يا أسد بالأخص بقلب بيتك
شخصيتك اليوم
بدو يصير نقاش مع الشريك هيدا الأمر بدو يزعجك كتير
العذراء
شو قال فنجانك يا عذراء
خفف تفكير خلي امورك على الله رب العالمين أولى بتدبير امورك يا عذراء
صار معك شي خاص من فترة طويلة انطرح عليك موضوع بخصك وانت او حدا سكر هيدا الأمر بدو يرجع ينفتح هيدا الأمر وبدك تاخد قرار مصيري شايفة بفنجانك في تغير كبير بالنسبة إلك بدك تاخد قرار وهيدا القرار عن قناعه يا عذراء وبدك تكون مرتاح لهيدا القرار
الوضع المهني
تعرضت لظلم يا عذراء بعملك السابق وهيدا الشي بخليك ما تثق بحدا عندك مقابلة عمل جديد وهيدي المقابلة بدها تكون فرصة إلك ولصالحك بدك تنتبه كتير يا عذراء وبدك تكون حذر بتعاطيك مع بعض الزملاء بالعمل الجديد ما تعمل صدقات جديدة اساسا انت من الأشخاص لبكونو حياديين ما بيثقو بالآخرين الا بعد تجارب ومواقف
الوضع المالي
حدا من الأهل بدو يساعدك ويدعمك بأمور بتتعلق بشؤون المال ما بينخاف عليك يا عذراء
الوضع العاطفي
عندك الارتباط تحصيل حاصل يا عذراء بدك تاخد خطوة بخصوص ارتباط جدي بدك تاخد هيدي الخطوة عن قناعة
بقلب بيتك
الوضع العائلي
امورك مع العيلة تمام بس بتتجنب حدا من الأبوين بالأخص بنقاش معو
شخصيتك اليوم
هادي بتفكر بأمور كتير بتتعلق فيك
الميزان
شو قال فنجانك يا ميزان
بدك تمشي بطريق طويل مع أشخاص وهيدا الطريق بدك تقابل شخص انت وياه كان في عداوي ودعاوي قضائية بدك تنهي هيدا الخلاف وبدك تفتح صفحة جديدة مع هيدا الشخص
الوضع المهني
امورك المهنية بخير عم بتحضر لمشروع مهم كتير بخصك هيدا المشروع بدو طاقة وبدو مال
ومجهود ودراسة حتى لا توقع بالفشل يا ميزان
الوضع المالي
بدك تطلب مساعدة ودعم لمشروع عمل بخصك من حدا من الأقارب والأصدقاء بدك تلاقي الدعم المطلوب
الوضع العاطفي
في توتر وزعل بالعلاقة العاطفية انت بآخر فترة منك مرتاح للشريك
بقلب بيتك
الوضع العائلي
نقاش واحكي الأمور متل ما هي وكون صريح مع الأهل
شخصيتك اليوم مزعوج ومعصب بس بعدين بتكون مرتاح رايق
العقرب
شو بقول فنجانك يا عقرب
شايفة عندك دخول إلى دوائر رسمية في عندك أوراق معاملات بتخصك وشهادات وتصديق اوراق مهمة مرتبطة بالدراسة يا عقرب وهيدي الأوراق بدها تعملك تعب ومجهود وشايفة بدك تدخل على وضع مالي صعب شوية
الوضع المهني
مقدم او بدك تقدم على وظيفة ومنصب مهم كتير بمؤسسة مرموقة ومهمة يا عقرب وهيدي الوظيفة بدك تستلمها قريب كتير حدا من المسؤولين بدو يساعدك بالحصول عليها وبدك تثبت فيها كفائتك يا عقرب
الوضع المالي
بدك تمر بفترة دقيقة وصعبة شوية يا عقرب بس فترة بدها تمر بإذن الله
الوضع العاطفي
في حب جديد بحياتك بس انت مطنش هيدا الموضوع بدك تفتح مجال للشريك
بقلب بيتك
الوضع العائلي
امورك العائلية الحمدلله بخير ما في شي يزعجك شخصيتك اليوم رايق وهادي بس تعبان جسديا
القوس
شو قال فنجانك يا قوس
في شي صار بقلب بيتك زاعجك كتير وبخليك معصب قرار او شي بخص عيلتك وهيدا الشي بدو بخليك تتجنب الكل الحواليك
الوضع المهني
وضعك المهني في شوية مشاكل وتوتر وتاجيل بقرارات ومشاريع بتخص العمل وهيدي الشي بيعملك قلق وخوف من اي قرار ممكن يكون في نهاية لعملك بس انا شايفة بفنجانك ما في اي قرار بيتعلق بشؤونك المهنية بالعكس انت ناجح ومتفوق بعملك بس هيدا الأمر ما بيعنيك يا قوس
الوضع المالي
امورك المالية بخير لا معك ولا عليك بدك ترتب أوضاعك المهنية والمالية وبدك تغير مسار حياتك يا قوس
الوضع العاطفي
لقاء عاطفي مع الشريك انت بحاجة لهيدا اللقاء بدو يخفف عنك توتر وقلق وخوف
بقلب بيتك
الوضع العائلي
في شوية مشاكل بقلب بيتك وانت متجنب الكل
شخصيتك اليوم
مزعوج ومعصب كتير وعندك خوف وقلق
الجدي
شو بقول فنجانك يا جدي
حدا من المقربين إلك كتير بدو يشكي من هم وبدها تنزل دمعة هيدا الشخص بدك تتأثر كتير يا جدي
بآخر فترة اكتشفت او بدك تكتشف أشخاص على حقيقتهن وبدك تنصدم بأشخاص واصدقاء بدك تكشف قصة بتخص شخص من المقربين بخصوص مال او دهب او شي وهيدي القصة انت ما بتسكت عنها وبدك تدخل حالك يا جدي شايفة خليك بعيد عن المشاكل وخليك رايق وخلي بالك من نفسك وأفراد عيلتك لانو شايفة الحظ معك والايام بدها تتضحكلك قريب جدا يا جدي بدك تفرح وبدها تنزل دموع الفرح وبدها تفرج عليك وبدها تفتح أبواب كانت مسكرة بوجهك شايفة امورك إلى الأفضـل بإذن الله قول يا معين يا الله
الوضع المهني
بدك تستلم منصب مهم بعملك يا جدي وهيدا الأمر بدو يكون مفاجأه إلك وبدك تاخد قرارات كتير ومهمه وشايفة عندك تكريم من قبل الزملاء والمسؤولين امورك المهنية الحمدلله تمام
الوضع المالي.
عندك التزامات ونفقات بتخص العيلة بدك تستلم رسالة او شي بخص مال بدو يفرجك كتير وضعك المالي الحمدالله بخير
الوضع العاطفي
بدك تتلقى مكالمة هاتفية من الشريك العاطفي شايفة هدية بدك تستلمها قريب
بقلب بيتك
الوضع العائلي
امورك تمام مع العيلة شايفة عندك فرح بقلب بيتك بس ماخر شوي
شخصيتك اليوم
ايامك حلوة يا جدي ما عندك شي زاعجك
الدلو
شو بقول فنجانك يا دلو
بدك تفتح موضوع السفر يا دلو عندك سفر من فترة قدمت على عمل خارج البلاد وهيدي الأمر عملك نقاش وزعل مع الشريك والاهل بدك ترجع تفتح هيدا الموضوع وبدك تاخد قرار بخصوص سفر خارج البلاد وشايفة بفنجانك سفر محتم وبدك تلاقي الدعم المطلوب من الأهل والمقربين إلك
الوضع المهني
امورك المهنية فيها مشاكل كتير وصار في زعل وخلاف بينك وبين حدا من الزملاء والمسؤولين بالعمل اخدت قرار بيتعلق بشؤون العمل شايفة عندك نهاية عقد عمل يا دلو هيدا الصح
الوضع المالي
عندك التزامات ونفقات مالية بتخص شقة او شي خاص بدك تنهي هيدا الأمر
الوضع العاطفي.
وضعك مع الشريك تمام الحمدلله بدك تكون صريح مع الشريك بدك تشرح وضعك وبدك تكون مرتاح لهيدي الخطوة
بقلب بيتك
الوضع العائلي
عندك نقاش مع الأهل بخصوص السفر يا دلو شايفة عندك المعارضين اكتر من الموافقين بهيدي الخطوة
شخصيتك اليوم
سهرة مع الاصدقاء واجواء حلوة
الحوت
شو بخبرك الفنجان يا حوت
بدك تخبر بحدا
مريض او حادث سير او مر بقطوع والله ستر بس بدك تنزعج كتير وبدك تكون بحالة قلق وخوف يا حوت بس الحمدلله الأمور بخير قول الحمدلله وبدك طلع شي لوجه الله تعالى
الوضع المهني
امورك المهنية الحمدلله بخير شايفة بدك تناقش مشروع شغل مهم مع بعض الزملاء وهيدا المشروع بدو يطلعك على الضوء يا حوت
وبدك تكون بالصدارة
الوضع المالي
امورك المالية تمام بدك تطلع شي لوجه الله وبدك تساعد حدا قريب منك بمبلغ مالي وضعك وامورك المالية بخير
الوضع العاطفي
في شوية مشاكل وكركبة بالعلاقة العاطفية بدك تعيد حساباتك من جديد مع الشريك
بقلب بيتك
الوضع العائلي
ملبك ومكركب كتير بقلب البيت بخصوص حدا قريب منك بيتعرض لحادث او مرض بس الحمدلله الأمور بخير
شخصيتك اليوم
معصب وعندك خوف وقلق
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…
abraj alyawm نعرض لكم في هذا المقال أحدث توقعات الأبراج اليومية ونصائح الحظ الفلكي. اكتشف…
توقعات الأبراج اليوم | حظك اليوم - مرحباً بكم في أبرز التوقعات اليومية لجميع الأبراج.…
فنجان الابراج اليوم مع قارئة الفنجان المميزة. انضموا إلينا لاكتشاف ما تخبئه لكم النجوم من…